| ᠮᠣᠩᠭᠤᠯᠴᠤᠳ ᠡᠷᠲᠡ ᠳᠡᠭᠡᠳᠦ ᠠᠴᠠ ᠴᠢᠨ᠋ᠸᠠ ᠶᠢ ᠰᠢᠲᠦᠳᠡᠭ᠃ ᠡᠶᠢᠮᠦ ᠠᠴᠠ ᠴᠢᠨ᠋ᠸᠠ ᠶᠢ ᠶᠡᠷᠦ ᠠᠴᠠ ᠨᠡᠷᠡ ᠪᠠᠷ ᠨᠢ ᠳᠠᠭᠤᠳᠠᠳᠠᠭ ᠦᠭᠡᠢ ᠬᠠᠷᠢᠨ | ︽ᠬᠥᠩᠭᠡᠨ ᠲᠠᠪᠠᠭᠲᠤ︾᠂ ︽ᠰᠦᠷᠡᠬᠡᠢ ᠨᠡᠷᠡᠳᠦ︾᠂ ︽ᠬᠦᠳᠡᠭᠡᠯᠢ ᠠᠪᠤ︾᠂ ︽ᠬᠤᠶᠠᠷ ᠪᠣᠭᠳᠠ︾ ᠭᠡᠬᠦ ᠮᠡᠲᠦ ᠪᠠᠷ ᠴᠡᠭᠡᠷᠯᠡᠨ ᠳᠠᠭᠤᠳᠠᠳᠠᠭ᠃ ᠴᠠᠭᠠᠨ ᠢᠮᠠᠭᠠ ᠪᠠᠷ | ᠠᠯᠳᠠᠷᠰᠢᠭᠰᠠᠨ ︽ᠬᠤᠶᠠᠷ ᠪᠣᠭᠳᠠ︾ ᠭᠡᠳᠡᠭ ᠠᠭᠤᠯᠠ ᠪᠣᠯ ᠤᠷᠠᠳ ᠨᠤᠲᠤᠭ ᠲᠤ ᠪᠠᠶᠢᠳᠠᠭ ᠠᠭᠤᠯᠠ ᠪᠣᠯᠣᠨᠠ᠃ ︽ᠬᠤᠶᠠᠷ ᠪᠣᠭᠳᠠ︾ ᠭᠡᠳᠡᠭ ᠨᠢ ᠳᠠᠷᠤᠢ ᠬᠤᠶᠠᠷ | ᠴᠢᠨ᠋ᠸᠠ ᠭᠡᠰᠡᠨ ᠦᠭᠡ ᠪᠥᠭᠡᠳ ᠬᠤᠶᠠᠷ ᠪᠣᠭᠳᠠ ᠠᠭᠤᠯᠠ ᠨᠢ ᠠᠯᠤᠰ ᠬᠤᠯᠠ ᠠᠴᠠ ᠬᠠᠷᠠᠬᠤ ᠳᠤ ᠶᠠᠭ ᠯᠠ ᠲᠠᠯᠠ ᠶᠢᠨ ᠬᠤᠶᠠᠷ ᠴᠢᠨ᠋ᠸᠠ ᠴᠢᠬᠢ ᠰᠡᠷᠲᠡᠯᠵᠡᠭᠦᠯᠦᠨ | ᠠᠯᠤᠰ ᠤᠨ ᠪᠠᠷᠠ ᠶᠢ ᠰᠢᠷᠲᠡᠵᠦ ᠪᠠᠶᠢᠭᠠ ᠮᠡᠲᠦ ᠪᠠᠶᠢᠳᠠᠭ ᠠᠴᠠ ᠳᠤᠮᠳᠠᠳᠤ ᠣᠷᠣᠨ ᠤ ᠢᠷᠭᠡᠳ ᠴᠢᠨ ᠤᠯᠤᠰ ᠤᠨ ᠦᠶᠡ ᠠᠴᠠ ᠴᠢᠨ᠋ᠸᠠ ᠶᠢᠨ ᠲᠣᠯᠣᠭᠠᠢ ᠶᠢᠨ | ᠠᠭᠤᠯᠠ ᠭᠡᠵᠦ ᠳᠠᠭᠤᠳᠠᠳᠠᠭ᠃ ᠭᠡᠪᠡᠴᠦ ᠮᠣᠩᠭᠤᠯᠴᠤᠳ ᠡᠨᠡ ᠠᠭᠤᠯᠠ ᠪᠠᠨ ᠬᠤᠶᠠᠷ ᠪᠣᠭᠳᠠ ᠶᠢᠨ ᠠᠭᠤᠯᠠ ᠭᠡᠵᠦ ᠬᠦᠨᠳᠦᠳᠬᠡᠨ ᠨᠡᠷᠡᠯᠡᠳᠡᠭ᠃ ᠶᠠᠭ ᠢᠩᠭᠢᠵᠦ | ᠠᠭᠤᠯᠠ ᠤᠰᠤ ᠪᠠᠨ ᠬᠦᠨᠳᠦᠳᠬᠡᠵᠦ ᠨᠡᠷᠡᠯᠡᠳᠡᠭ ᠲᠠᠢ ᠠᠳᠠᠯᠢ ᠪᠠᠷ ᠤᠷᠠᠳᠨᠴᠤᠳ ᠡᠨᠡ ᠨᠤᠲᠤᠭ ᠲᠤ ᠢᠳᠡᠭᠡᠰᠢᠭᠰᠡᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠨᠢᠭᠡ ᠨᠢ ᠪᠣᠯᠬᠤ | ᠢᠮᠠᠭᠠ ᠪᠠᠨ ᠴᠤ ᠬᠤᠶᠠᠷ ᠪᠣᠭᠳᠠ ᠶᠢᠨ ᠴᠠᠭᠠᠨ ᠢᠮᠠᠭᠠ ᠭᠡᠳᠡᠭ᠃ ᠤᠯᠤᠰ ᠳᠠᠶᠠᠭᠠᠷ ᠲᠤ ᠠᠯᠳᠠᠷ ᠲᠠᠢ ᠤᠷᠠᠳ ᠤᠨ ᠬᠤᠶᠠᠷ ᠪᠣᠭᠳᠠ ᠶᠢᠨ ᠢᠮᠠᠭᠠ ᠪᠣᠯ ᠮᠣᠩᠭᠤᠯ | ᠢᠮᠠᠭᠠᠨ ᠨᠤᠲᠤᠭ ᠤᠨ ᠤᠭᠰᠠᠭᠠᠨ ᠤ ᠢᠮᠠᠭᠠ ᠪᠣᠯᠣᠨᠠ᠃ ᠤᠷᠠᠳ ᠤᠨ ᠬᠤᠶᠠᠷ ᠪᠣᠭᠳᠠ ᠶᠢᠨ ᠴᠠᠭᠠᠨ ᠢᠮᠠᠭᠠ ᠭᠡᠳᠡᠭ ᠨᠢᠭᠠᠨᠴᠠ ᠬᠤᠶᠠᠷ ᠪᠣᠭᠳᠠ ᠬᠡᠮᠡᠬᠦ | ᠬᠡᠰᠡᠭᠬᠡᠨ ᠭᠠᠵᠠᠷ ᠤᠨ ᠢᠮᠠᠭᠠ ᠶᠢ ᠵᠢᠭᠠᠵᠤ ᠪᠠᠶᠢᠭᠠ ᠪᠢᠰᠢ᠂ ᠬᠠᠷᠢᠨ ᠪᠤᠭᠤᠲᠤ ᠶᠢᠨᠠᠷᠤ ᠠᠭᠤᠯᠠ᠂ ᠬᠥᠨᠳᠡᠯᠡᠨ ᠭᠤᠣᠯ ᠠᠴᠠ ᠪᠠᠷᠠᠭᠤᠨᠰᠢᠬᠢ ᠮᠤᠨᠠ | ᠠᠭᠤᠯᠠ ᠠᠴᠠ ᠬᠤᠶᠠᠷ ᠪᠣᠭᠳᠠ ᠶᠢᠨ ᠠᠭᠤᠯᠠ ᠬᠦᠷᠲᠡᠯᠡᠬᠢ ᠠᠭᠤᠯᠠᠷᠬᠠᠭ ᠣᠷᠣᠨ᠂ ᠬᠤᠶᠠᠷ ᠪᠣᠭᠳᠠ ᠶᠢᠨ ᠠᠭᠤᠯᠠ ᠠᠴᠠ ᠪᠠᠷᠠᠭᠤᠨᠰᠢ ᠨᠡᠷᠡᠨ ᠠᠭᠤᠯᠠ ᠬᠦᠷᠲᠡᠯᠡᠬᠢ | ᠥᠷᠭᠡᠨ ᠠᠭᠤᠳᠠᠮ ᠠᠭᠤᠯᠠᠷᠬᠠᠭ ᠣᠷᠣᠨ ᠢ ᠪᠠᠭᠲᠠᠭᠠᠭᠰᠠᠨ ᠨᠣᠣᠯᠣᠭᠤᠷ ᠨᠢ ᠨᠠᠷᠢᠯᠢᠭ ᠣᠷᠲᠤ᠂ ᠰᠣᠷ ᠨᠢ ᠣᠷᠲᠣ ᠪᠥᠭᠡᠳ ᠣᠨᠴᠠ ᠭᠢᠯᠲᠠᠭᠠᠨᠠᠭᠰᠠᠨ ᠴᠠᠭᠠᠨ | ᠦᠰᠦ ᠲᠠᠢ ᠪᠦᠳᠦᠭᠦᠨ ᠪᠡᠶᠡ ᠲᠠᠢ ᠴᠠᠭᠠᠨ ᠢᠮᠠᠭᠠ ᠶᠢ ᠪᠦᠭᠦᠳᠡ ᠶᠢ ᠪᠠᠭᠲᠠᠭᠠᠳᠠᠭ ᠪᠠᠶᠢᠨᠠ᠃ | ᠮᠣᠩᠭᠤᠯ ᠦᠭᠡᠨ ᠳᠠᠬᠢ ︽ᠶᠠᠭᠠᠷᠠᠪᠠᠯ ᠢᠮᠠᠭᠠ︾ ᠭᠡᠳᠡᠭ ᠨᠢ ᠢᠮᠠᠭᠠᠨ ᠤ ᠦᠷᠡᠵᠢᠯᠲᠡ ᠨᠢ ᠬᠤᠷᠳᠤᠨ ᠪᠥᠭᠡᠳ ᠲᠣᠭᠲᠠᠪᠤᠷᠢᠲᠠᠢ᠂ ᠭᠠᠩ ᠭᠠᠴᠢᠭ ᠲᠤ | ᠲᠡᠰᠪᠦᠷᠢᠲᠡᠢ ᠶᠢ ᠵᠢᠭᠠᠵᠤ ᠬᠡᠯᠡᠭᠰᠡᠨᠦᠭᠡ ᠪᠣᠯᠣᠨᠠ᠃ ᠢᠮᠠᠭᠠ ᠠᠭᠤᠯᠠᠨ ᠭᠠᠵᠠᠷ ᠲᠤ ᠵᠣᠬᠢᠴᠠᠬᠤ ᠲᠤᠯᠠ ᠭᠠᠩ ᠭᠠᠴᠢᠭ ᠲᠠᠢ ᠵᠢᠯ ᠪᠣᠯᠤᠭᠰᠠᠨ ᠴᠦ ᠮᠣᠳᠣᠨ ᠤ | ᠨᠡᠪᠴᠢ ᠢᠳᠡᠵᠦ ᠠᠮᠢᠳᠤᠷᠠᠵᠤ ᠳᠡᠶᠢᠯᠳᠡᠭ ᠣᠨᠴᠠ ᠴᠢᠳᠠᠪᠤᠷᠢ ᠲᠠᠢ ᠭᠡᠷ ᠤᠨ ᠲᠡᠵᠢᠭᠡᠪᠦᠷᠢ ᠪᠣᠯᠣᠨᠠ᠃ ᠤᠷᠠᠳᠨᠴᠤᠳ ᠣᠪᠵᠢ ᠦᠭᠡᠢ ᠬᠥᠮᠥᠨ ᠢ ᠢᠮᠠᠭᠠ ᠰᠢᠭ᠋ | ᠭᠡᠵᠦ ᠵᠦᠢᠷᠯᠡᠳᠡᠭ᠃ ᠡᠨᠡ ᠨᠢ ᠢᠮᠠᠭᠠ ᠪᠣᠯ ᠬᠤᠨᠢ ᠲᠠᠢ ᠠᠳᠠᠯᠢ ᠨᠣᠮᠣᠬᠠᠨ ᠪᠠᠶᠢᠳᠠᠭ ᠦᠭᠡᠢ᠂ ᠢᠰᠢᠭᠡᠨ ᠠᠴᠠ ᠪᠠᠨ ᠢᠵᠢᠯᠢ ᠲᠠᠢ ᠪᠠᠨ ᠮᠥᠷᠭᠦᠯᠳᠦᠨ ᠱᠥᠷᠭᠦᠯᠳᠦᠬᠦ᠂ | ᠣᠷᠢᠯᠠᠵᠤ ᠴᠢᠷᠠᠯᠠᠨ ᠳᠤᠲᠠᠭᠠᠵᠤ᠂ ᠬᠤᠷᠢᠵᠤ ᠬᠠᠰᠢᠭᠳᠠᠳᠠᠭ ᠦᠭᠡᠢ ᠰᠡᠷᠭᠡᠭ ᠠᠮᠢᠳᠠᠨ ᠪᠣᠯᠬᠤ ᠳᠤ ᠣᠷᠣᠰᠢᠨᠠ ᠃ | ᠬᠤᠶᠠᠷ ᠪᠣᠭᠳᠠ ᠶᠢᠨ ᠴᠠᠭᠠᠨ ᠢᠮᠠᠭᠠ ᠶᠢᠨ ᠥᠩᠭᠡ ᠨᠢ ᠴᠣᠯ ᠴᠠᠭᠠᠨ᠂ ᠨᠢᠳᠦ ᠨᠢ ᠶᠡᠭᠡ ᠪᠥᠭᠡᠳ ᠴᠤᠭ ᠲᠠᠢ᠂ ᠬᠤᠩᠰᠢᠶᠠᠷ ᠨᠢ ᠰᠢᠯᠤᠭᠤᠬᠠᠨ᠂ ᠳᠥᠷᠪᠡᠨ | ᠮᠥᠴᠢ ᠨᠢ ᠡᠭᠴᠡ ᠬᠦᠴᠦᠲᠡᠢ᠂ ᠵᠣ ᠨᠢᠷᠤᠭᠤ ᠨᠢ ᠲᠡᠭᠰᠢ ᠴᠡᠭᠡᠵᠢᠳᠡᠭᠦᠦ ᠭᠡᠳᠡᠰᠦ ᠲᠠᠢ᠂ ᠲᠤᠭᠤᠷᠠᠢ ᠰᠠᠯᠠᠭᠠ ᠨᠢ ᠴᠢᠩᠭᠠ ᠪᠦᠬᠦᠢ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠲᠠᠢ | ᠪᠠᠶᠢᠳᠠᠭ ᠬᠤᠶᠠᠷ ᠪᠣᠭᠳᠠ ᠶᠢᠨ ᠴᠠᠭᠠᠨ ᠢᠮᠠᠭᠠ ᠶᠢ ᠨᠠᠷᠢᠨ ᠤᠷᠲᠤ ᠨᠣᠣᠰᠣ ᠲᠠᠢ ᠴᠠᠭᠠᠨ ᠢᠮᠠᠭᠠ᠂ ᠪᠦᠳᠦᠭᠦᠨ ᠨᠣᠣᠰᠣ ᠲᠠᠢ ᠴᠠᠭᠠᠨ ᠢᠮᠠᠭᠠ ᠭᠡᠵᠦ ᠬᠤᠶᠠᠷ | ᠵᠦᠢᠯ ᠢᠶᠠᠷ ᠬᠤᠪᠢᠶᠠᠳᠠᠭ᠃ ᠡᠭᠦᠨ ᠳᠤ ᠨᠠᠷᠢᠨ ᠤᠷᠲᠤ ᠨᠣᠣᠰᠣ ᠲᠠᠢ ᠴᠠᠭᠠᠨ ᠢᠮᠠᠭᠠ ᠨᠢ ᠬᠤᠶᠠᠷ ᠪᠣᠭᠳᠠ ᠶᠢᠨ ᠴᠢᠨᠠᠷ ᠰᠠᠶᠢᠲᠠᠢ ᠢᠮᠠᠭᠠᠨ ᠤ ᠪᠠᠨ ᠤᠭ ᠴᠢᠨᠠᠷ ᠢ | ᠬᠠᠳᠠᠭᠠᠯᠠᠵᠤ᠂ ᠪᠦᠳᠦᠭᠦᠨ ᠤᠷᠲᠤ ᠨᠣᠣᠰᠣ ᠲᠠᠢ ᠴᠠᠭᠠᠨ ᠢᠮᠠᠭᠠ ᠨᠢ ᠤᠭ ᠴᠢᠨᠠᠷ ᠢᠶᠠᠨ ᠠᠯᠳᠠᠵᠤ ᠪᠠᠶᠢᠬᠤ ᠢᠮᠠᠭᠠ ᠪᠣᠯᠣᠨᠠ᠃ ᠬᠤᠶᠠᠷ ᠪᠣᠭᠳᠠ ᠶᠢᠨ ᠴᠠᠭᠠᠨ | ᠢᠮᠠᠭᠠᠨ ᠤ ᠨᠣᠣᠰᠣ ᠨᠣᠣᠯᠣᠭᠤᠷ ᠨᠢ ᠠᠷᠪᠢᠨ ᠮᠥᠷᠲᠡᠭᠡᠨ ᠴᠢᠨᠠᠷᠯᠢᠭ᠂ ᠰᠣᠷ ᠨᠢ ᠤᠷᠲᠤ ᠪᠠᠶᠢᠳᠠᠭ᠃ ᠬᠤᠶᠠᠷ ᠪᠣᠭᠳᠠ ᠶᠢᠨ ᠴᠠᠭᠠᠨ ᠢᠮᠠᠭᠠ ᠰᠦ ᠰᠠᠶᠢᠲᠠᠢ | ᠪᠠᠶᠢᠵᠤ᠂5 ᠰᠠᠷᠠ ᠠᠴᠠ 7 ᠰᠠᠷᠠ ᠶᠢᠨ ᠦᠶᠡ ᠪᠠᠷ ᠰᠦ ᠨᠢ ᠬᠠᠮᠤᠭ ᠤᠨ ᠠᠷᠪᠢᠨ ᠪᠠᠶᠢᠳᠠᠭ᠃ | ᠬᠤᠶᠠᠷ ᠪᠣᠭᠳᠠ ᠶᠢᠨ ᠴᠠᠭᠠᠨ ᠢᠮᠠᠭᠠ ᠨᠢ ᠠᠭᠤᠯᠠᠷᠬᠠᠭ ᠭᠠᠵᠠᠷ ᠪᠠᠶᠢᠳᠠᠭ ᠠᠴᠠ ᠲᠡᠩᠵᠢᠨ ᠴᠣᠪᠣᠭᠤ᠂ ᠠᠭᠤᠯᠠ ᠬᠠᠳᠠᠨ ᠳᠤ ᠴᠢᠳᠠᠮᠠᠭᠠᠢ ᠶᠠᠪᠤᠵᠤ᠂ | ᠡᠪᠡᠰᠦᠨ ᠤ ᠰᠠᠶᠢᠨ ᠢ ᠢᠳᠡᠵᠦ᠂ ᠤᠰᠤᠨ ᠤ ᠲᠤᠩᠭᠠᠯᠠᠭ ᠢ ᠤᠤᠭᠤᠨ᠂ ᠬᠠᠶᠢᠯᠠᠰᠤ ᠠᠭᠠᠷᠤ ᠵᠡᠷᠭᠡ ᠮᠣᠳᠣᠨ ᠨᠡᠪᠴᠢ ᠶᠢ ᠢᠳᠡᠵᠦ᠂ ᠠᠭᠤᠯᠠᠨ ᠬᠥᠨᠳᠡᠢ ᠶᠢᠨ ᠡᠪᠡᠰᠦᠨ | ᠡᠮ ᠢ ᠴᠦ ᠲᠡᠭᠦᠵᠦ ᠢᠳᠡᠳᠡᠭ ᠠᠴᠠ ᠮᠢᠬᠠ ᠨᠢ ᠲᠣᠩ ᠱᠥᠯᠥᠷᠬᠡᠦ ᠠᠮᠲᠠᠲᠠᠢ ᠪᠠᠶᠢᠳᠠᠭ᠃ | |