| ᠪ᠊ · ᠪᠦᠷᠢᠨᠪᠠᠬᠢ ᠪᠠᠭᠰᠢᠳᠠᠨ ᠪᠣᠯ ᠮᠣᠩᠭᠤᠯ ᠰᠢᠯᠦᠭ ᠤᠨ ᠣᠨᠣᠯ ᠤᠨ ᠴᠣᠭᠴᠠᠯᠠᠯᠲᠠ ᠶᠢᠨ ᠭᠠᠷᠮᠠᠭᠠᠢ ᠵᠢᠳᠭᠦᠯᠲᠡᠨ ᠪᠣᠯᠬᠤ ᠶᠣᠮ᠃ ︽ᠤᠶᠠᠩᠭᠠ ᠶᠢᠨ | ᠡᠷᠢᠯᠴᠢᠨ ᠤ ᠲᠡᠮᠳᠡᠭᠯᠡᠯ︾ ᠪᠣᠯ ᠲᠡᠭᠦᠨ ᠤ ᠮᠣᠩᠭᠤᠯ ᠰᠢᠯᠦᠭ ᠤᠨ ᠤᠭ ᠴᠣᠭᠴᠠ ᠶᠢᠨ ᠲᠤᠰ ᠪᠡᠶᠡ ᠳᠤ ᠰᠢᠰᠲ᠋ᠧᠮ ᠲᠠᠢ ᠪᠠᠷ ᠣᠨᠤᠯ ᠤᠨ ᠴᠤᠭᠴᠠᠯᠠᠯᠲᠠ ᠬᠢᠭᠰᠡᠨ | ᠳᠣᠷᠪᠢᠯᠢᠭ ᠪᠦᠲᠦᠭᠡᠯ ᠪᠣᠯᠤᠨᠠ᠃ ᠲᠡᠷᠡ ᠨᠢ ᠮᠣᠩᠭᠤᠯ ᠰᠢᠯᠦᠭ ᠢ ᠠᠩᠬᠠ ᠤᠳᠠᠭᠠ ᠣᠨᠤᠯ ᠤᠨ ᠲᠠᠯᠠ ᠠᠴᠠ ᠪᠦᠬᠦᠯᠢ ᠴᠣᠭᠴᠠ ᠪᠠᠷ ᠣᠨᠤᠯᠵᠢᠭᠤᠯᠤᠨ | ᠰᠣᠳᠣᠯᠤᠭᠰᠠᠨ ᠮᠦᠷᠲᠡᠭᠡᠨ ᠮᠣᠩᠭᠤᠯ ᠰᠢᠯᠦᠭ ᠤᠨ ᠦᠨᠳᠦᠰᠦᠨ ᠠᠰᠠᠭᠤᠳᠠᠯ ᠢ ᠰᠢᠰᠲ᠋ᠧᠮ ᠲᠠᠢ ᠪᠠᠷ ᠰᠢᠢᠳᠪᠦᠷᠢᠯᠡᠭᠰᠡᠨ ᠲᠤᠮᠤᠬᠠᠨ ᠪᠦᠲᠦᠭᠡᠯ ᠪᠣᠯᠬᠤ ᠶᠤᠮ᠃ | ᠬᠡᠯᠡᠨ ᠤ ᠭᠠᠶᠢᠬᠠᠮᠰᠢᠭ ᠢᠶᠠᠷ ᠣᠨᠤᠯ ᠢ ᠤᠷᠠᠯᠠᠬᠤᠢ | ᠪ᠊ · ᠪᠦᠷᠢᠨᠪᠠᠬᠢ ᠪᠠᠭᠰᠢᠳᠡᠨ ᠢ ᠬᠡᠯᠡᠨ ᠤ ᠡᠷᠳᠡᠮᠲᠡᠨ ᠭᠡᠬᠦ ᠳᠤ ᠠᠬᠠᠳᠠᠬᠤ ᠦᠭᠡᠢ ᠰᠠᠨ᠃ ᠲᠡᠷᠡ ᠪᠣᠯ ᠮᠣᠩᠭᠤᠯ ᠵᠤᠬᠢᠶᠠᠯᠴᠢᠳ ᠤᠨ ᠳᠤᠲᠤᠷᠠ ᠤᠯᠠᠨ | ᠬᠠᠷᠠᠭᠳᠠᠳᠠᠭ ᠦᠭᠡᠢ ᠬᠡᠯᠡᠨ ᠤ ᠤᠷᠠᠨ ᠳᠠᠷᠬᠠᠨ ᠮᠦᠨ᠃ ᠲᠡᠭᠦᠨ ᠤ ᠪᠢᠴᠢᠭᠰᠡᠨ ᠰᠢᠯᠦᠭ ᠤᠨ ᠪᠦᠳᠦᠭᠡᠯ ᠨᠢ ᠴᠦᠮ ᠬᠡᠯᠡᠨ ᠤ ᠭᠠᠶᠢᠬᠠᠮᠰᠢᠭ᠂ ᠨᠠᠶᠢᠷᠠᠭᠤᠯᠭᠠ ᠶᠢᠨ | ᠭᠤᠪᠠᠢ᠂ ᠰᠡᠳᠬᠢᠮᠵᠢ ᠶᠢᠨ ᠤᠷᠠᠨ ᠢ ᠲᠡᠭᠦᠰ ᠢᠯᠡᠷᠡᠭᠦᠯᠵᠦ ᠪᠠᠶᠢᠳᠠᠭ ᠢᠶᠠᠷ ᠦᠯᠦ ᠪᠠᠷᠠᠨ᠂ ︽ᠤᠶᠠᠩᠭᠠ ᠶᠢᠨ ᠡᠷᠢᠯᠴᠢᠨ ᠤ ᠲᠡᠮᠳᠡᠭᠯᠡᠯ︾ ᠮᠡᠲᠦ ᠶᠢᠨ ᠣᠨᠤᠯ ᠤᠨ | ᠲᠤᠰᠬᠠᠢ ᠪᠦᠲᠦᠭᠡᠯ ᠳᠤ ᠨᠢ ᠴᠦ ᠤᠷᠠᠨ ᠵᠤᠬᠢᠶᠠᠯ ᠤᠨ ᠦᠨᠦᠷ ᠠᠮᠲᠠ ᠠᠮᠳᠠᠯᠠᠬᠳᠠᠵᠤ᠂ ᠬᠦᠮᠦᠰ ᠲᠤ ᠤᠶᠤᠨ ᠰᠡᠩᠬᠡᠷᠡᠭᠦᠯᠦᠯ ᠢ ᠣᠯᠭᠤᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ | ᠬᠡᠯᠡ ᠨᠠᠶᠢᠷᠠᠭᠤᠯᠭᠠ ᠶᠢᠨ ᠭᠤᠸᠠ ᠰᠠᠶᠢᠬᠠᠨ ᠤ ᠬᠠᠪᠤ ᠴᠡᠩᠬᠡᠯ ᠢ ᠤᠯᠭᠤᠳᠠᠭ᠃ ᠲᠤᠰ ᠤᠨᠤᠯ ᠤᠨ ᠪᠦᠲᠦᠭᠡᠯ ᠤᠨ ᠬᠡᠯᠡ ᠨᠠᠶᠢᠷᠠᠭᠤᠯᠭᠠ ᠶᠢᠨ ᠬᠢᠨᠢ ᠤᠷᠠᠨ | ᠰᠠᠶᠢᠬᠠᠨ ᠢ ᠰᠢᠨᠵᠢᠪᠡᠯ᠄ | ᠬᠡᠯᠡ ᠬᠤᠷᠴᠠ ᠰᠢᠷᠭᠠᠭᠠᠮᠠᠯ᠂ ᠤᠳᠬᠠ ᠭᠦᠨ ᠨᠠᠷᠢᠯᠢᠭ — ᠲᠤᠰ ᠪᠦᠲᠦᠭᠡᠯ ᠪᠣᠯ ᠤᠷᠠᠨ ᠵᠤᠬᠢᠶᠠᠯ ᠤᠨ ᠬᠡᠯᠡ ᠬᠡᠯᠡᠯᠭᠡ ᠪᠠᠷ ᠤᠨᠣᠯ ᠤᠨ | ᠲᠠᠶᠢᠯᠪᠤᠷᠢᠯᠠᠯᠲᠠ ᠬᠢᠭᠰᠡᠨ ᠪᠦᠳᠦᠬᠡᠯ᠃ ᠪ᠊ · ᠪᠦᠷᠢᠨᠪᠠᠬᠢ ᠪᠠᠭᠰᠢᠳᠠᠨ ᠦᠭᠡ ᠶᠢ ᠰᠢᠯᠢᠵᠦ ᠬᠡᠷᠡᠭᠯᠡᠬᠦ ᠳᠡᠭᠡᠨ ᠮᠠᠰᠢ ᠭᠠᠷᠮᠠᠭᠠᠢ ᠪᠠᠶᠢᠵᠦ᠂ ᠠᠯᠢ ᠣᠯᠠᠨ ᠬᠤᠷᠴᠠ | ᠰᠢᠷᠭᠠᠭᠠᠮᠠᠯ᠂ ᠤᠳᠬᠠ ᠭᠦᠨ ᠦᠭᠡ ᠪᠠᠷ ᠤᠴᠢᠵᠦ ᠲᠠᠶᠢᠯᠪᠤᠷᠢᠯᠠᠬᠤ ᠡᠲᠡᠭᠡᠳ ᠢᠶᠠᠨ ᠤᠨᠤᠪᠴᠢᠲᠠᠢ ᠣᠨᠤᠯᠵᠢᠭᠤᠯᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠂ ᠰᠢᠯᠦᠭ ᠤᠨ ᠤᠶᠠᠩᠭᠠ | ᠰᠢᠭᠦᠮᠵᠢ ᠶᠢ ᠲᠠᠶᠢᠯᠪᠤᠷᠢᠯᠠᠬᠤ ᠳᠠᠭᠠᠨ᠂ ᠵᠤᠬᠢᠶᠠᠭᠴᠢ ᠠᠴᠠ ᠱᠠᠭᠲᠠᠷ ᠪᠣᠯᠤᠨ ᠾᠧᠨᠧ ᠶᠢᠨ ᠰᠢᠯᠦᠭ ᠢᠶᠠᠷ ᠵᠢᠱᠢᠶᠡᠯᠡᠵᠦ᠂ ᠬᠤᠶᠠᠷ ᠰᠢᠯᠦᠭ ᠤᠨ ᠦᠪᠡᠷᠮᠢᠴᠡ | ᠣᠨᠴᠠᠯᠢᠭ ᠢ ᠲᠤᠰ ᠲᠤᠰ ᠪᠣᠷᠤᠭᠵᠢᠭᠤᠨ ᠬᠡᠯᠡ᠂ ᠵᠡᠷᠭᠡᠴᠡᠭᠡ ᠠᠳᠠᠯᠢᠳᠬᠠᠯ᠂ ᠭᠠᠰᠠᠩ ᠰᠢᠭᠦᠮᠵᠢ ᠪᠠ ᠭᠦᠨᠡ ᠰᠡᠳᠬᠢᠴᠡ᠂ ᠴᠡᠪᠡᠷ ᠬᠡᠯᠡᠯᠭᠡ᠂ ᠵᠢᠭᠡᠭᠦᠨ ᠶᠦᠭᠡᠳᠡᠯ | ᠭᠡᠮᠡᠨ ᠬᠤᠷᠴᠠ ᠣᠨᠤᠪᠴᠢᠲᠠᠢ᠂ ᠵᠣᠬᠢᠰ ᠲᠡᠭᠦᠯᠳᠡᠷ ᠦᠭᠡ ᠪᠠᠷ ᠣᠴᠢᠵᠦ ᠬᠠᠷᠢᠴᠠᠭᠤᠯᠤᠨ ᠳᠠᠶᠢᠯᠪᠤᠷᠢᠯᠠᠭᠰᠠᠠ ᠶᠤᠮ᠃ ᠪᠠᠰᠠ ᠵᠢᠱᠢᠶᠡᠯᠡᠪᠡᠯ᠂ ᠭᠱᠠᠨᠠ ᠶᠢᠨ ᠰᠡᠷᠡᠯ ᠢ | ᠵᠠᠳᠠᠯᠬᠤ ᠳᠠᠭᠠᠨ᠂ ᠬᠤᠷᠴᠠ ᠰᠡᠷᠡᠯ ᠭᠡᠳᠡᠭ ᠪᠣᠯ ᠭᠱᠠᠨᠠ ᠣᠢ ᠪᠢᠯᠢᠭ ᠨᠢ ᠨᠡᠭᠡᠭᠡᠭᠳᠡᠭᠡᠳ ᠠᠯᠢᠪᠠ ᠤᠨᠳᠠᠩᠬᠠᠢ ᠪᠦᠷᠦᠩᠬᠦᠢ ᠰᠡᠳᠬᠢᠯ ᠮᠡᠳᠡᠷᠡᠯ ᠨᠢ ᠰᠡᠷᠭᠦᠨ ᠭᠡᠭᠡᠷᠡᠵᠦ | ᠬᠠᠷᠢᠯᠴᠠᠨ ᠬᠡᠯᠬᠢᠯᠳᠦᠨ ᠠᠮᠢᠳᠤᠷᠠᠨ ᠬᠦᠲᠡᠯᠦᠯᠴᠡᠭᠡᠳ ᠰᠡᠳᠬᠢᠭᠦᠢ ᠶᠢᠨ ᠵᠠᠩᠭᠢᠷᠠᠭᠠ ᠶᠢ ᠠᠯᠳᠠᠷᠠᠭᠠᠵᠤ ᠰᠡᠳᠦᠪ ᠤᠨ ᠡᠭᠡᠳᠡᠷᠡᠭᠡᠨ ᠢ ᠲᠠᠶᠢᠯᠤᠭᠠᠳ ᠰᠢᠯᠦᠭᠴᠢ ᠶᠢᠨ | ᠳᠦᠷᠢᠲᠦ ᠰᠡᠳᠬᠢᠭᠦᠨ ᠳᠤ ᠦᠰᠦᠷᠦᠯᠲᠡ ᠠᠪᠴᠢᠷᠠᠬᠤ ᠦᠵᠡᠭᠳᠡᠯ ᠭᠠᠷᠴᠦ ᠢᠷᠡᠬᠦ ᠶᠢ ᠵᠢᠭᠠᠨᠠ ᠭᠡᠵᠦ ᠮᠠᠰᠢ ᠠᠮᠢᠳᠦ ᠳᠦᠷᠰᠦᠯᠢᠭ ᠬᠡᠯᠡ ᠬᠡᠯᠡᠯᠭᠡ ᠪᠠᠷ | ᠲᠠᠶᠢᠯᠪᠤᠷᠢᠯᠠᠭᠰᠠᠨ ᠶᠤᠮ᠃ ᠬᠡᠷᠪᠡ ᠴᠤᠯ ᠤᠳᠬᠠ ᠶᠢᠨ ᠲᠠᠯᠠ ᠠᠴᠠ ᠤᠬᠠᠭᠳᠠᠬᠤᠨ ᠢ ᠬᠤᠷᠢᠶᠠᠩᠭᠤᠶᠢᠯᠠᠵᠤ᠂ ᠭᠱᠠᠨᠠ ᠶᠢᠨ ᠰᠡᠷᠡᠯ ᠪᠣᠯ ᠳᠠᠷᠤᠢ ᠶᠠᠭᠤ ᠶᠢ ᠵᠢᠭᠠᠨᠠ | ᠭᠡᠮᠡᠨ ᠬᠡᠶᠢᠰᠪᠦᠷᠢ ᠰᠡᠳᠬᠢᠬᠦᠢ ᠳᠤ ᠰᠠᠭᠤᠷᠢᠯᠠᠭᠰᠠᠨ ᠲᠠᠶᠢᠯᠪᠤᠷᠢᠯᠠᠯ ᠬᠢᠭᠰᠡᠨ ᠶᠤᠮ ᠪᠣᠯ ᠯᠠᠪᠲᠠᠢ ᠬᠦᠰᠢᠭᠦᠨ ᠪᠣᠯᠵᠦ ᠤᠷᠠᠨ ᠵᠤᠬᠢᠶᠠᠯ ᠤᠨ ᠦᠨᠦᠷ ᠠᠮᠲᠠ | ᠠᠯᠳᠠᠭᠳᠠᠵᠤ ᠬᠡᠯᠡᠨ ᠤ ᠤᠷᠠᠯᠢᠭ ᠤᠨ ᠭᠤᠸᠠ ᠰᠠᠶᠢᠬᠠᠨ ᠢ ᠢᠯᠡᠷᠡᠭᠦᠯᠵᠦ ᠴᠢᠳᠠᠬᠤ ᠦᠭᠡᠢ ᠶᠤᠮ᠃ | ᠰᠡᠳᠬᠢᠮᠵᠢ ᠤᠷᠠᠨ᠂ ᠨᠠᠶᠢᠷᠠᠭᠤᠯᠭᠠ ᠭᠤᠪᠠᠢ — ᠬᠡᠷᠪᠡ ᠶᠠᠮᠠᠷ ᠨᠢᠭᠡᠨ ᠵᠤᠬᠢᠶᠠᠯ ᠪᠦᠲᠦᠭᠡᠯ ᠳᠤ ᠵᠦᠪᠬᠡᠨ ᠭᠤᠶᠢᠲᠠ ᠰᠠᠶᠢᠬᠠᠨ ᠬᠡᠯᠡ ᠬᠡᠯᠡᠯᠭᠡ᠂ ᠭᠦᠨ | ᠨᠠᠷᠢᠯᠢᠭ ᠤᠳᠬᠠ ᠰᠠᠨᠠᠭᠠ ᠪᠠᠶᠢᠭᠠᠳ ᠤᠷᠠᠨ ᠰᠡᠳᠬᠢᠮᠵᠢ᠂ ᠭᠤᠪᠠᠢ ᠨᠠᠶᠢᠷᠠᠭᠤᠯᠭᠠ ᠪᠠᠶᠢᠬᠤ ᠦᠭᠡᠢ ᠶᠤᠮ ᠪᠣᠯ ᠲᠡᠷᠡ ᠨᠢ ᠮᠦᠨ ᠴᠦ ᠰᠠᠶᠢᠨ ᠪᠦᠲᠦᠭᠡᠯ ᠪᠣᠯᠵᠦ | ᠴᠢᠳᠠᠬᠤ ᠦᠭᠡᠢ ᠶᠤᠮ᠃ ︽ᠤᠶᠠᠩᠭᠠ ᠶᠢᠨ ᠡᠷᠢᠯᠴᠢᠨ ᠤ ᠲᠡᠮᠳᠡᠭᠯᠡᠯ︾ ᠳᠤ ᠤᠷᠠᠨ ᠰᠡᠳᠬᠢᠮᠵᠢ᠂ ᠭᠤᠪᠠᠢ ᠨᠠᠶᠢᠷᠠᠭᠤᠯᠭᠠ ᠶᠢᠨ ᠰᠢᠳᠢ ᠶᠢ ᠬᠦᠢᠴᠡᠳ | ᠦᠵᠡᠬᠦᠯᠦᠭᠰᠡᠨ ᠶᠤᠮ᠃ ᠵᠢᠱᠢᠶᠡᠯᠡᠪᠡᠯ᠂ ᠲᠤᠰ ᠪᠦᠲᠦᠭᠡᠯ ᠳᠤ ᠠᠮᠢᠳᠦ ᠳᠦᠷᠰᠦᠯᠡᠯ ᠢᠶᠠᠷ ᠤᠷᠠᠨ ᠰᠠᠨᠠᠭᠠ ᠶᠢ ᠰᠡᠳᠦᠬᠦ᠂ ᠤᠳᠠᠭᠠᠨ ᠬᠤᠷᠠᠮᠳᠤᠭᠤᠯᠤᠯ ᠢᠶᠠᠷ | ᠭᠱᠠᠨᠠ ᠶᠢᠨ ᠰᠡᠷᠡᠯ ᠳᠤ ᠬᠦᠷᠬᠦ᠂ ᠤᠷᠠᠨ ᠲᠠᠭᠠᠮᠠᠭᠯᠠᠯ ᠢᠶᠠᠷ ︽ᠬᠤᠶᠠᠳᠠᠬᠢ ᠪᠠᠶᠢᠭᠠᠯᠢ︾ ᠶᠢ ᠪᠦᠲᠦᠭᠡᠬᠦ ᠵᠡᠷᠭᠡ ᠰᠡᠳᠬᠢᠮᠵᠢ ᠶᠢᠨ ᠵᠠᠮ᠂ ᠨᠠᠶᠢᠷᠠᠭᠤᠯᠭᠠ ᠶᠢᠨ | ᠠᠷᠭᠠ ᠨᠢ ᠲᠠᠶᠢᠯᠪᠤᠷᠢᠯᠠᠬᠤ ᠡᠲᠡᠭᠡᠳ ᠤᠨ ᠬᠤᠭᠤᠷᠤᠨᠳᠤᠬᠢ ᠬᠠᠷᠢᠴᠠᠭᠠ ᠶᠢ ᠭᠦᠢᠴᠡᠳ ᠣᠶᠢᠯᠠᠭᠠᠭᠤᠯᠬᠤ ᠳᠤ ᠲᠤᠰᠠᠲᠠᠢ ᠮᠦᠷᠲᠡᠭᠡᠨ ᠪᠦᠬᠦ᠋ᠢᠯᠡ ᠵᠤᠬᠢᠶᠠᠯ ᠢ | ᠤᠩᠰᠢᠬᠤ ᠳᠤ ᠤᠷᠤᠰᠤᠮᠠ ᠨᠠᠮᠵᠢᠭᠤᠨ ᠪᠣᠯᠭᠠᠵᠠᠢ᠃ | ᠤᠷᠭᠠᠨᠢᠭ ᠵᠤᠬᠢᠴᠠᠩᠭᠤᠢ ᠪᠦᠲᠦᠴᠡ ᠶᠢᠨ ᠭᠠᠶᠢᠬᠠᠮᠰᠢᠭᠲᠤ ᠢᠯᠡᠷᠡᠭᠦᠯᠦᠯ | ᠤᠳᠬᠠ ᠵᠤᠬᠢᠶᠠᠯ ᠤᠨ ᠬᠡᠯᠪᠡᠷᠢ ᠳᠤ ᠬᠠᠷᠠᠭᠠᠨ ᠰᠡᠷᠡᠯ ᠬᠤᠯᠪᠤᠭᠳᠠᠳᠠᠭ᠃ ᠶᠠᠮᠡᠷ ᠨᠢᠭᠡᠨ ᠪᠦᠲᠦᠭᠡᠯ ᠤᠨ ᠦᠭᠡ ᠦᠰᠦᠭ ᠢ ᠨᠡᠪᠲᠡᠯᠵᠦ ᠠᠭᠤᠯᠭᠠ | ᠰᠠᠨᠠᠭᠠ ᠶᠢ ᠨᠢ ᠣᠶᠢᠯᠠᠭᠠᠬᠤ ᠠᠴᠠ ᠡᠮᠦᠨᠡ ᠡᠩ ᠲᠡᠷᠢᠭᠦᠨ ᠳᠤ ᠨᠢᠳᠦᠨ ᠳᠤ ᠦᠷᠲᠦᠭᠳᠡᠬᠦ ᠨᠢ ᠳᠠᠷᠦᠢ ᠲᠡᠭᠦᠨ ᠤ ᠬᠡᠯᠪᠡᠷᠢ ᠶᠢᠨ ᠳᠤᠰᠬᠠᠯ ᠪᠣᠯᠤᠨᠠ᠃ ᠪ᠊ · | ᠪᠦᠷᠢᠨᠪᠠᠬᠢ ᠪᠠᠭᠰᠢᠳᠡᠨ ᠤ ᠰᠢᠯᠦᠭ ᠤᠨ ᠪᠦᠲᠦᠭᠡᠯ ᠳᠤ ᠬᠡᠯᠪᠡᠷᠢ ᠶᠢᠨ ᠰᠠᠶᠢᠬᠠᠨ ᠢ ᠡᠷᠬᠢᠮᠯᠡᠬᠦ ᠣᠨᠴᠠᠯᠢᠭ ᠢᠯᠡ ᠬᠠᠷᠠᠭᠳᠠᠨᠠ᠃ ᠲᠤᠰ ᠪᠦᠲᠦᠭᠡᠯ ᠪᠣᠯ ᠳᠠᠷᠦᠢ | ᠭᠠᠳᠠᠭᠠᠳᠦ ᠴᠣᠭᠴᠠ ᠪᠠ ᠳᠣᠲᠤᠭᠠᠳᠤ ᠪᠦᠲᠦᠴᠡ ᠶᠢᠨ ᠨᠢᠭᠲᠠ ᠠᠭᠤᠰᠤᠯᠴᠠᠯ᠂ ᠨᠢᠮᠪᠠᠢ ᠨᠢᠭᠡᠳᠦᠯ ᠤᠨ ᠵᠢᠱᠢᠶᠡ ᠪᠣᠯᠬᠤ ᠶᠤᠮ᠃ | ᠭᠠᠳᠠᠭᠠᠳᠤ ᠴᠣᠭᠴᠠ ᠲᠥᠪ᠂ ᠬᠢᠴᠢᠶᠡᠩᠭᠦᠢ᠃ ᠲᠤᠰ ᠪᠦᠲᠦᠭᠡᠯ ᠤᠨ ᠪᠦᠲᠦᠴᠡ ᠶᠢᠨ ᠭᠤᠣᠯ ᠵᠠᠭᠪᠤᠷ ᠨᠢ ᠤᠬᠠᠭᠳᠠᠬᠤᠨ ᠤ ᠲᠠᠶᠢᠯᠪᠤᠷᠢ ᠪᠣᠯᠤᠨ ᠵᠢᠱᠢᠶᠡ | ᠨᠣᠲᠠᠯᠠᠯᠲᠠ ᠭᠡᠬᠦ ᠬᠤᠶᠠᠷ ᠬᠡᠰᠡᠭ ᠢᠶᠠᠷ ᠪᠦᠷᠢᠯᠳᠦᠪᠡ ᠭᠡᠵᠦ ᠦᠵᠡᠵᠦ ᠪᠣᠯᠤᠨᠠ᠃ ᠳᠠᠷᠦᠢ ᠵᠤᠬᠢᠶᠠᠭᠴᠢ ᠠᠴᠠ ᠵᠤᠬᠢᠶᠠᠮᠵᠢ ᠪᠠᠨ ᠪᠠᠶᠢᠷᠢᠰᠢᠭᠤᠯᠬᠤ ᠳᠠᠭᠠᠨ | ᠤᠬᠠᠭᠳᠠᠬᠤᠨ ᠤ ᠲᠠᠶᠢᠯᠪᠤᠷᠢᠯᠠᠯᠲᠠ + ᠵᠢᠱᠢᠶᠡ ᠨᠣᠲᠠᠯᠠᠯᠲᠠ ᠭᠡᠬᠦ ᠲᠣᠭᠲᠠᠩᠭᠤᠢ ᠲᠡᠭᠰᠢ ᠬᠡᠮᠲᠦ ᠵᠠᠭᠪᠣᠷ ᠢ ᠪᠠᠷᠢᠮᠲᠠᠯᠠᠵᠠᠢ᠃ ᠵᠢᠱᠢᠶᠡᠯᠡᠪᠡᠯ᠂ ᠬᠡᠪ ᠨᠠᠮᠪᠠ ᠶᠢ | ᠲᠠᠶᠢᠯᠪᠤᠷᠢᠯᠠᠬᠤ ᠳᠠᠭᠠᠨ᠂ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠶᠢᠨ ᠬᠡᠪ ᠨᠠᠮᠪᠠ ᠪᠣᠯ ᠤᠷᠠᠯᠠᠨ ᠪᠦᠲᠦᠭᠡᠬᠦ ᠦᠢᠯᠡᠳᠦᠯᠭᠡ ᠳᠤᠮᠳᠠ ᠠᠭᠠᠵᠢᠮ ᠢᠶᠠᠷ ᠪᠣᠢ ᠪᠤᠯᠤᠭᠰᠠᠨ ᠠᠭᠤᠯᠭᠠ | ᠪᠣᠯᠤᠨ ᠬᠡᠯᠪᠡᠷᠢ ᠶᠢᠨ ᠬᠢᠨᠢ ᠨᠢᠭᠡᠳᠦᠮᠡᠯ ᠴᠤᠭᠴᠠ ᠮᠦᠨ ᠭᠡᠮᠡᠨ ᠲᠠᠶᠢᠯᠪᠤᠷᠢᠯᠠᠭᠰᠠᠨ ᠤ ᠳᠠᠷᠠᠭᠠ ᠨᠢ ᠴᠢᠮᠡᠳᠳᠣᠷᠵᠢ ᠶᠢᠨ ᠰᠢᠯᠦᠭ ᠢᠶᠠᠷ ᠵᠢᠱᠢᠶᠠ ᠳᠠᠳᠠᠨ ᠨᠣᠲᠠᠯᠠᠪᠠ᠃ | ᠡᠨᠡ ᠮᠠᠶ᠋ᠢᠭ ᠢᠶᠠᠷ ᠪᠦᠬᠦ᠋ᠢᠯᠡ ᠵᠣᠬᠢᠶᠠᠯ ᠤᠨ ᠵᠣᠬᠢᠶᠠᠮᠵᠢ ᠪᠦᠲᠦᠴᠡ ᠨᠢ ᠶᠠᠭ ᠡᠶᠢᠮᠦᠷᠬᠦᠦ ᠬᠡᠪ ᠵᠠᠭᠪᠣᠷ ᠢ ᠪᠠᠷᠢᠮᠲᠠᠯᠠᠨ ᠪᠢᠴᠢᠪᠡ᠃ | ᠳᠣᠲᠤᠭᠠᠳᠤ ᠪᠦᠲᠦᠴᠡ ᠤᠷᠠᠨ᠂ ᠨᠠᠷᠢᠨ᠃ ᠲᠤᠰ ᠪᠦᠲᠦᠭᠡᠯ ᠨᠢ ᠰᠡᠭᠦᠯ ᠵᠠᠯᠭᠠᠵᠤ ᠡᠬᠢ ᠠᠪᠴᠠᠯᠳᠤᠭᠰᠠᠨ ᠤᠲᠠᠰᠤᠯᠢᠭ ᠳᠤᠲᠤᠭᠠᠳᠤ ᠬᠤᠯᠪᠤᠭᠠᠰᠤ ᠶᠢ | ᠪᠦᠷᠢᠯᠳᠦᠭᠦᠯᠵᠡᠢ᠃ ᠵᠢᠱᠢᠶᠡᠯᠡᠪᠡᠯ᠂ ᠶᠠᠮᠡᠷ ᠨᠢᠭᠡᠨ ᠬᠠᠷᠢᠴᠠᠭᠠ ᠬᠤᠯᠪᠤᠭᠠ ᠲᠠᠢ ᠬᠤᠶᠠᠷ ᠠᠭᠤᠯᠭᠠ ᠶᠢᠨ ᠢᠶᠠᠨ ᠬᠤᠭᠤᠷᠤᠨᠳᠦ ᠬᠦᠭᠦᠷᠭᠡ ᠳᠡᠪᠢᠰᠴᠦ᠂ ᠡᠬᠢ | ᠰᠡᠭᠦᠯ ᠢ ᠨᠢ ᠠᠪᠴᠠᠯᠳᠣᠭᠤᠯᠣᠨ ᠪᠢᠴᠢᠭᠰᠡᠨ ᠪᠠᠶᠢᠨᠠ᠃ ᠪᠣᠳᠠᠲᠠᠢ ᠪᠠᠷ ᠬᠡᠯᠡᠪᠡᠯ᠂ ︽ᠬᠤᠶᠠᠳᠠᠬᠢ ᠪᠠᠶᠢᠭᠠᠯᠢ︾ ᠶᠢᠨ ᠲᠡᠭᠦᠰᠬᠡᠯ ᠢᠶᠠᠷ ᠵᠤᠬᠢᠶᠠᠨ ᠰᠡᠳᠬᠢᠮᠵᠢ ᠶᠢ | ᠰᠡᠳᠦᠨ ᠭᠠᠷᠭᠠᠬᠤ᠂ ᠬᠡᠪ ᠨᠠᠮᠪᠠ ᠪᠠᠷ ᠦᠨᠳᠦᠰᠦᠲᠡᠨ ᠤ ᠣᠨᠴᠠᠯᠢᠭ ᠢ ᠢᠯᠡᠷᠡᠭᠦᠯᠬᠦ ᠵᠡᠷᠭᠡ ᠨᠢ ᠬᠡᠷᠡᠭ ᠳᠡᠭᠡᠷᠡ ᠪᠠᠨ ᠲᠤᠰ ᠵᠣᠬᠢᠶᠠᠯ ᠤᠨ ᠳᠤᠲᠤᠭᠠᠲᠤ ᠬᠤᠯᠪᠤᠭᠠᠰᠤ | ᠪᠣᠯᠣᠨ ᠪᠦᠷᠢᠯᠳᠦᠭᠰᠡᠨ ᠪᠠᠶᠢᠨᠠ᠃ | ᠬᠤᠷᠢᠶᠠᠩᠭᠤᠶᠢᠯᠠᠪᠠᠯ᠂ ᠲᠤᠰ ᠪᠦᠲᠦᠭᠡᠯ ᠨᠢ ᠬᠡᠯᠪᠡᠷᠢ ᠶᠢᠨ ᠭᠤᠶᠢᠲᠠ ᠰᠠᠶᠢᠬᠠᠨ᠂ ᠠᠭᠤᠯᠭᠠ ᠶᠢᠨ ᠠᠪᠰᠠᠷᠬᠠᠨ ᠣᠨᠤᠪᠴᠢᠯᠢᠭ ᠨᠢᠭᠡᠳᠦᠭᠰᠡᠨ ᠦᠪᠡᠷᠮᠢᠴᠡ | ᠣᠨᠤᠯ ᠤᠨ ᠵᠠᠭᠪᠤᠷ ᠲᠠᠢ ᠪᠦᠷᠢᠨ ᠪᠦᠲᠦᠨ ᠤᠷᠠᠯᠢᠭ ᠤᠨ ᠲᠣᠮᠤ ᠪᠦᠲᠦᠭᠡᠯ ᠪᠤᠯᠤᠨᠠ᠃ ︽ᠤᠶᠠᠩᠭᠠ ᠶᠢᠨ ᠡᠷᠢᠯᠴᠢᠨ ᠤ ᠲᠡᠮᠳᠡᠭᠯᠡᠯ︾ ᠨᠢ ᠮᠣᠩᠭᠤᠯ ᠰᠢᠯᠦᠭ ᠲᠤ | ᠠᠩᠬᠠ ᠤᠳᠠᠭᠠ ᠰᠢᠰᠲ᠋ᠧᠮ ᠲᠠᠢ ᠣᠨᠤᠯ ᠤᠨ ᠴᠤᠭᠴᠠᠯᠠᠯᠲᠠ ᠬᠢᠭᠰᠡᠨ ᠲᠣᠮᠤ ᠪᠦᠲᠦᠭᠡᠯ ᠪᠣᠯᠤᠭᠰᠠᠨ ᠤ ᠬᠤᠪᠢ ᠳᠤ ᠲᠡᠷᠡ ᠨᠢ ᠮᠣᠩᠭᠤᠯ ᠰᠢᠯᠦᠭ ᠤᠨ ᠬᠦᠭᠵᠢᠯᠳᠡ | ᠳᠠᠪᠰᠢᠯᠲᠡ᠂ ᠣᠨᠤᠯ ᠤᠨ ᠦᠨᠳᠦᠷᠴᠡ ᠳᠤ ᠴᠦᠮ ᠲᠦᠢᠯ ᠤᠨ ᠴᠢᠬᠤᠯᠠ ᠦᠢᠯᠡᠳᠦᠯ ᠨᠦᠯᠦᠭᠡ ᠶᠢ ᠦᠵᠡᠭᠦᠯᠦᠭᠰᠡᠨ ᠶᠤᠮ᠃ | |