| ᠳᠡᠯᠡᠬᠡᠢ ᠶᠢᠨ ᠬᠥᠳᠡᠯᠮᠦᠷᠢᠴᠢᠳ ᠤᠨ ᠪᠠᠶᠠᠷ ᠤᠨ ᠡᠳᠦᠷ ᠬᠦᠷᠴᠦ ᠢᠷᠡᠬᠦ ᠣᠶᠢᠷᠠᠲᠤᠯᠠ᠃ ᠠᠵᠤ ᠠᠮᠢᠳᠤᠷᠠᠯ ᠭᠡᠵᠦ᠂ ᠠᠵᠢᠯ ᠠᠯᠪᠠ ᠭᠡᠵᠦ᠂ ᠠᠮᠵᠢᠯᠲᠠ ᠵᠢᠳᠬᠦᠯ | ᠭᠡᠵᠦ ᠵᠣᠷᠢᠵᠤ ᠵᠢᠳᠬᠦᠵᠦ ᠪᠠᠶᠢᠭᠠ ᠦᠢ ᠲᠦᠮᠡᠨ ᠬᠥᠳᠡᠯᠮᠦᠷᠢᠴᠢᠳ ᠤᠨ ᠥᠩᠭᠡ ᠭᠡᠷᠡᠯ᠂ ᠦᠵᠡᠰᠬᠦᠯᠡᠩ ᠭᠤᠸᠠ ᠶᠢ ᠠᠯᠳᠠᠷᠰᠢᠭᠤᠯᠤᠨ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠠᠷ ᠤᠨ | ᠡᠳᠦᠷ ᠬᠦᠷᠴᠦ ᠢᠷᠡᠯᠡ᠃ | ᠪᠠᠶᠠᠷ ᠤᠨ ᠡᠳᠦᠷ ᠪᠣᠯᠬᠤᠷ ᠪᠠᠭ᠋ᠠᠳᠤᠨ ᠳᠠᠭᠤᠯᠠᠬᠤ ᠨᠢ ᠵᠦᠢ᠃ ᠦᠨᠡᠨ ᠢ ᠬᠡᠯᠡᠪᠡᠯ ᠡᠨᠡ ᠳᠡᠯᠡᠬᠡᠢ ᠳᠤ ᠬᠥᠳᠡᠯᠮᠦᠷᠢ ᠠᠴᠠ ᠰᠠᠯᠤᠭᠰᠠᠨ ᠬᠥᠮᠥᠨ ᠭᠡᠵᠦ ᠠᠯᠠᠭᠠ᠃ | ᠲᠠᠷᠢᠶᠠᠨ ᠵᠠᠬᠠ᠂ ᠲᠣᠭᠤᠯ ᠤᠨ ᠪᠡᠯᠴᠢᠭᠡᠷ᠂ ᠣᠰᠣᠨ ᠤ ᠳᠡᠷᠭᠡᠳᠡ᠂ ᠠᠭᠤᠷᠬᠠᠢ ᠶᠢᠨ ᠬᠤᠳᠳᠤᠭ ᠁ ᠲᠤ ᠠᠵᠢᠯ ᠬᠥᠳᠡᠯᠮᠦᠷᠢ ᠶᠢᠨ ᠤᠶᠠᠩᠭᠠ ᠳᠠᠭᠤᠤ | ᠬᠠᠩᠭᠢᠨᠠᠵᠤ᠂ ᠠᠮᠢᠳᠤᠷᠠᠯ ᠲᠡᠮᠡᠴᠡᠯ ᠤᠨ ᠦᠵᠡᠮᠵᠢ ᠵᠢᠷᠤᠭ ᠦᠷᠭᠦᠯᠵᠢᠯᠡᠭᠰᠡᠭᠡᠷ᠃ ᠶᠡᠷᠦ ᠨᠢ ᠲᠠᠷᠢᠬᠢ ᠪᠠᠨ ᠭᠠᠰᠢᠯᠲᠠᠯᠠ ᠪᠤᠲᠣᠵᠦ᠂ ᠴᠢᠮᠦᠭᠡ ᠪᠠᠨ ᠳᠤᠨᠳᠠᠷᠠᠲᠠᠯᠠ | ᠵᠢᠳᠬᠦᠵᠦ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ ᠰᠢᠯᠭᠠᠬᠤ ᠬᠥᠳᠡᠯᠮᠦᠷᠢ ᠨᠢ ᠴᠠᠭ ᠵᠠᠪ ᠵᠠᠷᠤᠴᠠᠭᠤᠯᠤᠨ ᠴᠢᠳᠠᠯ ᠲᠠᠷ ᠰᠢᠯᠭᠠᠵᠤ ᠰᠥᠰᠥ ᠠᠮᠲᠠᠯᠠᠬᠤ ᠮᠡᠲᠦ ᠭᠠᠰᠢᠭᠤᠨ ᠪᠠᠶᠢᠳᠠᠭ | ᠪᠣᠯᠪᠠᠴᠤ ᠡᠷᠭᠢᠴᠡᠭᠦᠯᠦᠨ ᠰᠠᠨᠠᠬᠤ ᠳᠤ ᠬᠠᠷᠢᠨ ᠵᠥᠭᠡᠢ ᠶᠢᠨ ᠪᠠᠯ ᠮᠡᠲᠦ ᠠᠮᠲᠠᠲᠠᠢ ᠪᠠᠶᠢᠳᠠᠭ ᠠᠵᠢ᠃ | ︽ᠬᠥᠳᠡᠯᠮᠦᠷᠢ ᠬᠥᠮᠥᠨ ᠢ ᠪᠦᠲᠦᠭᠡᠭᠰᠡᠨ︾ ᠭᠡᠵᠦ ᠬᠢᠴᠢᠶᠡᠯ ᠤᠨ ᠪᠢᠴᠢᠭ ᠲᠤ ᠵᠢᠭᠠᠳᠠᠭ᠃ ᠡᠪᠦᠭᠡᠴᠦᠦᠯ ᠪᠠᠰᠠ ᠬᠥᠳᠡᠯᠮᠦᠷᠢ ᠬᠥᠮᠥᠨ ᠢ ᠭᠤᠮᠣᠳᠠᠭᠠᠳᠠᠭ | ᠦᠭᠡᠢ ᠭᠡᠵᠦ ᠥᠭᠦᠯᠡᠵᠦ ᠵᠠᠬᠢᠳᠠᠭ᠃ ᠲᠡᠶᠢᠮᠦ ᠠ᠋᠂ ᠠᠮᠢ ᠵᠢᠭᠤᠬᠤ ᠳᠤ ᠠᠵᠢᠯ ᠬᠥᠳᠡᠯᠮᠦᠷᠢ ᠱᠠᠭᠠᠷᠳᠠᠨᠠ᠂ ᠠᠵᠠ ᠵᠢᠷᠭᠠᠯ ᠳᠤ ᠬᠦᠷᠬᠦ ᠳᠤ ᠴᠦ ᠠᠵᠢᠯ ᠬᠥᠳᠡᠯᠮᠦᠷᠢ | ᠬᠡᠷᠡᠭ ᠲᠠᠢ᠃ ᠶᠠᠭ ᠡᠶᠢᠮᠦ ᠠᠴᠠ ᠪᠢᠳᠡ ᠡᠳᠦᠷᠵᠢᠨ ᠠᠵᠢᠯ ᠬᠥᠳᠡᠯᠮᠦᠷᠢ ᠬᠢᠵᠦ ᠵᠢᠳᠬᠦᠭᠰᠡᠭᠡᠷ᠃ ᠲᠠᠷᠢᠬᠤ᠂ ᠠᠷᠠᠴᠢᠯᠠᠬᠤ᠂ ᠰᠤᠷᠤᠯᠴᠠᠬᠤ᠂ ᠰᠤᠳᠤᠯᠬᠤ᠂ ᠪᠢᠴᠢᠬᠦ᠂ | ᠵᠢᠷᠤᠬᠤ ᠁ ᠭᠡᠵᠦ ᠪᠦᠷ ᠯᠡ ᠪᠡᠶᠡ ᠶᠢᠨ ᠬᠥᠳᠡᠯᠮᠦᠷᠢ ᠪᠠ ᠣᠶᠣᠨ ᠤ ᠬᠥᠳᠡᠯᠮᠦᠷᠢ ᠶᠢᠨ ᠨᠦᠭᠦᠭᠡ ᠨᠡᠷᠡᠶᠢᠳᠦᠯ᠃ ᠲᠡᠷᠡᠴᠢᠯᠡᠨ ᠡᠳᠦᠷ ᠲᠣᠲᠣᠮ ᠬᠡᠷᠡᠭᠰᠡᠬᠦ ᠡᠮᠬᠦ | ᠠᠮᠤ᠂ ᠣᠭᠤᠴᠢ ᠤᠰᠤ ᠠᠴᠠ ᠡᠬᠢᠯᠡᠭᠡᠳ ᠰᠠᠭᠤᠬᠤ ᠭᠡᠷ᠂ ᠵᠢᠯᠤᠭᠤᠳᠬᠤ ᠮᠠᠰᠢᠨ᠂ ᠤᠩᠰᠢᠬᠤ ᠨᠣᠮ ᠁ ᠭᠦᠷᠲᠡᠯᠡ ᠪᠦᠷ ᠬᠥᠳᠡᠯᠮᠦᠷᠢ ᠵᠢᠳᠬᠦᠯ ᠤᠨ | ᠰᠣᠶᠣᠷᠬᠠᠭᠰᠠᠨ ᠬᠡᠰᠢᠭ ᠬᠦᠷᠲᠡᠭᠡᠯ ᠪᠣᠯᠬᠤ ᠶᠤᠮ᠃ | ᠠᠵᠢᠯ ᠬᠥᠳᠡᠯᠮᠦᠷᠢ ᠪᠣᠯ ᠠᠵᠠ ᠵᠢᠷᠭᠠᠯ ᠤᠨ ᠱᠠᠲᠤ ᠳᠡᠭᠲᠡᠷ ᠪᠣᠯᠬᠤ ᠶᠤᠮ᠃ ᠠᠵᠢᠯ ᠬᠥᠳᠡᠯᠮᠦᠷᠢ ᠭᠡᠵᠦ ᠠᠪᠤᠨ ᠬᠡᠯᠡᠬᠦ ᠳᠤ ᠬᠤᠶᠠᠷᠬᠠᠨ ᠦᠭᠡ ᠲᠡᠳᠦᠢ ᠴᠦ | ᠬᠦᠨᠳᠦ ᠶᠢᠨ ᠵᠢᠩ ᠨᠢ ᠶᠡᠭᠡ᠃ ᠬᠥᠳᠡᠯᠮᠦᠷᠢ ᠳᠤ ᠳᠠᠳᠴᠤ ᠴᠠᠭᠠᠷᠠᠭᠰᠠᠨ ᠬᠥᠮᠥᠨ ᠬᠦᠴᠦ ᠲᠠᠢ᠂ ᠪᠢᠷᠠ ᠲᠠᠢ᠂ ᠰᠦᠷ ᠲᠠᠢ᠂ ᠤᠬᠠᠭᠠᠨ ᠲᠠᠢ᠃ ᠪᠠᠭᠠ ᠠᠴᠠ ᠬᠡᠯᠡᠪᠡᠯ | ᠲᠡᠷᠡ ᠨᠢ ᠬᠤᠪᠢ ᠬᠥᠮᠥᠨ ᠤ ᠣᠷᠣᠰᠢᠨ ᠲᠣᠭᠲᠠᠨᠢᠯ᠂ ᠠᠵᠤ ᠲᠦᠷᠦᠭᠦ ᠲᠠᠢ ᠬᠤᠯᠪᠣᠭᠳᠠᠵᠤ᠂ ᠶᠡᠭᠡ ᠠᠴᠠ ᠶᠠᠷᠢᠪᠠᠯ ᠤᠯᠤᠰ ᠣᠷᠣᠨ ᠤ ᠬᠥᠭᠵᠢᠯᠲᠡ ᠲᠣᠭᠲᠠᠭᠤᠨ | ᠲᠠᠢ ᠬᠤᠯᠪᠣᠭᠳᠠᠳᠠᠭ᠃ ᠨᠡᠩ ᠴᠢᠨᠠᠭᠰᠢᠯᠠᠨ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠪᠣᠯᠪᠠᠰᠤᠨ ᠤ ᠤᠷᠤᠭᠰᠢᠯᠠᠯ ᠲᠠᠪᠰᠢᠯᠳᠠ ᠭᠦᠷᠳᠡᠯᠡ ᠬᠥᠳᠡᠯᠮᠦᠷᠢ ᠠᠴᠠ ᠰᠠᠯᠵᠤ ᠴᠢᠳᠠᠰᠢ | ᠦᠭᠡᠢ᠃ ᠠᠵᠢᠯ ᠬᠥᠳᠡᠯᠮᠦᠷᠢ ᠠᠴᠠ ᠵᠠᠶᠢᠳᠠᠭᠰᠠᠨ ᠬᠥᠮᠥᠨ ᠳᠤ ᠠᠵᠠ ᠵᠢᠷᠭᠠᠯ ᠭᠡᠵᠦ ᠶᠠᠭᠤ ᠶᠠᠷᠢᠭᠰᠠᠨ ᠴᠦ ᠭᠤᠨᠵᠢ ᠶᠢᠨ ᠵᠣᠭᠤᠭ᠃ ᠬᠠᠷᠢᠨ ᠠᠵᠢᠯ ᠳᠠᠭᠠᠨ | ᠰᠢᠮᠳᠠᠵᠤ ᠬᠥᠳᠡᠯᠮᠦᠷᠢ ᠳᠡᠭᠡᠨ ᠴᠠᠭᠠᠷᠠᠪᠠᠯ ᠠᠮᠢᠳᠤᠷᠠᠯ ᠢᠶᠠᠨ ᠥᠭᠡᠳᠡ ᠲᠠᠲᠠᠵᠤ᠂ ᠠᠮᠵᠢᠯᠲᠠ ᠶᠢᠨ ᠣᠷᠭᠢᠯ ᠳᠤ ᠬᠦᠷᠬᠦ ᠨᠢ ᠯᠠᠪᠲᠠᠢ᠃ ᠡᠷᠲᠡᠨ ᠤ ᠭᠦᠨ ᠤᠬᠠᠭᠠᠨᠲᠠᠨ | ᠰᠣᠺᠷᠠᠲ ᠶᠢᠨ ᠥᠭᠦᠯᠡᠭᠰᠡᠨ᠄︽ᠠᠵᠠ ᠵᠢᠷᠭᠠᠯ ᠳᠤ ᠬᠦᠷᠬᠦ ᠡᠬᠢᠨ ᠤ ᠱᠠᠲᠤ ᠪᠣᠯ ᠡᠷᠡᠭᠦᠯ ᠮᠡᠨᠲᠦ᠂ᠳᠠᠷᠠᠭᠠᠬᠢ ᠨᠢ ᠪᠣᠯ ᠠᠵᠢᠯ ᠬᠥᠳᠡᠯᠮᠦᠷᠢ︾ ᠭᠡᠰᠡᠨ ᠨᠢ ᠮᠥᠨ | ᠡᠭᠦᠨ ᠢ ᠵᠢᠭᠠᠭᠰᠠᠨ ᠤᠳᠬᠠ ᠪᠢᠵᠡ᠃ | ︽ᠬᠠᠯᠠᠭᠤᠨ ᠨᠠᠷᠠᠨ ᠳᠤ ᠲᠠᠷᠢᠶᠠ ᠠᠷᠴᠢᠬᠤᠶᠠ᠂ ᠬᠠᠷᠠ ᠬᠥᠯᠥᠰᠦ ᠴᠢᠪ ᠴᠢᠪ ᠲᠣᠰᠣᠯᠠᠮᠣᠢ᠂ ᠬᠠᠯᠪᠠᠭᠠᠨ ᠳᠠᠬᠢ ᠮᠥᠬᠦᠯᠢᠭ ᠠᠮᠤ ᠶᠢᠨ ᠬᠠᠯᠠᠰᠢᠷᠠᠯ ᠵᠣᠪᠠᠯᠠᠩ ᠢ | ᠬᠡᠨ ᠮᠡᠳᠡᠬᠦ ᠠᠵᠢ︾ ᠭᠡᠰᠡᠨ ᠮᠢᠩᠭᠠᠨ ᠵᠢᠯ ᠤᠨ ᠡᠮᠦᠨᠡ ᠪᠢᠴᠢᠭᠰᠡᠨ ᠰᠢᠯᠦᠭ ᠤᠨ ᠮᠥᠷ ᠪᠠᠳᠠᠭ ᠢ ᠥᠨᠥᠳᠥᠷ ᠤᠩᠰᠢᠬᠤ ᠳᠤ ᠮᠥᠨ ᠢᠯᠴᠢ ᠭᠡᠷᠡᠯ ᠨᠢ | ᠪᠠᠳᠠᠷᠠᠭᠰᠠᠭᠠᠷ᠃ ᠬᠥᠳᠡᠯᠮᠦᠷᠢ ᠥᠩᠭᠡ ᠭᠡᠷᠡᠯ ᠲᠠᠢ᠃ ᠬᠥᠳᠡᠯᠮᠦᠷᠢ ᠨᠢ ᠬᠥᠮᠥᠨ ᠢ ᠪᠦᠲᠦᠭᠡᠭᠰᠡᠨ ᠲᠡᠳᠦᠢ ᠦᠭᠡᠢ ᠪᠠᠰᠠ ᠬᠥᠮᠥᠨ ᠢ ᠥᠪᠰᠢᠭᠦᠯᠦᠨ | ᠬᠥᠷᠥᠩᠭᠡᠵᠢᠭᠦᠯᠵᠦ ᠥᠨᠥᠳᠥᠷ ᠲᠤ ᠬᠦᠷᠭᠡᠭᠰᠡᠨ ᠪᠢᠯᠡ᠃ ᠡᠨᠡ ᠬᠦ ᠶᠣᠰᠣᠨ ᠠᠴᠠ ᠥᠭᠦᠯᠡᠪᠡᠯ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠲᠡᠦᠬᠡ ᠪᠣᠯ ᠬᠥᠳᠡᠯᠮᠦᠷᠢ ᠶᠢᠨ ᠲᠡᠦᠬᠡ | ᠪᠣᠯᠬᠤ ᠪᠥᠭᠡᠳ ᠬᠥᠳᠡᠯᠮᠦᠷᠢ ᠭᠡᠬᠦ ᠭᠠᠶᠢᠬᠠᠮᠰᠢᠭᠲᠤ ᠬᠦᠴᠦᠨ ᠨᠢ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠲᠡᠦᠬᠡ ᠶᠢᠨ ᠬᠦᠷᠳᠦ ᠶᠢ ᠲᠦᠯᠬᠢᠨ ᠤᠷᠤᠭᠰᠢᠯᠠᠭᠤᠯᠵᠤ ᠢᠷᠡᠭᠰᠡᠨ | ᠤᠴᠢᠷᠲᠠᠢ᠃ | ᠠᠵᠢᠯ ᠬᠥᠳᠡᠯᠮᠦᠷᠢ ᠠᠯᠢᠪᠠ ᠬᠥᠮᠥᠨ ᠢ ᠥᠭᠡᠳᠡ ᠲᠠᠲᠠᠨᠠ᠃ ᠬᠥᠳᠡᠯᠮᠦᠷᠢ ᠠᠴᠠ ᠬᠥᠮᠥᠰ ᠠᠮᠢᠳᠤᠷᠠᠯ ᠤᠨ ᠠᠷᠭᠠ ᠲᠤᠷᠰᠢᠯᠭᠠ ᠬᠤᠷᠠᠮᠳᠤᠭᠤᠯᠵᠤ᠂ | ᠢᠷᠡᠭᠡᠳᠦᠢ ᠳᠤ ᠵᠠᠯᠭᠠᠬᠤ ᠨᠥᠭᠡᠴᠡ ᠬᠦᠴᠦᠨ ᠰᠡᠯᠪᠢᠳᠡᠭ᠃ ᠮᠣᠩᠭᠤᠯ ᠠᠷᠠᠳ ᠤᠨ ᠦᠭᠡᠨ ᠳᠤ ︽ᠵᠦᠭᠡᠷ ᠰᠠᠭᠤᠬᠤ ᠪᠠᠷ ᠵᠦᠯᠭᠦᠵᠦ ᠰᠠᠭᠤ︾︽ᠣᠷᠣᠯᠲᠣᠪᠠᠯ | ᠨᠢᠭᠡ ᠶᠢ ᠰᠤᠷᠴᠤ᠂ ᠣᠷᠣᠯᠲᠣᠪᠠᠯ ᠨᠢᠭᠡ ᠶᠢ ᠲᠡᠷᠢᠭᠦᠯᠡᠳᠡᠭ︾ᠭᠡᠲᠡᠭ ᠪᠥᠭᠡᠳ ᠲᠡᠷᠡ ᠨᠢ ᠭᠠᠭᠴᠠᠬᠦ ᠬᠥᠳᠡᠯᠮᠦᠷᠢ ᠪᠣᠯ ᠰᠠᠶ᠋ᠢ ᠬᠥᠮᠥᠰ ᠤᠨ ᠰᠠᠨᠠᠭᠠᠨ ᠳᠤ ᠣᠷᠣᠭᠰᠠᠨ | ᠵᠦᠢᠯ ᠢ ᠰᠢᠭᠤᠳ ᠪᠦᠲᠦᠭᠡᠬᠦ ᠰᠢᠳᠢ ᠲᠠᠢ ᠪᠠᠶᠢᠵᠤ᠂ ᠬᠦᠰᠡᠯ ᠮᠥᠷᠥᠭᠡᠳᠦᠯ ᠪᠣᠯᠣᠨ ᠪᠣᠳᠠᠲᠤ ᠠᠬᠤᠢ ᠶᠢ ᠬᠤᠯᠪᠣᠳᠠᠭ ᠭᠡᠰᠡᠨ ᠤᠴᠢᠷ ᠢ ᠵᠢᠭᠠᠵᠤ ᠪᠠᠶᠢᠭᠠ ᠶᠤᠮ᠃ | ᠲᠡᠭᠡᠭᠦ ᠳᠡᠭᠡᠨ ᠣᠶᠢᠭᠠ ᠦᠭᠡᠢ ᠣᠷᠣᠯᠳᠣᠯᠭᠠ ᠬᠥᠳᠡᠯᠮᠦᠷᠢ ᠠᠴᠠ ᠰᠠᠶ᠋ᠢ ᠠᠯᠳᠠᠷ ᠢᠶᠠᠨ ᠮᠥᠩᠬᠡᠯᠡᠭᠰᠡᠨ ᠰᠤᠤᠲᠤ ᠬᠥᠮᠥᠰ ᠮᠡᠨᠳᠦᠯᠡᠳᠡᠭ ᠤᠴᠢᠷ ᠲᠠᠢ ᠪᠢᠯᠡ᠃ | ᠠᠵᠢᠯ ᠬᠥᠳᠡᠯᠮᠦᠷᠢ ᠠᠮᠵᠢᠯᠲᠠ ᠲᠡᠶᠢᠰᠢ ᠬᠥᠲᠥᠯᠵᠦ᠂ ᠬᠥᠳᠡᠯᠮᠦᠷᠢ ᠵᠢᠳᠬᠦᠯ ᠬᠦᠨᠳᠦᠳᠬᠡᠯ ᠳᠤ ᠵᠠᠯᠠᠨᠠ᠃ ᠵᠥᠪᠬᠡᠨ ᠲᠠᠪᠤᠨ ᠰᠠᠷᠠ ᠶᠢᠨ ᠨᠢᠭᠡᠨ ᠲᠡᠳᠦᠢ | ᠪᠢᠰᠢ ᠭᠤᠷᠪᠠᠨ ᠵᠠᠭᠤ ᠵᠢᠷᠠᠨ ᠲᠠᠪᠤᠨ ᠬᠤᠨᠤᠭ ᠪᠣᠯᠭᠠᠨ ᠬᠥᠳᠡᠯᠮᠦᠷᠢᠴᠢᠳ ᠭᠡᠬᠦ ᠬᠦᠨᠳᠦᠳᠬᠡᠯ ᠤᠨ ᠦᠭᠡᠨ ᠳᠤ ᠴᠢᠮᠡᠭ ᠲᠣᠳᠣᠳᠬᠠᠯ ᠨᠡᠮᠡᠭᠰᠡᠨ ᠪᠠᠶᠠᠷ ᠤᠨ ᠡᠳᠦᠷ | ᠪᠠᠶᠢᠭᠠᠰᠠᠢ᠃ |