ᠦᠷ ᠭᠡᠶᠢᠵᠡᠢ᠃ ᠶᠢᠰᠦ ᠣᠷᠣᠭᠰᠠᠨ ᠪᠤᠯᠪᠠᠴᠤ ᠠᠭᠤᠷ ᠠᠮᠢᠰᠬᠤᠯ ᠳᠤᠯᠠᠭᠠᠬᠠᠨ᠃ ᠪᠢ ᠡᠷᠲᠡ ᠶᠢᠨ ᠬᠤᠭᠤᠯᠠᠨ ᠭᠡᠷ ᠣᠯᠵᠤ᠂ ᠱᠥᠯᠥ ᠲᠠᠢ ᠬᠤᠭᠤᠯᠠ | ᠵᠠᠬᠢᠶᠠᠯᠠᠨ ᠬᠦᠯᠢᠶᠡᠵᠦ ᠪᠠᠶᠢᠲᠠᠯᠠ ᠪᠤᠳᠤᠮᠠᠯ ᠬᠠᠷᠠ ᠠᠷᠠᠰᠤᠨ ᠮᠠᠯᠠᠭᠠᠢ ᠡᠮᠦᠰᠦᠭᠰᠡᠨ ᠬᠢᠵᠢᠶᠡᠯ ᠨᠠᠰᠤᠨ ᠤ ᠭᠤᠷᠪᠠᠨ ᠡᠷᠡ ᠣᠷᠣᠵᠤ ᠢᠷᠡᠭᠡᠳ ᠮᠠᠨᠲᠸᠣ᠂ ᠨᠠᠷᠢᠮᠤᠨ | ᠰᠥᠮᠥᠰᠤ᠂ ᠳᠠᠪᠤᠰᠤᠲᠠᠢ ᠨᠣᠭᠤᠭᠠ ᠵᠠᠬᠢᠶᠠᠯᠠᠵᠤ ᠪᠠᠶᠢᠯᠠ᠃ ᠳᠦᠭᠦᠮ ᠪᠥᠬᠡᠯᠢᠭ᠂ ᠵᠤᠵᠠᠭᠠᠪᠲᠤᠷ ᠬᠤᠪᠴᠠᠰᠤ ᠡᠮᠦᠰᠴᠡᠭᠡᠵᠦ᠂ ᠬᠡᠭᠡᠷᠡ ᠭᠠᠳᠠᠨᠠ ᠠᠵᠢᠯᠯᠠᠳᠠᠭ ᠨᠢ | ᠢᠯᠡᠭᠡᠨ ᠮᠡᠳᠡᠭᠳᠡᠨᠡ᠃ ᠠᠷᠠᠰᠤᠨ ᠮᠠᠯᠠᠭᠠᠢ ᠪᠠᠨ ᠬᠤᠸᠠᠰ ᠬᠢᠲᠡᠯᠡ ᠬᠠᠵᠠᠭᠤ ᠲᠠᠯᠠ ᠳᠠᠭᠠᠨ ᠲᠠᠯᠪᠢᠵᠠᠭᠠᠨ ᠶᠡᠬᠡᠯᠡ ᠰᠢᠮᠡᠲᠡᠢ ᠬᠤᠷᠳᠤᠨ ᠵᠣᠭᠤᠭᠯᠠᠵᠠᠭᠠᠨᠠ᠃ | ᠪᠢ ᠲᠡᠳᠡᠨ ᠤ ᠡᠮᠦᠰᠦᠭᠰᠡᠨ ᠡᠶᠢᠮᠦᠷᠬᠦᠦ ᠠᠷᠠᠰᠤᠨ ᠮᠠᠯᠠᠭᠠᠢ ᠶᠢ ᠣᠯᠵᠤ ᠦᠵᠡᠭᠡᠳᠦᠢ ᠣᠨ ᠤᠳᠠᠵᠠᠢ᠃ ᠥᠨᠥ ᠢᠳᠡᠷ ᠶᠢᠰᠦ ᠶᠢᠨ ᠬᠦᠢᠲᠡᠨ ᠳᠤ ᠴᠦ ᠡᠶᠢᠮᠦ | ᠮᠠᠯᠠᠭᠠᠢ ᠡᠮᠦᠰᠳᠡᠭ ᠬᠥᠮᠥᠨ ᠬᠠᠷᠠᠭᠳᠠᠬᠤ ᠪᠠᠨ ᠪᠣᠯᠢᠵᠠᠢ᠃ ᠬᠠᠪᠤᠷ ᠨᠠᠮᠤᠷ ᠨᠡᠶᠢᠯᠡᠭᠡᠳ ᠡᠪᠦᠯ ᠦᠭᠡᠢ ᠪᠣᠯᠪᠠ ᠭᠡᠭᠴᠢ ᠪᠣᠯᠵᠤ ᠬᠥᠮᠥᠰ ᠬᠥᠩᠭᠡᠨ ᠨᠢᠮᠭᠡᠨ᠂ ᠴᠠᠭ ᠤᠨ | ᠥᠩᠭᠡ ᠶᠢ ᠳᠠᠭᠠᠬᠰᠠᠨ ᠳᠡᠪᠡᠯ ᠮᠠᠯᠠᠭᠠᠢ ᠪᠠᠷ ᠭᠠᠩᠭᠠᠷᠠᠬᠤ ᠪᠣᠯᠪᠠ᠃ | ᠪᠢᠳᠡᠨ ᠤ ᠪᠠᠭᠠ ᠶᠢᠨ ᠦᠶᠡ ᠶᠢᠨ ᠡᠪᠦᠯ ᠤᠨ ᠬᠦᠢᠲᠡᠨ ᠢ ᠬᠡᠯᠡᠬᠦ ᠶᠤᠮ ᠪᠣᠯ ᠣᠶᠢᠷᠠ ᠶᠢᠨ ᠵᠢᠯ ᠤᠳ ᠲᠠᠢ ᠬᠠᠷᠢᠴᠠᠭᠤᠯᠬᠤ ᠶᠢᠨ ᠠᠷᠭᠠ ᠦᠭᠡᠢ᠃ ᠬᠥᠳᠡᠭᠡ | ᠪᠠᠷ ᠶᠠᠪᠤᠳᠠᠭ ᠮᠠᠶᠢᠮᠠᠶᠢᠴᠢᠳ ᠪᠣᠯ ᠭᠤᠣᠯᠳᠠᠭᠤ ᠨᠣᠬᠠᠢ ᠶᠢᠨ ᠠᠷᠠᠰᠤᠨ ᠮᠠᠯᠠᠭᠠᠢ᠂ ᠭᠤᠮ ᠱᠠᠬᠠᠢ ᠲᠠᠢ ᠨᠣᠬᠠᠢ ᠦᠢᠮᠡᠭᠦᠯᠦᠨ ᠭᠡᠷ ᠲᠤ ᠣᠷᠣᠵᠤ ᠢᠷᠡᠭᠡᠳ ᠯᠠ | ᠭᠠᠯ ᠳᠤ ᠬᠥᠯ ᠢᠶᠠᠨ ᠡᠭᠡᠭᠡᠨᠡ᠃ ᠨᠤᠲᠤᠭ ᠤᠨ ᠬᠥᠮᠥᠰ ᠪᠣᠯ ᠬᠤᠷᠠᠭᠠᠨ ᠠᠷᠠᠰᠤᠨ ᠮᠠᠯᠠᠭᠠᠢ᠂ ᠦᠨᠡᠭᠡᠨ ᠠᠷᠠᠰᠤᠨ ᠮᠠᠯᠠᠭᠠᠢ᠂ ᠬᠢᠮᠡᠯ ᠦᠰᠦ ᠲᠠᠢ ᠠᠷᠠᠰᠤᠨ ᠮᠠᠯᠠᠭᠠᠢ | ᠡᠮᠦᠰᠴᠦ᠂ ᠪᠡᠶᠡ ᠳᠡᠭᠡᠨ ᠬᠤᠨᠢ ᠢᠮᠠᠭᠠᠨ ᠠᠷᠠᠰᠤᠨ ᠤᠲᠤᠮᠠᠯ ᠳᠠᠪᠠᠯ᠂ ᠰᠡᠩᠰᠡᠨ ᠳᠠᠪᠠᠯ᠂ ᠦᠵᠦᠭᠦᠷᠰᠦᠨ ᠵᠤᠪᠴᠠᠭᠠ᠂ ᠨᠡᠬᠡᠢ ᠳᠡᠪᠡᠯ᠂ ᠬᠥᠪᠥᠩ ᠲᠠᠢ ᠣᠯᠣᠨᠳᠠᠢ | ᠥᠮᠥᠳᠦ᠂ ᠠᠷᠠᠰᠤᠨ ᠥᠮᠥᠳᠦ ᠴᠦ ᠡᠮᠦᠰᠳᠡᠭ ᠪᠢᠯᠡ᠃ ᠲᠡᠷᠡ ᠦᠶᠡ ᠶᠢᠨ ᠠᠮᠢᠳᠤᠷᠠᠯ ᠠᠬᠤᠢ ᠶᠠᠳᠠᠭᠤ ᠪᠠᠶᠢᠭᠰᠠᠨ ᠤ ᠪᠠᠶᠢᠬᠠ᠂ ᠣᠳᠣ ᠶᠢᠨ ᠬᠤᠷᠢᠮ ᠨᠠᠶᠢᠷ᠂ ᠵᠢᠯ | ᠴᠠᠭᠠᠨ ᠰᠠᠷᠠ ᠳᠠᠭᠠᠨ ᠭᠠᠩᠭᠠᠷᠠᠳᠠᠭ ᠡᠯᠳᠡᠪ ᠥᠩᠭᠡ ᠶᠢᠨ ᠲᠣᠷᠭᠠᠨ ᠳᠡᠪᠡᠯ ᠬᠠᠷᠠᠭᠳᠠᠳᠠᠭ ᠦᠭᠡᠢ ᠪᠠᠶᠢᠭᠰᠠᠨ᠃ | ᠡᠪᠦᠯ ᠤᠨ ᠪᠡᠯᠡᠳᠬᠡᠯ ᠭᠡᠵᠦ ᠡᠪᠡᠰᠦ ᠲᠠᠷᠢᠶᠠ ᠪᠠᠨ ᠬᠠᠳᠤᠵᠤ ᠨᠥᠭᠡᠴᠡᠯᠡᠬᠦ ᠶᠤᠮ ᠦᠦ᠂ ᠣᠲᠣᠷᠯᠠᠨ ᠡᠪᠦᠯᠵᠢᠶᠡᠨ ᠳᠡᠭᠡᠨ ᠨᠡᠭᠦᠵᠦ ᠣᠷᠣᠭᠰᠠᠭᠠᠷ | ᠡᠬᠢᠯᠡᠴᠢᠬᠡᠳᠡᠭ᠃ ᠴᠠᠷᠠᠰᠤᠨ ᠮᠣᠳᠣ ᠭᠤᠷᠪᠠ ᠲᠠᠪᠤᠨ ᠲᠡᠷᠭᠡ ᠠᠪᠴᠢᠷᠠᠭᠠᠳ ᠫᠧᠩ ᠰᠠᠷᠠᠪᠴᠢ ᠪᠠᠨ ᠵᠤᠵᠠᠭᠠᠨ ᠭᠡᠭᠴᠢ ᠪᠠᠬᠢᠯᠡᠨᠡ᠃ ᠬᠤᠨᠢᠨ ᠤ ᠬᠤᠷᠤᠭᠠ ᠪᠠᠨ ᠪᠣᠯ | ᠬᠤᠶᠢᠨᠠ᠂ ᠵᠡᠭᠦᠨ᠂ ᠪᠠᠷᠠᠭᠤᠨ ᠲᠠᠯᠠ ᠠᠴᠠ ᠨᠢ ᠯᠦᠪᠭᠢᠲᠡᠯᠡ ᠪᠦᠲᠡᠭᠡᠴᠢᠬᠡᠳᠡᠭ ᠪᠣᠯᠬᠤᠷ ᠳᠤᠯᠠᠭᠠᠬᠠᠨ ᠪᠠᠶᠢᠵᠤ᠂ ᠡᠪᠦᠯ ᠤᠨ ᠲᠥᠯ ᠭᠠᠷᠤᠯᠠ ᠴᠦ ᠣᠰᠣᠯᠳᠠᠬᠤ ᠦᠭᠡᠢ᠃ | ᠢᠳᠡᠷ ᠶᠢᠰᠦ ᠶᠢᠨ ᠬᠦᠢᠲᠡᠨ ᠳᠤ ᠨᠢᠳᠦ ᠦᠭᠡᠢ ᠰᠢᠭᠤᠷᠭᠠ ᠢᠰᠬᠡᠷᠦᠨ᠂ ᠲᠡᠭᠷᠢ ᠭᠠᠵᠠᠷ ᠪᠤᠳᠤᠩᠭᠤᠶᠢᠷᠠᠨ ᠮᠠᠯ ᠵᠠᠯᠠᠬᠤ ᠶᠢᠨ ᠠᠷᠭᠠ ᠦᠭᠡᠢ ᠡᠳᠦᠷ ᠤᠳ ᠲᠤ | ᠨᠥᠭᠡᠴᠡᠯᠡᠭᠰᠡᠨ ᠡᠪᠡᠰᠦ ᠪᠠᠷ ᠳᠤᠯᠠᠭᠠᠬᠠᠨ ᠰᠠᠷᠠᠪᠴᠢᠨ ᠳᠠᠭᠠᠨ ᠬᠤᠨᠢ ᠢᠮᠠᠭᠠᠳ᠂ ᠬᠥᠭᠰᠢᠨ ᠪᠠᠭᠤᠷᠠᠢ ᠪᠤᠳᠠ ᠮᠠᠯ ᠢᠶᠠᠨ ᠲᠡᠵᠢᠭᠡᠳᠡᠭ᠃ | ᠨᠠᠮᠤᠷ ᠤᠨ ᠰᠡᠭᠦᠯᠴᠢ ᠠᠴᠠ ᠡᠬᠢᠯᠡᠭᠡᠳ ᠠᠪᠤ ᠡᠯᠵᠢᠭᠡᠨ ᠲᠡᠷᠭᠡ ᠪᠠᠷ ᠬᠡᠭᠡᠷᠡ ᠠᠴᠠ ᠲᠡᠭᠦᠵᠦ ᠣᠪᠣᠭᠠᠯᠠᠭᠰᠠᠨ ᠠᠷᠭᠠᠯ ᠢᠶᠠᠨ ᠲᠡᠭᠡᠭᠡᠵᠦ᠂ ᠨᠣᠶᠢᠲᠠᠨ | ᠴᠠᠷᠠᠰᠤ ᠪᠠᠷ ᠭᠦᠷᠦᠭᠰᠡᠨ ᠬᠠᠰᠢᠶᠠᠨ ᠳᠠᠭᠠᠨ ᠣᠷᠣᠭᠤᠯᠵᠤ᠂ ᠬᠥᠮᠥᠨ ᠠᠴᠠ ᠥᠨᠳᠥᠷ ᠣᠪᠣᠭᠠᠯᠠᠨᠠ᠃ ᠲᠡᠭᠡᠭᠡᠳ ᠡᠪᠦᠯ ᠨᠢ ᠳᠥᠷᠪᠡ ᠬᠥᠯᠥᠭᠰᠡᠨ ᠮᠣᠷᠢᠨ ᠲᠡᠷᠭᠡ | ᠪᠤᠶᠤ ᠠᠴᠢᠶᠠᠨ ᠤ ᠮᠠᠰᠢᠨ ᠲᠠᠢ ᠢᠷᠡᠬᠦ ᠠᠷᠭᠠᠯ ᠤᠨ ᠮᠠᠶᠢᠮᠠᠶᠢᠴᠢᠳ ᠲᠤ ᠦᠨᠡ ᠬᠠᠶᠠᠯᠴᠠᠨ ᠬᠤᠳᠠᠯᠳᠤᠭᠠᠳ ᠰᠠᠷᠠ ᠰᠢᠨᠡ ᠶᠢᠨ ᠪᠣᠣᠪᠤ ᠪᠤᠭᠤᠷᠰᠤᠭ᠂ ᠠᠷᠢᠬᠢ | ᠲᠠᠮᠠᠬᠢ᠂ ᠢᠬᠢᠷ ᠰᠢᠬᠢᠷ ᠵᠦᠢᠯ ᠬᠤᠳᠠᠯᠳᠤᠨ ᠠᠪᠤᠨᠠ᠃ ᠬᠡᠳᠦᠬᠡᠨ ᠲᠡᠷᠭᠡ ᠬᠠᠭᠤᠷᠠᠢ ᠠᠷᠭᠠᠯ ᠢᠶᠠᠨ ᠲᠦᠯᠡᠬᠦ ᠪᠠᠷ ᠦᠯᠡᠳᠡᠭᠡᠭᠰᠡᠨ ᠪᠣᠯᠬᠤᠷ ᠭᠤᠣᠯ ᠲᠦᠯᠡᠰᠢ ᠪᠠᠨ | ᠠᠪᠬᠤ ᠪᠠᠷ ᠠᠪᠤ ᠠᠬᠠ ᠪᠢᠳᠡ ᠡᠭᠡᠯᠵᠢᠯᠡᠨ ᠶᠠᠪᠤᠳᠠᠭ᠃ ᠵᠢᠪᠠᠷ ᠰᠠᠯᠬᠢ ᠨᠠᠮᠤᠭᠤᠬᠠᠨ ᠡᠳᠦᠷ ᠤᠳ ᠲᠤ ᠪᠢᠳᠡ ᠠᠭᠤᠯᠠᠨ ᠳᠤ ᠭᠠᠷᠴᠤ᠂ ᠨᠣᠴᠣᠬᠤ ᠳᠤ ᠠᠮᠠᠷᠬᠠᠨ | ᠰᠢᠪᠠᠭ᠂ ᠢᠯᠴᠢ ᠨᠢ ᠳᠠᠭᠠᠭᠠᠴᠠ ᠲᠠᠢ ᠬᠤᠵᠤᠤᠯᠠ᠂ ᠵᠡᠪᠡᠨ ᠬᠠᠷᠠ ᠴᠠᠷᠠᠰᠤᠨ ᠮᠣᠳᠣ ᠶᠢ ᠨᠡᠯᠢᠶᠡᠳ ᠲᠡᠷᠭᠡ ᠵᠥᠭᠡᠭᠡᠵᠦ᠂ ᠬᠦᠢᠲᠡᠨ ᠡᠪᠦᠯ ᠢ ᠠᠵᠢᠭ ᠦᠭᠡᠢ | ᠲᠤᠭᠤᠯᠳᠠᠭ ᠰᠠᠨ᠃ ᠵᠤᠤᠬᠠᠨ ᠳᠤ ᠳᠦᠷᠡᠯᠵᠡᠬᠦ ᠬᠤᠵᠤᠤᠯᠠ᠂ ᠬᠢᠷᠦᠭᠡᠳᠡᠭᠰᠡᠨ ᠲᠦᠯᠡᠭᠡᠨ ᠭᠠᠯ ᠤᠨ ᠨᠢᠯᠴᠢᠭᠢᠨᠡᠭᠰᠡᠨ ᠢᠯᠴᠢᠨ ᠳᠤ ᠠᠪᠤ ᠠᠬᠠ ᠪᠢᠳᠡ ᠭᠤᠷᠪᠠ | ᠭᠡᠷ ᠤᠨ ᠪᠤᠯᠣᠩ ᠴᠣᠯᠤᠩ ᠢ ᠡᠵᠡᠯᠡᠨ ᠦᠯᠢᠭᠡᠷ ᠤᠨ ᠨᠣᠮ ᠤᠩᠰᠢᠨ ᠰᠠᠭᠤᠨᠠ᠃ ᠮᠢᠨᠤ ᠵᠣᠬᠢᠶᠠᠯ ᠪᠢᠴᠢᠬᠦ ᠳᠤᠷᠠᠲᠠᠢ ᠪᠣᠯᠤᠭᠰᠠᠨ ᠨᠢ ᠴᠦ ᠲᠡᠷᠡ ᠦᠶᠡ ᠠᠴᠠ | ᠡᠬᠢᠯᠡᠭᠰᠡᠨ ᠶᠤᠮ᠃ ᠡᠵᠢ ᠪᠣᠯ ᠦᠢᠯᠡ ᠣᠶᠣᠳᠠᠯ ᠤᠨ ᠲᠤᠰᠬᠠᠢ ᠡᠷᠦᠭᠡ ᠭᠡᠮᠡᠷ᠃ ᠨᠢᠭᠡ ᠭᠡᠷ ᠤᠨ ᠵᠢᠷᠭᠤᠭᠠᠨ ᠠᠮᠠ ᠬᠥᠮᠥᠨ ᠤ ᠪᠠᠨ ᠮᠥᠷᠥ ᠪᠦᠲᠦᠨ ᠬᠥᠯ ᠢ ᠨᠢ | ᠳᠤᠯᠠᠭᠠᠬᠠᠨ ᠶᠠᠪᠤᠭᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠲᠦᠷᠦᠯ ᠰᠠᠳᠤᠨ ᠤ ᠪᠠᠨ ᠵᠢᠯ ᠣᠷᠣᠬᠤ᠂ ᠠᠬᠠᠮᠠᠳ ᠨᠠᠰᠤᠲᠠᠳ ᠲᠤ ᠱᠠᠬᠠᠢ ᠭᠤᠲᠤᠯ᠂ ᠲᠡᠪᠡᠯ ᠣᠭᠴᠣᠷ ᠪᠡᠯᠡᠳᠬᠡᠬᠦ | ᠠᠵᠢᠯ ᠳᠤ ᠡᠳᠦᠷ ᠰᠥᠨᠢ ᠦᠭᠡᠢ ᠶᠠᠭᠠᠷᠠᠳᠠᠭ᠃ ᠮᠠᠨᠠᠶᠢᠬᠢ ᠮᠠᠯ ᠵᠤᠵᠠᠭᠠᠨ ᠪᠢᠰᠢ ᠴᠦ ᠨᠢᠭᠡ ᠣᠶᠣᠳᠠᠯ ᠤᠨ ᠮᠠᠰᠢᠨ ᠲᠠᠢ᠂ ᠬᠠᠨᠲᠠᠭᠠᠵᠠ ᠥᠮᠥᠳᠦ ᠶᠢ ᠪᠣᠯ ᠡᠵᠢ | ᠥᠪᠡᠷ ᠢᠶᠠᠨ ᠣᠶᠣᠴᠢᠬᠠᠨᠠ᠂ ᠥᠭᠡᠷᠡ ᠠᠶᠢᠯ ᠤᠨ ᠬᠢ ᠶᠢ ᠴᠦ᠂ ᠬᠡᠮᠵᠢᠨ ᠵᠢᠷᠤᠵᠤ᠂ ᠡᠰᠬᠡᠨ ᠣᠶᠣᠵᠤ ᠪᠠᠶᠢᠭᠰᠠᠨ ᠯᠠ ᠳ᠋ᠠ᠃ ᠭᠤᠲᠤᠯ ᠱᠠᠬᠠᠢ ᠶᠢ ᠪᠣᠯ ᠭᠠᠷ ᠢᠶᠠᠷ | ᠣᠶᠣᠵᠤ ᠱᠠᠭᠯᠠᠨᠠ ᠰᠢᠦ᠃ ᠡᠵᠢ ᠮᠢᠨᠢ ᠲᠣᠰᠣᠨ ᠳ᠋ᠧᠩ ᠤᠨ ᠭᠡᠷᠡᠯ ᠳᠤ ᠭᠤᠷᠪᠠᠨ ᠮᠠᠷᠠᠯ ᠭᠤᠳᠤᠶᠢᠳᠠᠯᠠ ᠬᠠᠯᠠᠭᠤᠨ ᠭᠡᠷ ᠭᠦᠷᠦᠲᠡᠯᠡ ᠰᠠᠭᠤᠳᠠᠭ ᠪᠠᠶᠢᠯᠠ᠃ | ᠰᠤᠷᠭᠠᠭᠤᠯᠢ ᠲᠠᠷᠬᠠᠵᠤ᠂ ᠶᠢᠰᠦ ᠡᠬᠢᠯᠡᠬᠦ ᠪᠠᠷ ᠪᠠᠷᠠᠭᠤᠨ ᠠᠶᠢᠯ ᠤᠨ ᠬᠡᠦᠬᠡᠳ ᠤᠷᠠᠬᠠ ᠲᠠᠯᠪᠢᠨ ᠲᠠᠤᠯᠠᠢ ᠠᠪᠠᠯᠠᠵᠤ ᠬᠤᠷᠰᠢᠶᠠᠨ ᠳᠤ ᠬᠤᠳᠠᠯᠳᠤᠯᠠ | ᠭᠡᠯᠴᠡᠨᠡ᠃ ᠢᠲᠠᠭᠤ ᠶᠢ ᠪᠣᠯ ᠠᠮᠠᠷᠬᠠᠨ ᠪᠠᠷᠢᠳᠠᠭ ᠭᠡᠨᠡ᠃ ᠪᠢ ᠴᠦ ᠡᠮᠦᠨᠡ ᠠᠶᠢᠯ ᠤᠨ ᠡᠰᠡᠷᠡᠭ ᠤᠨ ᠬᠤᠷᠰᠢᠶᠠᠨ ᠠᠴᠠ ᠨᠠᠷᠢᠨ ᠵᠥᠭᠡᠯᠡᠨ ᠲᠡᠮᠦᠷ ᠤᠲᠠᠰᠤ | ᠬᠤᠳᠠᠯᠳᠤᠨ ᠠᠪᠴᠤ᠂ ᠲᠠᠤᠯᠠᠢ ᠶᠢᠨ ᠵᠢᠮ ᠳᠡᠭᠡᠷᠡ ᠬᠠᠷᠭᠠᠨᠠ ᠱᠠᠭᠡᠷ ᠤᠨ ᠳᠤᠮᠳᠠᠬᠢ ᠦᠯᠦ ᠮᠡᠳᠡᠭ ᠬᠠᠯᠴᠠᠭᠠᠶᠢᠷᠠᠭᠰᠠᠨ ᠵᠢᠮ ᠳᠡᠭᠡᠷᠡ ᠠᠷᠪᠠ ᠭᠠᠷᠤᠢ ᠤᠷᠠᠬᠠ | ᠲᠠᠯᠪᠢᠴᠢᠬᠠᠭᠠᠳ ᠥᠨᠵᠢᠭᠦᠲᠡ ᠬᠤᠨᠣᠭᠤᠲᠠ ᠡᠷᠭᠢᠵᠦ ᠦᠵᠡᠨᠡ᠃ ᠤᠷᠠᠬᠠᠨ ᠳᠤ ᠮᠢᠨᠢ ᠳᠡᠭᠵᠢᠨ ᠲᠠᠤᠯᠠᠢ ᠪᠠᠶᠢᠲᠤᠭᠠᠢ᠂ ᠬᠤᠯᠤᠭᠠᠨᠠ ᠵᠤᠷᠠᠮᠠ ᠴᠦ ᠤᠨᠠᠭᠰᠠᠨ | ᠤᠳᠠᠭᠠ ᠦᠭᠡᠢ᠃ | ᠪᠠᠶᠠᠨ ᠨᠢᠷᠤᠭᠤ ᠠᠴᠠ ᠡᠬᠢ ᠠᠪᠤᠭᠠᠳ ᠭᠠᠴᠠᠭᠠᠨ ᠤ ᠵᠡᠭᠦᠨ ᠲᠠᠯᠠ ᠪᠠᠷ ᠤᠭᠠᠯᠵᠠᠯᠠᠨ ᠤᠷᠤᠰᠤᠭᠰᠠᠨ ᠭᠤᠣᠯ ᠬᠥᠯᠳᠡᠵᠦ᠂ ᠮᠠᠨᠤᠰ ᠤᠨ ᠲᠣᠭᠯᠠᠨ ᠨᠠᠭᠠᠳᠬᠤ | ᠡᠬᠡ ᠪᠠᠶᠢᠭᠠᠯᠢ ᠠᠴᠠ ᠰᠣᠶᠣᠷᠬᠠᠭᠰᠠᠨ ᠲᠠᠯᠠᠪᠤᠷ ᠪᠤᠯᠳᠠᠭ᠃ ᠪᠢᠳᠡ ᠮᠥᠰᠥᠨ ᠳᠡᠭᠡᠷᠡ᠂ ᠰᠠᠭᠤᠨ ᠭᠤᠯᠭᠤᠬᠤ ᠳᠥᠷᠪᠡᠯᠵᠢᠨ ᠮᠣᠳᠣᠨ ᠲᠡᠷᠭᠡ ᠵᠣᠬᠢᠶᠠᠨ᠂ ᠤᠷᠲᠤᠯᠵᠢᠨ | ᠬᠤᠶᠠᠷ ᠠᠷᠠᠯ ᠤᠨ ᠳᠣᠣᠷᠠ ᠨᠢ ᠨᠠᠢᠮᠠᠨ ᠢᠮᠠᠬᠤ ᠣᠷᠴᠢᠮ ᠣᠷᠲᠣ ᠰᠠᠪᠬᠠᠨ ᠠᠴᠠ ᠠᠷᠠᠢ ᠨᠠᠷᠢᠨ ᠲᠡᠮᠦᠷ ᠤᠲᠠᠰᠤ ᠬᠠᠳᠠᠵᠤ᠂ ᠬᠤᠶᠠᠷ ᠭᠠᠷ ᠲᠠᠭᠠᠨ ᠬᠠᠪᠲᠠᠭᠠᠢ | ᠲᠡᠮᠦᠷ ᠰᠢᠭᠠᠭᠰᠠᠨ ᠮᠣᠳᠣᠨ ᠪᠠᠷᠢᠭᠤᠯ ᠲᠠᠢ ᠴᠢᠴᠢᠭᠦᠷ ᠠᠳᠬᠤᠨ᠂ ᠭᠥᠯᠢᠭᠡᠷ ᠮᠥᠰᠥᠨ ᠲᠡᠷᠭᠡᠨ ᠳᠤ ᠰᠠᠭᠤᠨ ᠭᠦᠶᠦᠯᠭᠡᠬᠦ ᠳᠤ ᠬᠠᠪᠤᠯᠢᠭ ᠪᠤᠯᠪᠠᠴᠤ ᠨᠡᠬᠡᠢ ᠳᠡᠪᠡᠯ | ᠭᠡᠲᠡᠷᠡᠴᠢᠭᠡᠭᠡᠳ ᠯᠠᠭᠯᠠᠶᠢᠨ ᠰᠠᠭᠤᠪᠠᠯ ᠬᠦᠳᠡᠭᠢ ᠬᠥᠰᠢᠭᠦᠨ ᠪᠠᠶᠢᠳᠠᠭ᠃ | ᠮᠠᠨ ᠤ ᠨᠤᠲᠤᠭ ᠲᠤ ᠠᠭᠤᠯᠠ ᠲᠣᠯᠣᠭᠠᠳ ᠤᠯᠠᠨ᠂ ᠬᠥᠨᠳᠡᠢ ᠵᠢᠯᠠᠭᠠ ᠴᠦ ᠤᠯᠠᠨ᠃ ᠡᠪᠦᠯ ᠳᠡᠭᠡᠨ ᠮᠠᠨ ᠤ ᠨᠤᠲᠤᠭ ᠤᠨ ᠠᠭᠤᠯᠠᠨ ᠵᠢᠯᠠᠭᠠ ᠪᠣᠯᠭᠠᠨ ᠳᠤ | ᠳᠠᠪᠠᠭᠠᠨ ᠠᠷᠤ ᠶᠢᠨ ᠦᠵᠦᠮᠦᠴᠢᠨ ᠠᠶᠢᠯ ᠦᠬᠡᠷ ᠬᠤᠨᠢᠨ ᠰᠦᠷᠦᠭ ᠲᠠᠢ ᠪᠠᠨ ᠡᠪᠦᠯᠵᠢᠳᠡᠭ᠃ ᠲᠡᠳᠡ ᠣᠪᠣᠶᠢᠲᠠᠯᠠ ᠬᠥᠯᠳᠡᠭᠰᠡᠨ ᠪᠤᠶᠤ ᠳᠡᠯᠪᠡ ᠬᠥᠯᠳᠡᠭᠰᠡᠨ | ᠮᠥᠰᠥᠨ ᠲᠣᠪᠤ ᠶᠢ ᠰᠦᠬᠡ ᠪᠠᠷ ᠴᠠᠪᠴᠢᠯᠠᠨ᠂ ᠲᠡᠪᠡᠷᠢ ᠪᠦᠳᠦᠭᠦᠨ ᠮᠥᠰᠥ ᠶᠢ ᠲᠡᠷᠭᠡ ᠳᠦᠭᠦᠷᠡᠩ ᠠᠴᠢᠭᠠᠳ ᠢᠰᠡᠭᠡᠢ ᠪᠦᠷᠢᠶᠡᠰᠦ ᠲᠠᠢ ᠮᠣᠩᠭᠤᠯ ᠭᠡᠷ ᠤᠨ ᠢᠶᠠᠨ | ᠬᠠᠵᠠᠭᠤᠳᠠᠭᠢ ᠲᠦᠯᠡᠭᠡ ᠮᠣᠳᠣᠨ ᠳᠡᠭᠡᠷᠡ ᠪᠠᠭᠤᠯᠭᠠᠨ ᠤᠮᠳᠠ ᠬᠤᠭᠤᠯᠠᠨ ᠳᠠᠭᠠᠨ ᠬᠡᠷᠡᠭᠯᠡᠳᠡᠭ᠃ ᠬᠡᠦᠬᠡᠳ ᠤᠳ ᠲᠡᠳᠡᠨ ᠤ ᠣᠩᠭᠤᠶᠢᠯᠭᠠᠨ ᠣᠷᠭᠢᠬᠰᠠᠨ ᠮᠥᠰᠥᠨ | ᠬᠥᠨᠳᠡᠢ ᠳᠤᠨᠢ ᠰᠢᠷᠭᠤᠯᠠᠨ ᠨᠠᠭᠠᠳᠬᠤ ᠳᠤᠷᠠᠲᠠᠢ᠃ ᠬᠥᠨᠳᠡᠢ ᠳᠣᠲᠣᠷᠠᠬᠢ ᠬᠢᠷᠠᠭᠤ ᠤᠨᠠᠭᠰᠠᠨ ᠭᠡᠮᠡᠷ ᠴᠠᠷᠴᠠᠭᠤ ᠮᠥᠰᠥᠨ ᠲᠠᠯᠠᠰᠲᠤ ᠶᠢ ᠨᠢ ᠬᠠᠨᠴᠤᠢ᠂ ᠬᠤᠷᠮᠣᠢ ᠪᠠᠷ | ᠵᠦᠯᠭᠦᠴᠢᠬᠡᠭᠡᠳ ᠤᠷᠪᠠᠨ ᠬᠥᠷᠪᠡᠨ᠂ ᠮᠥᠯᠬᠦᠨ ᠲᠠᠭᠤᠯᠴᠠᠨ ᠨᠠᠭᠠᠳᠬᠤ ᠶᠢᠨ ᠬᠠᠪᠤ ᠴᠡᠩᠭᠡᠯ ᠭᠡᠵᠦ ᠭᠤᠶᠤ ᠶᠤᠮᠰᠠᠨ᠃ ᠮᠥᠰᠥᠨ ᠬᠥᠨᠳᠡᠢ ᠳᠣᠲᠣᠷᠠ ᠳᠤᠯᠠᠭᠠᠬᠠᠨ᠂ | ᠦᠭᠡ ᠬᠡᠯᠡᠯᠴᠡᠬᠦ ᠳᠤ ᠴᠤᠤᠷᠢᠶᠠ ᠲᠠᠲᠠᠳᠠᠭ᠃ ᠰᠢᠨᠡᠯᠡᠬᠦ ᠦᠶᠡᠰ ᠮᠠᠨᠠᠶᠢᠬᠢᠨ ᠴᠦ ᠮᠥᠰᠥ ᠬᠠᠭᠠᠯᠤᠨ ᠲᠡᠭᠡᠭᠡᠵᠦ᠂ ᠬᠠᠶᠢᠯᠤᠭᠤᠯᠤᠨ ᠬᠡᠷᠡᠭᠯᠡᠳᠡᠭ᠃ ᠲᠡᠷᠡ ᠦᠶᠡ ᠳᠤ | ᠨᠣᠬᠠᠢ ᠪᠢᠳᠡ ᠬᠤᠶᠠᠷ ᠰᠢᠷᠡᠭᠡ ᠪᠦᠭᠦ ᠲᠠᠢ ᠲᠡᠮᠡᠭᠡ ᠭᠡᠳᠡᠭ ᠠᠮᠢᠲᠠᠨ ᠢ ᠣᠯᠵᠤ ᠦᠵᠡᠭᠡᠳ ᠦᠵᠡᠭᠡ ᠦᠭᠡᠢ ᠪᠠᠨ ᠦᠵᠡᠭᠰᠡᠨ ᠮᠡᠲᠦ ᠭᠠᠶᠢᠬᠠᠰᠢᠷᠠᠬᠤ ᠪᠥᠭᠡᠳ | ᠶᠡᠬᠡᠯᠡ ᠠᠶᠤᠳᠠᠭ᠃ | ᠬᠦᠢᠲᠡᠨ ᠤ ᠡᠷᠴᠢ ᠯᠡ ᠬᠡᠴᠡᠭᠦᠦ ᠪᠠᠶᠢᠭᠰᠠᠨ ᠠ᠋᠃ ᠮᠠᠯᠠᠭᠠᠢ ᠡᠮᠦᠰᠬᠦ ᠦᠭᠡᠢ ᠮᠠᠯ ᠵᠠᠯᠠᠭᠠᠳ ᠢᠷᠡᠬᠦ ᠬᠤᠭᠤᠷᠣᠨᠳᠤ ᠴᠢᠬᠢ ᠬᠥᠯᠳᠡᠴᠢᠬᠡᠨᠡ᠃ ᠨᠤᠯᠮᠤᠬᠤ ᠳᠤ | ᠰᠢᠯᠦᠰᠦ ᠭᠠᠵᠠᠷ ᠭᠦᠷᠦᠮᠡᠭᠴᠡ ᠬᠥᠯᠳᠡᠴᠢᠬᠡᠳᠡᠭ ᠪᠠᠶᠢᠭᠰᠠᠨ᠂ ᠣᠳᠣ ᠪᠣᠯ ᠶᠢᠰᠦ ᠶᠢᠨ ᠬᠦᠢᠲᠡᠨ ᠳᠤ ᠳᠡᠯᠭᠡᠭᠦᠷ ᠠᠴᠠ ᠥᠷᠥᠮᠡ᠂ ᠭᠤᠭᠤᠳ᠂ ᠴᠠᠭᠠᠨ ᠨᠣᠭᠤᠭᠠ | ᠠᠪᠤᠭᠠᠳ ᠢᠷᠡᠬᠦ ᠳᠤ ᠬᠥᠯᠳᠡᠬᠦ ᠦᠭᠡᠢ ᠪᠣᠯᠤᠭᠰᠠᠨ᠃ | ᠶᠢᠰᠦ ᠶᠢᠨ ᠬᠦᠢᠲᠡᠨ ᠳᠤ ᠪᠢᠳᠠ ᠵᠡᠭᠦᠨ ᠭᠤᠣᠯ ᠠᠴᠠ ᠡᠳᠦᠷ ᠠᠯᠤᠰᠯᠠᠪᠠᠯ ᠨᠢᠭᠡ ᠤᠳᠠᠭᠠ ᠤᠰᠤ ᠳᠠᠮᠨᠠᠨᠠ᠃ ᠤᠷᠤᠰᠬᠠᠯ ᠤᠰᠤ ᠨᠢ ᠬᠥᠯᠳᠡᠴᠢᠬᠡᠳᠡᠭ | ᠪᠣᠯᠬᠤᠷ ᠵᠡᠭᠦᠨ ᠭᠤᠣᠯ ᠤᠨ ᠪᠠᠷᠠᠭᠤᠨ ᠬᠢᠷᠠ ᠶᠢ ᠳᠠᠭᠠᠭᠠᠳ ᠨᠡᠯᠢᠶᠡᠳ ᠶᠠᠪᠤᠪᠠᠯ ᠪᠤᠳᠠᠭᠠ ᠬᠠᠭᠤᠷᠳᠠᠭ ᠲᠣᠭᠤᠭᠠ ᠬᠢᠷᠢᠲᠡᠢ ᠶᠢᠨ ᠰᠣᠷᠮᠤᠤᠰᠤ ᠨᠢ ᠴᠠᠩ ᠲᠠᠢ | ᠨᠢᠳᠦᠨ ᠪᠤᠯᠠᠭ ᠣᠷᠭᠢᠯᠵᠤ ᠪᠠᠶᠢᠳᠠᠭ ᠶᠤᠮ᠂ ᠬᠠᠶᠠ ᠪᠢᠲᠡᠭᠦᠷᠡᠬᠦ ᠰᠢᠬᠠᠪᠠᠯ ᠬᠥᠮᠥᠰ ᠴᠥᠮᠥᠯᠵᠦ ᠥᠭᠳᠡᠭ᠃ ᠠᠬᠠ ᠪᠢᠳᠡ ᠬᠤᠶᠠᠭᠤᠯᠠ ᠤᠲᠤᠮᠠᠯ ᠠᠷᠠᠰᠤᠨ ᠳᠡᠪᠡᠯ | ᠢᠶᠠᠨ ᠡᠮᠦᠰᠦᠭᠡᠳ ᠬᠠᠶᠢᠷ ᠴᠢᠯᠠᠭᠤ ᠲᠠᠢ ᠬᠥᠮᠥᠨ ᠮᠠᠯ ᠤᠨ ᠴᠤᠪᠤᠭᠠ ᠪᠠᠷ ᠨᠢᠭᠡ ᠲᠣᠮᠣ ᠨᠢᠭᠡ ᠵᠢᠵᠢᠭ ᠬᠤᠶᠠᠷ ᠰᠠᠭᠤᠯᠠᠭᠠ ᠤᠰᠤ ᠶᠢ ᠴᠠᠯᠭᠢᠭᠤᠯᠤᠭᠰᠠᠭᠠᠷ ᠳᠠᠮᠨᠠᠵᠤ | ᠢᠷᠡᠳᠡᠭ᠃ ᠭᠡᠷ ᠲᠤ ᠣᠷᠣᠲᠠᠯᠠ ᠰᠠᠭᠤᠯᠠᠭᠠᠨ ᠤ ᠠᠮᠠᠰᠠᠷ ᠬᠤᠷᠤᠭᠤ ᠵᠤᠵᠠᠭᠠᠨ ᠬᠥᠯᠳᠡᠨᠡ᠃ ᠲᠡᠭᠦᠨ ᠢ ᠪᠣᠣᠳᠤᠤ ᠶᠢᠨ ᠳᠤᠬᠤ ᠪᠠᠷ ᠲᠣᠬᠰᠢᠨ ᠬᠠᠭᠠᠯᠤᠭᠠᠳ ᠣᠰᠣᠨ | ᠭᠠᠩ ᠳᠠᠭᠠᠨ ᠴᠢᠳᠬᠤᠨᠠ᠃ ᠪᠢᠳᠡ ᠬᠠᠷᠢᠨ ᠳᠠᠭᠠᠷᠠᠳᠠᠭ ᠦᠭᠡᠢ᠂ ᠬᠥᠯᠥᠰᠦᠨ ᠳᠡᠭᠡᠨ ᠳᠡᠪᠲᠦᠴᠢᠬᠡᠭᠰᠡᠨ ᠢᠷᠡᠳᠡᠭ᠃ ᠠᠪᠤ ᠶᠢᠨ ᠳᠡᠪᠡᠯ ᠪᠣᠯ ᠠᠷᠠᠢ ᠬᠥᠩᠭᠡᠨ᠂ | ᠡᠵᠢ ᠶᠢᠨ ᠳᠡᠪᠡᠯ ᠪᠣᠯ ᠦᠰᠦ ᠨᠢ ᠵᠤᠵᠠᠭᠠᠨ ᠤ ᠬᠢ ᠪᠢᠵᠡ᠂ ᠶᠡᠬᠡᠯᠡ ᠬᠦᠨᠳᠦ ᠪᠠᠶᠢᠵᠤ᠂ ᠬᠥᠳᠡᠯᠵᠦ ᠪᠠᠷᠢᠬᠤ ᠳᠤ ᠲᠤᠩ ᠬᠥᠰᠢᠭᠦᠨ᠃ ᠪᠢ ᠡᠵᠢ ᠶᠢᠨ ᠲᠡᠪᠡᠯ ᠢ | ᠡᠮᠦᠰᠦᠭᠡᠳ᠂ ᠠᠷᠠᠰᠤᠨ ᠮᠠᠯᠠᠭᠠᠢ᠂ ᠢᠰᠡᠭᠡᠢ ᠭᠤᠲᠤᠯ ᠲᠠᠢ ᠬᠤᠨᠢ ᠬᠠᠷᠢᠭᠤᠯᠬᠤ ᠳᠤ ᠴᠠᠷᠠᠰᠤᠨ ᠪᠤᠲᠠᠨ ᠤ ᠳᠤᠮᠳᠠ ᠴᠠᠰᠤᠨ ᠳᠡᠭᠡᠷᠡ ᠬᠡᠪᠲᠡᠬᠦ ᠳᠤ ᠠᠮᠠᠨ ᠠᠴᠠ | ᠬᠠᠯᠠᠭᠤᠨ ᠠᠭᠤᠷ ᠰᠠᠪᠰᠠᠯᠠᠨ ᠪᠠᠶᠢᠪᠠᠴᠤ ᠲᠠᠭᠠᠷᠠᠳᠠᠭ ᠦᠭᠡᠢ᠃ | ᠮᠢᠨᠤ ᠨᠤᠲᠤᠭ ᠤᠨ ᠢᠳᠡᠷ ᠶᠢᠰᠦ ᠶᠢᠨ ᠬᠦᠢᠲᠡᠨ ᠡᠶᠢᠮᠦ ᠯᠡ ᠳᠤᠷᠠᠰᠤᠮᠵᠢ ᠳᠦᠭᠦᠷᠡᠩ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ᠃ | |