ᠠᠯᠳᠠᠨ ᠤᠳᠠᠰᠣ ᠰᠢᠭ᠋ ᠨᠠᠮᠤᠷ ᠤᠨ ᠵᠢᠪᠠᠷ ᠰᠡᠩᠭᠢᠨᠡᠬᠦ ᠪᠠᠷ ᠠᠯᠤᠰ ᠤᠨ ᠠᠭᠤᠯᠠᠰ ᠬᠦᠯ ᠠᠯᠳᠠᠵᠦ ᠤᠶᠢᠷᠠ ᠶᠢᠨ ᠳᠤᠯᠤᠭᠠᠳ ᠦᠯᠮᠡᠢ ᠳᠡᠭᠡᠷᠡ ᠪᠠᠨ | ᠦᠨᠳᠡᠯᠵᠡᠬᠦ ᠰᠢᠭ ᠪᠤᠯᠤᠨᠠ᠂ ᠵᠤᠨᠵᠢᠨ ᠪᠡᠶᠡ ᠪᠡᠶᠡ ᠶᠢᠨ ᠢᠶᠠᠨ ᠰᠡᠬᠦᠳᠡᠷ ᠲᠤ ᠴᠢᠬᠢᠯᠳᠦᠭᠰᠡᠨ ᠬᠤᠨᠢᠳ ︽ᠰᠡᠳᠬᠢᠯ ᠨᠢ ᠰᠡᠷᠬᠦᠵᠦ︾ ᠵᠢᠪᠡᠷ ᠪᠡᠷᠢᠨ ᠳᠤᠯᠤᠭᠠᠳ | ᠦᠭᠰᠦᠭᠡᠳ᠂ ᠠᠪᠤ ᠶᠢᠨ ᠨᠤᠮᠤᠬᠠᠨ ᠬᠦᠷᠡᠩ ᠳᠠᠰᠤᠳᠠᠭᠰᠠᠨ ᠡᠪᠡᠰᠦ ᠪᠠᠨ ᠳᠤᠳᠠᠭᠤ ᠵᠠᠵᠢᠯᠡᠵᠦ ᠵᠢᠪᠡᠷ ᠦᠨᠦᠷᠯᠡᠨ ᠰᠠᠨᠠᠭᠠ ᠠᠯᠳᠠᠨᠠ᠃ | ᠮᠠᠨ ᠤ ᠰᠦᠷᠦᠭ ᠲᠤ ᠭᠡᠲᠦᠨ ᠬᠦᠬᠡ ᠢᠮᠠᠭᠠ ᠲᠠᠢ᠂ ᠬᠠᠯᠠᠭᠤᠨ ᠳᠤ ᠴᠦ ᠰᠡᠬᠦᠳᠡᠷ ᠲᠤ ᠵᠤᠭᠰᠤᠬᠤ ᠶᠢ ᠮᠡᠳᠡᠳᠡᠭ ᠦᠭᠡᠢ ᠳᠡᠷᠡ ᠬᠡᠲᠦᠨ ᠠᠮᠢᠳᠠᠨ ᠳᠤ | ᠨᠠᠮᠤᠷ ᠤᠨ ᠵᠢᠪᠠᠷ ᠠᠰᠢᠳᠠᠢ ︽ᠬᠦᠯᠦᠭ︾ ᠪᠤᠯᠵᠦ᠂ ᠦᠵᠡᠵᠦ ᠬᠠᠷᠠᠵᠦ ᠪᠠᠶᠢᠳᠠᠯᠠ ᠦᠨᠳᠦᠷ ᠱᠤᠷᠤᠩ ᠤᠨ ᠬᠢᠷᠡ ᠶᠢ ᠳᠠᠪᠠᠭᠠᠳ ᠠᠯᠠᠭᠠ ᠪᠤᠯᠵᠦ ᠦᠭᠭᠦᠨᠡ᠃ | ᠡᠷᠬᠢᠬᠦᠯᠵᠦ ᠠᠮᠵᠢᠬᠤ ᠮᠠᠶ᠋ᠢᠭᠳᠠᠢ ᠪᠤᠯ ᠠᠪᠤ ᠨᠤᠮᠤᠬᠠᠨ ᠬᠦᠷᠡᠩ ᠢᠶᠠᠨ ᠰᠢᠪᠡᠳᠡᠵᠦ ᠬᠦᠷᠦᠭᠡᠳ ᠡᠩᠭᠡᠷ ᠪᠡᠯ ᠠᠴᠠ ᠳᠤᠤᠭᠠᠷᠴᠦ ᠵᠤᠭᠰᠤᠭᠠᠨᠠ᠂ ᠨᠢᠬᠡᠨᠳᠡ ᠯᠡ | ᠠᠯᠳᠠᠴᠢᠬᠠᠪᠠᠯ ᠨᠤᠮᠤᠬᠠᠨ ᠬᠦᠷᠡᠩ ᠢᠶᠠᠨ ᠴᠤᠮᠤᠵᠦ ᠳᠠᠯᠪᠢᠭᠠᠳ ᠨᠢᠬᠡ ᠶᠡᠭᠡ ᠶᠠᠭᠠᠷᠠᠬᠤ ᠦᠭᠡᠢ ᠬᠤᠶᠢᠨᠠ ᠠᠴᠠ ᠨᠢ ᠠᠭᠠᠵᠢᠭᠤ ᠬᠦᠳᠡᠯᠦᠨᠡ᠃ | ︽ᠠᠭᠤᠯᠠ ᠶᠢᠨ ᠬᠦᠬᠡ ᠢᠮᠠᠭᠠ︾ ᠭᠡᠰᠡᠨ ᠨᠡᠷᠡ ᠴᠦ ᠪᠠᠰᠠ ᠠᠷᠠᠢ ᠵᠦᠬᠡᠷ ᠢᠷᠡᠭᠰᠡᠨ ᠪᠢᠰᠢ ᠰᠢᠦ᠃ | ᠬᠠᠯᠠᠵᠦ ᠬᠠᠯᠠᠵᠦ ᠨᠠᠮᠤᠷ ᠪᠤᠯᠬᠤ ᠪᠠᠷ ᠬᠤᠨᠢᠨ ᠰᠦᠷᠦᠭ ᠦᠳᠡ ᠳᠤᠮᠳᠠ ᠪᠠᠨ ᠴᠦ ᠤᠰᠤᠨ ᠳᠤ ᠤᠷᠤᠬᠤ ᠪᠠᠨ ᠪᠤᠯᠢᠵᠦ ᠪᠦᠲᠦᠨ ᠡᠲᠦᠷᠵᠢᠨ ᠭᠡᠭᠡᠷᠡ ᠶᠢᠨ | ᠨᠠᠷᠠᠨ ᠳᠤ ᠪᠦᠮᠪᠦᠯᠵᠡᠨᠡ᠂ ᠦᠷᠯᠦᠬᠡ ᠤᠷᠮᠠᠳᠠᠢ ᠨᠢ ᠠᠷᠭᠠ ᠦᠭᠡᠢ ᠳᠠᠭᠠᠵᠦ ᠭᠠᠷᠴᠦ ᠢᠷᠡᠭᠰᠡᠨ ︽ᠳᠤᠮᠤ ᠬᠦᠮᠦᠨ︾ — ᠦᠳᠡ ᠪᠤᠯᠳᠠᠯᠠ ᠳᠠᠪᠠᠷᠠᠭᠠᠭᠠᠳ ᠯᠡ | ᠡᠮᠡᠭᠡᠨ ᠨᠡᠷᠡ ᠬᠡᠯᠪᠠᠶᠢᠬᠦ ᠪᠠᠨ ᠮᠡᠷᠳᠡᠨ ᠲᠦᠬᠡᠨᠡᠬᠦ ᠪᠠᠷ ᠨᠦᠢᠷ ᠬᠦᠷᠴᠦ ᠠᠷᠠᠶᠢᠬᠠᠨ ᠭᠠᠩᠬᠤᠨᠠ᠃ ︽ᠬᠤᠨᠢᠳ ᠳᠤᠭᠳᠠᠯᠠ᠂ ᠪᠠᠷᠠᠭᠤᠨ ᠤᠷᠤᠢ ᠳᠤ ᠭᠠᠷᠬᠤ ᠦᠦ᠂ | ᠳᠡᠭᠡᠭᠡᠳ ᠵᠢᠭᠠᠬᠠᠨ ᠳᠤᠭᠬᠢᠭᠡᠳ ᠠᠪ ᠳ᠋ᠠ︾ ᠭᠡᠰᠡᠨ ᠠᠪᠤ ᠶᠢᠨ ᠠᠷᠤ ᠠᠴᠠ ᠭᠡᠯᠳᠤᠷᠢᠵᠦ ᠠᠪᠳᠠᠷᠠᠳᠤ ᠶᠢᠨ ᠤᠷᠤᠢ ᠳᠤ ᠭᠠᠷᠤᠩᠭᠤᠳᠠ ᠪᠠᠨ ᠰᠡᠬᠦᠳᠡᠷ ᠲᠤᠨᠢ | ᠰᠢᠷᠭᠤᠨ ᠤᠩᠬᠤᠯᠢᠭᠠᠳ ᠦᠭᠳᠡᠭ ᠪᠠᠶᠢᠭᠰᠠᠨ ᠮᠢᠨᠢ ᠡᠨᠡᠬᠦᠬᠡᠨ ᠤ ᠯᠡ ᠤᠴᠢᠷ ᠳ᠋ᠠ᠃ ᠳᠡᠶᠢᠨ ᠬᠦ ᠠᠷᠠᠢ ᠬᠢᠵᠦ ᠳᠤᠭᠬᠢᠳᠠᠯᠠ᠄ ︽ᠵᠠ ᠪᠤᠰ᠂ ᠬᠡᠲᠦᠨ ᠮᠠᠭᠤ | ᠭᠤᠳᠤᠷᠤᠩ ᠪᠠᠰᠠ ᠯᠡ ᠦᠨᠳᠤᠷ ᠱᠤᠷᠤᠩ ᠢ ᠴᠢᠭᠯᠡᠭᠡᠳ ᠳᠠᠰᠤᠷᠠᠯᠠ︾ ᠭᠡᠵᠤ ᠠᠪᠤ ᠨᠠᠮᠠ ᠶᠢ ᠰᠡᠷᠡᠭᠡᠵᠦ ︽ᠬᠤᠨᠢᠳ ᠤᠨ ᠢᠶᠠᠨ ᠵᠢᠪᠡᠷ ᠳᠡᠭᠡᠷᠡ ᠨᠢ ᠪᠠᠶᠢᠵᠦ | ᠪᠠᠶᠢᠬᠤ ᠶᠤᠮ ᠰᠢᠦ︾ ᠬᠡᠴᠢᠬᠡᠬᠡᠳ ᠨᠤᠮᠤᠬᠠᠨ ᠬᠦᠷᠡᠩ ᠦᠬᠡᠳᠡ ᠪᠠᠨ ᠠᠯᠬᠤᠳᠠᠭ᠃ ᠨᠤᠮᠤᠬᠠᠨ ᠬᠦᠷᠡᠩ ᠳᠡᠭᠡᠨ ᠮᠤᠷᠳᠠᠭᠠᠳ ᠬᠡᠲᠦᠨ ᠢᠮᠠᠭᠠᠨ ᠤ ᠪᠠᠨ | ᠬᠤᠶᠢᠨᠠ ᠠᠴᠠ ᠱᠤᠭᠰᠢᠭᠤᠯᠬᠤ ᠠᠪᠤ ᠶᠢ ᠬᠠᠷᠠᠭᠠᠳ ᠪᠢ ᠦᠨᠳᠦᠷ ᠱᠤᠷᠤᠩ ᠤᠨ ᠤᠷᠤᠢ ᠳᠤ ᠭᠠᠷᠴᠦ ᠦᠵᠡᠴᠢᠬᠡᠬᠦ ᠰᠠᠨᠠᠭᠠ ᠲᠠᠢ ᠰᠡᠮ ᠠᠷᠦ ᠠᠴᠠ ᠨᠢ ᠳᠡᠭᠳᠡᠭᠰᠡᠨ | ᠶᠤᠮ᠃ | ᠬᠦᠬᠡ ᠢᠮᠠᠭᠠᠳ ᠮᠢᠨᠢ ᠤᠷᠤᠯᠳᠤᠬᠤ ᠰᠢᠭ᠋ ᠤᠷᠢᠲᠦ ᠬᠤᠶᠢᠨᠠ ᠪᠠᠨ ᠭᠠᠷᠤᠨ ᠬᠢᠷᠡ ᠳᠡᠪᠡᠵᠦ ᠪᠡᠷᠡ ᠳᠠᠰᠤᠷᠠᠬᠤ ᠪᠠᠷ ᠠᠪᠤ ᠨᠤᠮᠤᠬᠠᠨ ᠬᠦᠷᠡᠩ ᠢᠶᠠᠨ | ᠴᠤᠮᠤᠵᠦ ᠳᠠᠯᠪᠢᠴᠢᠬᠠᠭᠠᠳ ᠠᠭᠠᠵᠢᠮᠬᠠᠨ ᠪᠠᠯ ᠦᠭᠰᠦᠯᠡ᠂ ᠲᠦᠳᠡᠯ ᠦᠭᠡᠢ ᠠᠪᠤ ᠴᠦ ᠪᠠᠰᠠ ᠬᠢᠷᠡ ᠳᠠᠪᠠᠵᠦ ᠠᠯᠠᠭᠠ ᠪᠤᠯᠤᠭᠠᠳ ᠠᠶᠠᠰ ᠤᠨ ᠵᠢᠪᠡᠷ ᠠᠭᠤᠯᠠ ᠶᠢᠨ | ᠳᠤᠯᠤᠭᠠᠢ ᠶᠢ ᠠᠶᠠᠷᠬᠠᠨ ᠭᠠᠩᠬᠤᠭᠤᠯᠵᠦ ᠡᠬᠢᠯᠡᠪᠡ᠃ ᠬᠤᠯᠠ ᠠᠴᠠ ᠬᠠᠷᠠᠪᠠᠯ ᠨᠠᠮᠬᠠᠨ ᠬᠦᠬᠡ ᠤᠷᠤᠢ ᠯᠡ ᠬᠠᠷᠠᠭᠳᠠᠳᠠᠭ ᠴᠦ ᠬᠤᠷᠮᠤᠢ ᠳᠤᠨᠢ ᠬᠦᠷᠪᠡᠯ ᠳᠡᠬᠦᠨ ᠰᠢᠭ | ᠰᠦᠷᠳᠡᠢ ᠠᠭᠤᠯᠠ ᠴᠦᠬᠡᠨ᠂ ᠵᠠᠮ ᠴᠦ ᠤᠯᠳᠠᠬᠤ ᠦᠭᠡᠢ ᠪᠤᠯᠵᠦ ᠢᠷᠡᠭᠰᠡᠨ ᠮᠦᠷ ᠢᠶᠠᠨ ᠠᠯᠳᠠᠴᠢᠬᠠᠭᠠᠳ ᠪᠢ ᠳᠠᠭᠤ ᠳᠠᠯᠪᠢᠨ ᠤᠬᠢᠯᠠᠭᠰᠠᠨ ᠰᠠᠨ᠂ ᠪᠡᠶᠡ | ᠰᠡᠳᠬᠢᠯ ᠢ ᠪᠠᠷᠠᠭᠠᠨ ᠠᠶᠢᠳᠠᠰ ᠨᠦᠮᠦᠷᠴᠦ ᠡᠷᠢᠶᠡᠨᠳᠦᠭᠰᠡᠨ ᠬᠤᠭᠤᠯᠠᠢ ᠪᠠᠷ ︽ᠠᠪᠤ ᠡ︾ ᠭᠡᠵᠤ ᠳᠠᠭᠤᠳᠠᠳᠠᠯᠠ ᠳᠡᠷᠳᠡᠭᠡ ᠬᠢᠷᠡ ᠠᠴᠠ ᠴᠤᠤᠷᠢᠶᠠ ᠡᠬᠦᠰᠴᠦ ︽ᠠᠪᠤ | ᠡ︾ ᠭᠡᠵᠤ ᠳᠠᠪᠳᠠᠨᠠ᠃ ᠨᠢᠲᠦᠨ ᠳᠤ ᠨᠢᠯᠪᠤᠰᠣ ᠲᠦᠬᠦᠷᠦᠬᠡᠳ ᠭᠠᠭᠴᠠᠭᠠᠷ ᠤᠷᠬᠢᠭᠳᠠᠭᠰᠠᠨ ᠠᠶᠤᠮᠰᠢᠭ ᠢ ᠪᠢ ᠠᠩᠬᠠ ᠳᠡᠭᠡᠵᠦ ᠡᠰ ᠪᠦᠬᠦᠨ ᠢᠶᠠᠷ ᠢᠶᠠᠨ | ᠮᠡᠳᠡᠷᠡᠭᠰᠡᠨ ᠪᠢᠯᠡ᠃ | ᠁ | ᠬᠦᠶᠦᠬᠡ ᠴᠤᠭᠯᠠᠭᠤᠯᠵᠦ ᠬᠦᠶᠦᠭᠰᠡᠨ ᠳᠠᠷᠪᠠᠭᠠ ᠬᠡᠦᠬᠡᠳ ᠤᠬᠢᠯᠠᠬᠤ ᠳᠠᠭᠤ ᠪᠠᠷ ᠵᠤᠭᠰᠤᠰᠬᠢᠵᠦ ᠦᠨᠳᠡᠶᠢᠨ ᠴᠢᠩᠨᠠᠪᠠ᠂ ᠬᠦᠬᠡᠷᠦᠬᠦᠢ ᠡ᠂ ᠮᠦᠨᠳᠤᠯ ᠮᠢᠨᠢ | ᠰᠢᠭ ᠨᠢᠯᠬᠠ ᠠᠮᠢᠳᠠᠨ ᠶᠤᠮ ᠪᠢᠯᠡ ᠦᠦ ᠭᠡᠵᠤ ᠲᠦᠳᠡᠭᠡᠯᠵᠡᠭᠰᠡᠨ ᠳᠠᠷᠪᠠᠭᠠ ᠴᠤ ᠬᠤᠰᠬᠢᠷᠴᠦ ᠦᠵᠡᠯᠡ᠃ ︽ᠦᠭᠡᠢ ᠶᠡᠷᠦ ᠨᠢ ᠳᠡᠶᠢᠮᠦ ᠴᠡᠭᠡᠯ ᠰᠠᠶᠢᠬᠠᠨ ᠳᠠᠭᠤ | ᠭᠠᠷᠬᠤ ᠦᠭᠡᠢ ᠨᠢ ᠡ︾ ᠭᠡᠵᠤ ᠪᠤᠳᠤᠯᠭᠠᠰᠢᠷᠠᠭᠰᠠᠨ ᠢᠶᠠᠨ ᠳᠠᠷᠪᠠᠭᠠ ᠳᠤᠩ ᠴᠢᠮᠡᠭᠡ ᠦᠭᠡᠢ ᠡᠷᠬᠢ ᠳᠠᠮᠵᠢᠨ ᠤᠶᠢᠷᠠᠳᠴᠦ ᠠᠵᠢᠡᠡᠯᠠᠪᠠᠯ ᠨᠢᠲᠦᠨ ᠠᠴᠠ ᠪᠠᠨ ᠳᠤᠮᠤ | ᠳᠤᠮᠤ ᠨᠢᠯᠪᠤᠰᠣ ᠪᠦᠮᠪᠦᠷᠢᠬᠦᠯᠦᠭᠰᠡᠨ ᠵᠢᠷᠭᠤᠭᠠ ᠳᠤᠯᠤᠭᠠᠨ ᠨᠠᠰᠣᠨ ᠤ ᠲᠦᠯᠦᠪᠳᠠᠢ ᠵᠢᠭᠠᠯ ᠬᠦᠦ ︽ᠠᠪᠤ ᠡ︾ ᠭᠡᠵᠤ ᠳᠠᠭᠤᠳᠠᠨ ᠮᠡᠭᠰᠢᠬᠦᠯᠵᠦ ᠪᠠᠶᠢᠭᠰᠠᠨ ᠰᠠᠨᠵᠠᠢ | ᠃ | ︽ᠬᠡᠦᠬᠡᠳ᠂ ᠦᠭᠡᠢ᠂ ᠬᠦᠮᠦᠨ ᠭᠠᠶᠢᠬᠠᠯᠳᠠᠢ ᠶᠤᠮ ᠡ︾ ᠭᠡᠵᠤ ᠳᠠᠷᠪᠠᠭᠠ ᠳᠤᠳᠤᠷᠡ ᠪᠠᠨ ᠳᠠᠭᠤ ᠠᠯᠳᠠᠯᠠ᠃ ᠳᠠᠭᠤᠯᠠᠬᠤ ᠤᠬᠢᠯᠠᠬᠤ ᠬᠤᠶᠠᠷ ᠤᠨ | ᠴᠤᠬᠤᠮ ᠠᠯᠢ ᠨᠢ ᠰᠠᠶᠢᠬᠠᠨ ᠢ ᠳᠡᠷᠡ ᠬᠡᠷᠬᠢᠨ ᠮᠡᠳᠡᠬᠦ ᠪᠢᠯᠡ᠂ ᠬᠠᠵᠠᠭᠤ ᠡᠷᠬᠢᠨ ᠤ ᠬᠠᠯᠢᠭᠤᠨ ᠡᠪᠡᠰᠦᠨ ᠳᠤ ᠳᠠᠯᠳᠠᠯᠠᠵᠦ ᠤᠳᠠᠭᠠᠨ ᠭᠡᠭᠴᠢ ᠨᠢ ᠬᠠᠷᠠᠪᠠ᠂ | ᠵᠢᠵᠢᠭᠬᠡᠨ ᠭᠠᠷ ᠢᠶᠠᠷ ᠢᠶᠠᠨ ᠨᠢᠯᠪᠤᠰᠣ ᠪᠠᠨ ᠵᠦᠯᠬᠦᠨ ᠵᠦᠯᠬᠦᠨ ᠮᠡᠭᠰᠢᠬᠦ ᠵᠢᠭᠠᠯ ᠬᠦᠦ ᠳᠡᠬᠦᠨ ᠢ ᠤᠭᠳᠤᠬᠠᠨ ᠴᠦ ᠠᠩᠵᠠᠭᠠᠷᠠᠭᠰᠠᠨ ᠰᠢᠨᠵᠢ ᠦᠭᠡᠢ᠂ ᠠᠭᠤᠯᠠ ᠶᠢᠨ | ᠪᠡᠯ ᠦᠬᠡᠳᠡ ᠰᠢᠷᠳᠡᠨ ᠨᠢᠭᠡ ᠯᠡ ᠬᠡᠪ ᠢᠶᠠᠷ ︽ᠠᠪᠤ ᠡ︾ ᠭᠡᠵᠤ ᠴᠠᠩᠭᠢᠨᠠᠨ ᠳᠠᠭᠤᠳᠠᠨᠠ᠃ ︽ᠶᠠᠮᠠᠷ ᠬᠦᠬᠡᠷᠦᠬᠦᠨ ᠪᠤᠪ ᠪᠤᠷᠤ ᠠᠮᠢᠳᠠᠨ ᠶᠤᠮ ᠪᠤᠢ︾ ᠭᠡᠵᠤ | ᠳᠠᠷᠪᠠᠭᠠ ᠦᠨᠳᠡᠶᠢᠰᠬᠢᠨ ᠬᠤᠰᠬᠢᠷᠴᠦ ᠦᠵᠡᠪᠡ᠃ | ᠢᠩᠭᠢᠵᠦ ᠮᠦᠨᠳᠤᠯ ᠢᠶᠠᠨ ᠦᠬᠡᠶᠢᠯᠡᠭᠰᠡᠨ ᠳᠠᠷᠪᠠᠭᠠ ᠪᠠᠷᠤᠭ ᠯᠡ ᠬᠦᠦ ᠶᠢᠨ ᠬᠦᠯ ᠳᠤᠤᠷᠡ ᠢᠷᠡᠴᠢᠬᠡᠭᠰᠡᠨ ᠰᠠᠨ᠂ ︽ᠡᠨᠡ ᠬᠦᠨᠳᠡᠢ ᠳᠤ ᠨᠢᠲᠦ ᠨᠡᠭᠡᠭᠡᠭᠰᠡᠨ | ᠴᠠᠭ ᠠᠴᠠ ᠪᠠᠨ ᠨᠠᠮᠤᠷ ᠨᠠᠮᠤᠷ ᠬᠦᠶᠦᠬᠡ ᠴᠤᠭᠯᠠᠭᠤᠯᠤᠨ ᠬᠦᠶᠦᠵᠦ ᠨᠠᠷᠠᠨ ᠤ ᠳᠤᠤᠷᠡ ᠦᠢᠯᠡ ᠶᠢᠨ ᠦᠷᠡ ᠦᠭᠡᠢ ᠰᠠᠶᠢᠬᠠᠨ ᠦᠷᠡᠰ ᠢᠶᠠᠨ ᠦᠰᠭᠡᠭᠰᠡᠨ ᠪᠢᠯᠡ᠃ | ᠡᠭᠡᠭ ᠳᠠᠭᠤ ᠳᠠᠯᠪᠢᠨ ᠵᠤᠭᠰᠤᠭᠠ ᠡᠨᠡ ᠪᠤᠪ ᠪᠤᠷᠤ ᠠᠮᠢᠳᠠᠨ᠂ ᠳᠡᠷᠭᠡᠳᠡ ᠪᠦᠮᠪᠦᠭᠡᠨᠡᠵᠦ ᠪᠠᠶᠢᠳᠠᠭ ᠮᠦᠨᠳᠤᠯ ᠲᠠᠢ ᠮᠢᠨᠢ ᠶᠠᠮᠠᠷ ᠠᠳᠠᠯᠢᠬᠠᠨ ᠪᠤᠢ︾ ᠭᠡᠳ ᠳᠠᠷᠪᠠᠭᠠ | ᠬᠦᠯ ᠢᠶᠠᠨ ᠬᠦᠩᠭᠡᠭᠡᠨ ᠵᠦᠭᠡᠭᠡᠵᠦ ᠡᠷᠬᠢ ᠶᠢᠨ ᠡᠪᠡᠰᠦᠨ ᠠᠴᠠ ᠴᠡᠭᠡᠵᠢ ᠪᠠᠨ ᠦᠴᠦᠬᠡᠨ ᠴᠤᠬᠤᠶᠢᠯᠭᠠᠯᠠ᠃ | ᠬᠦᠦ ᠳᠤ ᠳᠡᠬᠦᠨ ᠢ ᠬᠠᠷᠠᠬᠤ ᠰᠦᠬᠦᠬᠡ ᠪᠠᠶᠢᠭᠰᠠᠨ ᠦᠭᠡᠢ᠂ ᠡᠮᠡᠭᠡᠨ ᠨᠠᠷᠠ ᠬᠦᠯᠪᠡᠷᠢᠭᠰᠡᠨ ᠦᠨᠳᠤᠷ ᠱᠤᠷᠤᠩ ᠤᠨ ᠤᠷᠤᠢ ᠦᠬᠡᠳᠡ ᠬᠤᠶᠠᠷ ᠭᠠᠷ ᠢᠶᠠᠨ | ᠵᠠᠩᠭᠠᠨ ᠰᠠᠷᠠᠪᠴᠢᠯᠠᠵᠦ ᠠᠪᠤ ᠪᠠᠨ ᠳᠠᠭᠤᠳᠠᠭᠰᠠᠭᠠᠷ ᠠᠪᠠᠢ᠃ ︽ᠶᠠᠭ ᠯᠡ ᠮᠦᠨᠳᠤᠯ ᠮᠢᠨᠢ ᠁︾ ᠭᠡᠵᠤ ᠳᠠᠷᠪᠠᠭᠠ ᠳᠠᠭᠤ ᠠᠯᠳᠠᠭᠠᠳ ᠤᠬᠤᠰᠬᠢᠨ ᠵᠠᠪᠳᠤᠪᠠ᠂ | ︽ᠦᠭᠡᠢ᠂ ᠡᠨᠡ ᠬᠦᠮᠦᠨ ᠭᠡᠭᠴᠢ ᠭᠠᠶᠢᠬᠠᠯᠳᠠᠢ ᠰᠢᠦ︾ ᠬᠡᠴᠢᠬᠡᠬᠡᠳ ᠡᠪᠡᠳᠦᠭᠰᠡᠨ ᠵᠢᠷᠦᠬᠡ ᠪᠠᠨ ᠡᠭᠡᠯᠢᠲᠦ ᠭᠠᠵᠠᠷ ᠲᠤ ᠨᠠᠭᠠᠨ ᠡᠷᠬᠢᠵᠦ ᠬᠡᠰᠡᠭᠬᠡᠨ ᠬᠡᠪᠳᠡᠯᠡ᠃ | ᠳᠡᠭᠡᠭᠡᠳ ᠦᠷᠦᠪᠳᠤᠯᠳᠡᠢ ᠤᠷᠳᠤ ᠪᠠᠷ ᠬᠤᠰᠬᠢᠷᠪᠠᠯ ᠦᠶᠡᠰᠬᠡᠨ ᠵᠢᠪᠡᠷ ᠰᠡᠪᠡᠯᠵᠡᠵᠦ ᠢᠷᠡᠭᠡᠳ ᠬᠠᠯᠢᠭᠤᠨ ᠡᠪᠡᠰᠦ ᠶᠢ ᠨᠢᠬᠡᠨ ᠵᠢᠭᠳᠡ ᠬᠠᠯᠢᠭᠤᠯᠪᠠᠢ᠃ | ᠁ | ᠠᠯᠳᠠᠨ ᠤᠳᠠᠰᠣ ᠰᠢᠭ᠋ ᠨᠠᠮᠤᠷ ᠤᠨ ᠵᠢᠪᠡᠷ ᠰᠡᠩᠭᠢᠨᠡᠬᠦ ᠪᠠᠷ ᠠᠩᠭᠢᠳᠠ ᠦᠬᠡᠷᠡ ᠨᠢᠬᠡ ᠠᠮᠳᠠ ᠰᠡᠳᠬᠢᠯ ᠳᠤ ᠠᠮᠳᠠᠯᠠᠭᠳᠠᠬᠤ ᠰᠢᠭ᠋ ᠪᠤᠯᠳᠠᠭ ᠪᠢᠯᠡ᠃ ᠠᠶᠢᠳᠠᠰ | ᠠᠶᠤᠮᠰᠢᠭ ᠠᠴᠠ ᠪᠤᠯᠵᠦ ᠤᠬᠢᠯᠠᠵᠦ ᠳᠠᠭᠤᠯᠠᠬᠤ ᠪᠢᠰᠢ᠂ ᠠᠶᠠᠨᠳᠠᠭᠠᠨ ᠨᠢᠯᠪᠤᠰᠣ ᠲᠦᠬᠦᠷᠦᠭᠡᠳ ᠢᠷᠡᠬᠦ ᠳᠤᠬᠢᠶᠠᠯᠳᠤᠯ ᠴᠦ ᠪᠠᠶᠢᠳᠠᠭ᠃ ᠬᠦᠬᠡ ᠢᠮᠠᠭᠠ ᠪᠠᠨ | ᠡᠷᠬᠢᠬᠦᠯᠬᠦ ᠪᠠᠷ ᠶᠠᠪᠤᠭᠰᠠᠨ ᠠᠪᠤ ᠠᠴᠠ ︽ᠬᠤᠴᠤᠷᠴᠢᠬᠠᠭᠠᠳ︾ ᠠᠭᠤᠯᠠ ᠴᠤᠤᠷᠢᠶᠠᠳᠤᠭᠤᠯᠤᠨ ᠤᠬᠢᠯᠠᠵᠦ ᠵᠤᠭᠰᠤᠭᠰᠠᠨ ᠠᠴᠠ ᠬᠤᠶᠢᠰᠢ᠂ ᠮᠡᠳᠡᠭᠡᠵᠢ ᠪᠠᠰᠠ ᠤᠯᠠᠨ | ᠴᠦ ᠤᠳᠠᠭᠠ ᠮᠡᠭᠰᠢᠬᠦᠯᠦᠭᠰᠡᠨ ᠯᠡ ᠳ᠋ᠠ — ᠭᠡᠳᠡᠯᠡ ᠴᠡᠭᠡᠵᠢᠯᠡᠭᠳᠡᠵᠦ ᠦᠯᠡᠳᠡᠭᠰᠡᠨ ᠨᠢ ᠴᠦᠬᠡᠨ ᠠᠴᠠ ᠴᠦᠬᠡᠨ᠃ | ᠪᠢ ᠨᠤᠳᠤᠭ ᠤᠨ ᠰᠢᠷᠡ ᠵᠠᠮ ᠢᠶᠠᠷ ᠭᠡᠷ ᠦᠬᠡᠳᠡ ᠪᠠᠨ ᠠᠯᠬᠤᠵᠦ ᠶᠠᠪᠤᠭᠰᠠᠨ ᠶᠤᠮ᠂ ᠤᠳᠠᠵᠦ ᠤᠳᠠᠵᠦ ᠨᠤᠳᠤᠭ ᠲᠠᠭᠠᠨ ᠬᠠᠷᠢᠬᠤ ᠶᠢᠨ ᠰᠠᠶᠢᠬᠠᠨ ᠢ | ᠶᠠᠭᠤ ᠲᠠᠢ ᠵᠦᠢᠷᠯᠡᠨᠡᠮ ᠪᠤᠢ᠂ ᠠᠶᠠᠰ ᠤᠨ ᠵᠢᠪᠡᠷ ᠠᠭᠤᠯᠠᠰ ᠤᠨ ᠤᠷᠤᠢ ᠶᠢ ᠳᠡᠭᠷᠢ ᠦᠬᠡᠳᠡ ᠬᠡᠶᠢᠷᠭᠡᠬᠦᠯᠵᠦ ᠠᠯᠳᠠᠨ ᠨᠠᠷᠠᠨ ᠤ ᠰᠢᠭᠤᠷᠭᠠ ᠡᠭᠡ ᠭᠠᠵᠠᠷ ᠢ | ᠦᠨᠳᠡᠯᠵᠡᠬᠦᠯᠦᠨ ᠵᠢᠷᠢᠯᠵᠡᠬᠦᠯᠦᠨᠡ᠃ ᠳᠡᠷᠳᠡᠭᠡ ᠳᠤᠯᠤᠭᠠᠳ ᠤᠨ ᠬᠤᠷᠮᠤᠢ ᠳᠤ ᠪᠡᠯᠴᠢᠭᠰᠡᠨ ᠬᠤᠨᠢᠨ ᠰᠦᠷᠦᠭ ᠵᠢᠪᠡᠷ ᠪᠠᠷᠢᠨ ᠬᠦᠳᠡᠯᠬᠦ ᠰᠢᠭ ᠪᠤᠯᠳᠠᠯᠠ | ᠳᠡᠷᠭᠡᠳᠡ ᠠᠴᠠ ᠨᠢ ᠮᠤᠷᠢᠳᠠᠢ ᠬᠦᠮᠦᠨ ᠬᠦᠳᠡᠯᠵᠦ ᠬᠤᠰᠢᠭᠤᠷᠠᠭᠰᠠᠨ ᠲᠦᠷᠦᠬᠦᠴᠢ ᠶᠢ ᠨᠢ ᠳᠠᠷᠤᠰᠬᠢᠭᠡᠳ ᠪᠠᠭᠤᠵᠦ ᠮᠤᠷᠢ ᠪᠠᠨ ᠬᠦᠲᠦᠯᠦᠨ ᠠᠯᠬᠤᠪᠠ᠂ ᠰᠠᠯᠬᠢᠨ ᠤ | ᠦᠵᠦᠬᠦᠷ ᠴᠢᠩᠨᠡᠨ ᠰᠡᠳᠬᠢᠯ ᠨᠢ ᠬᠤᠪᠢᠶᠠᠭᠳᠠᠭᠰᠠᠨ ᠮᠤᠷᠢ ᠴᠢᠷᠦᠭᠳᠡᠰᠬᠢᠨ ᠬᠡᠯᠳᠤᠷᠢᠨᠠ᠃ | ᠡᠪᠡᠰᠦᠨ ᠤ ᠰᠤᠷ ᠦᠷᠡᠯᠡᠵᠦ ᠰᠢᠯᠪᠢ ᠨᠢ ᠮᠡᠳᠡᠭᠳᠡᠮᠡ ᠰᠢᠭᠤᠭᠳᠠᠭᠠᠳ ᠦᠶᠡ ᠦᠶᠡ ᠱᠤᠤᠬᠢᠨ ᠬᠠᠯᠢᠬᠤ ᠳᠤ ᠨᠢ ᠦᠷᠬᠡᠨ ᠪᠠᠶᠢᠭᠠᠯᠢ ᠶᠢᠨ ᠦᠨᠦᠷ ᠴᠡᠭᠡᠵᠢ | ᠲᠦᠬᠦᠷᠭᠡᠬᠦ ᠠᠵᠢ᠃ ᠡᠨᠡ ᠪᠠᠶᠢᠭᠠᠯᠢ ᠶᠢᠨ ᠨᠠᠷᠠ ᠰᠠᠯᠬᠢ᠂ ᠡᠪᠡᠰᠦ ᠴᠡᠴᠡᠭ ᠨᠠᠮᠤᠷ ᠪᠤᠯᠬᠤ ᠪᠠᠷ ᠦᠪᠡᠷᠮᠢᠴᠠ ᠦᠩᠭᠡ ᠲᠦᠷᠬᠦ ᠲᠠᠢ ᠪᠤᠯᠵᠦ ᠰᠡᠳᠬᠢᠯ ᠤᠷᠤᠭᠤ | ᠨᠡᠪᠳᠡᠷᠡᠳᠡᠭ ᠪᠢᠯᠡ᠂ ᠡᠮᠡᠭᠡᠨ ᠨᠠᠷᠠᠨ ᠤ ᠰᠢᠭᠤᠷᠭᠠ ᠲᠦᠷᠡᠯᠵᠡᠨ ᠲᠦᠷᠡᠯᠵᠡᠭᠰᠡᠭᠡᠷ ᠡᠪᠦᠬᠡᠨ ᠠᠭᠤᠯᠠᠰ ᠢ ᠤᠯᠠᠮ ᠯᠡ ᠪᠤᠳᠤᠯ ᠳᠤ ᠤᠨᠠᠭᠠᠨᠠ᠂ ᠷᠢᠲᠢ ᠰᠢᠲᠢ ᠶᠢᠨ | ᠬᠦᠴᠦ ᠪᠠᠷ ᠠᠮᠢᠳᠠᠨ ᠭᠤᠤᠯᠳᠠᠨ᠂ ᠡᠪᠡᠰᠦ ᠤᠷᠭᠤᠮᠠᠯ ᠢ ᠡᠩᠰᠡᠷᠡᠬᠦᠯᠦᠨ ᠰᠠᠨᠠᠭᠠᠰᠢᠷᠠᠭᠤᠯᠬᠤ ︽ᠡᠷᠪᠡᠭᠡᠷᠭᠡᠨ︾ ᠰᠠᠯᠬᠢᠨ ᠤ ᠬᠢᠨᠢ ᠦᠵᠦᠬᠦᠷ ᠢ ᠨᠡᠩ ᠶᠠᠭᠠᠬᠢᠨᠠᠮ ᠡ᠃ | | ᠡᠪᠡᠰᠦ ᠨᠤᠭᠤᠭᠠ ᠡᠨᠡ ᠮᠦᠴᠠ ᠳᠤ ᠨᠡᠩ ᠭᠠᠶᠢᠬᠠᠯᠳᠠᠢ ᠪᠤᠯᠳᠠᠭ᠂ ᠳᠠᠪᠳᠠᠭᠳᠠᠰᠢ ᠦᠭᠡᠢ ᠨᠢᠭᠡ ᠵᠦᠢᠯ ᠤᠨ ᠴᠡᠩᠭᠡᠷ ᠦᠩᠭᠡ ᠪᠠᠷ ᠠᠶᠠᠷᠬᠠᠨ ︽ | ᠬᠡᠷᠡᠯᠲᠦᠬᠡᠳ︾ ᠠᠭᠤᠯᠠᠰ ᠤᠨ ᠤᠷᠬᠢᠯ᠂ ᠳᠤᠯᠤᠭᠠᠳ ᠤᠨ ᠤᠷᠤᠢ ᠦᠬᠡᠳᠡ ᠳᠡᠭᠳᠡᠷᠡᠨ ᠳᠡᠮᠡᠦᠯᠬᠦ ᠰᠢᠭ ᠰᠠᠨᠠᠭᠳᠠᠳᠠᠭ ᠰᠠᠨ᠂ ᠠᠮᠠᠷ ᠦᠯᠦ ᠠᠩᠵᠠᠭᠠᠷᠠᠭᠳᠠᠬᠤ | ᠳᠡᠶᠢᠮᠦ ᠶᠡᠷᠦ ᠪᠤᠰᠣ ᠶᠢᠨ ᠴᠡᠩᠭᠡᠷ ᠦᠩᠭᠡ ᠶᠢ ᠠᠭᠤᠯᠠᠰ ᠤᠨ ᠨᠠᠮᠤᠷ ᠯᠡ ᠪᠦᠲᠦᠬᠡᠵᠦ ᠴᠢᠳᠠᠳᠠᠭ ᠶᠤᠮ ᠪᠢᠯᠡ᠃ | ᠵᠠᠮ ᠤᠨ ᠴᠢᠯᠠᠭᠤ ᠨᠢ ᠴᠦ ᠪᠦᠷᠲᠦ᠋ᠢᠨ ᠬᠦᠯᠢᠶᠡᠭᠰᠡᠭᠡᠷ ᠪᠠᠶᠢᠭᠰᠠᠨ ᠶᠤᠮ ᠰᠢᠭ᠋ ᠪᠤᠳᠤᠭᠳᠠᠬᠤ ᠨᠤᠳᠤᠭ ᠤᠨ ᠳᠤᠯᠤᠭᠠᠳ ᠢ ᠦᠭᠰᠦᠵᠦ ᠤᠷᠤᠢ ᠳᠤᠨᠢ ᠭᠠᠷᠪᠠᠯ | ᠤᠭᠳᠠᠷᠭᠤᠢ ᠶᠢᠨ ᠴᠡᠭᠡᠯ ᠠᠴᠠ ᠰᠠᠳᠠᠷᠠᠭᠰᠠᠨ ᠭᠡᠮᠡᠷ ᠤᠮᠳᠠ ᠶᠢ ᠳᠠᠶᠢᠯᠤᠮᠠ ᠳᠡᠯᠠᠮᠡᠨ ᠰᠠᠯᠬᠢ ᠨᠢᠲᠦᠨ ᠳᠤ ᠨᠢᠯᠪᠤᠰᠣ ᠡᠷᠬᠢᠳᠡᠯᠡ ︽ᠦᠶᠡᠷᠯᠡᠵᠦ︾ ᠦᠭᠭᠦᠨᠡ᠃ | ᠦᠪᠡᠷ ᠲᠤ ᠮᠢᠨᠢ ᠤᠯᠳᠠᠭᠰᠠᠨ ᠨᠢ ᠶᠠᠭᠤ ᠪᠢᠯᠡ ᠭᠡᠵᠤ ᠦᠬᠡᠶᠢᠯᠡᠬᠦ ᠪᠢᠰᠢ᠂ ᠦᠯᠡᠳᠡᠭᠰᠡᠨ ᠮᠢᠨᠢ ᠶᠠᠭᠤ ᠪᠢᠯᠡ ᠭᠡᠵᠤ ᠰᠠᠨᠠᠭᠠᠰᠢᠷᠠᠬᠤ ᠦᠶᠡ ᠳᠤ ᠯᠡ ᠡᠨᠡ ᠡᠬᠡᠯᠬᠡᠨ | ᠪᠠᠶᠢᠭᠠᠯᠢ ᠶᠢᠨ ᠢᠶᠠᠨ ᠦᠩᠭᠡ ᠦᠨᠦᠷ ᠢ ᠴᠦ ᠦᠷᠢᠰᠦᠨ ᠬᠠᠷᠠᠮᠨᠠᠬᠤ ᠰᠡᠳᠬᠢᠯ ᠲᠦᠷᠦᠨᠡᠮ᠃ | ᠪᠢ ᠰᠢᠷᠡ ᠵᠠᠮ ᠤᠨ ᠦᠵᠦᠬᠦᠷ ᠢ ᠬᠠᠷᠠᠵᠦ ᠤᠬᠢᠯᠠᠵᠦ ᠶᠠᠪᠤᠭᠰᠠᠨ ᠢᠶᠠᠨ ᠤᠬᠠᠭᠠᠷᠠᠭᠠᠳ ᠦᠨᠳᠤᠷ ᠱᠤᠷᠤᠩ ᠤᠨ ᠬᠤᠷᠮᠤᠢ ᠳᠤ ᠬᠢ ᠰᠡᠷᠢᠬᠦᠨ ᠪᠤᠯᠳᠤᠭ | ᠳᠡᠭᠡᠷᠡ ᠦᠪᠡᠷ ᠢ ᠪᠠᠨ ᠳᠠᠶᠢᠳᠬᠤᠷᠠᠭᠤᠯᠬᠤ ᠪᠠᠷ ᠰᠠᠭᠤᠯᠠ᠂ ᠭᠡᠳᠡᠯᠡ ᠳᠠᠶᠢᠳᠬᠤᠷᠠᠵᠦ ᠴᠢᠳᠠᠭᠰᠠᠨ ᠦᠭᠡᠢ᠂ ᠤᠯᠠᠮ ᠯᠡ ᠰᠡᠳᠬᠢᠯ ᠠᠯᠳᠠᠷᠠᠭᠠᠳ ᠡᠭᠡᠯᠢᠲᠦ | ᠭᠠᠵᠠᠷ ᠲᠤ ︽ᠡᠷᠭᠡᠯᠡᠨ︾ ᠭᠡᠪᠳᠡᠭᠡᠳ ᠮᠡᠭᠰᠢᠪᠡ᠃ ᠭᠠᠭᠴᠠᠭᠠᠷ ᠤᠷᠬᠢᠭᠳᠠᠭᠰᠠᠨ ᠤ ᠠᠶᠤᠮᠰᠢᠭ ᠢ ᠠᠩᠬᠠ ᠮᠡᠳᠡᠷᠡᠭᠡᠳ ᠤᠬᠢᠯᠠᠵᠦ ᠪᠠᠶᠢᠭᠰᠠᠨ ᠲᠠᠢ ᠪᠠᠨ ᠠᠳᠠᠯᠢᠬᠠᠨ | ᠂ ᠭᠠᠶᠢᠬᠠᠮᠰᠢᠡᠡᠲᠦ ᠪᠠᠶᠢᠭᠠᠯᠢ ᠶᠢᠨ ᠠᠤᠭᠠ ᠶᠡᠭᠡ ᠬᠦᠴᠦ ᠳᠤ ᠬᠦᠨ ᠳᠤᠳᠤᠭᠠᠳᠤ ᠠᠴᠠ ᠪᠠᠨ ︽ᠰᠦᠬᠦᠷᠡᠭᠡᠳ︾ ᠤᠳᠠᠳᠠᠯᠠ ᠪᠡᠭᠳᠡᠷᠡᠭᠰᠡᠨ ᠪᠢᠯᠡ᠃ | ᠁ | ᠬᠦᠶᠦᠬᠡ ᠴᠤᠭᠯᠠᠭᠤᠯᠵᠦ ᠬᠦᠶᠦᠭᠰᠡᠨ ᠳᠠᠷᠪᠠᠭᠠ ᠬᠦᠮᠦᠨ ᠤᠬᠢᠯᠠᠬᠤ ᠴᠢᠮᠡᠭᠡ ᠪᠠᠷ ᠵᠤᠭᠰᠤᠰᠬᠢᠵᠦ ᠦᠨᠳᠡᠶᠢᠨ ᠴᠢᠩᠨᠡᠪᠡ᠂ ᠬᠦᠬᠡᠷᠦᠬᠦᠢ᠂ ᠨᠠᠳᠠ ᠰᠢᠭ᠋ | ᠴᠦᠬᠦᠷᠡᠭᠰᠡᠨ ᠠᠮᠢᠳᠠᠨ ᠶᠤᠮ ᠪᠢᠯᠡ ᠦᠦ ᠭᠡᠵᠤ ᠲᠦᠳᠡᠭᠡᠯᠵᠡᠭᠰᠡᠨ ᠳᠠᠷᠪᠠᠭᠠ ᠬᠦᠮᠦᠨ ᠤᠬᠢᠯᠠᠬᠤ ᠶᠢ ᠳᠠᠭᠤᠷᠢᠶᠠᠨ ᠬᠤᠰᠬᠢᠷᠴᠦ ᠦᠵᠡᠯᠡ᠃ ︽ᠦᠭᠡᠢ ᠶᠡᠷᠦ ᠨᠢ | ᠳᠡᠶᠢᠮᠦ ᠬᠦᠨ ᠴᠢᠨᠠᠳᠤ ᠠᠴᠠ ᠳᠡᠯᠡᠷᠡᠵᠦ ᠦᠭᠭᠦ ᠦᠭᠡᠢ ᠨᠢ ᠡ︾ ᠭᠡᠵᠤ ᠪᠤᠳᠤᠯᠭᠠᠰᠢᠷᠠᠭᠰᠠᠨ ᠳᠠᠷᠪᠠᠭᠠ ᠴᠢᠮᠡᠭᠡ ᠭᠠᠷᠭᠠᠬᠤ ᠠᠴᠠ ᠳᠤᠩ ᠬᠢᠴᠢᠶᠡᠨ ᠴᠢᠯᠠᠭᠤᠳ | ᠳᠠᠮᠵᠢᠨ ᠤᠶᠢᠷᠠᠳᠴᠦ ᠦᠵᠡᠪᠡᠯ ᠰᠠᠳᠠᠷᠠᠭᠰᠠᠨ ᠨᠢᠯᠪᠤᠰᠣ ᠪᠠᠨ ᠳᠤᠷᠡ ᠪᠠᠷ ᠨᠢ ᠤᠷᠬᠢᠭᠰᠠᠨ ᠵᠠᠯᠠᠭᠤᠬᠠᠨ ᠡᠷᠡ ︽ᠪᠠᠶᠢᠭᠠᠯᠢ ᠮᠢᠨᠢ︾ ᠭᠡᠵᠤ ᠳᠠᠭᠤᠳᠠᠨ ᠮᠡᠭᠰᠢᠬᠦ ᠠᠵᠢ | ᠃ | ︽ᠬᠦᠮᠦᠨ᠂ ᠦᠭᠡᠢ ᠡ᠂ ᠪᠠᠶᠢᠭᠠᠯᠢ ᠳᠡᠶᠢᠮᠦ ᠭᠠᠶᠢᠬᠠᠮᠰᠢᠭᠳᠠᠢ ᠶᠤᠮ ᠭᠡᠵᠢ ᠦᠦ︖︾ ᠭᠡᠵᠤ ᠳᠠᠷᠪᠠᠭᠠ ᠳᠤᠳᠤᠷᠠ ᠪᠠᠨ ᠳᠠᠭᠤ ᠠᠯᠳᠠᠯᠠ᠃ ᠳᠠᠭᠤᠯᠠᠬᠤ | ᠤᠬᠢᠯᠠᠬᠤ ᠬᠤᠶᠠᠷ ᠤᠨ ᠠᠯᠢ ᠨᠢ ᠰᠠᠶᠢᠬᠠᠨ ᠢ ᠳᠡᠷᠡ ᠭᠠᠳᠠᠷᠯᠠᠬᠤ ᠪᠤᠯᠤᠭᠰᠠᠨ ᠪᠢᠯᠡ᠂ ᠳᠡᠶᠢᠨ ᠬᠦ ᠬᠠᠵᠠᠭᠤ ᠡᠷᠬᠢ ᠶᠢᠨ ᠬᠠᠯᠢᠭᠤᠨ ᠡᠪᠡᠰᠦᠨ ᠳᠤ ᠳᠠᠯᠳᠠᠯᠠᠵᠦ | ᠤᠳᠠᠭᠠᠨ ᠭᠡᠭᠴᠢ ᠨᠢ ᠬᠠᠷᠠᠪᠠ᠃ ᠭᠠᠷ ᠤᠨ ᠢᠶᠠᠨ ᠠᠷᠦ ᠪᠠᠷ ᠨᠢᠯᠪᠤᠰᠣ ᠪᠠᠨ ᠬᠠᠶᠠ ᠨᠢᠭᠡᠭᠡᠨ ᠵᠦᠯᠬᠦᠨ ᠮᠡᠭᠰᠢᠬᠦ ᠵᠠᠯᠠᠭᠤᠬᠠᠨ ᠡᠷᠡ ᠳᠡᠬᠦᠨ ᠢ ᠤᠭᠳᠤᠬᠠᠨ ᠴᠦ | ᠠᠩᠵᠠᠭᠠᠷᠠᠭᠰᠠᠨ ᠰᠢᠨᠵᠢ ᠦᠭᠡᠢ᠂ ᠡᠬᠡ ᠭᠠᠵᠠᠷ ᠢ ᠠᠯᠳᠠᠯᠠᠨ ᠳᠡᠪᠡᠷᠢᠬᠡᠳ ︽ᠪᠠᠶᠢᠭᠠᠯᠢ ᠮᠢᠨᠢ︾ ᠭᠡᠵᠤ ᠨᠢᠭᠡ ᠯᠡ ᠬᠡᠪ ᠢᠶᠠᠷ ᠰᠢᠪᠡᠨᠡᠨ ᠳᠠᠭᠤᠳᠠᠨᠠ᠃ ︽ | ᠬᠦᠭᠡᠷᠦᠬᠦᠢ᠂ ᠰᠡᠳᠬᠢᠯ ᠳᠡᠭᠡᠨ ᠳᠡᠶᠢᠯᠳᠡᠭᠰᠡᠨ ᠠᠮᠢᠳᠠᠨ︾ ᠭᠡᠵᠤ ᠳᠠᠷᠪᠠᠭᠠ ᠰᠠᠨᠠᠭᠠ ᠠᠯᠳᠠᠬᠤ ᠰᠢᠭ᠋ ᠪᠤᠯᠤᠭᠠᠳ ᠦᠨᠳᠡᠶᠢᠰᠬᠢᠨ ᠬᠤᠰᠬᠢᠷᠴᠦ ᠦᠵᠡᠪᠡ᠃ | ᠢᠩᠭᠢᠵᠦ ᠦᠪᠡᠷ ᠢᠶᠠᠨ ᠴᠦ ᠰᠡᠳᠬᠢᠯ ᠳᠡᠮᠳᠡᠴᠢᠭᠰᠡᠨ ᠳᠠᠷᠪᠠᠭᠠ ᠪᠠᠷᠤᠭ ᠯᠡ ᠵᠠᠯᠠᠭᠤᠬᠠᠨ ᠡᠷᠡ ᠶᠢᠨ ᠬᠦᠯ ᠳᠤᠤᠷᠡ ᠢᠷᠡᠴᠢᠬᠡᠭᠰᠡᠨ ᠰᠠᠨ᠂ ︽ᠡᠨᠡ ᠯᠡ | ᠬᠦᠨᠳᠡᠢ ᠳᠤ ᠠᠮᠢᠳᠤᠷᠠᠯ ᠢᠶᠠᠨ ᠡᠬᠢᠯᠡᠭᠰᠡᠨ ᠴᠠᠭ ᠠᠴᠠ ᠨᠠᠮᠤᠷ ᠨᠠᠮᠤᠷ ᠬᠦᠶᠦᠭᠡ ᠴᠤᠭᠯᠠᠭᠤᠯᠤᠨ ᠬᠦᠶᠦᠵᠦ ᠨᠠᠷᠠᠨ ᠤ ᠳᠤᠤᠷᠡ ᠦᠨᠢᠷ ᠦᠳᠬᠡᠨ ᠤᠯᠠᠨ ᠵᠢᠯ ᠢ | ᠦᠳᠡᠭᠰᠡᠨ ᠰᠠᠨ᠂ ᠡᠯᠢᠭᠡ ᠵᠢᠷᠦᠬᠡ ᠪᠠᠨ ᠦᠮᠦᠷᠡᠬᠦᠯᠦᠨ ᠤᠶᠢᠴᠢᠭᠰᠠᠨ ᠡᠨᠡ ᠵᠠᠯᠠᠭᠤᠬᠠᠨ ᠡᠷᠡ᠂ ᠳᠡᠷᠭᠡᠳᠡ ᠪᠦᠨᠲᠦᠭᠡᠨᠡᠵᠦ ᠪᠠᠶᠢᠳᠠᠭ ᠢᠵᠢᠯᠢ ᠲᠠᠢ ᠮᠢᠨᠢ ᠶᠠᠮᠠᠷ | ᠠᠳᠠᠯᠢᠬᠠᠨ ᠪᠤᠢ︾ ᠭᠡᠳ ᠳᠠᠷᠪᠠᠭᠠ ᠪᠡᠶᠡ ᠪᠠᠨ ᠰᠡᠮᠬᠡᠨ ᠰᠢᠯᠵᠢᠬᠦᠯᠵᠦ ᠬᠠᠯᠢᠭᠤᠨ ᠡᠪᠡᠰᠦᠨ ᠠᠴᠠ ᠴᠡᠭᠡᠵᠢ ᠪᠠᠨ ᠵᠢᠭᠠᠬᠠᠨ ᠴᠤᠬᠤᠶᠢᠯᠭᠠᠯᠠ᠃ | ᠵᠠᠯᠠᠭᠤᠬᠠᠨ ᠡᠷᠡ ᠳᠤ ᠳᠡᠬᠦᠨ ᠢ ᠬᠠᠷᠠᠬᠤ ᠰᠦᠬᠦᠭᠡ ᠪᠠᠶᠢᠭᠰᠠᠨ ᠦᠭᠡᠢ᠂ ᠡᠮᠡᠬᠡᠨ ᠨᠡᠷᠡ ᠡᠭᠡᠯᠢᠯᠡᠭᠰᠡᠨ ᠰᠡᠷᠢᠬᠦᠨ ᠪᠤᠯᠳᠤᠭ ᠤᠨ ᠡᠪᠡᠰᠦ ᠴᠢᠯᠠᠭᠤ ᠶᠢ | ᠠᠯᠳᠠᠯᠠᠨ ᠳᠡᠪᠡᠷᠢᠬᠡᠳ ᠨᠦᠬᠦᠬᠡ ᠯᠡ ᠪᠠᠶᠢᠭᠠᠯᠢ ᠲᠠᠢ ᠪᠠᠨ ᠲᠦᠲᠦᠨᠡᠨ ᠲᠦᠲᠦᠨᠡᠭᠰᠡᠭᠡᠷ ᠠᠪᠠᠢ᠃ ︽ᠶᠠᠭ ᠯᠡ ᠢᠵᠢᠯᠢ ᠮᠢᠨᠢ ᠁︾ ᠭᠡᠵᠤ ᠳᠠᠷᠪᠠᠭᠠ ᠳᠠᠭᠤ | ᠠᠯᠳᠠᠭᠠᠳ ᠤᠬᠤᠰᠬᠢᠨ ᠵᠠᠪᠳᠤᠪᠠ᠂ ︽ᠦᠭᠡᠢ ᠡ᠂ ᠡᠨᠡ ᠬᠦᠮᠦᠨ ᠭᠡᠭᠴᠢ ᠪᠠᠰᠠ ᠭᠠᠶᠢᠬᠠᠯᠳᠠᠢ ᠰᠢᠦ︾ ᠬᠡᠴᠢᠬᠡᠬᠡᠳ ᠡᠪᠡᠳᠦᠭᠰᠡᠨ ᠵᠢᠷᠦᠬᠡ ᠪᠠᠨ ᠡᠭᠡᠯᠢᠲᠦ | ᠭᠠᠵᠠᠷ ᠲᠤ ᠨᠠᠭᠠᠨ ᠡᠷᠬᠢᠵᠦ ᠬᠡᠰᠡᠭᠬᠡᠨ ᠬᠡᠪᠳᠡᠯᠡ᠃ ᠳᠡᠭᠡᠭᠡᠳ ᠦᠷᠦᠪᠳᠤᠯᠳᠡᠢ ᠤᠷᠳᠤ ᠪᠠᠷ ᠬᠤᠰᠬᠢᠷᠪᠠᠯ ᠦᠶᠡᠰᠬᠡᠨ ᠵᠢᠪᠡᠷ ᠰᠡᠪᠡᠯᠵᠡᠵᠦ ᠢᠷᠡᠭᠡᠳ ᠬᠠᠯᠢᠭᠤᠨ | ᠡᠪᠡᠰᠦ ᠶᠢ ᠨᠢᠬᠡᠨ ᠵᠢᠭᠳᠡ ᠬᠠᠯᠢᠭᠤᠯᠪᠠᠢ᠃ | |