| ︽ᠬᠥᠳᠡᠯᠮᠦᠷᠢ ᠪᠣᠯ ᠡᠨᠡ ᠳᠡᠯᠡᠬᠡᠢ ᠳᠡᠭᠡᠷᠡᠬᠢ ᠪᠦᠭᠦ ᠡᠷᠬᠢᠮ ᠰᠠᠶᠢᠬᠠᠨ ᠠᠵᠠ ᠵᠢᠷᠭᠠᠯ ᠤᠨ ᠡᠬᠢ ᠪᠤᠯᠠᠭ ᠮᠥᠨ︾ ᠬᠡᠮᠡᠨ ᠮ᠊·ᠭᠤᠷᠺᠢ ᠬᠡᠯᠡᠪᠡ᠃ ︽ᠪᠦᠲᠦᠭᠡᠯᠴᠢ | ᠢᠳᠡᠪᠬᠢᠲᠡᠢ ᠬᠥᠳᠡᠯᠮᠦᠷᠢ ᠵᠢᠳᠬᠦᠯ ᠬᠥᠮᠥᠨ ᠤ ᠬᠥᠭᠵᠢᠯ ᠳᠠᠪᠰᠢᠯ ᠤᠨ ᠦᠨᠳᠦᠰᠦ ᠪᠤᠯᠳᠠᠭ ᠪᠥᠭᠡᠳ ᠲᠡᠭᠦᠨ ᠠᠴᠠ ᠪᠠᠨ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠪᠠᠶᠠᠷ ᠪᠠᠶᠠᠰᠤᠯ᠂ | ᠠᠵᠠ ᠵᠢᠷᠭᠠᠯ ᠭᠦᠷᠳᠡᠨ ᠠᠮᠵᠢᠯᠲᠠ ᠳᠤ ᠬᠦᠷᠬᠦ᠂ ᠠᠯᠳᠠᠷ ᠢᠶᠠᠨ ᠳᠠᠭᠤᠷᠢᠰᠬᠠᠬᠤ ᠰᠢᠳᠢᠲᠦ ᠲᠦᠯᠬᠢᠭᠦᠷ ᠢᠶᠠᠨ ᠪᠠᠲᠤ ᠠᠳᠬᠤᠨ ᠵᠣᠭᠰᠣᠵᠤ ᠪᠠᠶᠢᠨᠠ︾ ᠬᠡᠮᠡᠨ ᠪᠠᠷᠳᠠᠮ | ᠪᠤᠳᠤᠵᠤ ᠪᠣᠯᠬᠤ ᠶᠤᠮ᠃ | ᠬᠥᠳᠡᠯᠮᠦᠷᠢ ᠥᠩᠭᠡ ᠭᠡᠷᠡᠯᠲᠡᠢ ᠪᠥᠭᠡᠳ ᠪᠦᠲᠦᠭᠡᠯᠴᠢ ᠬᠥᠳᠡᠯᠮᠦᠷᠢ ᠰᠢᠨᠡ ᠶᠢ ᠡᠭᠦᠳᠳᠡᠭ᠃ ᠬᠥᠳᠡᠯᠮᠦᠷᠢᠴᠢ ᠬᠥᠮᠥᠨ ᠲᠡᠪᠴᠢᠶᠡᠷᠢ᠂ ᠣᠷᠣᠯᠳᠣᠯᠭᠠ | ᠬᠤᠶᠠᠷ ᠢ ᠬᠠᠮᠲᠤ ᠳᠠᠭᠠᠨ ᠠᠭᠤᠯᠵᠤ᠂ ᠠᠯᠢᠪᠠ ᠦᠢᠯᠡ ᠬᠡᠷᠡᠭ ᠢ ᠰᠠᠶᠢᠨ ᠬᠢᠬᠦ ᠶᠢᠨ ᠲᠤᠯᠠᠳᠠ ᠲᠡᠭᠦᠨ ᠳᠡᠭᠡᠨ ᠠᠭᠤᠰᠤᠨ ᠰᠢᠩᠭᠡᠵᠦ᠂ ᠵᠢᠷᠦᠬᠡ ᠰᠡᠳᠬᠢᠯ ᠢᠶᠠᠨ | ᠵᠣᠷᠢᠭᠤᠯᠤᠨ ᠬᠢᠳᠡᠭ ᠠᠴᠠ ᠬᠢᠭᠰᠡᠨ ᠦᠢᠯᠡ ᠪᠦᠭᠦᠨ ᠨᠢ ᠲᠡᠭᠦᠰ ᠲᠡᠭᠦᠯᠳᠡᠷ ᠲᠤ ᠤᠶᠢᠷᠠᠳᠴᠤ᠂ ᠳᠡᠭᠡᠳᠦ ᠵᠡᠷᠭᠡ ᠶᠢᠨ ᠤᠶᠤᠨ ᠰᠠᠨᠠᠭᠠᠨ ᠤ ᠬᠠᠪᠤ ᠴᠡᠩᠭᠡᠯ ᠪᠣᠯᠣᠨ | ᠥᠪᠡᠷ ᠢ ᠪᠠᠨ ᠢᠳᠡᠭᠡᠨ ᠥᠪᠡᠷ ᠢᠶᠠᠷ ᠢᠶᠠᠨ ᠪᠠᠭ᠋ᠠᠷᠬᠠᠬᠤ ᠪᠠᠭ᠋ᠠᠷᠬᠠᠯ ᠢ ᠬᠠᠮᠲᠤ ᠳᠠᠭᠠᠨ ᠠᠪᠴᠤ ᠢᠷᠡᠳᠡᠭ᠃ | ᠶᠠᠷᠢᠶᠠᠨ ᠦᠭᠡᠢ ᠬᠥᠮᠥᠰ ᠠᠵᠢᠯ ᠬᠥᠳᠡᠯᠮᠦᠷᠢ ᠶᠢ ᠶᠠᠩᠵᠤ ᠶᠠᠩᠵᠤ ᠪᠠᠷ ᠬᠢᠳᠡᠭ᠃ ᠠᠵᠢᠯ ᠳᠤ ᠮᠠᠭᠤᠬᠠᠨ᠂ ᠪᠡᠶᠡ ᠪᠠᠨ ᠳᠠᠶᠢᠴᠢᠯᠠᠳᠠᠭ ᠦᠭᠡᠢ ᠵᠠᠯᠬᠠᠭᠤ ᠨᠢᠭᠡᠨ | ᠪᠠᠶᠢᠬᠤ ᠳᠤ ᠠᠵᠢᠯ ᠢᠶᠠᠨ ᠠᠮᠵᠢᠭᠤᠯᠳᠠᠭ ᠪᠠᠭ᠋ᠠᠷᠤᠮᠠ ᠪᠦᠲᠦᠭᠡᠯᠴᠢ ᠴᠢᠳᠠᠪᠤᠷᠢ ᠲᠠᠢ ᠨᠢᠭᠡ ᠨᠢ ᠴᠦ ᠪᠤᠢ᠃ ᠬᠠᠷᠢᠭᠤᠴᠠᠭᠰᠠᠨ ᠠᠵᠢᠯ ᠳᠠᠭᠠᠨ ᠰᠡᠳᠬᠢᠯ ᠵᠢᠷᠦᠬᠡ ᠪᠠᠨ | ᠥᠭᠴᠦ᠂ ᠮᠠᠬᠠᠷᠠᠨ ᠵᠢᠳᠬᠦᠳᠡᠭ ᠬᠠᠶᠢᠷᠠᠯᠠᠮᠠᠷ ᠵᠢᠱᠢᠶᠡ ᠪᠠᠶᠢᠬᠤ ᠳᠤ ᠡᠷᠭᠢᠯᠡᠭᠰᠡᠨ ᠠᠵᠢᠯ ᠢᠶᠠᠨ ᠣᠷᠣ ᠨᠡᠷᠡ ᠲᠡᠳᠦᠢ ᠬᠢᠭᠰᠡᠨ ᠪᠣᠯᠵᠤ ᠨᠠᠵᠠᠭᠠᠶᠢᠷᠠᠨ ᠴᠠᠭ | ᠨᠦᠭᠴᠢᠭᠡᠭᠰᠡᠳ ᠴᠦ ᠴᠥᠭᠡᠨ ᠦᠭᠡᠢ᠃ ᠠᠵᠢᠯ ᠬᠥᠳᠡᠯᠮᠦᠷᠢ ᠪᠠᠨ ᠮᠠᠭᠤ ᠬᠢᠵᠦ ᠴᠢᠳᠠᠳᠠᠭ ᠦᠭᠡᠢ᠂ ᠳᠤᠲᠠᠭᠤ ᠳᠤᠯᠢᠮᠠᠭ ᠤᠷᠭᠢᠵᠤ ᠰᠤᠷᠤᠭᠠ ᠦᠭᠡᠢ ᠲᠡᠳᠡᠭᠡᠷ | ᠬᠥᠮᠥᠰ ᠯᠡ ᠠᠯᠳᠠᠷ ᠬᠦᠨᠳᠦ ᠪᠠ ᠠᠮᠵᠢᠯᠲᠠ ᠪᠦᠲᠦᠮᠵᠢ ᠶᠢᠨ ᠪᠠᠷᠢᠶᠠᠨ ᠠᠴᠠ ᠬᠡᠵᠢᠶᠡᠳᠡ ᠣᠶᠢᠷᠠᠬᠠᠨ᠃ ᠬᠠᠷᠢᠭᠤᠴᠠᠭᠰᠠᠨ ᠠᠵᠢᠯ ᠳᠠᠭᠠᠨ ᠵᠢᠷᠦᠬᠡ ᠰᠡᠳᠬᠢᠯ ᠢᠶᠠᠨ | ᠥᠭᠴᠦ ᠮᠠᠬᠠᠷᠠᠨ ᠵᠢᠳᠬᠦᠳᠡᠭ ᠬᠠᠶᠢᠷᠠ ᠲᠠᠲᠠᠮᠠ ᠬᠥᠮᠥᠰ ᠯᠡ ᠤᠯᠠᠨ ᠲᠦᠮᠡᠨ ᠤ ᠬᠦᠷᠢᠶᠡᠯᠡᠯ᠂ ᠬᠦᠨᠳᠦᠯᠡᠯ ᠢ ᠬᠦᠷᠲᠡᠵᠦ ᠪᠠᠭ᠋ᠠᠷᠬᠠᠨ ᠳᠤᠷᠠᠰᠤᠭᠳᠠᠨᠠ᠃ ᠲᠡᠭᠡᠭᠦ ᠪᠠᠷ᠂ | ᠰᠤᠷᠴᠤ ᠮᠡᠳᠡᠬᠦ ᠶᠢᠨ ᠲᠥᠯᠥᠭᠡ᠂ ᠰᠤᠳᠤᠯᠵᠤ ᠪᠦᠲᠦᠭᠡᠬᠦ ᠶᠢᠨ ᠤᠴᠢᠷᠠ᠂ ᠲᠠᠲᠠᠭᠤ ᠶᠠᠳᠠᠭᠤ ᠠᠴᠠ ᠦᠯᠦ ᠰᠢᠯᠲᠠᠭᠠᠯᠠᠵᠤ᠂ ᠨᠥᠬᠦᠴᠡᠯ ᠣᠷᠴᠢᠨ ᠳᠤ ᠡᠰᠡ | ᠬᠦᠯᠢᠶᠡᠰᠦᠯᠡᠭᠳᠡᠵᠦ᠂ ᠥᠪᠡᠷ ᠢ ᠪᠠᠨ ᠱᠠᠯᠠᠪᠳᠠᠭᠤᠯᠤᠨ ᠬᠦᠴᠦᠯᠡᠵᠦ᠂ ᠬᠦᠷᠴᠦ ᠪᠣᠯᠬᠤ ᠬᠠᠮᠤᠭ ᠤᠨ ᠳᠡᠭᠡᠳᠦ ᠥᠨᠳᠦᠷᠯᠢᠭ ᠲᠤ ᠤᠶᠢᠭᠠ ᠦᠭᠡᠢ ᠬᠥᠳᠡᠯᠮᠦᠷᠢ | ᠬᠦᠴᠦ ᠪᠠᠷ ᠢᠶᠠᠨ ᠭᠠᠷᠴᠤ ᠴᠢᠳᠠᠭᠰᠠᠨ ᠵᠢᠱᠢᠶᠡ ᠵᠠᠬᠠ ᠠᠴᠠ ᠪᠠᠨ ᠪᠤᠢ᠃ | ᠪᠡᠶᠡ ᠶᠢᠨ ᠲᠠᠪᠠ ᠪᠠᠷ ᠪᠡᠯᠡᠨ ᠬᠤᠭᠤᠯᠠ᠂ ᠪᠡᠯᠡᠳᠬᠡᠭᠰᠡᠨ ᠨᠥᠬᠦᠴᠡᠯ ᠳᠡᠭᠡᠷᠡ ᠥᠩᠭᠡᠯᠵᠡᠬᠦ ︽ᠡᠭᠦᠯᠡᠨ ᠴᠢᠯᠦᠭᠡᠨ ᠤ ᠨᠠᠷᠠ︾ ᠶᠢ ᠠᠵᠠ ᠵᠢᠷᠭᠠᠯ ᠬᠡᠮᠡᠨ | ᠪᠤᠳᠤᠬᠤ ᠨᠢ ᠲᠣᠮᠣ ᠠᠳᠡᠭᠦᠷᠡᠯ ᠠ᠋᠃ ᠤᠬᠠᠭᠠᠨ ᠰᠠᠨᠠᠭᠠ ᠨᠢ ᠡᠷᠡᠭᠦᠯ ᠠᠳᠠᠯᠠ ᠤᠶᠤᠨ ᠤᠬᠠᠭᠠᠨ ᠢᠶᠠᠨ ᠠᠵᠢᠯᠯᠠᠭᠤᠯᠬᠤ ᠦᠭᠡᠢ᠂ ᠬᠥᠮᠥᠨ ᠤ ᠠᠶᠠᠰ ᠢ ᠬᠠᠷᠠᠵᠤ᠂ | ᠪᠤᠰᠤᠳ ᠤᠨ ᠳᠣᠬᠢᠶᠠ ᠵᠠᠩᠭᠠᠭᠠ ᠪᠠᠷ ᠬᠥᠳᠡᠯᠦᠭᠰᠡᠭᠡᠷ ᠪᠠᠶᠢᠭᠠᠳ ᠤᠷᠰᠢᠭ ᠪᠠᠯᠠᠢ ᠮᠡᠲᠦ ᠪᠤᠯᠳᠠᠭ ᠨᠢ ᠴᠦ ᠮᠤᠩ ᠦᠭᠡᠢ᠃ ᠨᠡᠩ ᠴᠢᠨᠠᠭᠰᠢᠯᠠᠨ᠂ ᠤᠴᠢᠷ ᠤᠳᠬᠠ | ᠦᠭᠡᠢ ᠠᠶᠠᠯᠳᠠᠨ ᠳᠠᠭᠠᠯᠳᠤᠭᠴᠢ ᠪᠣᠯᠵᠤ ᠶᠠᠪᠤᠭᠠᠨ ᠳᠠᠭᠠᠨ ᠥᠪᠡᠷ ᠤᠨ ᠲᠥᠷᠥᠯᠬᠢ ᠶᠢᠨ ᠴᠢᠳᠠᠪᠬᠢ ᠪᠠ ᠪᠦᠲᠦᠭᠡᠯᠴᠢ ᠰᠡᠳᠬᠢᠬᠦᠢ ᠪᠠᠨ ᠪᠦᠷᠢᠮᠦᠰᠦᠨ ᠠᠯᠳᠠᠵᠤ᠂ | ᠪᠢᠯᠳᠠᠤᠴᠢ᠂ ᠪᠢᠯᠠᠩᠭᠠᠴᠢ ᠪᠣᠯᠣᠨ ᠬᠤᠪᠢᠷᠠᠨ᠂ ᠠᠯᠪᠠᠨ ᠲᠤᠰᠢᠶᠠᠯ᠂ ᠠᠯᠳᠠᠷ ᠬᠦᠨᠳᠦ᠂ ᠠᠰᠢᠭ ᠮᠥᠩᠭᠦ ᠶᠢᠨ ︽ᠨᠢᠳᠦ︾ ᠪᠠᠷ ᠣᠷᠴᠢᠯᠠᠩ ᠢ ᠬᠠᠷᠠᠵᠤ᠂ ᠶᠠᠯᠢᠬᠤ ᠱᠠᠯᠢᠬᠤ | ᠦᠭᠡᠢ ᠶᠢᠨ ᠮᠠᠨᠠᠨ ᠳᠤᠮᠳᠠ ᠲᠡᠨᠡᠭᠷᠡᠨ ᠮᠤᠩᠭᠠᠨᠢᠭᠰᠠᠭᠠᠷ ᠭᠠᠢ ᠬᠤᠣᠷᠯᠠᠯ ᠤᠨ ᠠᠶᠤᠯᠲᠤ ᠡᠲᠡᠭᠡᠳ ᠪᠣᠯᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠪᠤᠰᠤᠳ ᠤᠨ ︽ᠠᠮᠢᠳᠤᠷᠠᠯ︾ ᠤᠨ | ᠬᠦᠷᠢᠶᠡᠨ ᠳᠤ ᠨᠡᠪᠲᠡᠷᠡᠬᠦ ᠶᠢᠨ ᠲᠤᠯᠠᠳᠠ ᠤᠯᠠᠮ ᠪᠦᠷ ᠵᠢᠵᠢᠭᠷᠡᠨ ᠥᠴᠥᠬᠡᠨ ᠰᠡᠳᠬᠢᠯ ᠤᠨ ᠬᠤᠪᠢ ᠲᠠᠪᠢᠯᠠᠩ ᠳᠤ ᠥᠷᠲᠥᠵᠦ᠂ ᠤᠳᠬᠠ ᠤᠴᠢᠷ ᠢᠶᠠᠨ ᠠᠯᠳᠠᠵᠤ | ᠦᠮᠡᠬᠡᠶᠢᠷᠡᠭᠰᠡᠨ ᠰᠡᠳᠬᠢᠯᠭᠡᠨ ᠤ ᠬᠤᠭ ᠬᠠᠶᠠᠭᠳᠠᠯ ᠳᠤᠮᠳᠠ ᠨᠣᠪᠰᠢᠷᠠᠨ ᠦᠯᠡᠳᠡᠬᠦ ᠨᠢ ᠬᠥᠭᠡᠷᠦᠬᠦᠶᠢᠯᠡᠯᠲᠡᠢ᠃ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠲᠠᠨ᠂ ᠰᠠᠨᠰᠠᠷᠴᠢ᠂ ᠲᠣᠭᠯᠠᠭᠴᠢ᠂ | ᠲᠠᠮᠢᠷᠴᠢᠨ᠂ ᠠᠯᠪᠠᠳᠠᠨ᠂ ᠁ ᠠᠯᠢ ᠴᠦ ᠰᠠᠯᠪᠤᠷᠢ ᠳᠤ ᠪᠤᠰᠤᠳ ᠠᠴᠠ ᠳᠠᠪᠠᠨ ᠭᠠᠷᠴᠤ ᠠᠯᠳᠠᠷ ᠢᠶᠠᠨ ᠮᠢᠯᠢᠶᠠᠯᠭᠠᠭᠰᠠᠨ ᠬᠡᠨ ᠬᠥᠮᠥᠨ ᠪᠣᠯᠪᠠᠴᠤ ᠠᠵᠢᠯ | ᠬᠥᠳᠡᠯᠮᠦᠷᠢ ᠪᠠᠷ ᠥᠪᠡᠷ ᠢ ᠪᠠᠨ ᠳᠠᠶᠢᠴᠢᠯᠠᠵᠤ᠂ ᠬᠢᠴᠢᠶᠡᠨ ᠵᠢᠳᠬᠦᠵᠦ ᠪᠠᠶᠢᠵᠤ ᠲᠡᠷᠡ ᠬᠦ ᠠᠮᠵᠢᠯᠲᠠ ᠶᠢ ᠣᠯᠣᠭᠰᠠᠨ ᠨᠢ ᠮᠠᠷᠭᠤᠰᠢ ᠦᠭᠡᠢ᠃ | ᠠᠯᠢ ᠴᠦ ᠭᠠᠵᠠᠷ ᠣᠷᠣᠨ᠂ ᠶᠠᠮᠠᠷ ᠴᠦ ᠴᠠᠭ ᠡᠷᠢᠨ ᠳᠤ ᠠᠵᠢᠯ ᠢᠶᠠᠨ ᠡᠵᠡᠨ ᠶᠣᠰᠣᠭᠠᠷ ᠰᠠᠶᠢᠨ ᠬᠢᠳᠡᠭ ᠬᠥᠳᠡᠯᠮᠦᠷᠢᠴᠢ ᠬᠥᠮᠥᠰ ᠠᠭᠠᠷ ᠤᠰᠤ ᠮᠡᠲᠦ | ᠬᠡᠷᠡᠭᠲᠡᠢ᠃ ᠤᠴᠢᠷ ᠨᠢ᠂ ︽ᠬᠥᠳᠡᠯᠮᠦᠷᠢ ᠦᠭᠡᠢ ᠪᠣᠯ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ ᠲᠠᠢ᠂ ᠴᠡᠪᠡᠷ ᠰᠠᠶᠢᠬᠠᠨ ᠠᠮᠢᠳᠤᠷᠠᠯ ᠪᠠᠶᠢᠬᠤ ᠦᠭᠡᠢ︾ ︵ᠠ·ᠠ᠊ · ᠫ᠊ · ᠴᠧᠬᠤᠸ᠋︶ | ᠪᠥᠭᠡᠳ ᠥᠪᠡᠷ ᠤᠨ ᠴᠢᠨᠢ ᠡᠮᠦᠨᠡ ᠠᠴᠠ ᠰᠤᠷᠤᠯᠴᠠᠨ᠂ ᠴᠢᠨᠦ ᠣᠷᠣᠨ ᠳᠤ ᠬᠥᠳᠡᠯᠮᠦᠷᠢᠯᠡᠵᠦ᠂ ᠴᠢᠨᠦ ᠨᠡᠷᠡ ᠪᠠᠷ ᠪᠦᠲᠦᠭᠡᠨ ᠲᠤᠭᠤᠷᠪᠢᠵᠤ ᠥᠭᠬᠦ ᠬᠥᠮᠥᠨ | ᠬᠤᠷᠸᠠ ᠳᠤ ᠦᠭᠡᠢ ᠶᠤᠮ ᠴᠢᠨᠢ᠃ ᠲᠡᠶᠢᠮᠦ ᠠᠴᠠ ᠥᠪᠡᠷ ᠤᠨ ᠬᠥᠳᠡᠯᠮᠦᠷᠢ ᠳᠡᠭᠡᠨ ᠡᠷᠡᠭᠡᠯᠵᠡᠵᠦ ᠲᠡᠭᠡᠭᠡᠨᠡᠯᠵᠡᠯ ᠦᠭᠡᠢ ᠨᠠᠶᠢᠳᠠᠨ᠂ ᠪᠣᠯᠣᠯᠴᠠᠭᠠ ᠨᠥᠭᠡᠴᠡ ᠪᠠᠨ | ᠰᠢᠪᠬᠠᠨ ᠲᠠᠶᠢᠴᠢᠯᠠᠵᠤ᠂ ᠪᠦᠲᠦᠭᠡᠯᠴᠢ ᠰᠢᠷᠭᠠᠭᠤ ᠥᠪᠡᠷ ᠤᠨ ᠢᠶᠠᠨ ᠬᠦᠴᠦ ᠪᠠᠷ ᠥᠪᠡᠷ ᠢ ᠪᠠᠨ ᠵᠣᠷᠢᠭᠵᠢᠭᠤᠯᠤᠨ ᠲᠤᠰᠠᠯᠠᠨ ᠴᠣᠭᠴᠠᠯᠠᠵᠤ᠂ ᠠᠯᠤᠰ ᠢᠷᠡᠭᠡᠳᠦᠢ ᠪᠠᠨ | ᠥᠭᠡᠳᠡᠷᠬᠡᠭ ᠢᠶᠠᠷ ᠬᠠᠷᠠᠵᠤ᠂ ᠠᠮᠢᠳᠤᠷᠠᠯ ᠢᠶᠠᠨ ᠦᠨᠡ ᠴᠠᠨᠠ ᠲᠠᠢ᠂ ᠤᠳᠬᠠ ᠲᠡᠭᠦᠯᠳᠡᠷ᠂ ᠤᠯᠪᠠᠭᠠ ᠵᠣᠯᠢ ᠲᠠᠢ᠂ ᠤᠴᠢᠷ ᠵᠥᠪ ᠠᠪᠴᠤ ᠶᠠᠪᠤᠬᠤ ᠨᠢ ᠳᠡᠭᠡᠳᠦ ᠡᠷᠬᠢᠮ | ᠠ᠋︕ | ᠠᠵᠠ ᠵᠢᠷᠭᠠᠯ ᠬᠥᠮᠥᠨ ᠪᠦᠭᠦᠨ ᠤ ᠬᠦᠷᠴᠦ ᠴᠢᠳᠠᠳᠠᠭ ᠣᠷᠣᠨ ᠵᠠᠢ ᠳᠤ ᠵᠢᠭᠤᠲᠠᠵᠤ ᠬᠤᠯᠠᠳᠠᠯ ᠦᠭᠡᠢ ᠬᠦᠯᠢᠶᠡᠵᠦ ᠪᠠᠶᠢᠳᠠᠭ᠃ ᠭᠠᠭᠴᠠ ᠬᠦ ᠲᠡᠭᠦᠨ ᠳᠤ | ᠬᠥᠳᠡᠯᠮᠦᠷᠢ ᠵᠢᠳᠬᠦᠯ ᠢᠶᠠᠷ ᠯᠡ ᠲᠡᠮᠡᠦᠯᠵᠦ ᠬᠦᠷᠬᠦ ᠳᠤ ᠪᠦᠭᠦ ᠶᠠᠭᠤᠮᠠ ᠵᠠᠮ ᠵᠠᠢ ᠲᠠᠯᠪᠢᠵᠤ ᠥᠭᠭᠦᠨᠡ᠃ ᠠᠵᠠ ᠵᠢᠷᠭᠠᠯ ᠢ ᠠᠯᠤᠰ ᠠᠴᠠ ᠬᠠᠶᠢᠳᠠᠭ ᠪᠢᠰᠢ ᠬᠠᠷᠢᠨ᠂ | ᠠᠵᠢᠯ ᠬᠥᠳᠡᠯᠮᠦᠷᠢ ᠪᠠᠷ ᠢᠶᠠᠨ ᠥᠪᠡᠷ ᠤᠨ ᠢᠶᠠᠨ ᠳᠡᠷᠭᠡᠳᠡ ᠤᠷᠭᠤᠭᠤᠯᠳᠠᠭ ᠠᠵᠢ᠃ |