| ᠴᠠᠬᠢᠷᠮᠠ ᠲᠡᠯᠭᠡᠷᠡᠴᠢᠭᠡᠯᠡ᠃ ᠴᠠᠬᠢᠷᠮᠠ ᠲᠡᠪᠰᠡᠭ ᠢ ᠪᠦᠷᠬᠦᠳᠡᠯᠡ ᠲᠡᠯᠭᠡᠷᠡᠴᠢᠬᠡᠯᠡ᠃ ᠨᠤᠳᠤᠭ ᠤᠨ ᠮᠢᠨᠢ ᠠᠭᠤᠯᠠ ᠲᠠᠯᠠ᠂ ᠭᠤᠤ ᠭᠠᠩᠭᠠ ᠠᠯᠢ ᠪᠦᠬᠦᠨ ᠢ | ᠲᠡᠪᠵᠢᠬᠦᠯᠦᠭᠡᠳ ᠰᠡᠳᠬᠢᠯ ᠵᠢᠷᠦᠬᠡᠨ ᠤ ᠬᠦᠨ ᠳᠤ ᠲᠡᠯᠭᠡᠷᠡᠴᠢᠬᠡᠯᠡ᠃ ᠪᠢ ᠴᠠᠬᠢᠯᠳᠠᠭ ᠤᠨ ᠴᠡᠴᠡᠭ ᠤᠨ ᠲᠤᠮᠳᠠᠭᠤᠷ ᠴᠡᠬᠡᠵᠢ ᠪᠠᠨ ᠲᠡᠨᠢᠢᠯᠭᠡᠨ᠂ ᠬᠤᠶᠠᠷ ᠭᠠᠷ ᠢᠶᠠᠨ | ᠠᠯᠳᠠᠯᠠᠨ ᠬᠦᠭᠡ ᠴᠡᠩᠭᠡᠷ ᠤᠭᠳᠠᠷᠭᠤᠢ ᠶᠢᠨ ᠲᠤᠤᠭᠤᠷ᠂ ᠭᠦᠷᠢᠶᠡᠳᠦ ᠬᠠᠳᠤᠨ ᠨᠠᠷᠠᠨ ᠤ ᠰᠠᠴᠤᠷᠠᠭ ᠲᠡᠪᠡᠷᠢᠨ ᠲᠡᠪᠳᠡᠷᠢᠨ ᠲᠡᠪᠳᠡᠷᠢᠭᠰᠡᠭᠡᠷ᠂ ᠪᠤᠭᠱᠤᠤᠷᠭᠠ | ᠪᠤᠯᠵᠤᠮᠤᠷ ᠰᠢᠭ᠋ ᠡᠷᠬᠢᠯᠳᠦᠨ ᠲᠠᠭᠤᠯᠠᠵᠤ ᠪᠠᠶᠢᠨᠠ᠃ | ︽ᠬᠠᠪᠤᠷ ᠤᠨ ᠤᠶᠠᠩᠭᠠᠨ ᠲᠠᠯᠠ ᠲᠤᠮᠳᠠᠭᠤᠷ ᠡ | ᠬᠠᠶᠢᠷᠠ ᠶᠢᠨ ᠴᠠᠬᠢᠷᠮᠠ ᠲᠡᠯᠭᠡᠷᠡᠵᠡᠢ ᠬᠦᠢ | ᠬᠠᠭᠠᠨ ᠨᠤᠳᠤᠭ ᠤᠨ ᠰᠦᠯᠳᠡ ᠴᠡᠴᠡᠭ ᠨᠢ | ᠬᠠᠯᠠᠭᠤᠨ ᠵᠢᠷᠦᠬᠡᠨ ᠳᠤ ᠦᠨᠳᠦᠰᠦᠯᠡᠵᠡᠢ | ᠨᠤᠳᠤᠭ ᠢ ᠪᠦᠷᠬᠦᠨ ᠭᠠᠩᠭᠠᠷᠠᠨᠠ ᠶᠡ | ᠨᠤᠭᠤᠨ ᠬᠦᠦ ᠰᠢᠭ ᠴᠤᠭ ᠲᠠᠢ ᠶᠠ︾ ᠭᠡᠵᠤ ᠬᠦᠭᠡᠷᠦᠨ ᠬᠦᠭᠰᠡᠨ ᠢᠨᠢᠶᠡᠭᠰᠡᠨ ᠳᠡᠭᠡᠨ ᠲᠤᠭᠳᠤᠯᠤᠭᠠᠳ ᠠᠮᠳᠠᠳᠦ ᠵᠡᠭᠦᠳᠦᠨ ᠠᠴᠠ ᠪᠠᠨ ᠰᠡᠷᠢᠴᠢᠬᠡᠪᠡ᠃ | ᠪᠠᠶᠠᠷᠳᠦ ᠵᠡᠭᠦᠳᠦ᠂ ᠡᠰᠡᠷᠡᠭ ᠤᠨ ᠰᠤᠪᠢᠩ ᠤᠨ ᠢᠶᠠᠨ ᠰᠡᠷᠮᠡᠬᠦᠨ ᠨᠤᠲ ᠢ ᠲᠠᠭᠠᠭᠠᠳ ᠪᠢ ᠪᠠᠭᠠ ᠶᠢᠨ ᠨᠤᠳᠤᠭ ᠵᠦᠭ ᠢᠶᠠᠨ ᠨᠢᠰᠪᠡ᠃ ᠰᠡᠳᠬᠢᠯ ᠮᠢᠨᠢ ᠨᠠᠳᠠ ᠠᠴᠠ | ᠤᠷᠢᠳ ᠢᠶᠠᠷ ᠬᠦᠷᠴᠢᠭᠡᠭᠡᠳ ᠠᠶᠢᠯᠴᠢᠯᠠᠵᠤ ᠪᠠᠶᠢᠨᠠ᠃ | ︽ᠲᠤᠭᠤᠯ ᠲᠤᠭᠤᠯ ᠲᠤᠷᠮᠤᠯᠵᠠᠵᠤ ᠪᠠᠶᠢᠨᠠ | ᠲᠤᠭᠯᠠᠨ ᠲᠤᠩᠭᠤᠴᠢᠨ ᠲᠤᠷᠨᠢᠵᠤ ᠪᠠᠶᠢᠨᠠ | ᠲᠤᠯᠭᠠᠨ ᠤ ᠤᠳᠤᠭᠠ ᠤᠨᠢᠶᠠᠷᠳᠤᠵᠤ ᠪᠠᠶᠢᠨᠠ | ᠲᠡᠨᠵᠢ ᠲᠡᠪᠰᠡᠭ ᠢᠶᠠᠷ ᠠᠯᠢᠶᠠᠯᠠᠵᠤ ᠪᠠᠶᠢᠨᠠ | ᠴᠡᠬᠢᠷᠮᠠ ᠴᠡᠬᠢᠷᠮᠠ ᠴᠡᠯᠡᠭᠡᠷᠡᠨ ᠪᠠᠶᠢᠨᠠ | ᠴᠡᠬᠢᠷᠮᠠ ᠶᠢᠨ ᠲᠡᠪᠰᠡᠭ ᠲᠤ ᠪᠤᠳᠠᠯᠠᠵᠤ ᠪᠠᠶᠢᠨᠠ | ᠬᠤᠩᠭᠤᠷ ᠲᠤᠭᠤᠷᠴᠤᠭ ᠨᠢ ᠵᠡᠭᠦᠷᠮᠡᠭᠯᠡᠵᠦ ᠪᠠᠶᠢᠨᠠ | ᠬᠦᠩᠬᠡᠨ ᠰᠠᠯᠬᠢᠨ ᠳᠤ ᠵᠠᠳᠠᠷᠠᠵᠤ ᠪᠠᠶᠢᠨᠠ ᠁︾ ᠭᠡᠵᠤ ᠠᠮᠠᠨ ᠲᠠᠷᠨᠢ ᠪᠠᠨ ᠬᠢᠩᠰᠢᠭᠰᠡᠭᠡᠷ ᠲᠤᠭᠤᠯ ᠢᠶᠠᠨ ᠲᠠᠭᠤᠭᠠᠳ ᠴᠡᠬᠢᠷᠮᠠ ᠶᠢᠨ ᠲᠡᠪᠰᠡᠭ ᠲᠡᠭᠡᠷᠡ | ᠪᠤᠯᠵᠤᠭᠰᠠᠨ ᠶᠤᠮ ᠰᠢᠭ᠋ ᠠᠭᠤᠯᠵᠠᠵᠠᠭᠠᠨᠠ᠃ | ᠮᠠᠨ ᠤ ᠭᠡᠷ ᠠᠴᠠ ᠤᠶᠢᠷᠠᠬᠠᠨ ᠬᠠᠷᠠᠭᠤᠤ ᠶᠢᠨ ᠭᠤᠤᠯ ᠤᠨ ᠬᠦᠪᠡᠭᠡᠨ ᠳᠤ ᠴᠠᠬᠢᠷᠮᠠ ᠶᠢᠨ ᠲᠡᠪᠰᠡᠭ ᠭᠡᠵᠤ ᠪᠠᠶᠢᠳᠠᠭ᠃ ᠠᠳᠡ ᠨᠤᠳᠤᠭ ᠲᠠᠭᠠᠨ ᠠᠷᠭᠠ | ᠦᠭᠡᠢ ᠡᠭᠡᠯᠢᠳᠡᠢ ᠦᠭᠡᠳᠡᠩ᠂ ᠰᠠᠷᠠᠯᠠᠩ᠂ ᠪᠡᠷᠢᠴᠡᠴᠡᠭ᠂ ᠪᠦᠪᠡᠭᠡᠯᠵᠢᠨ ᠴᠡᠴᠡᠭ ᠭᠡᠳ ᠦᠩᠭᠡ ᠮᠦᠴᠡᠭᠡᠷᠭᠡᠨ ᠲᠡᠯᠭᠡᠷᠡᠬᠦ ᠠᠴᠠ ᠠᠰᠳᠠᠭᠠᠨ ᠨᠢᠭᠡ ᠦᠨᠳᠦᠷᠬᠡᠨ ᠰᠢᠭ | ᠨᠢᠭᠡ ᠬᠡᠰᠡᠭ ᠭᠠᠵᠠᠷ ᠲᠤᠨᠢ ᠴᠠᠬᠢᠷᠮᠠ ᠬᠠᠮᠤᠭ ᠠᠴᠠ ᠢᠯᠡᠬᠦᠦ ᠶᠠᠭᠰᠢᠷᠠᠨ ᠪᠤᠳᠠᠯᠠᠭᠰᠠᠨ ᠪᠤᠯᠬᠤᠷ ᠡᠷᠳᠡᠨ ᠠᠴᠠ ᠠᠪᠤᠭᠠᠳ ᠠᠶᠢᠯ ᠤᠰᠤᠨ ᠤ ᠬᠢᠨ ︽ | ᠴᠠᠬᠢᠷᠮᠠ ᠶᠢᠨ ᠲᠡᠪᠰᠡᠭ︾ ᠭᠡᠵᠤ ᠨᠡᠷᠡᠯᠡᠭᠰᠡᠨ ᠪᠠᠶᠢᠬᠤ ᠶᠤᠮ᠃ ᠲᠡᠪᠰᠡᠭ ᠲᠡᠭᠡᠷᠡ ᠲᠠᠪᠤᠨ ᠰᠠᠷᠠ ᠠᠴᠠ ᠨᠠᠮᠤᠷ ᠤᠨ ᠲᠤᠮᠳᠠᠴᠢ ᠰᠠᠷᠠ ᠪᠤᠯᠳᠠᠯᠠ ᠴᠠᠬᠢᠷᠮᠠ ᠴᠡᠴᠡᠭ | ᠪᠠᠳᠠᠷᠠᠨ ᠲᠡᠯᠭᠡᠷᠡᠭᠡᠳ ᠪᠤᠷᠤᠭᠵᠢᠭᠤᠨ ᠬᠦᠬᠡ ᠦᠩᠭᠡ ᠪᠠᠷ ᠢᠶᠠᠨ ᠨᠤᠳᠤᠭ ᠪᠠᠶᠢᠭᠠᠯᠢ ᠪᠠ ᠬᠦᠮᠦᠨ ᠵᠤᠨ ᠤ ᠪᠠᠨ ᠰᠡᠳᠬᠢᠯ ᠵᠢᠷᠦᠭᠡ ᠶᠢ ᠬᠦᠰᠡᠯᠵᠡᠬᠦᠯᠦᠨ ᠴᠢᠮᠡᠨᠡ᠃ | ᠮᠦᠩᠬᠦᠨ ᠤᠳᠠᠰᠦ ᠰᠢᠭ᠋ ᠦᠶᠡᠯᠵᠡᠭᠰᠡᠨ ᠬᠠᠷᠠᠭᠤᠤ ᠶᠢᠨ ᠭᠤᠤᠯ ᠤᠨ ᠬᠦᠪᠡᠭᠡᠨ ᠳᠤ ᠴᠠᠬᠢᠷᠮᠠ ᠬᠠᠪᠤᠷ ᠬᠠᠪᠤᠷ ᠡᠷᠳᠡᠯᠡᠨ ᠲᠡᠯᠭᠡᠷᠡᠳᠡᠭ ᠨᠢ ᠨᠤᠳᠤᠭ ᠤᠨ | ᠬᠦᠮᠦᠰ ᠲᠤ ᠶᠤᠰᠤᠳᠠᠢ ᠭᠠᠶᠢᠬᠠᠮᠰᠢᠭ ᠤᠨ ᠨᠢᠭᠡ ᠪᠤᠯᠤᠭᠠᠳ ᠢᠷᠡᠵᠡᠢ᠃ ᠮᠢᠨᠦ ᠤᠬᠠᠭᠠᠨ ᠪᠤᠳᠤᠯ ᠳᠤ ᠶᠠᠭ ᠯᠡ ᠤᠰᠤᠨ ᠤ ᠮᠡᠯᠡᠬᠡᠢ ᠭᠤᠸᠠᠭᠯᠠᠬᠤ ᠪᠦᠷᠢ | ᠲᠡᠭᠦᠨ ᠲᠠᠢ ᠤᠷᠤᠯᠳᠤᠨ ᠬᠡᠳᠦ ᠬᠡᠳᠦᠨ ᠬᠦᠢᠰᠦ ᠴᠠᠬᠢᠷᠮᠠ ᠴᠡᠴᠡᠭ ᠲᠤᠷᠮᠦ᠋ᠢᠴᠢᠬᠠᠳᠠᠭ ᠰᠢᠭ᠋ ᠰᠠᠨᠠᠭᠳᠠᠵᠤ ᠪᠠᠶᠢᠭᠰᠠᠨ᠃ ᠨᠤᠳᠤᠭ ᠤᠨ ᠬᠦᠮᠦᠰ ᠴᠠᠬᠢᠷᠮᠠ ᠠᠴᠠ | ᠡᠭᠡᠯ ᠪᠤᠷᠤᠭᠵᠢᠭᠤᠨ ᠦᠩᠭᠡ ᠬᠦᠷᠳᠡᠵᠤ᠂ ᠲᠠᠷᠤᠤ ᠭᠡᠭᠡᠨ ᠤᠬᠠᠭᠠᠨ ᠤᠯᠠᠮᠯᠠᠨ᠂ ᠠᠮᠢᠳᠤᠷᠠᠯ ᠤᠨ ᠲᠡᠰᠪᠦᠷᠢ ᠲᠤᠭᠳᠠᠪᠦᠷᠢᠳᠦ ᠠᠷᠠᠨᠰᠢᠨ ᠢ ᠦᠪᠯᠡᠨ ᠠᠪᠴᠦ | ᠪᠠᠶᠢᠭᠰᠠᠨ ᠪᠠᠶᠢᠵᠠᠢ ᠭᠡᠵᠤ ᠪᠢ ᠬᠤᠵᠢᠮ ᠨᠢ ᠰᠠᠶ᠋ᠢ ᠤᠬᠠᠭᠰᠠᠨ᠃ | ᠬᠠᠷᠠᠭᠤᠤ ᠶᠢᠨ ᠭᠤᠤᠯ ᠤᠨ ᠠᠷᠤ ᠡᠷᠬᠢ ᠲᠡᠨᠵᠢ᠂ ᠴᠠᠬᠢᠷᠮᠠ ᠶᠢᠨ ᠲᠡᠪᠰᠡᠭ ᠤᠨ ᠬᠠᠪᠢ ᠤᠷᠴᠢᠨ ᠢᠶᠠᠷ ᠴᠠᠭᠠᠨ ᠰᠤᠳᠠᠰᠤ ᠲᠠᠢ ᠤᠯᠠᠭᠠᠨ ᠤᠬᠤᠷ | ᠦᠮᠦᠳᠦ ᠲᠠᠢ ᠬᠦᠦᠴᠤᠤᠯ ᠪᠤᠶᠤ ᠴᠡᠴᠡᠭᠡᠰ ᠤᠨ ᠲᠠᠯᠪᠢ ᠶᠢ ᠦᠨᠦᠷᠯᠡᠨ ᠲᠡᠪᠳᠡᠷᠢᠵᠤ ᠲᠡᠪᠵᠢᠭᠰᠡᠨ ᠵᠦᠭᠡᠢ ᠡᠷᠪᠡᠬᠡᠢ ᠰᠢᠭ ᠠᠯᠠᠭ ᠪᠠᠩᠵᠠᠯ ᠲᠠᠢ ᠵᠢᠭᠠᠯ ᠦᠬᠢᠳ | ᠲᠤᠭᠤᠯ ᠢᠶᠠᠨ ᠪᠡᠯᠴᠢᠭᠡᠬᠦ ᠳᠤ ᠴᠠᠬᠢᠷᠮᠠ ᠶᠢᠨ ᠨᠠᠪᠴᠢ ᠪᠠᠷ ᠲᠠᠳᠠᠭᠤᠷ ᠪᠠᠭᠤᠪᠴᠢ ᠬᠦᠷᠦᠵᠦ ᠵᠡᠬᠦᠨᠡ᠃ ᠴᠡᠴᠡᠭ ᠤᠨ ᠬᠢᠨᠢ ᠠᠯᠢ ᠢᠳᠡᠷᠡᠭᠦᠨ ᠪᠠᠳᠠᠷᠠᠭᠤᠨ ᠠᠴᠠ ᠨᠢ | ᠵᠤᠯᠭᠠᠭᠠᠨ ᠠᠪᠴᠦ ᠲᠠᠳᠠᠭᠤᠷ ᠲᠡᠭᠡᠷᠡ ᠪᠠᠨ ᠵᠡᠬᠦᠨᠡ᠃ ᠲᠡᠭᠦᠨ ᠢᠶᠠᠷ ᠨᠠᠭᠠᠳᠤᠭᠠᠳ ᠨᠠᠭᠠᠳᠤᠭᠠᠳ ᠬᠠᠨᠤᠰᠢ ᠦᠭᠡᠢ ᠶᠢᠨ ᠡᠷᠭᠡᠨ ᠳᠤ ᠪᠤᠯᠪᠠ ᠤᠤ︖ ᠭᠡᠷ ᠲᠡᠭᠡᠨ | ᠬᠠᠷᠢᠬᠤ ᠳᠠᠭᠠᠨ ᠴᠤ ᠦᠷᠭᠡᠨ ᠤᠷᠳᠦ ᠰᠢᠯᠤᠭᠤᠨ ᠨᠤᠭᠤᠭᠠᠨ ᠨᠠᠪᠴᠢᠨ ᠠᠴᠠ ᠨᠢ ᠠᠳᠬᠤ ᠲᠦᠭᠦᠷᠡᠩ ᠠᠪᠤᠭᠠᠳ ᠪᠤᠴᠠᠳᠠᠭ ᠪᠠᠶᠢᠭᠰᠠᠨ᠃ | ᠨᠢᠭᠡᠨ ᠦᠳᠡ ᠳᠤ ᠪᠢ ᠲᠠᠳᠠᠭᠤᠷ ᠪᠠᠭᠤᠪᠴᠢ ᠪᠠᠨ ᠵᠡᠭᠦᠴᠢᠬᠡᠭᠡᠳ ᠠᠪᠤ ᠪᠠᠷ ᠭᠤᠯᠢᠶᠡ ᠶᠢᠨ ᠰᠢᠩᠭᠡᠯᠢᠭ ᠬᠦᠷᠦᠭᠦᠯᠭᠦ ᠭᠡᠵᠤ ᠬᠦᠯᠢᠶᠡᠵᠤ ᠶᠠᠳᠠᠬᠤ ᠳᠠᠭᠠᠨ | ᠰᠢᠷᠡ ᠭᠡᠵᠢᠬᠡ ᠪᠠᠨ ᠡᠷᠪᠠᠶᠢᠯᠭᠡᠨ ᠡᠭᠦᠳᠡᠨ ᠬᠠᠳᠠᠪᠴᠢ ᠲᠡᠭᠡᠷᠡ ᠵᠤᠭᠰᠤᠵᠤ ᠪᠠᠶᠢᠪᠠ᠃ ᠡᠮᠡᠭᠡ ᠦᠵᠡᠴᠢᠭᠡᠭᠡᠳ᠄ ︽ᠡᠬᠦᠳᠡᠨ ᠬᠠᠳᠠᠪᠴᠢᠨ ᠲᠡᠭᠡᠷᠡ ᠵᠤᠭᠰᠤᠪᠠᠯ | ᠮᠠᠭᠤ ᠶᠤᠷᠤ ᠲᠠᠢ ᠭᠡᠵᠤ ᠬᠡᠯᠡᠭᠡᠳ ᠮᠡᠳᠡᠭᠦ ᠦᠭᠡᠢ ᠬᠡᠦᠬᠡᠳ ᠬᠦᠢ᠂ ᠴᠠᠬᠢᠷᠮᠠ ᠶᠢ ᠪᠢᠳᠡᠬᠡᠢ ᠲᠡᠭᠡᠵᠤ ᠠᠷᠪᠢᠨ ᠲᠠᠰᠤᠳᠠ ᠭᠡᠵᠤ ᠬᠡᠴᠦᠨᠡᠨ ᠬᠡᠯᠡᠵᠤ ᠪᠠᠶᠢᠬᠤ ᠳᠤ᠂ | ᠪᠦᠷ ᠪᠠᠷᠠᠴᠢᠬᠠᠪᠠᠯ ᠶᠠᠭᠤ ᠪᠠᠨ ᠠᠪᠤᠨᠠ ᠪᠤᠢ︖ ᠳᠠᠬᠡᠬᠦ ᠳᠤ ᠴᠠᠬᠢᠷᠮᠠ ᠨᠤᠬᠠᠢ ᠶᠢᠨ ᠰᠢᠬᠡᠰᠦᠨ ᠤ ᠠᠮᠳᠠ ᠲᠠᠢ ᠬᠡᠳᠡᠭ ᠶᠤᠮ᠂ ᠰᠠᠶᠢᠨ ᠨᠠᠭᠠᠳ︾ ᠭᠡᠵᠤ ᠬᠡᠯᠡᠭᠡᠳ | ᠭᠡᠷ ᠲᠤ ᠤᠷᠤᠪᠠ᠃ ᠡᠮᠡᠭᠡ ᠶᠢᠨ ᠬᠡᠯᠡᠭᠰᠡᠨ ᠨᠢ ᠨᠢᠭᠡ ᠠᠴᠠ ᠬᠤᠶᠠᠷ ᠲᠤ᠂ ᠬᠤᠶᠠᠷ ᠠᠴᠠ ᠲᠦᠷᠪᠡ ᠳᠤ ᠲᠠᠮᠵᠢᠭᠰᠠᠭᠠᠷ ᠪᠠᠶᠢᠵᠤ ᠬᠡᠨ ᠨᠢ ᠴᠦ ᠲᠡᠭᠢᠵᠦ ᠲᠠᠰᠤᠳᠠᠵᠤ | ᠲᠠᠮᠤᠯᠠᠬᠤ ᠪᠠᠨ ᠪᠤᠯᠢᠭᠰᠠᠨ ᠪᠤᠯᠪᠠᠴᠦ ᠲᠡᠭᠦᠨ ᠤ ᠲᠤᠬᠠᠢ ᠰᠤᠨᠢᠭᠤᠴᠢ ᠰᠡᠳᠬᠢᠯᠭᠡ ᠨᠢ ᠤᠯᠠᠮ ᠦᠳᠭᠡᠷᠡᠭᠡᠳ ᠴᠠᠬᠢᠷᠮᠠ ᠶᠢᠨ ᠲᠡᠪᠰᠡᠭ ᠤᠨ ᠤᠷᠴᠢᠨ ᠢᠶᠠᠷ ᠡᠷᠪᠡᠬᠡᠢ | ᠵᠦᠭᠡᠢ ᠰᠢᠭ ᠲᠠᠭᠤᠯᠠᠵᠤ ᠪᠦᠵᠢᠭᠯᠡᠵᠦ ᠯᠡ ᠪᠠᠶᠢᠳᠠᠭ ᠶᠤᠮ᠃ | ᠨᠠᠮᠤᠷ ᠤᠨ ᠰᠡᠭᠦᠯᠴᠢ ᠡᠪᠦᠯ ᠤᠨ ᠡᠬᠢ ᠪᠤᠯᠪᠠᠯ ᠡᠮᠡᠭᠡ ᠲᠠᠷᠠᠭᠠ ᠵᠢᠯ ᠳᠡᠭᠡᠨ ᠲᠡᠪᠳᠦᠭᠡᠵᠤ ᠴᠢᠬᠢᠭᠳᠦᠬᠦᠯᠵᠦ ᠵᠦᠭᠡᠯᠡᠷᠡᠭᠦᠯᠵᠤ ᠪᠠᠶᠢᠭᠠᠳ ᠨᠠᠪᠴᠢᠨ ᠲᠠᠮᠠᠬᠢ | ᠪᠤᠭᠤᠬᠤ᠂ ᠬᠠᠳᠠᠭᠠᠭᠰᠠᠨ ᠨᠤᠭᠤᠭᠠ ᠪᠤᠭᠤᠬᠤ ᠳᠤ ᠬᠡᠷᠡᠭᠯᠡᠬᠦ ᠭᠡᠵᠤ ᠨᠢᠭᠡᠨᠳᠡ ᠬᠠᠳᠠᠴᠢᠬᠠᠭᠰᠠᠨ ᠴᠠᠬᠢᠷᠮᠠ ᠶᠢᠨ ᠨᠠᠪᠴᠢ ᠶᠢ ᠠᠪᠴᠢᠷᠠᠭᠤᠯᠤᠭᠠᠳ ᠬᠠᠳᠠᠭᠠᠯᠠᠳᠠᠭ᠃ | ᠪᠠᠰᠠ ᠲᠤᠮᠤ ᠬᠦᠮᠦᠨ ᠤ ᠬᠤᠷᠤᠭᠤ ᠭᠡᠮᠡᠷ ᠭᠤᠳᠦ᠋ᠢᠯᠵᠠᠨ ᠲᠤᠬᠢᠯᠵᠠᠵᠤ ᠪᠠᠶᠢᠭᠠ ᠴᠠᠬᠢᠷᠮᠠ ᠶᠢᠨ ᠦᠷᠡ ᠠᠴᠠ ᠲᠡᠬᠦᠯᠭᠡᠨᠡ᠃ ᠤᠴᠢᠷ ᠢ ᠨᠢ ᠠᠰᠠᠭᠤᠪᠠᠯ᠂ ᠬᠦᠢᠳᠡᠨ | ᠡᠪᠡᠳᠴᠢᠨ ᠲᠠᠢ ᠬᠦᠮᠦᠨ ᠦᠷᠡ ᠶᠢ ᠨᠢ ᠴᠢᠨᠠᠭᠠᠳ ᠰᠦᠮᠦᠰᠦ ᠶᠢ ᠨᠢ ᠤᠤᠭᠤᠪᠠᠯ ᠤᠨᠴᠠ ᠲᠤᠰᠠᠲᠠᠢ ᠭᠡᠨᠡ᠃ ᠠᠶᠢᠯ ᠤᠰᠤᠨ ᠤ ᠬᠢᠨ ᠤ ᠬᠡᠨ ᠨᠢᠭᠡᠨ ᠳᠤᠨᠢ | ᠬᠡᠷᠡᠭᠴᠡᠭᠡ ᠲᠠᠢ ᠪᠤᠯᠪᠠᠯ ᠲᠡᠭᠦᠨ ᠳᠤ ᠲᠤᠰᠠᠯᠠᠬᠤ ᠳᠤ ᠪᠠᠯᠠᠨ ᠭᠡᠨᠡ᠃ | ᠪᠤᠷᠬᠠᠨ ᠪᠤᠯᠤᠭᠰᠠᠨ ᠡᠮᠡᠭᠡ᠂ ᠬᠤᠮᠰᠠᠳᠠᠨ ᠴᠦᠬᠡᠬᠡᠷᠡᠭᠰᠡᠨ ᠴᠠᠬᠢᠷᠮᠠ ᠁ ᠦᠨᠦᠳᠦᠷ ᠪᠢ ᠲᠡᠳᠡᠨ ᠤ ᠵᠦᠭ ᠨᠢᠰᠬᠦ ᠳᠤ᠂ ᠲᠡᠳᠡᠨ ᠬᠠᠷᠢᠨ ᠮᠢᠨᠦ ᠰᠡᠳᠬᠢᠯ | ᠵᠢᠷᠦᠬᠡᠨ ᠤ ᠠᠭᠠᠷ ᠮᠠᠨᠳᠠᠯ ᠲᠤᠮᠳᠠᠭᠤᠷ ᠭᠠᠵᠠᠷ ᠢᠶᠠᠨ ᠠᠪᠴᠦ ᠨᠠᠭᠠᠰᠢ ᠬᠠᠯᠢᠨ ᠨᠢᠰᠦᠭᠰᠡᠭᠡᠷ ᠪᠠᠶᠢᠵᠠᠢ ᠡ᠃ | ᠠᠩᠬᠠ ᠲᠤᠮᠳᠠᠳᠦ ᠳᠤ ᠯ᠊ · ᠤᠳᠽᠠᠷ ᠪᠠᠭᠰᠢᠳᠠᠨ ᠤ ︽ᠴᠠᠬᠢᠯᠳᠠᠭ︾ ᠬᠡᠮᠡᠬᠦ ᠭᠤᠶᠤ ᠵᠤᠬᠢᠶᠠᠯ ᠢ ᠰᠤᠷᠤᠭᠰᠠᠨ ᠤ ᠲᠠᠷᠠᠭᠠ᠂ ᠴᠠᠬᠢᠷᠮᠠ ᠲᠠᠰᠤᠳᠠᠭᠠᠳ | ᠡᠮᠡᠭᠡ ᠳᠡᠭᠡᠨ ᠵᠠᠩᠨᠠᠭᠳᠠᠳᠠᠭ ᠪᠠ ᠡᠮᠡᠭᠡ ᠶᠢᠨ ᠶᠠᠷᠢᠭᠰᠠᠨ ᠦᠯᠢᠭᠡᠷ ᠵᠤᠭᠤᠭ ᠤᠨ ᠤᠴᠢᠷ ᠢ ᠠᠩᠬᠠ ᠠᠯᠬᠤᠮ ᠤᠶᠢᠯᠠᠭᠠᠵᠤ ᠪᠢᠯᠡ᠃ ᠠᠵᠢᠯ ᠤᠨ ᠪᠠᠶᠢᠷᠢ ᠳᠤ | ᠭᠠᠷᠤᠭᠠᠳ ᠠᠩᠭᠠ ᠰᠤᠷᠤᠭᠴᠢᠳ ᠲᠠᠭᠠᠨ ︽ᠴᠠᠬᠢᠯᠳᠠᠭ︾ ᠢ ᠲᠠᠶᠢᠯᠪᠦᠷᠢᠯᠠᠨ ᠵᠢᠭᠠᠭᠠᠳ ᠴᠠᠬᠢᠷᠮᠠ ᠶᠢᠨ ᠲᠤᠬᠠᠢ ᠨᠡᠩ ᠬᠦᠨᠵᠡᠬᠡᠢ ᠲᠠᠨᠢᠵᠤ᠂ ᠴᠠᠬᠢᠯᠳᠠᠭ ᠮᠡᠳᠦ ᠶᠢᠨ | ᠵᠠᠩ ᠴᠢᠨᠠᠷ ᠲᠠᠢ ᠴᠡᠴᠡᠭ ᠮᠤᠳᠦ ᠪᠠᠷ ᠪᠡᠯᠭᠡᠳᠡᠯ ᠤᠨ ᠰᠢᠨᠵᠢ ᠲᠠᠢ ᠨᠠᠶᠢᠷᠠᠭᠤᠯᠤᠯ ᠪᠢᠴᠢᠳᠡᠭ ᠤᠨ ᠤᠴᠢᠷ ᠤᠬᠠᠭᠠᠨ ᠢ ᠴᠦ ᠲᠦᠰᠦᠭᠡᠯᠡᠬᠦ ᠰᠢᠤᠬᠠᠨ ᠪᠤᠯᠬᠤ ᠶᠢᠨ | ᠤᠯᠠᠮ ᠠᠴᠠ ᠦᠨᠦᠳᠦᠷ ᠪᠠᠭᠠ ᠶᠢᠨ ᠨᠤᠳᠤᠭ ᠲᠠᠭᠠᠨ ᠦᠪ ᠦᠨᠡᠨ ᠬᠦ ᠨᠢᠰᠴᠦ ᠬᠦᠷᠦᠭᠡᠳ ᠴᠠᠬᠢᠷᠮᠠ ᠶᠢᠨ ᠲᠡᠪᠰᠡᠭ ᠲᠠᠢ ᠪᠠᠨ ᠶᠠᠷᠢᠶᠠ ᠬᠦᠭᠡᠷᠦᠬᠡ ᠲᠡᠯᠭᠡᠶᠡ᠂ | ᠤᠰᠤᠯ ᠴᠠᠯᠠᠭᠠᠢ ᠪᠠᠨ ᠨᠠᠮᠠᠨᠴᠢᠯᠠᠶᠠ ᠭᠡᠵᠤ ᠪᠤᠳᠤᠭᠠᠳ ᠪᠠᠶᠢᠳᠠᠭ ᠪᠤᠯᠵᠠᠢ᠃ ᠪᠢ ᠬᠡᠳᠦ᠋ᠢᠪᠡᠷ ᠠᠪᠤᠨ ᠲᠤᠤᠷᠠ ᠪᠠᠨ ᠬᠦᠷᠴᠦ ᠠᠮᠵᠢᠬᠤ ᠦᠭᠡᠢ ᠪᠤᠯᠪᠠᠴᠦ ᠨᠤᠳᠤᠭ ᠢ | ᠮᠢᠨᠢ ᠰᠠᠬᠢᠵᠤ ᠦᠯᠡᠳᠡᠭᠡᠳ ᠬᠤᠶᠢᠴᠢ ᠦᠶᠡ ᠤᠳᠤᠮ ᠤᠭᠰᠠᠭᠠ ᠶᠢᠨ ᠢᠶᠠᠨ ᠲᠦᠯᠦᠭᠡ ᠠᠮᠢ ᠴᠦᠯᠡᠨ ᠲᠡᠮᠡᠴᠡᠵᠤ ᠪᠠᠶᠢᠭᠠ ᠴᠠᠬᠢᠷᠮᠠ ᠮᠢᠨᠢ ᠪᠢᠳᠡᠭᠡᠢ ᠵᠤᠷᠢᠭ | ᠰᠢᠨᠳᠠᠷᠠᠭᠠᠷᠠᠢ ᠭᠡᠵᠤ ᠴᠡᠯᠮᠡᠭ ᠠᠭᠠᠷ ᠤᠨ ᠴᠡᠭᠡᠨ ᠲᠤᠯᠬᠢᠶᠠᠨ ᠢᠶᠠᠷ ᠢᠯᠡᠭᠡᠵᠦ ᠪᠠᠶᠢᠨᠠ︕ ᠲᠤᠰᠴᠦ ᠠᠪᠤᠭᠠᠷᠠᠢ ᠳ᠋ᠡ᠃ | |