| ᠨᠢᠭᠡ ᠬᠠᠷᠠᠬᠤ ᠳᠤ ᠴᠣᠩᠬᠤᠨ ᠭᠠᠳᠠᠨᠠᠬᠢ ᠮᠣᠳᠣᠨ ᠳᠡᠭᠡᠷᠡ ᠬᠡᠳᠦᠨ ᠪᠣᠯᠵᠣᠮᠣᠷ ᠢᠷᠡᠵᠦ᠂ ᠬᠤᠰᠢᠭᠤ ᠪᠠᠷ ᠢᠶᠠᠨ ᠦᠲᠦ ᠰᠣᠳᠣ ᠪᠠᠨ ᠶᠠᠩᠵᠤᠯᠠᠬᠤ ᠶᠤᠮ᠃ | ᠡᠬᠢᠯᠡᠭᠡᠳ ᠪᠢ ᠨᠢᠭᠡ ᠶᠡᠭᠡ ᠠᠩᠵᠠᠭᠠᠷᠠᠭᠰᠠᠨ ᠦᠭᠡᠢ᠃ ᠵᠢᠷ ᠵᠢᠷ ᠵᠢᠷᠭᠢᠭᠦ ᠪᠠᠷ ᠨᠢ ᠲᠡᠰᠬᠡᠯ ᠦᠭᠡᠢ ᠬᠠᠷᠠᠪᠠ᠃ ᠲᠡᠭᠡᠲᠡᠯᠡ ᠨᠦᠭᠦᠭᠡ ᠬᠡᠳᠦᠨ ᠪᠣᠯᠵᠣᠮᠣᠷ ᠴᠦ ᠨᠠᠮᠠᠶᠢ | ᠬᠠᠷᠠᠭᠠᠳ ᠪᠠᠶᠠᠷᠯᠠᠬᠤ ᠮᠡᠲᠦ ᠵᠢᠭᠠᠬᠠᠨ ᠵᠢᠭᠦᠷ ᠢᠶᠠᠨ ᠲᠡᠪᠢᠵᠦ ᠢᠷᠡᠭᠡᠳ ᠯᠡ ᠵᠢᠷᠭᠢᠵᠦ ᠳᠠᠭᠤᠯᠠᠨᠠ᠃ ᠴᠠᠭᠠᠰᠢ ᠬᠠᠷᠠᠪᠠᠯ ᠬᠡᠳᠦᠨ ᠬᠡᠦᠬᠡᠳ ᠬᠦᠷᠢᠶᠡᠨ ᠳᠤᠮᠳᠠ | ᠬᠥᠭᠵᠢᠯᠳᠦᠨ ᠲᠣᠭᠯᠠᠨᠠ᠃ ᠬᠦᠢᠲᠡᠨ ᠤ ᠡᠷᠴᠢ ᠨᠢᠭᠡ ᠮᠡᠳᠡᠭᠦ ᠳᠤ ᠴᠢᠭᠢᠭ ᠤᠨ ᠦᠨᠦᠷ ᠢᠶᠠᠷ ᠰᠣᠯᠢᠭᠳᠠᠴᠢᠬᠠᠭᠰᠠᠨ ᠪᠠᠶᠢᠯᠠ᠂ ᠠᠰᠠᠷ ᠪᠠᠶᠢᠰᠢᠩ᠂ ᠵᠠᠮ ᠤᠨ | ᠬᠠᠵᠠᠭᠤ ᠶᠢᠨ ᠮᠣᠳᠣᠳ᠂ ᠠᠭᠤᠯᠠ ᠲᠠᠯᠠ ᠴᠦ ᠥᠩᠭᠡ ᠨᠢ ᠰᠢᠨᠡᠲᠦᠭᠰᠡᠨ ᠮᠡᠲᠦ ᠰᠡᠷᠪᠡᠯᠵᠡᠨ ᠰᠡᠬᠦᠶᠢᠨ ᠰᠦᠨᠳᠡᠷᠯᠡᠨᠡ᠃ ᠲᠡᠶᠢᠮᠦ ᠪᠠᠶᠢᠨᠠ ᠠ᠋᠂ ᠢᠴᠡᠭᠰᠡᠳ ᠭᠦᠳᠡᠯᠭᠦ | ᠪᠣᠯᠴᠢᠬᠠᠵᠠᠢ ᠰᠢᠦ︕ ᠮᠢᠩᠭᠠᠨ ᠠᠮᠢᠲᠠᠨ ᠤ ᠮᠠᠩᠨᠠᠢ ᠲᠡᠨᠢᠢᠵᠦ᠂ ᠣᠷᠴᠢᠯᠠᠩ ᠬᠥᠭᠵᠢᠶᠡᠨ ᠢᠶᠠᠷ ᠪᠢᠯᠬᠠᠬᠤ ᠨᠢ ᠠ᠋᠃ | ᠪᠤᠲᠣᠯ ᠰᠡᠳᠬᠢᠯ ᠪᠣᠯᠵᠣᠮᠣᠷ ᠢ ᠲᠠᠭᠠᠵᠦ ᠨᠢᠰᠣᠨ ᠳᠡᠪᠳᠡᠷᠢᠴᠢᠬᠡᠬᠦ ᠶᠤᠮ ᠪᠢᠯᠡ᠃ | ᠣᠷᠴᠢᠯᠠᠩ ᠤᠨ ᠬᠠᠮᠤᠭ ᠤᠨ ᠰᠠᠶᠢᠬᠠᠨ ᠤᠯᠠᠷᠢᠯ ᠪᠣᠯ ᠬᠠᠪᠤᠷ ᠭᠡᠵᠦ ᠪᠢ ᠪᠤᠳᠤᠳᠠᠭ᠃ ᠬᠠᠪᠤᠷ ᠨᠠᠳᠠᠳᠤ ᠬᠡᠦᠬᠡᠳ ᠰᠢᠭ ᠰᠠᠨᠠᠭᠳᠠᠵᠤ᠂ ᠥᠰᠴᠦ ᠦᠨᠳᠡᠶᠢᠭᠦ | ᠬᠦᠰᠡᠯ ᠮᠥᠷᠥᠭᠡᠳᠦᠯ ᠣᠷᠭᠤᠭᠤᠯᠲᠠᠭ᠃ ᠶᠡᠷᠦ ᠨᠢ ᠬᠤᠷᠢᠨ ᠲᠦᠷᠪᠡᠨ ᠴᠠᠭ ᠤᠯᠠᠷᠢᠯ ᠠᠴᠠ ᠠᠮᠢᠲᠠᠨ ᠭᠤᠣᠯᠲᠠᠨ ᠲᠠᠢ ᠬᠤᠯᠪᠣᠭᠳᠠᠵᠤ᠂ ᠡᠰᠡᠨᠢᠯ ᠬᠥᠯᠵᠢᠯ ᠤᠨ | ᠦᠢᠯᠡ ᠬᠥᠳᠡᠯᠦᠯ ᠢ ᠬᠠᠷᠠᠭᠤᠯᠤᠭᠰᠠᠨ ᠨᠢ ᠵᠦᠪᠭᠡᠨ ᠮᠢᠩᠭᠠᠨ ᠠᠮᠢᠲᠠᠨ ᠤ ᠮᠠᠩᠨᠠᠢ ᠲᠡᠨᠢᠢᠭᠦ ᠴᠠᠭ ᠭᠡᠭᠳᠡᠭᠰᠡᠨ ︽ᠢᠴᠡᠭᠰᠡᠳ ᠭᠦᠲᠡᠯᠭᠦ︾ ᠴᠠᠭ ᠤᠯᠠᠷᠢᠯ ᠪᠤᠯᠬᠤ | ᠠᠵᠢ᠃ ᠠᠮᠢ ᠲᠠᠢ ᠭᠤᠣᠯ ᠲᠠᠢ ᠪᠣᠯᠬᠤᠷ ᠰᠡᠷᠡᠵᠦ ᠰᠡᠷᠭᠦᠵᠦ᠂ ᠣᠷᠣᠰᠢᠵᠤ ᠭᠦᠯᠵᠢᠭᠦ ᠶᠢᠨ ᠤᠴᠢᠷ ᠶᠢᠷᠲᠢᠨᠴᠦ ᠶᠢᠨ ᠲᠣᠭᠤᠰᠣ ᠬᠥᠳᠡᠯᠭᠡᠵᠦ ᠦᠨᠳᠡᠶᠢᠭᠦ ᠨᠢ ᠲᠦᠭᠡᠮᠡᠯ | ᠵᠦᠢ ᠪᠤᠰᠤ ᠤᠤ︖ ᠢᠩᠭᠢᠭᠡᠳ ᠪᠤᠲᠣᠬᠤ ᠳᠤ᠂ ᠬᠤᠷᠠ ᠤᠰᠤ᠂ ᠵᠣᠨ ᠤ ᠲᠤᠶᠢᠯ᠂ ᠬᠢᠷᠠᠭᠤ ᠤᠨᠠᠬᠤ᠂ ᠪᠠᠭᠠ ᠴᠠᠰᠤ᠂ ᠶᠡᠭᠡ ᠬᠦᠢᠲᠡᠨ ᠁ ᠵᠡᠷᠭᠡ ᠤᠯᠠᠷᠢᠯ ᠤᠨ | ᠥᠩᠭᠡ ᠠᠶᠠᠰ ᠨᠢ ᠪᠦᠷ ᠥᠨᠥᠳᠥᠷ ᠤᠨ ᠥᠨᠳᠡᠶᠢᠵᠦ ᠭᠦᠲᠡᠯᠭᠦ ᠳᠤ ᠣᠷᠢᠲᠠᠯ ᠨᠥᠬᠦᠴᠡᠯ ᠬᠠᠩᠭᠠᠵᠤ᠂ ᠣᠷᠭᠤᠵᠦ ᠲᠦᠯᠵᠢᠭᠦ ᠠᠮᠢ ᠠᠮᠢᠵᠢᠷᠠᠯ ᠤᠨ ᠢᠷᠠᠭᠤ | ᠳᠠᠭᠤᠤ ᠶᠢ ᠴᠢᠪᠬᠠᠳᠠᠬᠤ ᠳᠤ ᠪᠡᠯᠡᠳᠬᠡᠭᠰᠡᠨ ᠮᠡᠲᠦ᠂ ᠪᠠᠶᠢᠭᠠᠯᠢ ᠶᠢᠨ ᠣᠷᠴᠢᠯ ᠲᠡᠷᠡ ᠪᠤᠶᠤ︕ | ᠬᠠᠪᠤᠷ ᠢᠷᠡᠯᠡ᠂ ᠬᠠᠮᠢᠭᠠ ᠢᠷᠡᠪᠡ︖ ᠣᠢ ᠶᠢᠨ ᠳᠤᠮᠳᠠ᠂ ᠣᠰᠣᠨ ᠤ ᠳᠡᠷᠭᠡᠳᠡ᠂ ᠰᠠᠷᠠᠪᠴᠢᠨ ᠳᠣᠣᠷᠠ᠂ ᠰᠠᠷᠠᠨ ᠤ ᠭᠡᠷᠡᠯ ᠳᠤ᠂ ᠲᠠᠯᠠ ᠶᠢᠨ ᠭᠦᠨ᠂ | ᠲᠥᠯ ᠤᠨ ᠮᠠᠶᠢᠯᠠᠭᠠᠨ ᠳᠤ ᠬᠠᠪᠤᠷ ᠤᠨ ᠠᠨᠢᠷ ᠲᠣᠵᠢ ᠲᠣᠭᠤᠯᠲᠠᠨᠠ᠃ ᠬᠠᠮᠤᠭ ᠪᠣᠳᠠᠰ ᠠᠮᠢᠯᠠᠨ ᠰᠡᠷᠭᠦᠭᠦ ᠪᠠᠷ ᠪᠠᠶᠢᠭᠠᠯᠢ ᠳᠡᠯᠡᠬᠡᠢ ᠶᠢᠨ ᠥᠩᠭᠡ ᠵᠢᠰᠦ᠂ ᠦᠨᠦᠷ | ᠠᠮᠲᠠ᠂ ᠠᠶᠠᠯᠭᠤ ᠡᠭᠡᠰᠢᠭ ᠵᠦᠪᠭᠡᠨ ᠬᠠᠷᠠᠭᠳᠠᠵᠤ᠂ ᠦᠨᠦᠷᠲᠦᠵᠦ᠂ ᠠᠮᠲᠠᠭᠳᠠᠵᠤ᠂ ᠰᠣᠨᠣᠰᠤᠭᠳᠠᠬᠤ ᠪᠤᠰᠤ ᠬᠠᠷᠢᠨ ᠪᠦᠬᠦᠢ ᠪᠡᠶᠡ ᠴᠣᠭᠴᠠᠰ ᠲᠤ ᠮᠡᠳᠡᠷᠡᠭᠳᠡᠨ᠂ | ᠥᠰᠴᠦ ᠦᠨᠳᠡᠶᠢᠭᠦ᠂ ᠣᠷᠭᠤᠵᠦ ᠲᠦᠯᠵᠢᠭᠦ ᠬᠦᠰᠡᠯ ᠮᠥᠷᠥᠭᠡᠳᠦᠯ ᠢ ᠣᠷᠭᠤᠭᠤᠯᠲᠠᠬ ᠶᠤᠮ᠃ ᠪᠠᠶᠢᠭᠠᠯᠢ ᠶᠢᠷᠲᠢᠨᠴᠦ ᠶᠢᠨ ᠣᠷᠴᠢᠯ ᠵᠢᠮᠡ ᠶᠢ ᠪᠠᠭ᠋ᠠᠳᠤᠨ ᠭᠠᠶᠢᠬᠠᠬᠤ | ᠲᠤᠰᠤᠮ ᠲᠡᠷᠲᠡᠭᠡ ᠵᠠᠭᠤᠨ ᠤ ᠴᠢᠨᠠᠳᠤ ᠶᠡᠭᠡ ᠡᠷᠳᠡᠮᠲᠡᠨ ᠯᠣᠪᠰᠠᠩᠴᠣᠶᠢᠳᠡᠨ ᠤ ︽ᠲᠡᠭᠷᠢ ᠶᠢᠨ ᠵᠠᠶᠠᠭᠠᠲᠤ ᠲᠣᠭᠲᠠᠭᠰᠠᠨ ᠰᠠᠪᠠ ᠶᠢᠷᠲᠢᠨᠴᠦ ᠶᠢᠨ ᠤᠯᠠᠷᠢᠬᠤ ᠶᠣᠰᠣᠨ | ᠨᠠᠷᠠᠨ ᠰᠢᠩᠭᠡᠪᠡᠰᠦ ᠣᠲᠣᠨ ᠭᠠᠷᠬᠤ ᠲᠣᠭᠲᠠᠭᠠᠯ᠂ ᠲᠦᠷᠪᠡᠨ ᠴᠠᠭ ᠤᠨ ᠡᠭᠡᠯᠵᠢᠯᠡᠬᠦ ᠶᠣᠰᠣ ᠡᠳᠦᠷ ᠰᠠᠷᠠ ᠪᠠᠷ ᠨᠢᠭᠡᠨ ᠵᠢᠯ ᠬᠡᠮᠡᠨ ᠲᠤᠭᠠ ᠲᠣᠪᠴᠢᠶᠠ ᠪᠤᠯᠭᠠᠵᠦ | ᠶᠠᠪᠤᠬᠤ ᠬᠥᠮᠥᠨ ᠠᠮᠢᠲᠠᠨ ᠤ ᠭᠡᠷᠡᠴᠢ ᠲᠡᠮᠳᠡᠭ︾ ᠭᠡᠰᠡᠨ ᠦᠭᠡ ᠡᠷᠬᠡ ᠦᠭᠡᠢ ᠰᠠᠨᠠᠭᠠᠨ ᠳᠤ ᠣᠷᠣᠨᠠ᠃ | ᠭᠠᠳᠠᠨᠠ ᠭᠠᠷᠤᠯᠠ᠃ ᠨᠠᠷᠠ ᠳᠤᠯᠠᠶᠢᠵᠤ᠂ ᠨᠤᠲᠤᠭ ᠪᠤᠴᠠᠬᠤ ᠨᠡᠭᠦᠳᠡᠯ ᠤᠨ ᠰᠢᠪᠠᠭᠤᠳ᠂ ᠰᠣᠨᠣᠷ ᠪᠠᠶᠠᠰᠬᠠᠬᠤ ᠲᠥᠯ ᠤᠨ ᠨᠠᠶᠢᠷᠠᠯ᠂ ᠣᠷᠭᠤᠨ ᠲᠦᠯᠵᠢᠭᠦ | ᠬᠥᠬᠡ ᠨᠣᠭᠤᠭᠠ᠂ ᠤᠶᠠᠰᠤᠨ ᠬᠠᠶᠢᠯᠬᠤ ᠭᠤᠣᠯ ᠭᠤᠷᠤᠬᠠ ᠬᠠᠮᠢᠭᠠ ᠰᠠᠢ ᠦᠭᠡᠢ ᠬᠠᠪᠤᠷ ᠤᠨ ᠤᠶᠠᠩᠭᠠ ᠳᠠᠭᠤᠤ ᠶᠢ ᠬᠠᠩᠭᠢᠨᠠᠭᠤᠯᠤᠨᠠ᠃ | ᠰᠣᠨᠣᠰᠤᠭᠠᠴᠢ︕ ᠬᠥᠨᠳᠡᠢ ᠵᠢᠯᠠᠭᠠ ᠳᠦᠭᠦᠷᠭᠡᠭᠰᠡᠨ ᠰᠢᠩᠭᠡᠨ ᠴᠡᠩᠬᠡᠷ ᠤᠨᠢᠶᠠᠷ ᠤᠨ ᠳᠤᠮᠳᠠᠭᠤᠷ ᠪᠣᠯᠵᠣᠮᠣᠷ ᠰᠢᠪᠠᠭᠤᠳ ᠬᠥᠭᠵᠢᠯᠲᠡᠢ ᠵᠢᠷᠭᠢᠨ ᠬᠠᠪᠤᠷ | ᠤᠨ ᠳᠠᠭᠤᠤ ᠶᠢ ᠳᠠᠭᠤᠯᠠᠨᠠ᠃ | ᠬᠠᠷᠠᠭᠠᠴᠢ︕ ᠰᠠᠯᠬᠢᠨ ᠤ ᠴᠢᠭᠢᠭ ᠢᠶᠠᠷ ᠮᠥᠰᠥ ᠴᠠᠰᠤᠨ ᠤᠶᠠᠷᠠᠬᠤ ᠳᠤ ᠮᠠᠯ ᠰᠦᠷᠦᠭ ᠲᠡᠪᠴᠢᠶᠡᠷᠢ ᠠᠯᠳᠠᠨ ᠡᠭᠡᠪᠦᠷ ᠭᠠᠵᠠᠷ ᠤᠨ ᠬᠥᠷᠥᠰᠥ ᠶᠢ | ᠦᠨᠦᠷᠯᠡᠨᠡ᠃ ᠰᠢᠨᠡᠬᠡᠨ ᠴᠤᠬᠤᠶᠢᠬᠤ ᠨᠢᠯᠬᠠ ᠰᠣᠶᠤᠭᠠ ᠥᠰᠦᠨᠡ᠂ ᠤᠷᠭᠤᠨᠠ ᠬᠡᠮᠡᠨ ᠢᠲᠡᠭᠡᠯ ᠳᠦᠭᠦᠷᠡᠩ ᠰᠤᠭᠤᠷᠠᠵᠤ᠂ ᠥᠭᠡᠳᠡ ᠠᠴᠠ ᠥᠭᠡᠳᠡ ᠪᠠᠨ | ᠳᠠᠪᠰᠢᠬᠤ ᠭᠦᠨ ᠠᠮᠢᠰᠬᠤᠭᠠ᠂ ᠥᠨᠥᠳᠥᠷ ᠠᠴᠠ ᠮᠠᠷᠭᠠᠰᠢ ᠳᠤ ᠳᠠᠮᠵᠢᠭᠤᠯᠬᠤ ᠮᠢᠲᠠᠷᠠᠬᠤ ᠦᠭᠡᠢ ᠵᠣᠷᠢᠭ ᠢ ᠬᠠᠷᠠᠭᠤᠯᠤᠨᠠ᠃ | ᠰᠢᠨᠡ ᠰᠤᠷᠤᠯᠭᠠ ᠶᠢᠨ ᠬᠤᠭᠤᠴᠠᠭᠠ ᠪᠠᠨ ᠤᠭᠲᠤᠭᠰᠠᠨ ᠰᠣᠷᠣᠬᠴᠢᠳ ᠴᠦ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠳᠠᠭᠠᠨ ᠮᠠᠬᠠᠷᠠᠨ ᠵᠢᠳᠬᠦᠵᠦ᠂ ᠬᠤᠲᠠ ᠬᠥᠳᠡᠭᠡ | ᠬᠥᠭᠰᠢᠨ ᠵᠠᠯᠠᠭᠤ ᠭᠡᠰᠡᠨ ᠦᠭᠡᠢ ᠤᠷᠢᠬᠠᠨ ᠬᠠᠪᠤᠷ ᠤᠨ ᠥᠩᠭᠡ ᠪᠤᠳᠤᠭ ᠢ ᠵᠢᠷᠤᠭᠯᠠᠨ᠂ ᠲᠠᠭᠤ ᠠᠨᠢᠷ ᠢᠶᠠᠷ ᠪᠠᠭ᠋ᠠᠳᠤᠨᠠ᠃ ᠮᠢᠩᠭᠠᠨ ᠠᠮᠢᠲᠠᠳ ᠤᠨ ᠮᠠᠩᠨᠠᠢ ᠲᠡᠨᠢᠢᠭᠦ | ᠬᠠᠪᠤᠷ ᠴᠠᠭ ᠭᠡᠵᠦ ᠡᠶᠢᠮᠦ ᠯᠡ ᠶᠠᠭᠠᠷᠠᠯᠲᠠᠢ ᠮᠥᠷᠲᠡᠭᠡᠨ ᠬᠥᠭᠵᠢᠯᠲᠡᠢ ᠠᠵᠢ᠃ | ᠬᠠᠪᠤᠷ ᠪᠣᠯ ᠡᠭᠢᠯᠡᠯᠲᠡ ᠮᠥᠷᠲᠡᠭᠡᠨ ᠦᠷᠭᠦᠯᠵᠢᠯᠡᠯ᠃ ᠬᠠᠷᠢᠨ ᠤᠯᠠᠷᠢᠯ ᠤᠨ ᠬᠠᠪᠤᠷ ᠡᠭᠡᠯᠵᠢᠯᠡᠵᠦ ᠦᠷᠭᠦᠯᠵᠢᠯᠡᠳᠡᠭ ᠴᠦ ᠠᠮᠢᠳᠤᠷᠠᠯ ᠤᠨ ᠬᠠᠪᠤᠷ ᠭᠠᠭᠴᠠᠬᠠᠨ | ᠲᠣᠬᠢᠶᠠᠯᠳᠤᠳᠠᠭ ᠭᠡᠯᠲᠡᠢ᠃ ᠵᠠᠯᠠᠭᠤ ᠪᠠᠭᠠ ᠨᠠᠰᠤᠨ ᠤ ᠵᠢᠪᠠᠷ ᠳᠠᠭᠠᠵᠤ ᠲᠡᠯᠡᠷᠡᠭᠰᠡᠨ ᠬᠡᠦᠬᠡᠳ ᠨᠠᠰᠤᠨ ᠤ ᠣᠨ ᠤ ᠴᠠᠭᠠᠷᠢᠭ ᠬᠥᠭᠡᠷᠦᠬᠦᠨ ᠠᠭᠠᠳ ᠬᠤᠷᠳᠤᠨ | ᠭᠢᠯᠠᠰᠴᠤ ᠤᠲᠤᠨᠠ᠃ ᠨᠢᠭᠡ ᠪᠤᠳᠤᠪᠠᠯ ᠬᠥᠮᠥᠨ ᠭᠡᠵᠦ ᠤᠷᠭᠤᠵᠤ ᠴᠡᠴᠡᠭᠯᠡᠵᠦ ᠦᠷᠡᠯᠡᠭᠰᠡᠨ ᠤ ᠬᠢᠨᠢ ᠳᠠᠷᠠᠭᠠ ᠪᠤᠷᠬᠠᠨ ᠲᠡᠭᠦᠭᠡᠳ ᠶᠠᠪᠤᠴᠢᠬᠠᠳᠠᠭ ᠨᠢᠭᠡᠨ ᠰᠠᠶᠢᠬᠠᠨ | ᠵᠢᠮᠢᠰ ᠮᠡᠲᠦ ᠪᠥᠭᠡᠳ ᠠᠮᠢᠳᠤᠷᠠᠯ ᠪᠣᠯ ᠡᠨᠡ ᠬᠦ ᠵᠢᠮᠢᠰ ᠤᠨ ᠣᠷᠭᠤᠬᠤ ᠦᠷᠡᠯᠡᠭᠦ ᠶᠢᠨ ᠲᠥᠯᠥᠭᠡᠨᠡ ᠣᠷᠴᠢᠯᠠᠩ ᠤᠨ ᠨᠠᠷᠠᠨ ᠰᠠᠷᠠᠨ ᠤ ᠭᠡᠷᠡᠯ ᠳᠤ ᠥᠩᠭᠡ | ᠪᠠᠨ ᠳᠡᠯᠭᠡᠭᠰᠡᠨ ᠶᠠᠪᠤᠴᠠ ᠪᠤᠯᠬᠤ ᠶᠤᠮ᠃ ᠦᠢᠯᠡ ᠦᠷᠡ ᠶᠢᠨ ᠡᠨᠡ ᠬᠦ ᠵᠢᠮᠡ ᠶᠢ ᠪᠢᠳᠡ ᠭᠦᠨ ᠣᠶᠢᠯᠠᠭᠠᠵᠤ᠂ ᠪᠠᠭᠠ ᠵᠠᠯᠠᠭᠤ ᠠᠴᠠ ᠪᠠᠨ ᠥᠰᠴᠦ ᠤᠷᠭᠤᠬᠤ | ᠶᠢ ᠡᠭᠡᠨᠡᠭᠲᠡ ᠪᠠᠷᠢᠮᠲᠠᠯᠠᠪᠠᠯ ᠲᠠᠭᠠᠷᠠᠨᠠ᠃ ᠤᠴᠢᠷ ᠨᠢ ᠬᠠᠪᠤᠷ ᠲᠠᠷᠢᠪᠠᠯ ᠨᠠᠮᠤᠷ ᠬᠤᠷᠢᠶᠠᠬᠤ ᠭᠡᠵᠦ ᠬᠡᠵᠢᠶᠡᠳᠡ ᠬᠠᠭᠤᠴᠢᠷᠠᠳᠠᠭ ᠦᠭᠡᠢ ᠦᠨᠡᠨ ᠶᠣᠰᠣ ᠪᠤᠶᠤ᠃ | |