| - ︽ᠬᠦᠢᠰᠦ︾ ᠺᠢᠨᠣ᠋ ᠶᠢ ᠦᠵᠡᠭᠰᠡᠨ ᠲᠥᠷᠥᠭᠳᠡᠯ | | | | | | ᠦᠯᠢᠭᠡᠷ ᠤᠨ ᠲᠣᠶᠢᠮᠣ - | ᠳᠠᠭᠤᠤ ᠬᠥᠭᠵᠢᠮᠴᠢᠨ ᠠᠯᠤᠰ ︵ᠢᠳᠡᠷ ᠤᠨ ᠲᠣᠭᠯᠠᠭᠰᠠᠨ︶ ᠮᠡᠨᠡᠭ ᠡᠪᠡᠳᠴᠢᠨ ᠭᠦᠷᠦᠭᠰᠡᠨ ᠡᠵᠢ ︵ᠪᠠᠳᠮᠠ ᠶᠢᠨ ᠲᠣᠭᠯᠠᠭᠰᠠᠨ︶ ᠪᠠᠨ ᠳᠠᠭᠠᠭᠤᠯᠤᠨ᠂ | ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠭᠡᠷ ᠣᠷᠣᠨ ᠢᠶᠠᠷ ᠢᠶᠠᠨ ᠬᠦᠷᠴᠦ᠂ ᠡᠵᠢ ᠶᠢᠨ ᠢᠶᠠᠨ ᠤᠢ ᠳᠤᠷᠠᠰᠤᠮᠵᠢ ᠳᠠᠬᠢ ᠬᠥᠳᠡᠭᠡ ᠨᠤᠲᠤᠭ ᠢ ᠨᠢ ᠦᠵᠡᠭᠦᠯᠭᠦ ᠪᠠᠷ ᠲᠦᠷᠦᠭᠰᠡᠨ | ᠨᠤᠲᠤᠭ ᠲᠠᠭᠠᠨ ᠬᠠᠷᠢᠬᠤ ᠵᠠᠮ ᠵᠠᠭᠤᠷᠠ ᠡᠪᠡᠳᠴᠢᠨ ᠲᠠᠢ ᠡᠵᠢ ᠪᠠᠨ ᠠᠯᠳᠠᠵᠤ ᠶᠠᠪᠤᠭᠤᠯᠬᠤ ᠠᠴᠠ ᠪᠣᠯᠭᠤᠮᠵᠢᠯᠠᠨ᠂ ᠨᠢᠭᠡ ᠰᠢᠷᠬᠡᠭ ᠳᠡᠭᠡᠰᠦ ᠪᠠᠷ ᠡᠵᠢ ᠪᠠᠨ | ᠥᠪᠡᠷ ᠤᠨ ᠪᠡᠶᠡ ᠲᠠᠢ ᠪᠠᠨ ᠬᠤᠯᠪᠣᠨ ᠤᠶᠠᠵᠠᠢ᠃ ᠡᠨᠡ ᠨᠢ ᠶᠠᠭ ᠬᠥᠮᠥᠨ ᠤ ᠬᠦᠢᠰᠦ ᠶᠢᠨ ᠣᠭᠤᠰᠣᠷ ᠰᠢᠭ᠋ ᠵᠠᠯᠭᠠᠯᠳᠤᠵᠤ᠂ ᠡᠨᠡ ᠬᠦ ᠳᠡᠭᠡᠰᠦ ᠪᠠᠷ ᠰᠢᠵᠢᠮ | ᠪᠣᠯᠭᠠᠵᠤ ᠡᠬᠡ ᠬᠦᠦ ᠬᠤᠶᠠᠭᠤᠯᠠ ᠶᠢᠨ ᠬᠤᠭᠤᠷᠤᠨᠳᠤᠭᠢ ᠰᠡᠳᠬᠢᠯ ᠬᠥᠳᠡᠯᠭᠡᠮᠡ ᠦᠯᠢᠭᠡᠷ ᠢ ᠶᠠᠷᠢᠭᠰᠠᠨ ᠪᠠᠶᠢᠨᠠ᠃ | ᠢᠷᠠᠭᠤ ᠠᠯᠳᠠᠷ - | ᠲᠤᠰ ᠺᠢᠨᠣ᠋ ᠨᠢ 2022 ᠣᠨ ᠤ 9 ᠰᠠᠷᠠ ᠶᠢᠨ 21 ᠤ ᠡᠳᠦᠷ᠂ 35 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠲᠣᠣᠺᠢᠤ᠋ ᠶᠢᠨ ᠣᠯᠠᠨ ᠤᠯᠤᠰ ᠤᠨ ᠺᠢᠨᠣ᠋ ᠶᠢᠨ ᠨᠠᠶᠢᠷ ᠤᠨ | ︽ᠠᠽᠢᠶᠠ ᠶᠢᠨ ᠢᠷᠡᠭᠡᠳᠦᠢ︾ ᠭᠡᠬᠦ ᠨᠢᠭᠡᠴᠢ ᠳᠤ ᠰᠣᠩᠭᠤᠭᠳᠠᠨ ᠣᠷᠣᠪᠠ； | 2022 ᠣᠨ ᠤ 12 ᠰᠠᠷᠠ ᠳᠤ᠂ ᠲᠣᠰ ᠺᠢᠨᠣ᠋ ᠨᠢ 4 ᠳ᠋ᠦ᠋ᠭᠡᠷ ᠬᠤᠭᠤᠴᠠᠭᠠᠨ ᠤ ᠬᠠᠶᠢᠨᠠᠨ ᠠᠷᠠᠯ ᠤᠨ ᠣᠯᠠᠨ ᠤᠯᠤᠰ ᠤᠨ ᠺᠢᠨᠣ᠋ ᠶᠢᠨ ᠨᠠᠶᠢᠷ ᠤᠨ | ︽ᠬᠠᠮᠤᠭ ᠤᠨ ᠰᠢᠯᠢᠳᠡᠭ ᠮᠡᠷᠭᠡᠵᠢᠯ ᠤᠨ ᠱᠠᠩᠨᠠᠯ︾ ᠢ ᠭᠦᠷᠳᠡᠪᠡ᠃ | ᠴᠡᠩᠬᠡᠷ ᠤᠨᠢᠶᠠᠷ ᠬᠥᠰᠢᠭᠡᠯᠡᠭᠰᠡᠨ ᠠᠭᠤᠳᠠᠮ ᠲᠠᠯᠠ ᠶᠢᠨ ᠰᠤᠨᠤᠯᠵᠠᠭᠰᠠᠨ ᠰᠢᠷᠠ ᠵᠥᠷᠢᠭ ᠢᠶᠠᠷ ᠵᠢᠵᠢᠭᠬᠡᠨ ᠲᠣᠯᠪᠤ ᠭᠡᠮᠡᠷ ᠭᠤᠷᠪᠠᠨ ᠬᠦᠷᠳᠦᠲᠦ ᠮᠣᠲ᠋ᠣᠷ | ᠲᠣᠳᠣᠷᠠᠨ ᠭᠠᠷᠴᠤ ᠢᠷᠠᠯᠠ᠃ ᠬᠦᠦ ᠮᠣᠲ᠋ᠣᠷ ᠪᠠᠷᠢᠵᠤ ᠡᠬᠡ ᠨᠢ ᠬᠠᠵᠠᠭᠤ ᠳᠤᠨᠢ ᠰᠠᠭᠤᠵᠠᠢ᠃ ᠲᠣᠭᠤᠨᠣᠲᠤ ᠭᠡᠷ ᠢᠶᠠᠨ ᠠᠷᠤ ᠶᠢᠨ ᠴᠢᠷᠭᠡᠦᠯ ᠲᠡᠷᠭᠡᠨ ᠳᠤ ᠠᠴᠢᠵᠤ᠂ | ᠶᠠᠭᠠᠷᠠᠮᠠ ᠦᠭᠡᠢ ᠶᠠᠪᠤᠬᠤ ᠳᠠᠭᠠᠨ ᠤᠰᠤᠨ ᠤ ᠭᠦᠪᠡᠭᠡ ᠠᠭᠤᠯᠠ ᠶᠢᠨ ᠬᠤᠷᠮᠣᠢ ᠳᠤ ᠬᠤᠨᠤᠭ ᠲᠠᠯᠪᠢᠨᠠ᠃ ᠬᠦᠦ ᠰᠡᠪ ᠯᠠ ᠭᠡᠪᠡᠯ ᠤᠰᠤᠨ ᠤ ᠴᠠᠯᠭᠢᠶᠠᠨ᠂ | ᠰᠢᠪᠠᠭᠤᠨ ᠤ ᠨᠤᠷᠭᠢᠶᠠᠨ ᠪᠠ ᠡᠬᠡ ᠶᠢᠨ ᠠᠯᠬᠤᠭᠠᠨ ᠤ ᠳᠠᠭᠤ ᠠᠨᠢᠷ ᠢ ᠴᠤᠭᠯᠠᠭᠤᠯᠵᠤ ᠡᠯᠧᠺᠲᠷᠣᠨ ᠬᠥᠭᠵᠢᠮ ᠢᠶᠠᠨ ᠨᠠᠶᠢᠷᠠᠭᠤᠯᠤᠨᠠ᠃ ᠡᠬᠡ ᠨᠢ ᠢᠮᠠᠭᠲᠠ | ᠮᠦᠰᠢᠶᠡᠩᠭᠦᠢ ᠴᠢᠷᠠᠢ ᠲᠠᠢ᠂ ᠬᠠᠶᠠ ᠳᠠᠭᠠᠨ ᠥᠪᠡᠷ ᠤᠨ ᠮᠡᠳᠡᠯ ᠦᠭᠡᠢ ᠪᠥᠵᠢᠭᠯᠡᠬᠦ ᠠᠭᠠᠳ ᠬᠥᠪᠡᠭᠦᠨ ᠯᠦᠭᠡ ᠪᠠᠨ ᠪᠦᠰᠡᠯᠡᠭᠦᠷ ᠤᠨ ᠳᠡᠭᠡᠰᠦ ᠪᠠᠷ ᠬᠤᠯᠪᠣᠯᠳᠤᠭᠰᠠᠨ | ᠪᠠᠶᠢᠳᠠᠭ᠃ ᠡᠪᠡᠰᠦᠨ ᠤ ᠨᠣᠭᠤᠭᠠᠨ ᠰᠥᠯ᠂ ᠨᠠᠮᠤᠷ ᠤᠨ ᠲᠠᠯᠠ ᠶᠢᠨ ᠬᠦᠷᠡᠩ ᠪᠣᠷᠣ ᠰᠢᠷᠠ ᠥᠩᠭᠡ ᠪᠤᠳᠤᠭ ᠤᠨ ᠨᠠᠶᠢᠷᠠᠯ ᠬᠥᠭᠵᠢᠮ᠂ ᠡᠪᠦᠯ ᠤᠨ ᠬᠤᠩᠭᠠᠷᠯᠠᠭᠰᠠᠨ | ᠴᠠᠰᠤ ᠭᠡᠳ ᠠᠶᠠᠨ ᠵᠠᠮ ᠤᠨ ᠥᠩᠭᠡ ᠦᠵᠡᠮᠵᠢ ᠰᠣᠯᠢᠭᠳᠠᠵᠤ ᠪᠠᠶᠢᠳᠠᠭ ᠨᠢ ᠤᠳᠠᠭᠠᠨ ᠡᠳᠦᠷ ᠶᠠᠪᠤᠭᠰᠠᠨ ᠢ ᠬᠠᠷᠠᠭᠤᠯᠤᠨᠠ᠃ ᠳᠠᠭᠤᠴᠢᠨ ᠵᠠᠯᠠᠭᠤ ᠠᠯᠤᠰ᠂ | ᠮᠡᠳᠡᠷᠡᠯ ᠤᠨ ᠭᠡᠮ ᠰᠠᠭᠤᠵᠤ ᠥᠪᠡᠷ ᠢ ᠨᠢ ᠲᠠᠨᠢᠬᠤ ᠪᠠᠨ ᠪᠣᠯᠢᠭᠰᠠᠨ ᠡᠵᠢ ᠶᠢᠨ ᠢᠶᠠᠨ ︽ᠭᠡᠷ ᠲᠡᠭᠡᠨ ᠬᠠᠷᠢᠨᠠ︾ ᠭᠡᠰᠡᠨ ᠬᠦᠰᠡᠯ ᠢ ᠭᠦᠢᠴᠡᠭᠡᠬᠦ ᠶᠢᠨ ᠲᠥᠯᠥᠭᠡ ᠡᠶᠢᠨ | ᠠᠶᠠᠯᠠᠵᠤ ᠪᠠᠶᠢᠭᠠ ᠰᠠᠨᠵᠠᠢ᠃ ᠡᠨᠡ ᠪᠣᠯ ᠬᠥᠯᠥᠨ ᠪᠤᠶᠢᠷ ᠨᠤᠲᠤᠭ ᠲᠠᠢ ᠳᠠᠭᠤᠷ ᠦᠨᠳᠦᠰᠦᠲᠡᠨ ᠤ ᠵᠠᠯᠠᠭᠤ ᠤᠷᠠᠯᠢᠭᠴᠢᠨ ᠴᠢᠶᠤᠤ ᠰᠧ ᠰᠢᠤᠸᠠᠢ ᠶᠢᠨ ᠨᠠᠶᠢᠷᠠᠭᠤᠯᠵᠤ | ᠤᠳᠤᠷᠢᠳᠤᠭᠠᠭᠰᠠᠨ ᠮᠣᠩᠭᠤᠯ ᠬᠡᠯᠡᠨ ᠤ ᠺᠢᠨᠣ᠋ ︽ᠬᠦᠢᠰᠦ︾ ᠶᠢᠨ ᠬᠡᠰᠡᠭ ᠦᠵᠡᠭᠳᠡᠯ᠃ ᠡᠨᠡ ᠬᠦ ᠺᠢᠨᠣ᠋ 3 ᠰᠠᠷᠠ ᠶᠢᠨ 18 ᠳᠤ ᠪᠦᠭᠦ ᠤᠯᠤᠰ ᠲᠤ ᠠᠩᠬᠠ | ᠲᠠᠷᠬᠠᠭᠠᠭᠳᠠᠵᠤ᠂ ᠣᠶᠢᠷᠠ ᠶᠢᠨ ᠡᠳᠦᠷ ᠲᠤ ᠭᠦᠭᠡᠬᠤᠲᠠ ᠶᠢᠨ ᠦᠵᠡᠭᠴᠢᠳ ᠤᠨ ᠨᠢᠳᠦ ᠶᠢ ᠬᠤᠵᠢᠷᠯᠠᠭᠠᠳ᠂ ᠵᠣᠭᠤᠭ ᠤᠨ ᠬᠠᠯᠠᠭᠤᠨ ᠰᠡᠳᠦᠪ ᠪᠣᠯᠵᠤ ᠪᠠᠶᠢᠨᠠ᠃ | ︽ᠬᠦᠢᠰᠦ︾ ᠺᠢᠨᠣ᠋ ᠨᠢᠭᠡᠨᠲᠡ 35 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠲᠣᠣᠺᠢᠤ᠋ ᠶᠢᠨ ᠣᠯᠠᠨ ᠤᠯᠤᠰ ᠤᠨ ᠺᠢᠨᠣ᠋ ᠶᠢᠨ ᠨᠠᠶᠢᠷ ᠤᠨ ︽ᠠᠽᠢᠶᠠ ᠶᠢᠨ ᠢᠷᠡᠭᠡᠳᠦᠢ ᠨᠢᠭᠡᠴᠢ︾ ᠳᠤ | ᠰᠢᠯᠢᠭᠳᠡᠭᠰᠡᠨ ᠪᠥᠭᠡᠳ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨ ᠤ ᠬᠠᠶᠢᠨᠠᠨ ᠠᠷᠠᠯ ᠤᠨ ᠣᠯᠠᠨ ᠤᠯᠤᠰ ᠤᠨ ᠺᠢᠨᠣ᠋ ᠶᠢᠨ ᠨᠠᠶᠢᠷ ᠳᠡᠭᠡᠷᠡ ︽ᠬᠠᠮᠤᠭ ᠤᠨ ᠰᠢᠯᠢᠳᠡᠭ ᠮᠡᠷᠭᠡᠵᠢᠯ ᠤᠨ | ᠱᠠᠩᠨᠠᠯ︾ ᠢ ᠳᠤᠰᠤᠭᠰᠠᠨ ᠪᠠᠶᠢᠨᠠ᠃ | | | | | | ᠡᠨᠡ ᠬᠦ ᠺᠢᠨᠣ᠋ ᠬᠦᠨᠳᠦ ᠰᠡᠳᠦᠪ ᠢ ᠭᠦᠨᠳᠡᠭᠰᠡᠨ ᠠᠲᠠᠯᠠ ᠪᠠᠨ ᠬᠥᠰᠢᠭᠦᠨ ᠨᠦᠰᠡᠷ ᠪᠣᠯᠤᠭᠰᠠᠨ ᠦᠭᠡᠢ᠂ ᠡᠬᠢᠨ ᠠᠴᠠ ᠪᠠᠨ ᠳᠠᠭᠤᠰᠲᠠᠯᠠ ︽ᠬᠦᠢᠰᠦ︾ ᠭᠡᠬᠦ | ᠦᠭᠡ ᠶᠢ ᠴᠣᠬᠤᠶᠢᠯᠭᠠᠬᠰᠠᠨ ᠦᠭᠡᠢ᠂ ᠤᠬᠠᠭᠳᠠᠬᠤᠨᠴᠢᠯᠠᠭᠰᠠᠨ ᠦᠭᠡᠢ᠂ ᠰᠤᠷᠭᠠᠯ ᠨᠣᠮᠯᠠᠯ ᠠᠶᠢᠯᠠᠳᠤᠭᠰᠠᠨ ᠦᠭᠡᠢ᠂ ᠡᠯᠪᠡᠷᠢᠯ ᠤᠨ ᠰᠡᠳᠬᠢᠯ ᠢ ᠬᠥᠭᠡᠷᠭᠡᠳᠡᠭᠰᠡᠨ ᠦᠭᠡᠢ᠂ | ᠵᠠᠩ ᠦᠢᠯᠡ ᠶᠢ ᠣᠪᠣᠭᠠᠯᠠᠭᠰᠠᠨ ᠦᠭᠡᠢ᠃ ᠠᠶᠠᠨᠳᠠᠭᠠᠨ ᠤ ᠬᠦᠦᠷᠨᠢᠯ᠂ ᠪᠤᠲᠠᠲᠠᠶᠢᠴᠢ ᠦᠵᠡᠭᠳᠡᠯ᠂ ᠠᠭᠠᠵᠢᠮᠬᠠᠨ ᠠᠶᠢᠵᠠᠮ᠂ ᠪᠣᠷᠣᠭᠵᠢᠭᠤᠨ ᠬᠡᠯᠡ ︵ᠥᠨᠥ ᠶᠢᠨ ᠡᠳᠦᠷ | ᠲᠤᠲᠤᠮ ᠤᠨ ᠪᠠᠷᠭᠤ ᠶᠠᠷᠢᠶᠠᠨ ᠤ ᠬᠡᠯᠡ ᠶᠢ ᠣᠬᠲᠣ ᠬᠡᠭᠡᠨᠴᠢᠷᠯᠡᠯ ᠦᠭᠡᠢ ᠬᠡᠷᠡᠭᠯᠡᠬᠦ ᠭᠡᠵᠦ ᠣᠷᠣᠯᠳᠤᠵᠠᠢ︶᠃ ᠶᠠᠭ ᠲᠡᠶᠢᠮᠦ ᠳᠡᠭᠡᠨ ᠤᠷᠠᠯᠢᠭ ᠤᠨ ᠳᠡᠭᠦᠯᠢᠯ ᠢᠶᠠᠨ | ᠲᠤᠱᠠᠬᠰᠠᠨ ᠦᠭᠡᠢ᠂ ᠤᠴᠢᠷ ᠤᠳᠬᠠ ᠪᠠᠨ ᠢᠪᠴᠤᠷᠠᠭᠤᠯᠤᠭᠰᠠᠨ ᠦᠭᠡᠢ᠂ ᠦᠵᠡᠭᠴᠢᠳ ᠲᠤ ᠤᠷᠭᠤᠭᠤᠯᠤᠨ ᠪᠤᠳᠤᠬᠤ ᠥᠷᠭᠡᠨ ᠴᠢᠯᠦᠭᠡ᠂ ᠲᠥᠰᠥᠭᠡᠯᠡᠨ ᠰᠡᠳᠬᠢᠬᠦ | ᠠᠭᠤᠳᠠᠮ ᠵᠠᠢ ᠶᠢ ᠣᠯᠭᠤᠭᠰᠠᠨ ᠪᠠᠶᠢᠨᠠ᠃ | ᠨᠢᠭᠡ᠂ AD᠄ ᠮᠠᠷᠲᠠᠬᠤ ᠪᠠ ᠴᠡᠭᠡᠵᠢᠯᠡᠬᠦ | ᠠᠯᠲᠠᠨ ᠲᠠᠭᠢᠶᠠ ᠱᠠᠩᠨᠠᠯᠲᠤ ᠨᠡᠷᠡᠲᠦ ᠲᠣᠭᠯᠠᠭᠴᠢ ᠪᠠᠳᠮᠠ ︽ᠬᠦᠢᠰᠦ︾ ᠺᠢᠨᠣ᠋ ᠶᠢᠨ ᠡᠮᠡᠭᠲᠡᠢ ᠭᠤᠣᠯ ᠳᠦᠷᠢ ᠨᠠᠷᠠᠨᠵᠦ᠋ᠭ ᠡᠵᠢ ᠶᠢ ᠲᠣᠭᠯᠠᠵᠠᠢ᠃ | ᠪᠠᠯᠭᠠᠰᠤᠨ ᠳᠤ ᠪᠠᠶᠢᠭᠠ ᠶᠡᠭᠡ ᠬᠦᠦ ᠶᠢᠨ ᠢᠶᠠᠨ ᠠᠰᠠᠷ ᠤᠨ ᠳᠠᠪᠴᠢᠭᠤᠬᠠᠨ ᠥᠷᠥᠭᠡᠨ ᠳᠤ ᠲᠠᠪᠤᠨ ᠵᠢᠯ ᠰᠠᠭᠤᠭᠰᠠᠨ ᠨᠠᠷᠠᠨᠵᠦ᠋ᠭ ᠡᠵᠢ᠂ ᠪᠡᠭᠡᠵᠢᠩ ᠳᠤ ᠳᠠᠭᠤᠤ | ᠬᠥᠭᠵᠢᠮ ᠤᠨ ᠲᠣᠭᠯᠠᠯᠲᠠ ᠭᠠᠷᠭᠠᠵᠤ ᠪᠠᠶᠢᠭᠰᠠᠨ ᠪᠠᠭᠠ ᠬᠦᠦ ᠠᠯᠤᠰ ᠲᠠᠭᠠᠨ ᠰᠠᠨᠠᠮᠰᠠᠷ ᠦᠭᠡᠢ ᠤᠲᠠᠰᠤᠳᠠᠭᠠᠳ᠂ ᠬᠠᠷᠢᠨ ᠬᠦᠦ ᠶᠢᠨ ᠢᠶᠠᠨ ᠳᠠᠭᠤ ᠶᠢ ᠲᠠᠨᠢᠬᠤ | ᠦᠭᠡᠢ᠂ ᠬᠡᠨ ᠭᠡᠳᠡᠭ ᠢ ᠨᠢ ᠮᠡᠳᠡᠬᠦ ᠦᠭᠡᠢ ᠪᠣᠯᠤᠭᠰᠠᠨ ᠢᠶᠠᠷ ᠺᠢᠨᠣ᠋ ᠡᠬᠢᠯᠡᠨᠡ᠃ ᠠᠦ᠋ᠼᠾᠠᠶᠢᠮᠧᠽ ︵Alzheimer's disease᠂ ᠲᠣᠪᠴᠢᠯᠠᠪᠠᠯ AD︶ | ᠡᠪᠡᠳᠴᠢᠨ ᠨᠠᠷᠠᠨᠵᠦ᠋ᠭ ᠡᠵᠢ ᠶᠢ ᠨᠡᠷᠪᠡᠵᠦ ᠡᠬᠢᠯᠡᠭᠰᠡᠨ ᠨᠢ ᠡᠨᠡ᠃ ᠡᠳᠦᠭᠡ ᠪᠤᠯᠲᠠᠯᠠᠭᠢ ᠠᠨᠠᠭᠠᠬᠤ ᠤᠬᠠᠭᠠᠨ ᠡᠨᠡ ᠬᠦ ᠡᠪᠡᠳᠴᠢᠨ ᠤ ᠡᠭᠦᠰᠦᠯ ᠤᠨ ᠰᠢᠯᠲᠠᠭᠠᠨ ᠢ | ᠲᠣᠳᠣᠯᠠᠵᠤ ᠴᠢᠳᠠᠭᠠᠳᠤᠢ᠂ ᠡᠮᠨᠡᠨ ᠵᠠᠰᠠᠯᠭᠠ ᠨᠢ ᠴᠤ ᠡᠪᠡᠳᠴᠢᠨ ᠤ ᠬᠦᠨᠳᠦᠷᠡᠯ ᠢ ᠵᠢᠭᠠᠬᠠᠨ ᠠᠯᠭᠤᠷᠯᠠᠬᠤ ᠲᠡᠳᠦᠢ᠂ ᠢᠯᠡᠷᠢᠰᠢᠭᠦᠯᠵᠦ ᠬᠠᠷᠠᠬᠠᠨ ᠴᠢᠳᠠᠬᠤ ᠦᠭᠡᠢ | ᠪᠠᠶᠢᠭᠰᠠᠭᠠᠷ᠃ ︽ᠶᠡᠭᠡ ᠲᠠᠷᠢᠬᠢᠨ ᠤ ᠪᠠᠯᠠᠯᠤᠭᠤᠷ︾ ︽ᠪᠤᠰᠠᠨᠢᠭᠤᠯᠳᠠᠭ ᠡᠪᠡᠳᠴᠢᠨ︾ ᠭᠡᠬᠦ ᠮᠠᠭᠤ ᠨᠡᠷᠡ ᠮᠤᠨᠳᠠᠷ ᠴᠣᠯᠠ ᠲᠠᠢ ᠡᠨᠡ ᠬᠦ ᠡᠪᠡᠳᠴᠢᠨ ᠳᠤ | ᠨᠡᠷᠪᠡᠭᠳᠡᠭᠰᠡᠳ ᠤᠨ ᠣᠢ ᠰᠠᠨᠠᠮᠵᠢ ᠰᠡᠪᠲᠦᠵᠦ᠂ ᠴᠡᠭᠡᠵᠢᠯᠡᠬᠦ ᠴᠢᠳᠠᠪᠤᠷᠢ᠂ ᠮᠠᠭᠠᠳᠯᠠᠬᠤ ᠴᠢᠳᠠᠪᠤᠷᠢ ᠪᠠᠨ ᠠᠯᠳᠠᠬᠤ ᠶᠢᠨ ᠤᠯᠠᠮ ᠢᠶᠠᠷ ᠬᠥᠮᠥᠨ ᠲᠠᠨᠢᠬᠤ ᠦᠭᠡᠢ᠂ ᠵᠦᠭ | ᠴᠢᠭ ᠢᠯᠭᠠᠬᠤ ᠦᠭᠡᠢ᠂ ᠬᠡᠪ ᠤᠨ ᠹᠢᠽᠢᠣᠯᠣᠭᠢ ᠶᠢᠨ ᠠᠵᠢᠯᠯᠠᠭᠠ ᠪᠠᠨ ᠡᠵᠡᠮᠳᠡᠵᠦ ᠴᠢᠳᠠᠬᠤ ᠦᠭᠡᠢ ᠪᠣᠯᠣᠭᠠᠳ ᠬᠥᠮᠥᠨ ᠤ ᠭᠠᠷ ᠳᠡᠭᠡᠷᠡ ᠪᠤᠯᠳᠠᠭ ᠪᠠᠶᠢᠨᠠ᠃ ᠡᠨᠡ | ᠬᠦ ᠡᠪᠡᠳᠴᠢᠨ ᠨᠢ ᠨᠠᠰᠤᠲᠠᠶᠢᠴᠤᠳ ᠤᠨ ᠮᠡᠨᠡᠭᠷᠡᠯ ᠤᠨ ᠵᠣᠩᠬᠢᠯᠠᠬᠤ ᠣᠯᠠᠨ ᠬᠤᠪᠢ ᠶᠢ ᠡᠵᠡᠯᠡᠳᠡᠭ᠃ | | | | | | ᠭᠡᠬᠦ ᠳᠡᠭᠡᠨ ︽ᠬᠦᠢᠰᠦ︾ ᠺᠢᠨᠣ᠋ ᠪᠣᠯᠪᠠᠰᠤ ᠹᠢᠽᠢᠣᠯᠣᠭᠢ ᠶᠢᠨ ᠪᠤᠶᠤ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠪᠠᠷᠢᠮᠲᠠᠲᠤ ᠹᠢᠯᠢᠮ ᠪᠢᠰᠢ ᠪᠣᠯᠬᠤᠷ᠂ AD ᠶᠢᠨ ᠲᠤᠬᠠᠢ | ᠲᠥᠰᠥᠭᠡᠯᠡᠯ ᠵᠢᠱᠢᠯᠲᠡ ᠬᠢᠬᠦ ᠶᠣᠰᠣᠲᠠᠢ᠂ ᠳᠦᠷᠢ ᠪᠠᠷ ᠲᠡᠭᠦᠨ ᠢ ᠱᠤᠭᠤᠨ ᠪᠦᠲᠦᠭᠡᠬᠦ ᠶᠣᠰᠣᠲᠠᠢ ᠠᠵᠠᠢ᠃ ᠲᠡᠭᠡᠭᠦᠯᠡᠷ ᠮᠠᠷᠲᠠᠩᠬᠠᠢ ᠶᠢᠨ ᠬᠡᠮᠵᠢᠶᠡ ᠨᠢ ᠤᠯᠠᠮ ᠢᠶᠠᠷ | ᠳᠠᠭᠠᠭᠠᠮᠵᠢᠷᠠᠳᠠᠭ᠂ ᠬᠦᠨᠳᠦᠷᠡᠯ ᠳᠤ ᠣᠷᠣᠪᠠᠴᠤ ᠵᠠᠷᠢᠮ ᠵᠦᠢᠯᠡᠰ ᠢ ᠬᠠᠷᠢᠨ ᠴᠡᠭᠡᠵᠢᠯᠡᠭᠰᠡᠭᠡᠷ ᠪᠠᠶᠢᠳᠠᠭ ᠭᠡᠬᠦ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠦᠨᠳᠦᠰᠦᠯᠡᠯ ᠢ ᠵᠢᠷᠤᠮᠯᠠᠭᠰᠠᠨ | ᠤᠷᠢᠳᠠᠯ ᠳᠣᠣᠷᠠ ᠵᠣᠬᠢᠰᠲᠠᠢ ᠰᠣᠩᠭᠤᠯᠲᠠ ᠪᠠ ᠤᠷᠠᠯᠢᠭ ᠤᠨ ᠲᠠᠭᠠᠮᠠᠭᠯᠠᠯ ᠬᠢᠵᠡᠢ᠄ 1. ᠡᠪᠡᠳᠴᠢᠨ ᠤ ᠭᠤᠨᠢᠭ ᠵᠣᠪᠠᠯᠠᠩ ᠢ ᠲᠡᠭᠡᠵᠦ ᠶᠡᠭᠡ ᠲᠣᠪᠤᠶᠢᠯᠭᠠᠬᠰᠠᠨ | ᠦᠭᠡᠢ᠂ ᠭᠠᠰᠠᠯᠠᠩᠲᠤ ᠺᠢᠨᠣ᠋ ᠪᠣᠯᠭᠠᠨ ᠰᠡᠭᠦᠳᠡᠷᠯᠡᠭᠰᠡᠨ ᠦᠭᠡᠢ᠂ ᠤᠰᠤ ᠨᠢᠯᠪᠤᠰᠤ ᠭᠤᠭᠤᠵᠢᠭᠤᠯᠤᠨ ᠤᠷᠢ ᠳᠠᠭᠤ ᠲᠠᠯᠪᠢᠨ ᠡᠬᠡᠷ ᠲᠠᠲᠠᠬᠤ ᠦᠵᠡᠭᠳᠡᠯ | ᠲᠣᠬᠢᠷᠠᠭᠤᠯᠤᠭᠰᠠᠨ ᠦᠭᠡᠢ᠃ ︽ᠡᠷᠡ ᠬᠥᠮᠥᠨ ᠪᠠᠶᠠᠷᠯᠠᠪᠠᠴᠤ ᠮᠠᠩᠨᠠᠢ ᠥᠯᠥ ᠬᠠᠭᠠᠷᠠᠨᠠᠮ ᠭᠡᠯᠡ︾ ᠭᠡᠬᠦ ᠦᠭᠡ ᠪᠤᠢ᠂ ᠡᠷᠬᠢᠮ ᠬᠥᠮᠥᠰ ᠡᠮᠭᠡᠨᠢᠪᠡᠴᠦ ᠡᠯᠢᠭᠡ ᠥᠯᠥ | ᠡᠮᠲᠡᠷᠡᠨᠡᠮ ᠭᠡᠯᠡ ᠭᠡᠵᠦ ᠨᠡᠮᠡᠵᠦ ᠬᠡᠯᠡᠮᠡᠷ ᠪᠠᠶᠢᠨᠠ᠃ 2. ᠨᠠᠷᠠᠨᠵᠦ᠋ᠭ ᠡᠵᠢ ᠶᠠᠭᠤ ᠶᠠᠭᠤ ᠶᠢ ᠮᠠᠷᠲᠠᠵᠤ ᠣᠷᠭᠢᠪᠠ︖ ᠴᠠᠢ ᠴᠢᠨᠠᠬᠤ ᠶᠢ ᠮᠡᠳᠡᠵᠦ ᠪᠠᠶᠢᠪᠠᠴᠤ ᠳᠠᠪᠤᠰᠤ | ᠬᠢᠬᠦ ᠳᠡᠭᠡᠨ ᠤᠭᠤᠲᠠ ᠪᠠᠷ ᠨᠢ ᠴᠢᠳᠬᠤᠳᠠᠭ᠂ ᠭᠡᠷ ᠢᠶᠠᠨ ᠮᠡᠳᠡᠬᠦ ᠦᠭᠡᠢ᠂ ᠬᠡᠦᠬᠡᠳ ᠢᠶᠠᠨ ᠲᠠᠨᠢᠬᠤ ᠦᠭᠡᠢ᠂ ᠬᠥᠮᠥᠨ ᠤ ᠥᠪᠡᠷ ᠤᠨ ᠬᠢ ᠶᠢ ᠢᠯᠭᠠᠬᠤ ᠦᠭᠡᠢ᠂ | ᠬᠠᠨᠳᠤᠭᠰᠠᠨ ᠵᠦᠭ ᠲᠡᠭᠡᠨ ᠬᠠᠷᠠᠩᠭᠤᠢ ᠰᠥᠨᠢ ᠪᠠᠷ ᠴᠤ ᠭᠠᠷᠤᠭᠠᠳ ᠶᠠᠪᠤᠴᠢᠬᠠᠳᠠᠭ᠃ 3. ᠴᠡᠭᠡᠵᠢᠯᠡᠭᠳᠡᠵᠦ ᠦᠯᠡᠳᠡᠭᠰᠡᠨ ᠪᠤᠶᠤ ᠰᠠᠶᠢᠵᠢᠷᠠᠵᠤ ᠰᠡᠷᠭᠦᠭᠰᠡᠨ ᠨᠢ ᠶᠠᠭᠤ | ᠪᠤᠢ︖ ᠲᠠᠯᠠ ᠶᠢᠨ ᠵᠠᠮ ᠢ ᠮᠡᠳᠡᠳᠡᠭ᠂ ᠡᠸᠡᠩᠬᠢ ᠦᠭᠡ ᠶᠢ ᠭᠦᠷᠲᠡᠯᠡ ᠮᠠᠷᠲᠠᠭᠠᠳᠤᠢ᠂ ᠭᠡᠭᠡᠭᠳᠡᠭᠰᠡᠨ ᠬᠤᠷᠠᠭᠠ ᠶᠢ ᠬᠥᠬᠦᠭᠦᠯᠬᠦ ᠭᠡᠵᠦ ᠲᠣᠶᠢᠭ ᠤᠨ ᠳᠠᠭᠤ ᠳᠠᠭᠤᠯᠠᠳᠠᠭ᠂ | ᠬᠦᠦ ᠪᠠᠨ ᠪᠠᠭᠠ ᠶᠢᠨ ᠦᠶᠡ ᠶᠢᠨ ᠵᠢᠷᠤᠭ ᠢᠶᠠᠷ ᠨᠢ ᠲᠠᠨᠢᠳᠠᠭ ᠭᠡᠬᠦᠴᠢᠯᠡᠨ ᠮᠠᠷᠲᠠᠭᠳᠠᠯ ᠤᠨ ᠮᠠᠩᠬᠠᠨ ᠳᠤ ᠪᠤᠯᠠᠬᠳᠠᠭᠠ ᠦᠭᠡᠢ ᠡᠷᠳᠡᠨᠢᠲᠦ ᠴᠡᠭᠡᠵᠢᠯᠡᠪᠦᠷᠢ ᠨᠦᠭᠦᠳ | ᠬᠡᠯᠬᠢᠶᠡ ᠨᠢ ᠲᠠᠰᠤᠷᠠᠭᠰᠠᠨ ᠰᠤᠪᠤᠳ ᠮᠡᠲᠦ ᠡᠶᠢᠰᠢ ᠲᠡᠶᠢᠰᠢ ᠪᠥᠮᠪᠥᠷᠢᠨᠡ᠃ 4. ᠮᠠᠷᠲᠠᠩᠬᠠᠢ ᠪᠣᠯᠤᠭᠰᠠᠨ ᠨᠠᠷᠠᠨᠵᠦ᠋ᠭ ᠡᠵᠢ ᠵᠠᠷᠢᠮ ᠲᠣᠬᠢᠶᠠᠯᠳᠤᠯ ᠳᠤ ᠬᠠᠷᠢᠨ ᠨᠡᠩ | ᠢᠯᠡᠭᠦᠦ ᠬᠤᠷᠴᠠ ᠮᠡᠳᠡᠷᠡᠮᠡᠲᠡᠭᠡᠢ᠂ ᠰᠣᠷᠭᠤᠭ ᠰᠡᠷᠡᠬᠦᠢ ᠲᠠᠢ ᠪᠣᠯᠤᠭᠰᠠᠨ ᠭᠡᠵᠦ ᠰᠢᠢᠳᠪᠦᠷᠢᠯᠡᠭᠰᠡᠨ ᠨᠢ ᠥᠭᠦᠯᠡᠨ ᠪᠤᠢ ᠺᠢᠨᠣ᠋ ᠶᠢᠨ ᠨᠢᠭᠡᠨ ᠭᠠᠶᠢᠬᠠᠮᠰᠢᠭ ᠶᠤᠮ᠃ | ᠨᠠᠭᠤᠷ ᠤᠨ ᠬᠥᠪᠡᠭᠡᠨ ᠳᠤ ᠣᠴᠢᠭᠠᠳ ᠡᠷᠡᠭᠦᠯ ᠬᠥᠮᠥᠨ ᠤ ᠣᠯᠵᠤ ᠰᠣᠨᠣᠰᠬᠤ ᠦᠭᠡᠢ ᠡᠯᠳᠡᠪ ᠵᠦᠢᠯ ᠤᠨ ᠪᠠᠶᠢᠭᠠᠯᠢ ᠶᠢᠨ ᠠᠨᠢᠷ ᠴᠢᠮᠡᠭᠡ ᠶᠢ ᠴᠢᠩᠨᠠᠨ | ᠰᠣᠭᠲᠣᠭᠤᠷᠠᠨᠠ᠂ ᠬᠦᠦ ᠳᠤᠨᠢ ᠬᠤᠭᠤᠰᠤᠨ ᠬᠠᠷᠠᠭᠳᠠᠳᠠᠭ ᠲᠢᠶᠠᠲᠷ ᠤᠨ ᠲᠠᠶᠢᠵᠠ ᠡᠵᠢ ᠳᠤ ᠬᠥᠭᠵᠢᠮ ᠤᠨ ᠠᠩᠭᠢ ᠶᠢᠨ ᠲᠣᠭᠯᠠᠯᠲᠠ ᠪᠠᠷ ᠬᠠᠷᠠᠭᠳᠠᠵᠤ | ᠰᠣᠨᠣᠰᠳᠠᠳᠠᠭ᠂ ᠬᠠᠷᠠᠩᠭᠤᠢ ᠶᠢᠨ ᠳᠤᠮᠳᠠ ᠲᠠᠯᠶᠢᠭᠠᠴᠢ ᠪᠣᠯᠤᠭᠰᠠᠨ ᠠᠪᠤ ᠡᠵᠢ ᠨᠢ ᠪᠥᠵᠢᠭᠯᠡᠨ ᠳᠠᠭᠤᠳᠠᠵᠤ ᠪᠠᠶᠢᠬᠤ ᠶᠢ ᠬᠠᠷᠠᠵᠤ ᠳᠤᠭᠤᠯᠤᠨᠠ᠃ | ︽ᠬᠦᠢᠰᠦ︾ ᠺᠢᠨᠣ᠋ ᠶᠢᠨ ᠲᠥᠰᠥᠭᠡᠯᠡᠯ ᠳᠤ᠂ AD ᠳᠤ ᠨᠡᠷᠪᠡᠭᠳᠡᠭᠰᠡᠨ ᠨᠠᠷᠠᠨᠵᠦ᠋ᠭ ᠡᠵᠢ ᠣᠨᠴᠠ ᠵᠠᠷᠢᠮ ᠳᠠᠭᠠᠨ ᠭᠠᠩᠳᠠᠭᠤᠨ ᠭᠦᠯᠢᠷᠡᠩᠭᠦᠢ ᠪᠤᠯᠳᠠᠭ | ᠪᠣᠯᠪᠠᠴᠤ ᠪᠠᠶᠢᠩᠭᠤ ᠮᠦᠰᠢᠶᠡᠩᠭᠦᠢ ᠪᠠᠶᠠᠰᠤᠩᠭᠤᠢ ᠡᠨᠡᠷᠢᠩᠭᠦᠢ ᠴᠠᠶᠢᠯᠭᠠᠨ ᠪᠠᠶᠢᠳᠠᠭ᠃ ᠶᠢᠷᠲᠢᠨᠴᠦ ᠶᠢᠨ ᠬᠥᠮᠥᠨ ᠤ ᠣᠶᠤᠨ ᠰᠡᠳᠬᠢᠯ ᠳᠤ ᠭᠤᠨᠢᠭ ᠵᠣᠪᠠᠭᠤᠷᠢ ᠨᠢ | ᠢᠯᠡᠭᠦᠦ ᠬᠤᠪᠢ ᠶᠢᠨ ᠵᠢᠩ ᠲᠠᠢ᠂ ᠲᠡᠷᠡ ᠨᠢ ᠮᠠᠷᠲᠠᠭᠳᠠᠬᠤᠯᠠᠷ ᠬᠥᠮᠥᠨ ᠪᠠᠶᠠᠰᠤᠩᠭᠤᠢ ᠪᠤᠯᠳᠠᠭ ᠪᠣᠯᠪᠠ ᠦᠦ︖ ᠦᠵᠦᠭᠦᠷ ᠬᠢᠵᠠᠭᠠᠷ ᠦᠭᠡᠢ ᠵᠣᠯ ᠪᠤᠰᠤ ᠶᠢᠨ | ᠳᠣᠲᠣᠷᠠᠬᠢ ᠥᠴᠥᠬᠡᠨ ᠲᠡᠳᠦᠢ ᠠᠵᠠ ᠵᠠᠪᠰᠢᠶᠠᠨ ᠭᠡᠵᠦ ᠡᠨᠡ ᠪᠣᠯᠪᠠ ᠦᠦ︖ ᠶᠠᠭᠤᠲᠠᠢ ᠴᠤ ᠭᠡᠰᠡᠨ᠂ ᠡᠯᠡ ᠺᠢᠨᠣ᠋ ᠮᠠᠷᠲᠠᠬᠤ ᠶᠢᠨ ᠱᠦᠭᠦᠯᠳᠡᠭᠦᠷ ᠢᠶᠠᠷ ᠶᠢᠷᠲᠢᠨᠴᠦ ᠶᠢ | ᠨᠤᠷᠠᠭᠠᠭᠠᠳ ᠥᠭᠡᠷᠡ ᠪᠠᠷ ᠴᠣᠭᠴᠠᠯᠠᠵᠤ᠂ ᠬᠥᠮᠥᠨ ᠤ ᠨᠢᠭᠡ ᠨᠠᠰᠤ ᠶᠢ ︽ᠳᠠᠭᠢᠨ ᠡᠮᠬᠢᠯᠡᠭᠰᠡᠨ︾ ᠪᠠᠶᠢᠨᠠ᠃ | ᠬᠤᠶᠠᠷ᠂ ᠡᠷᠢᠯ᠄ ᠮᠣᠷᠳᠠᠬᠤ ᠪᠠ ᠪᠤᠴᠠᠬᠤ | ᠨᠠᠷᠠᠨᠵᠦ᠋ᠭ ᠡᠵᠢ ᠶᠢᠨ ᠵᠥᠷᠢᠭᠦᠳᠯᠡᠳᠡᠭ ᠵᠦᠢᠯ ᠭᠠᠭᠴᠠᠬᠠᠨ ᠪᠤᠢ᠂ ᠪᠣᠭᠴᠣ ᠪᠣᠭᠤᠳᠠᠯ ᠢᠶᠠᠨ ᠪᠠᠭᠴᠠᠯᠠᠭᠠᠳ᠂ ᠮᠠᠰᠢᠨ ᠲᠡᠷᠭᠡ ᠦᠵᠡᠪᠡᠯ ᠭᠠᠷᠴᠤ ᠰᠠᠭᠤᠭᠠᠳ | ︽ᠪᠢ ᠭᠡᠷ ᠲᠡᠭᠡᠨ ᠬᠠᠷᠢᠨᠠ︾ ᠭᠡᠵᠦ ᠠᠬᠢᠨ ᠳᠠᠭᠢᠨ ᠬᠡᠯᠡᠳᠡᠭ᠃ ᠠᠯᠤᠰ ᠬᠦᠦ ᠨᠢ ᠡᠵᠢ ᠶᠢᠨ ᠢᠶᠠᠨ ᠰᠠᠨᠠᠭᠠ ᠶᠢ ᠳᠠᠭᠠᠭᠤᠯᠵᠤ ᠬᠥᠳᠡᠭᠡ ᠭᠡᠷ ᠲᠡᠭᠡᠨ | ᠠᠪᠴᠢᠷᠠᠭᠰᠠᠨ ᠳᠤ ᠡᠵᠢ ᠪᠠᠰᠠ ᠯᠠ ︽ᠡᠨᠡ ᠮᠢᠨᠤ ᠭᠡᠷ ᠪᠢᠰᠢ᠂ ᠪᠢ ᠭᠡᠷ ᠲᠡᠭᠡᠨ ᠬᠠᠷᠢᠨᠠ︾ ᠭᠡᠵᠦ ᠥᠭᠡᠯᠡᠳᠡᠭ᠃ ᠲᠡᠭᠡᠭᠡᠳ ᠡᠵᠢ ᠶᠢᠨ ᠵᠢᠷᠤᠭᠰᠠᠨ ᠲᠠᠯᠠ ᠬᠠᠭᠠᠰ | ᠨᠢ ᠬᠤᠪᠠᠭ᠋ᠠᠶᠢᠷᠠᠵᠤ ᠲᠠᠯᠠ ᠬᠠᠭᠠᠰ ᠨᠢ ᠨᠣᠭᠤᠭᠠᠷᠠᠭᠰᠠᠨ ᠱᠠᠩᠰᠢ ᠶᠢᠨ ᠲᠡᠨᠳᠡ ︽ᠬᠦᠰᠡᠯ ᠤᠨ ᠭᠡᠷ︾ ᠨᠢ ᠪᠤᠢ ᠭᠡᠵᠦ ᠠᠯᠤᠰ ᠲᠠᠭᠠᠮᠠᠭᠯᠠᠭᠠᠳ ᠡᠬᠡ ᠬᠥᠪᠡᠭᠦᠨ | ᠬᠤᠶᠠᠷ ᠭᠤᠷᠪᠠᠨ ᠬᠦᠷᠳᠦᠲᠦ ᠮᠣᠲ᠋ᠣᠷ ᠢᠶᠠᠷ ᠮᠣᠷᠳᠠᠯᠠ᠃ ᠡᠨᠡ ᠬᠦ ᠡᠷᠢᠯ ᠳᠤ ᠨᠠᠭᠠᠲᠤ ᠵᠠᠬᠠ ᠨᠢ ᠭᠤᠷᠪᠠᠨ ᠳᠠᠪᠬᠤᠷ ᠤᠳᠬᠠ ᠪᠤᠢ᠄ 1. ᠨᠠᠷᠠᠨᠵᠦ᠋ᠭ ᠡᠵᠢ ᠶᠢᠨ | ᠭᠡᠷ ᠢᠶᠠᠨ ᠡᠷᠢᠭᠰᠡᠨ ᠦᠯᠢᠭᠡᠷ᠃ AD ᠳᠤ ᠨᠡᠷᠪᠡᠭᠳᠡᠭᠰᠡᠨ ᠨᠠᠷᠠᠨᠵᠦ᠋ᠭ ᠡᠵᠢ ᠨᠡᠬᠡᠷᠡᠨ ᠶᠢᠷᠲᠢᠨᠴᠦ ᠶᠢᠨ ᠭᠡᠮ ᠣᠰᠣᠯ ᠠᠴᠠ ᠠᠩᠭᠢᠵᠢᠷᠠᠵᠤ᠂ ᠭᠡᠷ ᠢᠶᠠᠨ ᠡᠷᠢᠭᠰᠡᠨ | ᠬᠡᠦᠬᠡᠳ ᠮᠡᠲᠦ ᠪᠣᠯᠵᠠᠢ᠃ ᠲᠡᠭᠦᠨ ᠤ ᠣᠢ ᠲᠣᠢ ᠳᠠᠬᠢ ᠬᠠᠭᠠᠰ ᠨᠢ ᠬᠤᠪᠠᠭ᠋ᠠᠶᠢᠷᠠᠭᠰᠠᠨ ᠲᠣᠮᠣ ᠱᠠᠩᠰᠢ ᠨᠢ ᠪᠤᠰᠤᠳᠴᠢ ᠣᠷᠣᠰᠢᠬᠤᠢ ᠮᠥᠨ ᠦᠦ︖ ᠠᠯᠢ ᠡᠰᠡᠬᠦᠯᠡ | ᠰᠠᠪᠠ ᠰᠢᠮᠡ ᠶᠢᠨ ᠶᠡᠭᠡ ᠣᠷᠴᠢᠯ ᠢ ᠵᠦᠩ ᠢᠶᠠᠷ ᠢᠶᠠᠨ ᠮᠡᠳᠡᠷᠡᠭᠰᠡᠨ ᠬᠡᠷᠡᠭ ᠦᠦ︖ ᠠᠯᠲᠠᠨ ᠭᠠᠳᠠᠰᠤ ᠣᠳᠣ ᠶᠢ ᠬᠠᠷᠠᠭᠠᠳ ᠠᠰ ᠬᠤᠶᠢᠰᠢ ᠪᠠᠨ ᠶᠠᠪᠤᠭᠠᠳ ᠪᠠᠶᠢᠪᠠᠯ | ᠣᠯᠣᠨᠠ ᠭᠡᠵᠦ ᠨᠠᠰᠤᠲᠠᠶᠢᠴᠤᠳ ᠬᠡᠯᠡᠳᠡᠭ ᠭᠡᠨᠡ᠂ ᠲᠡᠶᠢᠮᠦ ᠠ᠋᠂ ᠡᠨᠡ ᠪᠣᠯ ᠨᠠᠰᠤᠲᠠᠶᠢᠴᠤᠳ ᠤᠨ ᠢᠲᠡᠭᠡᠯ ᠪᠢᠰᠢᠷᠡᠯ᠃ ᠡᠴᠦᠰ ᠲᠡᠭᠦᠰᠬᠡᠯ ᠳᠤ ᠨᠠᠷᠠᠨᠵᠦ᠋ᠭ ᠡᠵᠢ ᠶᠢᠨ | ᠣᠷᠣᠵᠤ ᠣᠴᠢᠭᠰᠠᠨ ᠶᠢᠷᠲᠢᠨᠴᠦ ᠪᠣᠯ ᠴᠡᠭᠡᠵᠢᠯᠡᠬᠦᠢ ᠶᠢᠨ ᠭᠦᠨ ᠳᠠᠬᠢ ᠡᠴᠢᠭᠡ ᠡᠬᠡ ᠶᠢᠨ ᠬᠠᠶᠢᠷᠠ ᠪᠢᠯᠬᠠᠭᠰᠠᠨ ᠣᠷᠣᠨ ᠭᠡᠷ ᠪᠠᠶᠢᠯᠠ᠃ ᠬᠡᠭᠡᠷᠡ ᠬᠤᠨᠣᠬᠤ ᠭᠡᠳ | ᠮᠣᠩᠭᠤᠯ ᠭᠡᠷ ᠪᠣᠰᠬᠠᠬᠤ ᠳᠤ᠂ ᠨᠠᠷᠠᠨᠵᠦ᠋ᠭ ᠡᠵᠢ ᠬᠡᠴᠢᠨᠡᠭᠡᠨ ᠣᠷᠣᠯᠳᠤᠭᠠᠳ ᠣᠨᠢ ᠶᠢ ᠲᠠᠭᠠᠷᠠᠭᠤᠯᠵᠤ ᠡᠰᠡ ᠴᠢᠳᠠᠭᠰᠠᠨ ᠨᠢ ᠬᠠᠨᠠᠲᠤ ᠭᠡᠷ ᠠᠴᠠ ᠬᠤᠯᠠᠳᠴᠤ᠂ | ᠬᠠᠳᠠᠨ ᠭᠡᠷ ᠲᠤ ᠣᠶᠢᠷᠠᠲᠤᠭᠰᠠᠨ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠨᠠ᠃ 2. ᠡᠲᠦᠭᠡᠨ ᠡᠬᠡ ᠶᠢᠨ ᠡᠭᠡᠯᠲᠡ ᠶᠢᠨ ᠦᠯᠢᠭᠡᠷ᠃ ᠡᠨᠡᠷᠢᠩᠭᠦᠢ ᠰᠡᠳᠬᠢᠯᠲᠦ ᠨᠠᠷᠠᠨᠵᠦ᠋ᠭ ᠡᠵᠢ ᠶᠢ ᠶᠡᠭᠡ | ᠪᠠᠶᠢᠭᠠᠯᠢ ᠪᠤᠶᠤ ᠡᠲᠦᠭᠡᠨ ᠡᠬᠡ ᠶᠢᠨ ᠪᠦᠷᠢᠯᠸᠠ ᠭᠡᠵᠦ ᠦᠵᠡᠵᠦ ᠪᠣᠯᠬᠤ ᠲᠠᠯᠠ ᠲᠠᠢ᠃ ᠶᠡᠭᠡ ᠬᠦᠦ ᠶᠢᠨ ᠢᠶᠠᠨ ᠵᠢᠵᠢᠭᠬᠡᠨ ᠥᠷᠥᠭᠡᠨ ᠳᠤ ᠴᠣᠣᠵᠢᠯᠠᠭᠳᠠᠭᠰᠠᠨ ᠡᠵᠢ | ᠪᠣᠯ ᠬᠤᠲᠠ ᠳᠤ ᠣᠷᠣᠩᠨᠠᠬᠤ ᠭᠠᠵᠠᠷ ᠦᠭᠡᠢ ᠪᠣᠯᠤᠭᠰᠠᠨ ᠶᠡᠭᠡ ᠪᠠᠶᠢᠭᠠᠯᠢ ᠶᠢᠨ ᠳᠦᠷᠢ ᠮᠥᠨ᠃ | | | | | | ᠬᠥᠳᠡᠭᠡ ᠭᠡᠷ ᠢ ᠨᠢ ᠮᠥᠷᠭᠦᠵᠦ ᠨᠦᠬᠡᠯᠡᠭᠰᠡᠨ ᠰᠣᠭᠲᠣᠭᠤ ᠬᠥᠮᠥᠨ ᠤ ᠮᠠᠰᠢᠨ ᠲᠡᠷᠭᠡ ᠪᠠ ᠪᠡᠯᠴᠢᠭᠡᠷ ᠠᠴᠠ ᠪᠠᠨ ᠦᠯᠳᠡᠭᠰᠡᠨ ᠵᠢᠯᠣᠭᠤᠴᠢ ᠦᠭᠡᠢ ᠵᠢᠵᠢᠭ | ᠨᠢᠰᠬᠡᠯ ᠨᠢ ᠴᠤ ᠣᠳᠣᠬᠢᠴᠢ ᠪᠣᠯᠪᠠᠰᠤᠨ ᠤ ᠲᠥᠯᠥᠭᠡᠯᠡᠯ ᠮᠥᠨ᠃ ᠣᠳᠣᠬᠢᠴᠢ ᠪᠣᠯᠪᠠᠰᠤᠨ ᠠᠴᠠ ᠠᠶᠠᠷᠯᠠᠨ ᠰᠠᠯᠵᠤ ᠠᠭᠯᠠᠭ ᠬᠡᠭᠡᠷᠡ ᠶᠢᠨ ᠭᠦᠨ ᠤᠷᠤᠭᠤ | ᠮᠣᠷᠳᠠᠭᠰᠠᠨ ᠠᠶᠠᠨ ᠨᠢ ᠥᠨᠥ ᠶᠢᠨ ᠬᠤᠲᠠ ᠶᠢᠨ ᠬᠥᠮᠥᠰ ᠤᠨ ᠠᠷᠢᠭᠤᠨ ᠪᠠᠶᠢᠭᠠᠯᠢ ᠳᠠᠭᠠᠨ ᠪᠤᠴᠠᠬᠤ ᠬᠦᠰᠡᠯ ᠢ ᠲᠥᠯᠥᠭᠡᠯᠡᠵᠦ ᠪᠠᠶᠢᠨᠠ᠃ 3. ᠠᠯᠤᠰ ᠤᠨ | ᠲᠥᠭᠡᠷᠢᠯ ᠠᠴᠠ ᠮᠤᠯᠲᠤᠷᠠᠭᠰᠠᠨ ᠦᠯᠢᠭᠡᠷ᠃ ᠺᠢᠨᠣ᠋ ᠶᠢᠨ ᠡᠬᠢᠯᠡᠯᠲᠡ ᠳᠠᠬᠢ ᠠᠯᠤᠰ ᠤᠨ ᠳᠠᠭᠤᠤ ᠠᠴᠠ ᠲᠡᠭᠦᠨ ᠤ ᠪᠤᠳᠤᠯᠢᠯ ᠪᠠ ᠣᠶᠤᠨ ᠰᠠᠨᠠᠭᠠᠨ ᠤ ᠲᠥᠭᠡᠷᠢᠯ ᠢ | ᠬᠠᠷᠠᠵᠤ ᠪᠣᠯᠣᠨᠠ᠄ ︽ᠥᠩᠭᠡᠪᠴᠢ ᠰᠠᠭᠠᠳ᠂ ᠥᠯᠥᠨ ᠨᠢᠳᠦ / ᠥᠪᠡᠷ ᠢ ᠪᠠᠨ ᠪᠢ ᠠᠯᠳᠠᠵᠤ ᠲᠥᠭᠡᠷᠢᠯᠡ / ᠥᠷᠭᠡᠨ ᠬᠤᠷᠸᠠ᠂ ᠥᠯᠥᠨ ᠨᠢᠳᠦ / | ᠥᠩᠭᠡᠷᠡᠭᠰᠡᠨ ᠢᠶᠠᠨ ᠪᠢ ᠠᠯᠳᠠᠵᠤ ᠭᠡᠭᠡᠯᠡ︾᠃ ᠡᠵᠢ ᠪᠠᠨ ᠳᠠᠭᠠᠭᠤᠯᠤᠨ ︽ᠭᠡᠷ︾ ᠢ ᠨᠢ ᠡᠷᠢᠬᠦ ᠠᠶᠠᠨ ᠨᠢ ᠪᠠᠰᠠ ᠴᠤ ᠠᠯᠤᠰ ᠤᠨ ᠥᠪᠡᠷ ᠢ ᠪᠠᠨ ᠡᠷᠢᠵᠦ᠂ ᠣᠶᠣᠨ | ᠰᠠᠨᠠᠭᠠᠨ ᠤ ᠡᠬᠡ ᠨᠤᠲᠤᠭ ᠲᠠᠭᠠᠨ ᠡᠭᠡᠬᠦ ᠶᠠᠪᠤᠴᠠ ᠪᠠᠶᠢᠯᠠ᠃ ᠡᠵᠢ ᠶᠢ ᠪᠠᠨ ᠭᠦᠨᠵᠡᠭᠡᠢ ᠣᠶᠢᠯᠠᠭᠠᠭᠰᠠᠨ᠂ ᠬᠥᠳᠡᠭᠡ ᠳᠡᠭᠡᠨ ᠬᠠᠷᠢᠵᠤ ᠨᠤᠲᠤᠭᠰᠢᠭᠰᠠᠨ ᠲᠠᠨᠠ ᠲᠠᠢ | ᠲᠠᠨᠢᠯᠴᠠᠵᠤ ᠰᠡᠳᠬᠢᠯ ᠢᠶᠠᠨ ᠣᠯᠣᠯᠴᠠᠭᠰᠠᠨ᠂ ᠡᠵᠢ ᠶᠢᠨ ᠨᠢᠳᠦᠨ ᠳᠤ ᠲᠣᠳᠣᠷᠠᠳᠠᠭ ᠬᠡᠢ ᠦᠵᠡᠭᠳᠡᠯ ᠢ ᠣᠯᠵᠤ ᠬᠠᠷᠠᠭᠰᠠᠨ᠂ ᠠᠮᠢ ᠨᠠᠰᠤᠨ ᠤ ᠮᠣᠳᠣ ᠶᠢ | ᠭᠠᠭᠴᠠᠭᠠᠷ ᠢᠶᠠᠨ ᠡᠷᠢᠵᠦ ᠣᠯᠣᠭᠰᠠᠨ ᠨᠢ ᠠᠯᠤᠰ ᠤᠨ ᠡᠷᠢᠯ ᠲᠠᠯᠠᠭᠠᠷᠳᠠᠭᠠ ᠦᠭᠡᠢ ᠪᠠᠶᠢᠬᠤ ᠶᠢ ᠬᠠᠷᠠᠭᠤᠯᠵᠤ ᠪᠠᠶᠢᠨᠠ᠃ ᠺᠢᠨᠣ᠋ ᠳᠤ ᠬᠤᠯᠠ ᠶᠢᠨ ᠠᠶᠠᠨ ᠳᠤ | ᠮᠣᠷᠳᠠᠬᠤ ᠪᠠ ᠣᠶᠣᠨ ᠰᠠᠨᠠᠭᠠᠨ ᠤ ᠨᠤᠲᠤᠭ ᠲᠠᠭᠠᠨ ᠡᠭᠡᠵᠦ ᠪᠤᠴᠠᠬᠤ ᠨᠢ ᠡᠶᠢᠨ ᠬᠦ ᠨᠢᠭᠡᠳᠦᠭᠰᠡᠨ ᠪᠠᠶᠢᠨᠠ᠃ | ᠭᠤᠷᠪᠠ᠂ ᠬᠦᠢᠰᠦ᠄ ᠬᠤᠯᠪᠣᠬᠤ ᠪᠠ ᠲᠠᠰᠤᠯᠬᠤ | ᠥᠭᠦᠯᠡᠨ ᠪᠤᠢ ᠺᠢᠨᠣ᠋ ᠳᠤ ᠬᠡᠳᠦᠶᠢᠪᠡᠷ ︽ᠬᠦᠢᠰᠦ︾ ᠭᠡᠵᠦ ᠰᠢᠭᠤᠳ ᠳᠤᠷᠠᠳᠤᠭᠠ ᠦᠭᠡᠢ ᠪᠣᠯᠪᠠᠴᠤ ᠡᠬᠡ ᠦᠷᠡ ᠶᠢᠨ ᠲᠠᠰᠤᠷᠠᠰᠢ ᠦᠭᠡᠢ ᠭᠦᠢ ᠶᠢᠨ | ᠬᠤᠯᠪᠣᠭᠠ ᠶᠢ ᠲᠡᠷᠡ ᠬᠦ ᠪᠦᠰᠡᠯᠡᠭᠦᠷ ᠢᠶᠠᠷ ᠬᠤᠯᠪᠣᠭᠰᠠᠨ ᠪᠦᠳᠦᠭᠦᠨ ᠳᠡᠭᠡᠰᠦ ᠪᠠᠷ ᠢᠯᠡᠳᠬᠡᠭᠰᠡᠨ ᠪᠢᠯᠡ᠃ ᠡᠬᠡ ᠶᠢᠨ ᠢᠶᠠᠨ ᠬᠡᠪᠡᠯᠢ ᠳᠤ ᠪᠠᠶᠢᠭᠠ ᠬᠡᠦᠬᠡᠳ ᠠᠮᠤᠷ | ᠲᠠᠪᠠᠲᠠᠢ᠂ ᠬᠦᠢᠰᠦ ᠪᠠᠷ ᠢᠶᠠᠨ ᠡᠬᠡ ᠠᠴᠠ ᠪᠠᠨ ᠰᠢᠮᠡ ᠲᠡᠵᠢᠭᠡᠯ ᠬᠦᠷᠲᠡᠵᠦ ᠪᠣᠶᠢᠵᠢᠵᠤ ᠪᠠᠶᠢᠳᠠᠭ᠃ ᠬᠠᠷᠢᠨ ᠭᠠᠳᠠᠨᠠᠬᠢ ᠶᠢᠷᠲᠢᠨᠴᠦ ᠲᠠᠢ ᠠᠩᠬᠠ ᠵᠣᠯᠭᠠᠮᠠᠭᠴᠠ | ᠴᠢᠴᠠᠭᠠᠨᠠᠨ ᠤᠭᠢᠯᠠᠳᠠᠭ ᠨᠢ ᠬᠠᠯᠠᠭᠤᠨ ᠪᠦᠯᠢᠶᠡᠨ᠂ ᠠᠮᠤᠷ ᠲᠦᠪᠰᠢᠨ ᠪᠥᠭᠡᠴᠡᠶᠢᠯᠡᠯ ᠠᠴᠠ ᠰᠠᠯᠤᠭᠰᠠᠨ ᠲᠠᠢ ᠬᠤᠯᠪᠣᠭᠠ ᠲᠠᠢ᠃ ᠬᠦᠢᠰᠦ ᠶᠢᠨ ᠣᠭᠤᠰᠣᠷ ᠢ ᠨᠢ | ᠣᠭᠲᠣᠯᠣᠮᠠᠭᠴᠠ ᠲᠤᠰᠠᠭᠠᠷ ᠴᠣᠭᠴᠠ ᠪᠣᠯᠬᠤ ᠤᠷᠲᠤ ᠠᠶᠠᠨ ᠢᠶᠠᠨ ᠡᠬᠢᠯᠡᠭᠦᠯᠦᠨᠡ᠃ ᠬᠡᠦᠬᠡᠳ ᠦᠰᠦᠨ ᠪᠣᠶᠢᠵᠢᠬᠤ ᠶᠠᠪᠤᠴᠠ ᠳᠠᠭᠠᠨ ᠬᠦᠢᠰᠦ ᠪᠠᠨ ᠡᠷᠢᠵᠦ | ᠡᠷᠭᠢᠴᠡᠵᠦ ᠪᠤᠯᠳᠠᠭ ᠦᠭᠡᠢ᠂ ᠮᠠᠷᠲᠠᠬᠤ ᠬᠡᠷᠡᠭᠲᠡᠢ᠃ ᠭᠡᠪᠡᠴᠦ ᠡᠬᠡ ᠦᠷᠡ ᠶᠢᠨ ᠬᠡᠯᠬᠢᠶᠡ ᠥᠨᠢ ᠡᠭᠦᠷᠢᠳᠡ ᠲᠠᠰᠤᠷᠠᠬᠤ ᠦᠭᠡᠢ᠂ ᠡᠬᠡ ᠡᠴᠢᠭᠡ ᠶᠢᠨ ᠬᠠᠶᠢᠷᠠ ᠨᠢ | ᠬᠡᠦᠬᠡᠳ ᠤᠨ ︽ᠦᠵᠡᠭᠳᠡᠬᠦ ᠦᠭᠡᠢ ᠬᠦᠢᠰᠦ︾ ᠪᠣᠯᠵᠤ ᠪᠠᠶᠢᠳᠠᠭ᠃ ᠬᠡᠷᠪᠡ ᠪᠠᠭᠠ ᠪᠠᠯᠴᠢᠷ ᠨᠠᠰᠤᠨ ᠳᠠᠭᠠᠨ ᠡᠬᠡ ᠡᠴᠢᠭᠡ ᠶᠢᠨ ᠬᠠᠶᠢᠷᠠ ᠶᠢ ᠠᠯᠳᠠᠪᠠᠯ ᠪᠠᠰᠠ ᠨᠢᠭᠡ | ᠤᠳᠠᠭᠠ ᠬᠦᠢᠰᠦ ᠶᠢᠨ ᠣᠭᠤᠰᠣᠷ ᠢᠶᠠᠨ ᠣᠭᠲᠣᠯᠣᠭᠤᠯᠤᠯᠠ ᠭᠡᠰᠡᠨ ᠦᠭᠡ᠃ ᠺᠢᠨᠣ᠋ ᠳᠤ ᠬᠡᠳᠦᠶᠢᠪᠡᠷ ᠰᠢᠭᠤᠳ ᠲᠤᠰᠢᠶᠠᠭᠰᠠᠨ ᠦᠭᠡᠢ ᠪᠣᠯᠪᠠᠴᠤ ᠨᠠᠷᠠᠨᠵᠦ᠋ᠭ | ᠡᠵᠢ ᠶᠢᠨ ᠬᠡᠢ ᠰᠡᠷᠡᠯ ᠢᠶᠠᠷ ᠢᠶᠠᠨ ᠣᠯᠵᠤ ᠬᠠᠷᠠᠭᠰᠠᠨ ᠵᠠᠯᠠᠭᠤ ᠽᠠᠨᠳᠠᠨ ᠡᠬᠡ ᠡᠴᠢᠭᠡ ᠶᠢ ᠨᠢ ᠶᠠᠭ ᠨᠠᠰᠤ ᠪᠠᠷᠠᠬᠤ ᠶᠢᠨ ᠦᠶᠡ ᠶᠢᠨ ᠪᠠᠶᠢᠳᠠᠯ ᠲᠥᠷᠬᠦ ᠭᠡᠵᠦ | ᠵᠦᠢᠴᠢᠯᠡᠪᠡᠯ᠂ ᠨᠠᠷᠠᠨᠵᠦ᠋ᠭ ᠪᠠᠯᠴᠢᠷ ᠨᠠᠰᠤᠨ ᠳᠠᠭᠠᠨ ᠥᠨᠥᠴᠢᠷᠡᠭᠰᠡᠨ ᠭᠡᠳᠡᠭ ᠢ ᠮᠡᠳᠡᠵᠦ ᠪᠣᠯᠣᠨᠠ᠃ ᠲᠡᠷᠡ ᠥᠰᠴᠦ ᠥᠭᠡᠯᠡᠢ ᠪᠣᠯᠤᠭᠰᠠᠨ ᠤ ᠳᠠᠷᠠᠭᠠ ᠡᠨᠡ ᠬᠦ | ᠰᠢᠷᠬᠠᠯᠠᠭᠠᠳᠤ ᠴᠡᠭᠡᠵᠢᠯᠡᠪᠦᠷᠢ ᠨᠢ ᠮᠠᠷᠲᠠᠭᠳᠠᠵᠤ ᠳᠠᠷᠤᠭᠳᠠᠭᠰᠠᠨ ᠪᠣᠯᠪᠠᠴᠤ ᠬᠠᠷᠢᠨ ᠠᠷᠢᠯᠵᠤ ᠠᠯᠠᠭᠠ ᠪᠣᠯᠤᠭᠰᠠᠨ ᠦᠭᠡᠢ ᠪᠢᠯᠡ᠃ ᠥᠲᠡᠯᠦᠭᠡ ᠨᠠᠰᠤᠨ ᠳᠤᠨᠢ ᠶᠠᠮᠠᠷ | ᠨᠢᠭᠡᠨ ᠭᠡᠨᠡᠳᠲᠡ ᠶᠢᠨ ᠰᠡᠳᠡᠯᠲᠡ ᠪᠠᠷ ᠲᠡᠭᠦᠨ ᠤ ᠳᠠᠯᠳᠠ ᠤᠬᠠᠮᠰᠠᠷ ᠲᠤ ᠪᠠᠶᠢᠭᠰᠠᠨ ᠰᠡᠳᠬᠢᠯ ᠤᠨ ᠰᠢᠷᠬᠠ ᠨᠢ ᠳᠠᠬᠢᠨᠲᠠ ᠲᠡᠭᠦᠨ ᠢ ᠲᠠᠷᠴᠢᠯᠠᠭᠠᠭᠰᠠᠨ ᠭᠡᠵᠦ | ᠮᠠᠭᠠᠳᠯᠠᠵᠤ ᠪᠣᠯᠣᠨᠠ᠃ ᠠᠯᠤᠰ ᠤᠨ ᠡᠬᠡ ᠯᠦᠭᠡ ᠪᠠᠨ ᠪᠦᠰᠡᠯᠡᠭᠦᠷ ᠢᠶᠠᠷ ᠬᠤᠯᠪᠣᠭᠰᠠᠨ ᠳᠡᠭᠡᠰᠦ ᠨᠢ᠂ ᠨᠠᠷᠠᠨᠵᠦ᠋ᠭ ᠡᠵᠢ ᠳᠤ ᠠᠪᠴᠤ ᠬᠡᠯᠡᠪᠡᠯ ︽ᠨᠥᠬᠦᠨ ᠣᠯᠭᠤᠪᠤᠷᠢ︾ | ᠶᠢᠨ ᠰᠢᠨᠵᠢᠲᠡᠢ᠂ ᠲᠡᠭᠡᠭᠦ ᠪᠠᠷ ᠢᠶᠠᠨ ᠵᠣᠬᠢᠬᠤ ᠵᠠᠰᠠᠯᠭᠠ ᠶᠢᠨ ᠦᠢᠯᠡᠳᠦᠯ ᠲᠠᠢ᠂ ᠨᠠᠷᠠᠨᠵᠦ᠋ᠭ ᠡᠵᠢ ᠡᠬᠡ ᠦᠷᠡ ᠶᠢᠨ ᠬᠠᠷᠢᠴᠠᠭᠠ ᠶᠢ ᠲᠣᠩᠭᠤᠷᠠᠭᠤᠯᠤᠨ ᠲᠠᠨᠢᠬᠤ ᠳᠤ | ᠭᠦᠷᠦᠭᠰᠡᠨ ᠨᠢ ᠴᠤ ᠡᠭᠦᠨ ᠢᠶᠠᠷ ᠲᠠᠶᠢᠯᠪᠤᠷᠢᠯᠠᠭᠳᠠᠵᠤ ᠪᠠᠶᠢᠨᠠ᠃ ᠡᠨᠡ ᠬᠦ ᠺᠢᠨᠣ᠋ ᠶᠢᠨ ᠬᠠᠪᠰᠤᠷᠭᠠᠯᠲᠠ ᠬᠥᠭᠵᠢᠮ ᠨᠢ ᠡᠶᠡᠪᠡᠷᠭᠦᠦ᠂ ᠢᠷᠠᠭᠤ ᠲᠤᠩᠭᠠᠯᠠᠭ᠂ ᠡᠮᠡᠭᠲᠡᠢ | ᠬᠥᠮᠥᠨ ᠤ ᠰᠡᠳᠬᠢᠯ ᠢ ᠠᠷᠭᠠᠳᠠᠨ ᠵᠠᠰᠠᠭᠰᠠᠨ᠂ ᠬᠡᠦᠬᠡᠳ ᠢ ᠪᠦᠪᠡᠶᠢᠯᠡᠭᠰᠡᠨ ᠣᠨᠴᠠᠯᠢᠭ ᠲᠠᠢ᠂ ᠠᠯᠤᠰ ᠤᠨ ᠡᠯᠧᠺᠲᠷᠣᠨ ᠬᠥᠭᠵᠢᠮᠴᠢᠨ ᠤ ᠷᠣᠯᠢ ᠳᠤ ᠲᠣᠭᠯᠠᠭᠰᠠᠨ ᠨᠢ | ᠴᠤ ᠤᠴᠢᠷᠲᠠᠢ᠃ ᠪᠦᠬᠦᠶᠢᠯᠡ ᠳᠠᠭᠤᠤ ᠬᠥᠭᠵᠢᠮ ᠨᠢ ᠰᠦᠨᠡᠰᠦᠨ ᠤ ᠳᠠᠭᠤᠳᠠᠯᠭᠠ ᠪᠣᠯᠵᠤ᠂ ᠨᠠᠷᠠᠨᠵᠦ᠋ᠭ ᠡᠵᠢ ᠶᠢᠨ ᠡᠴᠢᠭᠡ ᠡᠬᠡ ᠶᠢᠨ ᠢᠶᠠᠨ ᠶᠢᠷᠲᠢᠨᠴᠦ ᠳᠤ ᠪᠠᠶᠠᠷᠲᠠᠢ | ᠣᠷᠣᠵᠤ ᠣᠴᠢᠬᠤ ᠳᠤ ᠰᠡᠳᠬᠢᠯ ᠤᠨ ᠭᠦᠦᠷ ᠪᠣᠯᠵᠤ ᠥᠭᠴᠡᠢ᠃ | | | | | | ᠮᠣᠲ᠋ᠣᠷ ᠤᠨ ᠬᠦᠷᠴᠢᠭᠢᠨᠡᠯ ᠯᠠᠪᠠᠷ ᠤᠨ ᠳᠠᠭᠤ ᠴᠤ ᠳᠠᠭᠤᠤ ᠬᠥᠭᠵᠢᠮ ᠤᠨ ᠡᠯᠧᠮᠧᠨ᠋ᠲ ᠪᠣᠯᠵᠤ ᠪᠤᠯᠳᠠᠭ᠂ ︽ᠪᠢᠳᠡᠨ ᠤ ᠠᠮᠢᠳᠤᠷᠠᠯ ᠳᠤ ᠵᠥᠪᠬᠡᠨ ᠮᠣᠷᠢᠨ | ᠬᠤᠭᠤᠷ᠂ ᠬᠥᠭᠡᠮᠡᠢ ᠪᠠᠶᠢᠭᠠᠳ ᠯᠠ ᠪᠣᠯᠬᠤ ᠪᠢᠰᠢ︾ ︽ᠪᠢ ᠠᠳᠡ ᠲᠦᠷᠦᠵᠦ ᠥᠰᠦᠭᠰᠡᠨ ᠬᠥᠮᠥᠨ᠂ ᠬᠠᠷᠢᠭᠠᠳ ᠢᠷᠡᠴᠢᠬᠡᠪᠡᠯ ᠪᠢ ᠬᠡᠨ ᠪᠤᠢ︖ ᠪᠢ ᠬᠠᠮᠢᠭᠠ | ᠣᠴᠢᠨᠠ ᠪᠤᠢ︖ ᠭᠡᠬᠦ ᠠᠰᠠᠭᠤᠯᠲᠠ ᠣᠷᠣᠰᠢᠬᠤ ᠦᠭᠡᠢ ᠪᠣᠯᠣᠨᠠ︾ ︽ᠭᠤᠲᠤᠯ ᠢ ᠵᠥᠪᠬᠡᠨ ᠠᠳᠡ ᠡᠮᠦᠰᠴᠦ ᠪᠣᠯᠣᠨᠠ᠂ ᠬᠠᠷᠢᠨ ᠲᠠᠮᠢᠷ ᠤᠨ ᠱᠠᠬᠠᠢ ᠶᠢ ᠪᠣᠯ | ᠬᠠᠮᠢᠭᠠ ᠴᠤ ᠡᠮᠦᠰᠴᠦ ᠪᠤᠯᠳᠠᠭ︾ ᠭᠡᠬᠦ ᠠᠯᠤᠰ ᠲᠠᠨᠠ ᠬᠤᠶᠠᠷ ᠤᠨ ᠬᠠᠷᠢᠯᠴᠠᠭᠠ᠂ ᠶᠠᠷᠢᠯᠴᠠᠭᠠ᠂ ᠢᠨᠠᠭᠯᠠᠯ ᠠᠴᠠ ᠪᠢᠳᠡ ᠰᠣᠶᠣᠯ ᠪᠣᠯᠪᠠᠰᠤᠨ ᠤ ᠤᠳᠬᠠ ᠳᠠᠬᠢ | ᠬᠦᠢᠰᠦᠨ ᠤ ᠲᠠᠰᠤᠯᠤᠯᠲᠠ ᠪᠠ ᠵᠠᠯᠭᠠᠯᠲᠠ ᠶᠢᠨ ᠲᠤᠬᠠᠢ ᠪᠤᠳᠤᠯᠢᠶᠠᠨᠲᠠᠢ ᠰᠣᠩᠭᠤᠯᠲᠠ ᠶᠢ ᠬᠠᠷᠠᠵᠤ ᠪᠣᠯᠣᠨᠠ᠃ ᠨᠡᠩ ᠵᠠᠯᠠᠭᠤ ᠦᠶᠡ ᠶᠢᠨ ᠬᠢᠨ ᠤ ᠳᠡᠯᠡᠬᠡᠢ ᠶᠢᠨ | ᠳᠡᠪᠵᠢᠶᠡᠨ ᠳᠤ ᠳᠡᠪᠢᠬᠦ ᠬᠦᠰᠡᠯ ᠢ ᠴᠦ ᠣᠯᠵᠤ ᠬᠠᠷᠠᠨᠠ᠃ | | | | | | ︽ᠬᠦᠢᠰᠦ︾ ᠺᠢᠨᠣ᠋ ᠨᠢ ᠮᠠᠷᠲᠠᠬᠤ \ ᠴᠡᠭᠡᠵᠢᠯᠡᠬᠦ᠂ ᠮᠣᠷᠳᠠᠬᠤ \ ᠪᠤᠴᠠᠬᠤ᠂ ᠬᠤᠯᠪᠣᠬᠤ \ ᠲᠠᠰᠤᠯᠬᠤ ᠵᠡᠷᠭᠡ ᠣᠯᠠᠨ ᠬᠤᠣᠰ ᠵᠢᠮᠡ ᠶᠢᠨ | ᠬᠠᠷᠰᠢᠯ ᠢ ᠤᠯᠠᠷᠢᠭᠤᠯᠤᠨ ᠬᠡᠷᠡᠭᠯᠡᠵᠦ᠂ ᠤᠷᠠᠯᠢᠭ ᠤᠨ ᠬᠤᠪᠢᠰᠤᠩᠭᠤᠢ ᠠᠷᠭᠠ ᠪᠠᠷ ᠰᠢᠢᠳᠪᠦᠷᠢᠯᠡᠭᠰᠡᠨ ᠨᠢ ᠠᠮᠵᠢᠯᠲᠠ ᠲᠠᠢ ᠪᠣᠯᠵᠠᠢ᠃ | ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡ ᠶᠢᠨ ᠪᠠᠭ᠄ | ᠤᠳᠤᠷᠢᠳᠤᠭᠠᠴᠢ ᠵᠦᠴᠦᠭᠡ ᠶᠢᠨ ᠵᠣᠬᠢᠶᠠᠭᠴᠢ᠄ ᠴᠢᠶᠤᠤ ᠰᠧ ᠰᠢᠤᠸᠠᠢ | ᠶᠡᠷᠦᠩᠬᠡᠢ ᠳᠠᠭᠠᠭᠠᠮᠠᠯ᠄ ᠹᠦ᠋ ᠷᠥᠸᠧ ᠴᠢᠩ | ᠬᠢᠨᠠᠨ ᠦᠢᠯᠡᠳᠦᠭᠴᠢ᠄ ᠼᠤᠤ ᠢᠦᠢ ᠶᠣᠣ ᠴᠧᠨ | ᠺᠢᠨᠣ᠋ ᠦᠢᠯᠡᠳᠦᠭᠴᠢ ᠄ ᠯᠢᠦ ᠬᠤᠢ ᠬᠤ᠋ ᠵᠢᠩ | ᠭᠤᠣᠯ ᠲᠣᠭᠯᠠᠭᠴᠢ ᠄ ᠪᠠᠳᠮᠠ ᠢᠳᠡᠷ ᠨᠠᠬᠢᠶᠠ | ᠣᠷᠴᠢᠭᠤᠯᠤᠭᠴᠢ᠄ | ᠨᠠᠶᠢᠷᠠᠭᠤᠯᠤᠭᠴᠢ᠄ ᠣᠷᠭᠢᠯ | | |