ᠨᠢᠭᠡ᠂ ᠮᠣᠷᠢᠨ ᠤ ᠶᠠᠪᠤᠳᠠᠯ ᠤᠨ ᠲᠤᠬᠠᠢ | ᠮᠣᠷᠢᠨ ᠳᠤ ᠪᠠᠭᠠᠲᠠᠢ ᠮᠣᠩᠭᠤᠯᠴᠤᠳ ᠰᠠᠶᠢᠨ ᠮᠠᠭᠤ ᠮᠣᠷᠢ ᠶᠢ ᠶᠠᠪᠤᠳᠠᠯ ᠢᠶᠠᠷ ᠨᠢ ᠰᠢᠨᠵᠢᠳᠡᠭ᠃ ᠮᠣᠷᠢᠨ ᠤ ᠶᠠᠪᠤᠳᠠᠯ ᠳᠤ ᠤᠷᠠᠨ ᠶᠠᠪᠤᠳᠠᠯ᠂ ᠡᠩ ᠤᠨ ᠶᠠᠪᠤᠳᠠᠯ | ᠭᠡᠵᠦ ᠬᠤᠶᠠᠷ ᠵᠦᠢᠯ ᠪᠠᠶᠢᠵᠤ᠂ ᠤᠷᠠᠨ ᠶᠠᠪᠤᠳᠠᠯ ᠳᠤ ᠵᠢᠷᠤᠭᠠ᠂ ᠰᠠᠶᠢᠪᠤᠷ᠂ ᠬᠤᠸᠠᠷ ᠬᠠᠳᠤᠷᠢᠶᠠ ᠪᠠᠭᠲᠠᠭᠳᠠᠵᠤ᠂ ᠡᠩ ᠤᠨ ᠶᠠᠪᠤᠳᠠᠯ ᠳᠤ ᠱᠣᠭᠰᠢᠶᠠ᠂ ᠬᠠᠳᠤᠷᠢᠶᠠ᠂ | ᠳᠠᠪᠬᠢᠭᠠ᠂ ᠠᠯᠬᠤᠭᠠ᠂ ᠰᠡᠭᠡᠯᠭᠡ ᠮᠡᠲᠦ ᠪᠣᠢ᠃ | ᠵᠢᠷᠤᠭᠠ - ᠵᠢᠷᠤᠭᠠ ᠪᠣᠯ ᠮᠣᠷᠢᠨ ᠤ ᠬᠠᠮᠤᠭ ᠰᠠᠶᠢᠨ ᠶᠠᠪᠤᠳᠠᠯ ᠪᠣᠯᠣᠨᠠ᠃ ᠵᠢᠷᠤᠭᠠ ᠮᠣᠷᠢᠨ ᠤ ᠥᠷᠥᠭᠡᠯ ᠬᠤᠶᠠᠷ ᠬᠥᠯ ᠨᠢ ᠵᠡᠷᠭᠡ ᠪᠠᠷ ᠲᠤᠰᠬᠤ ᠲᠤᠯᠠ | ᠨᠢᠭᠡ ᠠᠯᠬᠤᠮ ᠳᠤ ᠬᠤᠶᠠᠷ ᠲᠤᠭᠤᠷᠠᠢ ᠶᠢᠨ ᠳᠠᠭᠤᠨ ᠭᠠᠷᠬᠤ ᠪᠥᠭᠡᠳ ᠠᠯᠬᠤᠮ ᠪᠦᠷᠢ ᠶᠢᠨ ᠵᠠᠢ ᠪᠣᠯᠣᠨ ᠲᠤᠰᠤᠯᠲᠠ ᠨᠢ ᠵᠢᠭᠳᠡ ᠪᠠᠶᠢᠳᠠᠭ ᠲᠤᠯᠠ ᠲᠤᠭᠤᠷᠠᠢ ᠶᠢᠨ | ᠳᠠᠭᠤ ᠨᠢ ᠵᠢᠭᠳᠡ ᠰᠣᠨᠣᠰᠳᠠᠬᠤ ᠮᠥᠷᠲᠡᠭᠡᠨ ᠮᠣᠷᠢᠨ ᠤ ᠨᠢᠷᠤᠭᠤ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠪᠠᠭᠠ ᠰᠠᠭᠠ ᠬᠡᠯᠪᠡᠯᠵᠡᠬᠦ ᠠᠴᠠ ᠪᠢᠰᠢ ᠳᠡᠭᠡᠭᠰᠢ ᠳᠣᠭᠤᠭᠰᠢ ᠳᠡᠮᠡᠢ ᠬᠥᠳᠡᠯᠬᠦ | ᠦᠭᠡᠢ ᠪᠠᠶᠢᠳᠠᠭ᠃ ᠳᠣᠣᠭᠤᠷ ᠵᠢᠷᠤᠭᠠ ᠪᠠᠷ ᠶᠠᠪᠤᠭᠤᠯᠬᠤ ᠳᠤ ᠮᠣᠷᠢᠨ ᠤ ᠲᠥᠷᠪᠡᠨ ᠲᠤᠭᠤᠷᠠᠢ ᠨᠢ ᠪᠠᠷᠤᠭ ᠨᠢᠭᠡ ᠰᠢᠯᠤᠭᠤᠨ ᠳᠡᠭᠡᠷᠡ ᠲᠤᠰᠤᠨᠠ᠃ ᠭᠡᠲᠡᠯᠡ | ᠰᠤᠨᠤᠮᠠ ᠵᠢᠷᠤᠭᠠ ᠪᠠᠷ ᠶᠠᠪᠤᠭᠤᠯᠬᠤ ᠳᠤ ᠲᠥᠷᠪᠡᠨ ᠲᠤᠭᠤᠷᠠᠢ ᠨᠢ ᠬᠤᠶᠠᠷ ᠰᠢᠯᠤᠭᠤᠨ ᠳᠡᠭᠡᠷᠡ ᠲᠤᠰᠤᠨᠠ᠃ ᠰᠤᠨᠤᠮᠠ ᠵᠢᠷᠤᠭᠠ ᠮᠢᠨᠦ᠋ᠲ ᠪᠦᠷᠢ ᠪᠠᠷᠤᠭ 1500 | ᠶᠠᠪᠤᠨᠠ᠃ ᠵᠢᠷᠤᠭᠠ ᠶᠠᠪᠤᠳᠠᠯ ᠳᠤ ᠳᠣᠣᠭᠤᠷ ᠵᠢᠷᠤᠭᠠ᠂ ᠲᠡᠮᠡᠭᠡᠨ ᠵᠢᠷᠤᠭᠠ᠂ ᠲᠡᠯᠢᠮ ᠵᠢᠷᠤᠭᠠ᠂ ᠤᠰᠤᠨ ᠵᠢᠷᠤᠭᠠ᠂ ᠤᠨᠠᠭᠠᠨ ᠵᠢᠷᠤᠭᠠ᠂ ᠬᠤᠨᠢᠨ ᠵᠢᠷᠤᠭᠠ᠂ ᠰᠠᠯᠭᠠ | ᠵᠢᠷᠤᠭᠠ᠂ ᠰᠤᠨᠤᠮᠠ ᠵᠢᠷᠤᠭᠠ ᠭᠡᠵᠦ ᠪᠣᠢ᠃ ᠵᠢᠷᠤᠭᠠ ᠶᠠᠪᠤᠳᠠᠯ ᠨᠢ ᠮᠣᠷᠢᠨ ᠤ ᠲᠥᠷᠪᠡᠨ ᠮᠦ᠋ᠴᠢ ᠪᠣᠯᠣᠨ ᠰᠢᠭᠢᠷᠡ ᠶᠢ ᠴᠢᠭᠢᠷᠠᠭᠵᠢᠭᠤᠯᠳᠠᠭ᠃ | ᠰᠠᠶᠢᠪᠤᠷ - ᠰᠠᠶᠢᠪᠤᠷ ᠲᠤ ᠵᠠᠮ ᠤᠨ ᠰᠠᠶᠢᠪᠤᠷ᠂ ᠳᠡᠭᠡᠭᠦᠷ ᠰᠠᠶᠢᠪᠤᠷ᠂ ᠡᠯᠭᠦᠭᠡ ᠰᠠᠶᠢᠪᠤᠷ ᠭᠡᠵᠦ ᠪᠣᠢ᠃ ᠮᠧᠲᠷ | ᠱᠣᠭᠰᠢᠶᠠ - ᠱᠣᠭᠰᠢᠶᠠ ᠪᠣᠯ ᠲᠠᠰᠢᠭᠤ ᠱᠤᠭᠤᠮ ᠢᠶᠠᠷ ᠤᠷᠢᠳᠤ ᠬᠤᠶᠢᠲᠤ ᠬᠥᠯ ᠠᠳᠠᠯᠢᠬᠠᠨ ᠤᠷᠤᠭᠰᠢᠯᠠᠵᠤ ᠬᠠᠷᠢᠯᠴᠠᠨ ᠡᠭᠡᠯᠵᠢᠯᠡᠵᠦ᠂ ᠨᠢᠭᠡ ᠠᠯᠬᠤᠮ ᠳᠤ | ᠬᠤᠶᠠᠷ ᠲᠤᠭᠤᠷᠠᠢ ᠶᠢᠨ ᠳᠠᠭᠤᠨ ᠰᠣᠨᠣᠰᠳᠠᠨᠠ᠃ ᠮᠢᠨᠦᠲ ᠪᠦᠷᠢ ᠪᠠᠷᠤᠭ 220 ᠮᠧᠳ᠋ᠷ ᠶᠠᠪᠤᠳᠠᠭ᠃ ᠱᠣᠭᠰᠢᠶᠠ ᠳᠤ ᠱᠣᠭᠰᠢᠶᠠ᠂ ᠲᠣᠭᠰᠢᠶᠠ᠂ ᠬᠠᠲᠠᠭᠤ ᠱᠣᠭᠰᠢᠶᠠ᠂ | ᠨᠣᠬᠠᠢ ᠱᠣᠭᠰᠢᠶᠠ ᠭᠡᠵᠦ ᠪᠠᠶᠢᠵᠤ᠂ ᠱᠣᠭᠰᠢᠶᠠ ᠨᠢ ᠮᠣᠷᠢᠨ ᠤ ᠪᠣᠯᠴᠢᠩ ᠶᠠᠰᠤ ᠦᠶᠡ ᠮᠥᠴᠢ ᠡᠷᠬᠡᠲᠡᠨ ᠢ ᠴᠢᠩᠭᠠᠷᠠᠭᠤᠯᠳᠠᠭ᠃ | ᠬᠠᠳᠤᠷᠢᠶᠠ - ᠬᠠᠳᠤᠷᠢᠶᠠ ᠶᠢᠨ ᠭᠢᠰᠬᠢᠬᠦ ᠨᠢ ᠱᠣᠭᠰᠢᠶᠠ ᠲᠠᠢ ᠠᠳᠠᠯᠢ᠂ ᠰᠤᠪᠤᠭᠠ ᠬᠠᠳᠤᠷᠢᠶᠠ ᠪᠣᠯ ᠬᠠᠳᠤᠷᠢᠬᠤ ᠶᠢᠨ ᠣᠷᠭᠢᠯ ᠪᠣᠯᠣᠨᠠ᠃ ᠰᠤᠪᠤᠭᠠ | ᠬᠠᠳᠤᠷᠢᠶᠠ ᠮᠣᠷᠢᠨ ᠤ ᠲᠥᠷᠪᠡᠨ ᠲᠤᠭᠤᠷᠠᠢ ᠨᠢ ᠨᠢᠭᠡ ᠰᠢᠯᠤᠭᠤᠨ ᠳᠡᠭᠡᠷᠡ ᠬᠤᠯᠠ ᠣᠶᠢᠷᠠ ᠨᠢ ᠠᠳᠠᠯᠢ ᠴᠢᠭ ᠳᠡᠭᠡᠷᠡ ᠭᠢᠰᠬᠢᠳᠡᠭ᠃ ᠡᠩ ᠤᠨ ᠪᠠᠶᠢᠳᠠᠯ ᠳᠤ | ᠬᠠᠳᠤᠷᠢᠶᠠ ᠴᠠᠭ ᠲᠤ 30 ᠰᠢᠬᠠᠮ ᠭᠠᠵᠠᠷ ᠶᠠᠪᠤᠳᠠᠭ᠃ ᠬᠠᠳᠤᠷᠢᠶᠠ ᠳᠤ ᠬᠤᠸᠠᠷ ᠬᠠᠳᠤᠷᠢᠶᠠ᠂ ᠳᠠᠶᠢᠪᠠᠭᠠ ᠬᠠᠳᠤᠷᠢᠶᠠ᠂ ᠰᠤᠪᠤᠭᠠ ᠬᠠᠳᠤᠷᠢᠶᠠ ᠭᠡᠵᠦ ᠪᠣᠢ᠃ | ᠬᠠᠳᠤᠷᠢᠶᠠ ᠨᠢ ᠮᠣᠷᠢᠨ ᠤ ᠨᠢᠷᠤᠭᠤ ᠶᠢ ᠴᠢᠭᠢᠷᠠᠭᠵᠢᠭᠤᠯᠳᠠᠭ᠃ | ᠰᠡᠭᠡᠯᠭᠡ - ᠰᠡᠭᠡᠯᠭᠡ ᠪᠣᠯ ᠬᠤᠶᠢᠲᠤ ᠬᠤᠶᠠᠷ ᠬᠥᠯ ᠤᠨ ᠬᠦᠴᠦᠨ ᠳᠡᠭᠡᠷᠡ ᠪᠡᠶᠡ ᠪᠠᠨ ᠡᠷᠭᠦᠵᠦ᠂ ᠨᠢᠭᠡ ᠠᠯᠬᠤᠮ ᠳᠤ ᠭᠤᠷᠪᠠᠨ ᠲᠤᠭᠤᠷᠠᠢ ᠶᠢᠨ ᠳᠠᠭᠤᠨ | ᠰᠣᠨᠣᠰᠳᠠᠬᠤ ᠪᠥᠭᠡᠳ ᠮᠢᠨᠦ᠋ᠲ ᠪᠦᠷᠢ 320 - 400 ᠰᠢᠬᠠᠮ ᠮᠧᠳ᠋ᠷ ᠶᠠᠪᠤᠨᠠ᠃ ᠰᠡᠭᠡᠯᠭᠡ ᠳᠤ ᠬᠠᠲᠠᠭᠤ ᠰᠡᠭᠡᠯᠭᠡ᠂ ᠨᠣᠬᠠᠢ ᠰᠡᠭᠡᠯᠭᠡ᠂ ᠭᠤᠷᠪᠠᠨ ᠬᠥᠯ ᠤᠨ | ᠰᠡᠭᠡᠯᠭᠡ ᠭᠡᠵᠦ ᠪᠠᠶᠢᠵᠤ᠂ ᠰᠡᠭᠡᠯᠭᠡ ᠨᠢ ᠮᠣᠷᠢᠨ ᠤ ᠠᠭᠤᠰᠬᠢ ᠵᠢᠷᠦᠬᠡ ᠶᠢ ᠰᠠᠶᠢᠵᠢᠷᠠᠭᠤᠯᠤᠨᠠ᠃ | ᠳᠠᠪᠬᠢᠭᠠ - ᠳᠠᠪᠬᠢᠭᠠ ᠪᠣᠯ ᠮᠣᠷᠢᠨ ᠤ ᠬᠤᠶᠢᠲᠤ ᠬᠤᠶᠠᠷ ᠬᠥᠯ ᠤᠨ ᠬᠦᠴᠦᠨ ᠳᠡᠭᠡᠷᠡ ᠴᠡᠭᠡᠵᠢᠨ ᠪᠡᠶᠡ ᠪᠠᠨ ᠡᠷᠭᠦᠵᠦ᠂ ᠡᠮᠦᠨᠡ ᠬᠤᠶᠠᠷ ᠬᠥᠯ ᠢᠶᠠᠷ ᠢᠶᠠᠨ | ᠬᠠᠮᠤᠵᠤ ᠨᠤᠮᠤᠳᠠᠬᠤ ᠬᠡᠯᠪᠡᠷᠢ ᠪᠠᠷ ᠶᠠᠪᠤᠳᠠᠭ᠃ ᠨᠢᠭᠡ ᠠᠯᠬᠤᠮ ᠳᠤ ᠬᠤᠶᠠᠷ ᠳᠠᠭᠤ ᠭᠠᠷᠳᠠᠭ᠃ ᠬᠠᠮᠤᠭ ᠬᠤᠷᠳᠤᠨ ᠳᠠᠭᠠᠨ ᠮᠢᠨᠦ᠋ᠲ ᠪᠦᠷᠢ ᠪᠠᠷᠤᠭ 1400 ᠮᠧᠳ᠋ᠷ | ᠶᠠᠪᠤᠵᠤ᠂ ᠡᠩ ᠤᠨ ᠪᠠᠶᠢᠳᠠᠯ ᠳᠣᠣᠷᠠ 5 ᠮᠢᠨᠦ᠋ᠲ ᠠᠴᠠ ᠢᠯᠡᠭᠦᠦ ᠳᠠᠪᠬᠢᠭᠤᠯᠵᠤ ᠪᠣᠯᠬᠤ ᠦᠭᠡᠢ᠃ ᠳᠠᠪᠬᠢᠭᠠ ᠨᠢ ᠤᠶᠠᠭᠠ ᠰᠤᠶᠢᠯᠠᠭᠠ ᠲᠡᠩᠴᠡᠭᠰᠡᠨ ᠦᠶᠡ ᠳᠤ | ᠳᠠᠭᠠᠭᠠᠴᠠ ᠰᠠᠶᠢᠲᠠᠢ ᠪᠠᠶᠢᠳᠠᠭ᠃ ᠳᠠᠪᠬᠢᠭᠠ ᠳᠤ ᠬᠤᠯᠠ ᠳᠠᠪᠬᠢᠭᠠ᠂ ᠬᠥᠨᠲᠥᠷᠦᠭᠡ ᠳᠠᠪᠬᠢᠭᠠ᠂ ᠵᠥᠭᠡᠯᠡᠨ ᠳᠠᠪᠬᠢᠭᠠ᠂ ᠴᠣᠴᠢᠭᠤᠷ ᠳᠠᠪᠬᠢᠭᠠ᠂ ᠰᠢᠷᠦᠭᠦᠨ ᠳᠠᠪᠬᠢᠭᠠ | ᠭᠡᠵᠦ ᠪᠣᠢ᠃ | ᠠᠯᠬᠤᠭᠠ - ᠠᠯᠬᠤᠭᠠ ᠪᠣᠯ ᠮᠣᠷᠢᠨ ᠤ ᠬᠠᠮᠤᠭ ᠠᠩᠬᠠᠨ ᠤ ᠶᠠᠪᠤᠳᠠᠯ ᠪᠣᠯᠬᠤ ᠪᠥᠭᠡᠳ ᠲᠥᠷᠪᠡᠨ ᠲᠤᠭᠤᠷᠠᠢ ᠨᠢ ᠲᠤᠰ ᠲᠤᠰ ᠲᠠᠭᠠᠨ ᠭᠠᠵᠠᠷ ᠬᠦᠷᠬᠦ | ᠲᠤᠯᠠ ᠠᠯᠬᠤᠮ ᠪᠦᠷᠢ ᠳᠤ ᠲᠥᠷᠪᠡᠨ ᠲᠤᠭᠤᠷᠠᠢ ᠶᠢᠨ ᠲᠠᠭᠤᠨ ᠭᠠᠷᠳᠠᠭ᠃ ᠠᠯᠬᠤᠭᠠ ᠳᠤ ᠬᠠᠷᠠ ᠠᠯᠬᠤᠭᠠ᠂ ᠬᠡᠯᠳᠦᠷᠢᠶᠡ ᠠᠯᠬᠤᠭᠠ᠂ ᠭᠦᠶᠦᠮᠡ ᠠᠯᠬᠤᠭᠠ᠂ | ᠲᠦᠷᠭᠡᠨ ᠠᠯᠬᠤᠭᠠ ᠭᠡᠵᠦ ᠪᠣᠢ᠃ ᠠᠯᠬᠤᠭᠠ ᠪᠣᠯ ᠮᠣᠷᠢᠨ ᠤ ᠪᠣᠯᠴᠢᠩ ᠤᠨ ᠴᠢᠳᠠᠯ ᠢ ᠨᠡᠮᠡᠭᠳᠡᠭᠦᠯᠦᠨᠡ᠃ | ᠬᠠᠷᠠᠶᠢᠯᠲᠠ - ᠬᠠᠷᠠᠶᠢᠯᠲᠠ ᠪᠣᠯ ᠮᠡᠷᠭᠡᠵᠢᠯ ᠤᠨ ᠶᠠᠪᠤᠳᠠᠯ᠃ ᠬᠠᠷᠰᠢ ᠰᠠᠭᠠᠳ ᠢ ᠲᠠᠪᠠᠨ ᠭᠡᠲᠦᠯᠬᠦ ᠦᠶᠡ ᠳᠤ ᠶᠠᠪᠤᠭᠳᠠᠳᠠᠭ᠃ ᠬᠠᠷᠠᠶᠢᠯᠲᠠ ᠪᠣᠯ ᠳᠠᠪᠬᠢᠭᠠ ᠶᠢᠨ | ᠦᠨᠳᠦᠰᠦᠨ ᠰᠠᠭᠤᠷᠢ ᠳᠡᠭᠡᠷᠡ ᠬᠤᠶᠢᠲᠤ ᠬᠥᠯ ᠢᠶᠠᠨ ᠬᠦᠴᠦᠯᠡᠨ ᠪᠡᠶᠡ ᠪᠠᠨ ᠳᠡᠭᠡᠷᠡ ᠡᠷᠭᠦᠵᠦ ᠤᠷᠢᠳᠤ ᠬᠥᠯ ᠢᠶᠠᠨ ᠤᠷᠤᠭᠰᠢ ᠡᠷᠭᠦᠨ ᠲᠠᠯᠪᠢᠬᠤ ᠠᠷᠭᠠ ᠪᠠᠷ | ᠦᠰᠦᠷᠦᠨᠡ᠃ ᠪᠣᠯᠪᠠᠰᠤᠷᠠᠯ ᠰᠠᠶᠢᠲᠠᠢ ᠮᠣᠷᠢ ᠬᠠᠷᠠᠶᠢᠯᠲᠠ ᠰᠠᠶᠢᠨ ᠪᠠᠶᠢᠳᠠᠭ᠃ ᠬᠠᠷᠠᠶᠢᠯᠲᠠ ᠳᠤ ᠥᠨᠳᠥᠷ ᠬᠠᠷᠠᠶᠢᠯᠲᠠ᠂ ᠣᠶᠢᠷᠠ ᠬᠠᠷᠠᠶᠢᠯᠲᠠ᠂ ᠬᠤᠯᠠ ᠬᠠᠷᠠᠶᠢᠯᠲᠠ | ᠭᠡᠵᠦ ᠪᠣᠢ᠃ | ᠬᠤᠶᠠᠷ᠂ ᠮᠣᠷᠢᠨ ᠤ ᠵᠢᠰᠦᠮ ᠤᠨ ᠳᠠᠭᠤᠳᠠᠯᠭᠠ | ᠰᠡᠷᠡᠯ ᠮᠣᠷᠢ - ᠴᠠᠭᠠᠨ ᠪᠤᠶᠤ ᠬᠤᠯᠢᠮᠠᠭ ᠴᠠᠭᠠᠨ ᠥᠩᠭᠡ ᠲᠠᠢ ᠮᠣᠷᠢ᠃ ᠡᠭᠦᠨ ᠳᠤ ᠬᠥᠬᠡᠪᠲᠦᠷ᠂ ᠴᠠᠭᠠᠨ ᠬᠤᠯᠢᠯᠳᠤᠭᠰᠠᠨ ᠵᠢᠰᠦᠮ ᠢ ᠴᠠᠭᠠᠨ ᠰᠡᠷᠡᠯ︔ ᠳᠤᠩ | ᠴᠠᠭᠠᠨ ᠢ ᠴᠢᠨᠳᠠᠭᠠᠨ ᠰᠡᠷᠡᠯ︔ ᠰᠤᠷ ᠨᠢ ᠴᠠᠭᠠᠨ ᠬᠠᠷᠠᠪᠲᠤᠷ ᠦᠰᠦ ᠲᠠᠢ ᠶᠢ ᠬᠠᠷᠠ ᠰᠡᠷᠡᠯ︔ ᠲᠡᠯ ᠰᠡᠭᠦᠯ ᠨᠢ ᠪᠣᠷᠣ ᠥᠩᠭᠡᠲᠡᠢ ᠰᠡᠷᠡᠯ ᠮᠣᠷᠢ ᠶᠢ ᠬᠤᠸᠠ ᠰᠡᠷᠡᠯ︔ | ᠨᠢᠳᠦ ᠨᠢ ᠴᠠᠭᠠᠨ ᠠᠮᠠ ᠬᠠᠮᠠᠷ ᠨᠢ ᠮᠢᠬᠠᠨ ᠥᠩᠭᠡᠲᠡᠢ ᠴᠠᠭᠠᠪᠲᠤᠷ ᠰᠡᠷᠡᠯ ᠢ ᠴᠢᠯᠪᠠᠩ ᠰᠡᠷᠡᠯ︔ ᠳᠡᠯ ᠰᠡᠭᠦᠯ ᠨᠢ ᠦᠨᠡᠰᠦᠨ ᠥᠩᠭᠡ ᠲᠠᠢ ᠰᠡᠷᠡᠯ ᠢ ᠬᠥᠬᠡ ᠰᠡᠷᠡᠯ︔ | ᠳᠡᠯ ᠰᠡᠭᠦᠯ ᠨᠢ ᠬᠠᠯᠢᠭᠤ ᠶᠢᠨ ᠥᠩᠭᠡ ᠲᠠᠢ ᠰᠡᠷᠡᠯ ᠢ ᠬᠠᠯᠢᠭᠤᠨ ᠰᠡᠷᠡᠯ ᠭᠡᠵᠦ ᠲᠣᠰ ᠲᠣᠰ ᠨᠡᠷᠡᠯᠡᠨᠡ᠃ | ᠬᠠᠯᠢᠭᠤᠨ ᠮᠣᠷᠢ - ᠬᠠᠯᠢᠭᠤ ᠶᠢᠨ ᠥᠩᠭᠡ ᠲᠠᠢ᠂ ᠪᠡᠶᠡ ᠨᠢ ᠬᠠᠷᠠᠪᠲᠤᠷ᠂ ᠭᠡᠳᠡᠰᠦ ᠴᠠᠪᠢ ᠶᠢᠨ ᠳᠣᠣᠭᠤᠷ ᠭᠦᠢᠬᠡᠨ ᠥᠩᠭᠡ ᠲᠠᠢ ᠮᠣᠷᠢ᠃ ᠡᠭᠦᠨ ᠳᠤ ᠶᠡᠭᠡ | ᠪᠡᠶᠡ ᠨᠢ ᠰᠢᠷᠠ ᠵᠢᠰᠦᠮ᠂ ᠭᠤᠣᠯ ᠢᠶᠠᠷ ᠢᠶᠠᠨ ᠬᠠᠷᠠ ᠶᠢ ᠰᠢᠷᠠ ᠬᠠᠯᠢᠭᠤᠨ︔ ᠰᠤᠷ ᠨᠢ ᠤᠯᠠᠭᠠᠪᠲᠤᠷ᠂ ᠦᠰᠦ ᠨᠢ ᠬᠠᠷᠠ ᠪᠤᠶᠤ ᠰᠤᠷ ᠨᠢ ᠬᠠᠷᠠ ᠦᠰᠦ ᠨᠢ | ᠤᠯᠠᠭᠠᠨ ᠢ ᠤᠯᠠᠭᠠᠨ ᠬᠠᠯᠢᠭᠤᠨ᠃ ᠪᠣᠷᠣᠪᠲᠤᠷ ᠦᠰᠦ ᠲᠠᠢ ᠬᠤᠸᠠ ᠴᠦ ᠪᠢᠰᠢ ᠵᠡᠭᠡᠷᠳᠡ ᠴᠦ ᠪᠢᠰᠢ ᠲᠡᠯ ᠰᠡᠭᠦᠯ ᠨᠢ ᠬᠠᠪ ᠬᠠᠷᠠ ᠶᠢ ᠬᠠᠷᠠ ᠬᠠᠯᠢᠭᠤᠨ︔ ᠴᠠᠭᠠᠨ | ᠦᠰᠦ ᠲᠠᠢ᠂ ᠲᠡᠯ ᠰᠡᠭᠦᠯ ᠨᠢ ᠬᠠᠯᠢᠭᠤ ᠶᠢᠨ ᠥᠩᠭᠡ ᠲᠠᠢ ᠮᠣᠷᠢ ᠶᠢ ᠴᠠᠭᠠᠨ ᠬᠠᠯᠢᠭᠤᠨ︔ ᠴᠠᠪᠢ ᠨᠢ ᠬᠠᠯᠢᠭᠤ ᠶᠢᠨ ᠥᠩᠭᠡ ᠲᠠᠢ ᠶᠢ ᠴᠠᠪᠢᠳᠠᠷ ᠬᠠᠯᠢᠭᠤᠨ ᠭᠡᠬᠦ | ᠮᠡᠲᠦ ᠪᠠᠷ ᠲᠤᠰ ᠲᠤᠰ ᠨᠡᠷᠡᠯᠡᠨᠡ᠃ | ᠰᠢᠷᠭᠠ ᠮᠣᠷᠢ - ᠬᠤᠯᠤᠰᠤᠨ ᠥᠩᠭᠡ ᠲᠠᠢ ᠰᠢᠷᠠ ᠮᠣᠷᠢ᠃ ᠪᠡᠶᠡ ᠨᠢ ᠰᠢᠷᠠ᠂ ᠲᠡᠯ ᠰᠡᠭᠦᠯ ᠨᠢ ᠴᠠᠭᠠᠨ ᠪᠤᠶᠤ ᠬᠠᠷᠠ᠃ ᠡᠭᠦᠨ ᠳᠤ ᠳᠡᠯ ᠰᠡᠭᠦᠯ ᠨᠢ ᠴᠠᠭᠠᠨ | ᠴᠠᠶᠢᠪᠤᠷ ᠰᠢᠷᠠ ᠥᠩᠭᠡ ᠲᠠᠢ ᠶᠢ ᠬᠤᠯᠤᠰᠤᠨ ᠰᠢᠷᠭᠠ︔ ᠣᠭᠤᠨᠣ ᠶᠢᠨ ᠥᠩᠭᠡ ᠲᠠᠢ ᠰᠢᠷᠠᠪᠲᠤᠷ ᠮᠣᠷᠢ ᠶᠢ ᠣᠭᠤᠨᠣ ᠶᠢᠨ ᠰᠢᠷᠭᠠ ᠭᠡᠨᠡ᠃ | ᠬᠤᠯᠠ ᠮᠣᠷᠢ - ᠪᠡᠶᠡ ᠨᠢ ᠰᠢᠷᠠ ᠬᠤᠸᠠ᠂ ᠳᠡᠯ ᠰᠡᠭᠦᠯ ᠨᠢ ᠬᠠᠷᠠᠪᠲᠤᠷ ᠬᠤᠯᠠᠨ ᠤ ᠥᠩᠭᠡ ᠲᠠᠢ ᠮᠣᠷᠢ᠃ | ᠪᠣᠷᠣ ᠮᠣᠷᠢ - ᠬᠠᠷᠠᠪᠲᠤᠷ ᠤᠯᠠᠭᠠᠨ ᠮᠣᠷᠢ᠂ ᠦᠰᠦᠨ ᠰᠤᠷ ᠨᠢ ᠪᠣᠷᠣ᠃ | ᠤᠯᠠᠭᠠᠨ ᠮᠣᠷᠢ - ᠦᠰᠦᠨ ᠳᠣᠲᠣᠷᠠ ᠨᠢ ᠤᠯᠠᠭᠠᠨ ᠲᠠᠢ ᠬᠥᠬᠡ ᠮᠣᠷᠢ᠃ ᠡᠭᠦᠨ ᠳᠤ ᠦᠰᠦᠨ ᠰᠤᠷ ᠨᠢ ᠬᠠᠷᠠ ᠪᠣᠷᠣ ᠥᠩᠭᠡ ᠲᠠᠢ ᠶᠢ ᠪᠣᠷᠣ ᠤᠯᠠᠭᠠᠨ | ᠮᠣᠷᠢ︔ ᠬᠦᠷᠡᠩ ᠤᠯᠠᠭᠠᠨ ᠵᠢᠰᠦᠮ ᠲᠠᠢ ᠶᠢ ᠴᠢᠪᠠᠭᠠᠨ ᠤᠯᠠᠭᠠᠨ ᠭᠡᠨᠡ᠃ | ᠬᠠᠷᠠ ᠮᠣᠷᠢ - ᠲᠡᠰ ᠬᠠᠷᠠ ᠥᠩᠭᠡ ᠲᠠᠢ ᠮᠣᠷᠢ᠃ ᠤᠰᠤᠨ ᠬᠠᠷᠠ ᠴᠦ ᠭᠡᠳᠡᠭ᠃ | ᠪᠤᠭᠤᠷᠤᠯ ᠮᠣᠷᠢ - ᠦᠰᠦᠨ ᠰᠤᠷ ᠨᠢ ᠴᠠᠭᠠᠪᠲᠤᠷ᠂ ᠦᠨᠡᠰᠦᠨ ᠬᠥᠬᠡ ᠥᠩᠭᠡᠨ ᠳᠤ ᠪᠣᠷᠣᠪᠲᠤᠷ ᠥᠩᠭᠡ ᠬᠤᠯᠢᠯᠳᠤᠭᠰᠠᠨ ᠮᠣᠷᠢ᠃ ᠡᠭᠦᠨ ᠳᠤ ᠴᠠᠭᠠᠨ | ᠪᠤᠭᠤᠷᠤᠯ᠂ ᠬᠥᠬᠡ ᠪᠤᠭᠤᠷᠤᠯ᠂ ᠤᠯᠠᠭᠠᠨ ᠪᠤᠭᠤᠷᠤᠯ ᠭᠡᠵᠦ ᠢᠯᠭᠠᠳᠠᠭ᠃ | ᠬᠤᠸᠠ ᠮᠣᠷᠢ - ᠲᠦᠭᠦᠬᠡᠢ ᠰᠢᠷᠠ ᠥᠩᠭᠡ ᠲᠠᠢ ᠮᠣᠷᠢ᠃ | ᠴᠣᠬᠤᠷ ᠮᠣᠷᠢ - ᠵᠢᠵᠢᠭ ᠵᠢᠵᠢᠭ ᠣᠨᠳᠣᠣ ᠥᠩᠭᠡ ᠬᠤᠯᠢᠯᠳᠤᠭᠰᠠᠨ ᠮᠣᠷᠢ᠃ ᠡᠷᠢᠶᠡᠨ ᠴᠣᠬᠤᠷ ᠢ ᠪᠠᠷᠰ ᠴᠣᠬᠤᠷ᠂ ᠲᠣᠯᠪᠤᠴᠣᠬᠤᠷ ᠢ ᠪᠤᠭᠤ ᠶᠢᠨ ᠴᠣᠬᠤᠷ | ᠭᠡᠬᠦ ᠮᠡᠲᠦᠴᠢᠯᠡᠨ ᠨᠡᠷᠡᠯᠡᠳᠡᠭ᠃ | ᠠᠯᠠᠭ ᠮᠣᠷᠢ - ᠬᠡᠰᠡᠭ ᠬᠡᠰᠡᠭ ᠣᠨᠳᠣᠣ ᠥᠩᠭᠡ ᠲᠠᠢ ᠮᠣᠷᠢ᠃ ᠡᠭᠦᠨ ᠳᠤ ᠲᠠᠰᠢᠶᠠ ᠠᠯᠠᠭ᠂ ᠰᠢᠭᠢᠷᠡ ᠠᠯᠠᠭ ᠭᠡᠬᠦ ᠮᠡᠲᠦ ᠪᠠᠶᠢᠳᠠᠭ᠃ ᠬᠥᠬᠡ ᠮᠣᠷᠢ | - ᠭᠦᠨ ᠬᠥᠬᠡ ᠥᠩᠭᠡ ᠲᠠᠢ ᠮᠣᠷᠢ᠃ ᠡᠭᠦᠨ ᠳᠤ ᠲᠡᠮᠦᠷ ᠤᠨ ᠵᠢᠪᠡ ᠮᠡᠲᠦ ᠥᠩᠭᠡ ᠲᠠᠢ ᠮᠣᠷᠢ ᠶᠢ ᠲᠡᠮᠦᠷ ᠬᠥᠬᠡ ᠪᠤᠶᠤ ᠡᠭᠦᠯᠡᠨ ᠪᠣᠷᠣ ᠭᠡᠳᠡᠭ᠃ | ᠬᠠᠯᠲᠠᠷ ᠮᠣᠷᠢ - ᠬᠠᠷᠠᠪᠲᠤᠷ ᠤᠯᠠᠭᠠᠨ ᠥᠩᠭᠡ ᠲᠠᠢ᠂ ᠠᠮᠠ᠂ ᠴᠠᠪᠢ ᠪᠤᠶᠤ ᠨᠢᠳᠦ ᠨᠢ ᠴᠠᠭᠠᠨ᠃ | ᠵᠡᠭᠡᠷᠳᠡ ᠮᠣᠷᠢ - ᠲᠡᠯ ᠰᠡᠭᠦᠯ ᠨᠢ ᠤᠯᠠᠭᠠᠨ ᠭᠦᠢᠬᠡᠨ ᠤᠯᠠᠭᠠᠨ ᠥᠩᠭᠡ ᠲᠠᠢ ᠮᠣᠷᠢ᠃ ᠡᠭᠦᠨ ᠳᠤ ᠬᠠᠯᠵᠠᠨ ᠵᠡᠭᠡᠷᠳᠡ᠂ ᠬᠦᠷᠡᠩ ᠵᠡᠭᠡᠷᠳᠡ᠂ ᠴᠢᠪᠠᠭᠠᠨ | ᠵᠡᠭᠡᠷᠳᠡ ᠭᠡᠬᠦ ᠮᠡᠲᠦᠴᠢᠯᠡᠨ ᠢᠯᠭᠠᠨᠠ᠃ | ᠬᠡᠭᠡᠷ ᠮᠣᠷᠢ - ᠴᠢᠪᠠᠭᠠᠨ ᠤᠯᠠᠭᠠᠨ ᠵᠢᠰᠦᠮ ᠤᠨ ᠲᠡᠯ ᠰᠡᠭᠦᠯ ᠨᠢ ᠬᠠᠷᠠᠪᠲᠤᠷ ᠮᠣᠷᠢ᠃ ᠡᠭᠦᠨ ᠳᠤ ᠬᠠᠯᠵᠠᠨ ᠬᠡᠭᠡᠷ᠂ ᠰᠠᠷᠠᠲᠤ ᠬᠡᠭᠡᠷ᠂ ᠬᠠᠷ ᠠ ᠬᠡᠭᠡᠷ | ᠮᠡᠲᠦᠴᠢᠯᠡᠨ ᠢᠯᠭᠠᠳᠠᠭ᠃ |