| ᠰᠠᠭᠠᠮᠠᠯ ᠰᠦ ᠶᠢ ᠪᠣᠰᠤᠭᠠ ᠸᠠᠭᠠᠷ ᠭᠠᠩ ᠳᠣᠲᠣᠷᠠ ᠬᠤᠷᠢᠶᠠᠵᠤ᠂ ᠪᠦᠷᠢᠨ ᠰᠠᠶᠢᠬᠠᠨ ᠡᠭᠡᠳᠡᠭᠰᠡᠨ ᠤ ᠳᠠᠷᠠᠭᠠ᠂ ᠰᠦ ᠪᠦᠯᠢᠬᠦ ᠬᠡᠷᠡᠭᠰᠡᠯ ᠢ ᠵᠠᠷᠤᠵᠤ | ᠲᠣᠭᠲᠠᠭᠰᠠᠨ ᠠᠷᠭᠠ ᠪᠠᠷ ᠪᠦᠯᠢᠵᠦ᠂ ᠰᠦ ᠶᠢᠨ ᠳᠡᠭᠡᠷᠡ ᠰᠠᠭᠤᠭᠰᠠᠨ ᠥᠷᠥᠮᠡ ᠶᠢ ᠪᠦᠯᠢᠭᠰᠡᠨ ᠥᠷᠥᠮᠡ ᠭᠡᠳᠡᠭ᠃ ᠥᠷᠥᠮᠡ ᠶᠢ ᠨᠢ ᠲᠤᠰᠬᠠᠢ ᠰᠠᠪᠠᠨ ᠳᠤ ᠬᠢᠵᠦ | ᠠᠪᠬᠤ ᠳᠤ ᠸᠠᠭᠠᠷ ᠳᠣᠲᠣᠷᠠ ᠦᠯᠡᠳᠡᠭᠰᠡᠨ ᠢᠰᠬᠡᠭᠰᠡᠨ ᠰᠦ ᠶᠢ ᠪᠦᠯᠢᠭᠰᠡᠨ ᠰᠦ ᠭᠡᠳᠡᠭ᠃ ᠡᠨᠡ ᠨᠢ ᠡᠭᠡᠳᠡᠭᠰᠡᠨ ᠰᠦ ᠠᠴᠠ ᠰᠢᠩᠭᠡᠨ ᠪᠠᠶᠢᠳᠠᠭ᠃ ᠤᠴᠢᠷ ᠨᠢ | ᠤᠰᠤ ᠬᠤᠯᠢᠭᠰᠠᠨ ᠰᠦ ᠪᠣᠯᠣᠨᠠ᠃ ᠪᠦᠯᠢᠭᠰᠡᠨ ᠥᠷᠥᠮᠡ ᠶᠢᠨ ᠲᠣᠰᠣ ᠭᠠᠷᠬᠤ ᠨᠣᠷᠮᠠ ᠨᠢ ᠪᠤᠰᠤᠳ ᠥᠷᠥᠮᠡ ᠠᠴᠠ ᠥᠨᠳᠥᠷ ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ | ᠪᠦᠯᠢᠭᠰᠡᠨ ᠥᠷᠥᠮᠡ ᠨᠢ ᠰᠢᠷᠠ ᠲᠣᠰᠣ ᠳ᠋ᠦᠩᠨᠡᠵᠦ ᠠᠪᠬᠤ ᠭᠤᠣᠯ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠣᠯᠳᠠᠭ᠃ | ᠪᠠᠰᠠ ᠬᠠᠳᠠᠭᠠᠯᠠᠭᠰᠠᠨ ᠰᠦ ᠪᠠᠨ ᠤᠰᠤᠨ ᠤ ᠲᠤᠩ ︵ᠤᠰᠤ ᠬᠢᠳᠡᠭ ᠲᠣᠮᠣ ᠮᠣᠳᠣᠨ ᠰᠠᠪᠠ᠂ ᠪᠠᠰᠠ ᠬᠠᠪᠴᠢ ᠭᠡᠳᠡᠭ︶ ᠳᠠᠭᠠᠨ ᠬᠢᠵᠦ᠂ ᠲᠡᠮᠡᠭᠡᠨ ᠳᠡᠭᠡᠨ | ᠲᠡᠩᠨᠡᠭᠡᠳ ︵ᠠᠴᠢᠵᠤ︶ ᠮᠠᠯ ᠳᠠᠭᠠᠨ ᠶᠠᠪᠤᠩᠭᠤᠲᠠ ᠪᠠᠨ ᠲᠡᠮᠡᠭᠡᠨ ᠤ ᠠᠯᠬᠤᠴᠠ ᠪᠠᠷ ᠰᠠᠵᠢᠯᠠᠭᠤᠯᠵᠤ ᠪᠦᠯᠢᠭᠡᠳ᠂ ᠦᠳᠡ ᠳᠤ ᠮᠠᠯ ᠠᠴᠠ ᠪᠠᠨ ᠢᠷᠡᠵᠦ ᠡᠨᠡ ᠬᠦ | ᠪᠦᠯᠢᠭᠰᠡᠨ ᠰᠦ ᠶᠢᠨ ᠥᠷᠥᠮᠡ ᠶᠢ ᠬᠠᠮᠤᠵᠤ ᠠᠪᠳᠠᠭ ᠵᠠᠩᠰᠢᠯ ᠴᠤ ᠪᠠᠶᠢᠳᠠᠭ ᠪᠢᠯᠡ᠃ | ᠰᠦ ᠪᠦᠯᠢᠬᠦ ᠭᠡᠳᠡᠭ ᠪᠣᠯ ᠥᠷᠥᠮᠡ ᠶᠢ ᠨᠢ ᠠᠪᠤᠭᠰᠠᠨ ᠦᠭᠡᠢ ᠡᠭᠡᠳᠡᠭᠦᠯᠦᠭᠰᠡᠨ ᠰᠦ ᠶᠢ ᠸᠠᠭᠠᠷ ᠭᠠᠩ ᠳᠤ ᠳᠤᠮᠳᠠᠭᠤᠷ ᠠᠴᠠ ᠳᠡᠭᠡᠭᠰᠢ ᠬᠢᠵᠦ᠂ ᠰᠦ | ᠪᠦᠯᠢᠬᠦ ᠳᠤ ᠵᠣᠷᠢᠭᠤᠯᠤᠭᠰᠠᠨ ᠳᠤᠮᠳᠠ ᠪᠠᠨ ᠨᠦᠬᠡ ᠲᠠᠢ ᠲᠠᠭᠯᠠᠭᠠ ᠪᠠᠷ ᠸᠠᠭᠠᠷ ᠠᠮᠠᠰᠠᠷ ᠢ ᠲᠠᠭᠯᠠᠵᠤ ᠪᠦᠯᠢᠭᠦᠷ ᠢᠶᠠᠷ ᠲᠣᠭᠲᠠᠭᠰᠠᠨ ᠲᠤᠭᠠ ᠲᠠᠢ ᠪᠦᠯᠢᠵᠦ | ᠬᠥᠳᠡᠯᠭᠡᠭᠡᠳ ᠥᠷᠥᠮᠡ ᠨᠢ ᠭᠦᠢᠴᠡᠳ ᠰᠠᠭᠤᠭᠰᠠᠨ ᠤ ᠳᠠᠷᠠᠭᠠ ᠥᠷᠥᠮᠡ ᠶᠢ ᠨᠢ ᠬᠠᠮᠤᠵᠤ ᠠᠪᠬᠤ ᠶᠢ ᠵᠢᠭᠠᠵᠤ ᠪᠤᠢ᠃ ᠪᠦᠯᠢᠬᠦ ᠰᠦ ᠨᠢ ᠡᠷᠬᠡᠪᠰᠢ ᠭᠦᠢᠴᠡᠳ | ᠰᠠᠶᠢᠨ ᠡᠭᠡᠳᠡᠭᠰᠡᠨ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠰᠦ ᠪᠦᠯᠢᠬᠦ ᠳᠤ ᠡᠭᠡᠳᠡᠭᠦᠯᠬᠦ᠂ ᠢᠯᠭᠠᠷᠠᠭᠤᠯᠬᠤ᠂ ᠬᠠᠯᠠᠭᠠᠬᠤ᠂ ᠪᠦᠯᠢᠬᠦ᠂ ᠥᠷᠥᠮᠡ ᠬᠠᠮᠤᠬᠤ ᠵᠡᠷᠭᠡ ᠶᠠᠪᠤᠴᠠ ᠪᠠᠶᠢᠳᠠᠭ ᠃ | ᠰᠦ ᠪᠠᠨ ᠪᠦᠯᠢᠭᠡᠳ ᠳᠡᠭᠡᠷᠡ ᠨᠢ ᠪᠤᠳᠠᠭᠠᠨ ᠤ ᠮᠥᠬᠦᠯᠢᠭ ᠮᠡᠲᠦ ᠰᠢᠷᠭᠠᠯ ᠥᠷᠥᠮᠡ ᠭᠠᠷᠴᠤ ᠢᠷᠡᠬᠦ ᠦᠶᠡ ᠳᠤ ᠰᠦ ᠪᠠᠨ ᠲᠣᠭᠤᠭᠠᠨ ᠳᠤ ᠬᠢᠵᠦ ᠵᠥᠭᠡᠯᠡᠨ | ᠭᠠᠯ ᠢᠶᠠᠷ ᠳᠤᠲᠠᠭᠤ ᠬᠠᠯᠠᠭᠠᠭᠠᠳ ︵ᠬᠤᠷᠤᠭᠤ ᠳᠦᠷᠦᠬᠦ ᠳᠤ ᠪᠠᠭ᠋ᠠᠨ ᠬᠠᠯᠠᠵᠤ ᠪᠠᠶᠢᠪᠠᠯ ᠪᠣᠯᠴᠢᠬᠠᠨᠠ︶ ᠳᠠᠬᠢᠨ ᠸᠠᠭᠠᠷ ᠲᠠᠭᠠᠨ ᠠᠭᠤᠳᠠᠯᠵᠤ ᠠᠪᠤᠭᠠᠳ ᠦᠷᠭᠦᠯᠵᠢᠯᠡᠨ | ᠪᠦᠯᠢᠭᠡᠳ ᠲᠠᠭᠯᠠᠭᠠ ᠶᠢᠨ ᠳᠡᠭᠡᠷᠡ ᠨᠢ ᠥᠷᠥᠮᠡ ᠨᠢ ᠴᠠᠯᠭᠢᠯᠠᠨ ᠭᠠᠷᠴᠤ ᠢᠷᠡᠬᠦ ᠦᠶᠡ ᠳᠤ ᠲᠠᠭᠯᠠᠭᠠ ᠶᠢ ᠠᠪᠴᠤ ᠥᠷᠥᠮᠡ ᠪᠠᠨ ᠬᠠᠮᠤᠬᠤ ᠶᠢᠨ ᠳᠠᠭᠠᠤ ᠰᠦ ᠶᠢ | ᠪᠦᠯᠢᠭᠦᠷ ᠢᠶᠠᠷ ᠢᠶᠠᠨ ᠬᠥᠩᠭᠡᠨ ᠬᠥᠳᠡᠯᠭᠡᠨ ᠭᠦᠢᠴᠡᠳ ᠰᠠᠶᠢᠨ ᠬᠠᠮᠤᠵᠤ ᠳᠠᠭᠤᠰᠬᠠᠭᠠᠳ ᠰᠠᠶ᠋ᠢ ᠪᠦᠯᠢᠭᠰᠡᠨ ᠰᠦ ᠪᠠᠨ ᠵᠠᠳᠠᠭᠠᠢ ᠠᠮᠠ ᠲᠠᠢ ᠪᠦᠳᠦᠭᠦᠨ ᠭᠠᠩ ᠳᠤ | ᠬᠢᠵᠦ ᠬᠤᠷᠢᠶᠠᠵᠤ ᠬᠦᠴᠢ ᠣᠷᠣᠭᠤᠯᠤᠨ ᠢᠰᠬᠡᠨᠡ᠃ | ᠦᠨᠢᠶᠡᠨ ᠤ ᠰᠦ ᠶᠢ ᠪᠦᠯᠢᠬᠦ ᠳᠤ ᠤᠷᠢᠳ ᠢᠶᠠᠷ ᠬᠡᠰᠡᠭ ᠪᠦᠯᠢᠭᠰᠡᠨ ᠤ ᠳᠠᠷᠠᠭᠠ ᠰᠢᠭᠤᠳ ᠲᠣᠭᠤᠭᠠᠨ ᠳᠤ ᠬᠢᠵᠦ ᠬᠠᠯᠠᠭᠠᠳᠠᠭ᠃ ᠬᠠᠷᠢᠨ ᠢᠮᠠᠭᠠᠨ ᠤ ᠰᠦ ᠶᠢ | ᠪᠣᠯ ᠲᠣᠭᠲᠠᠭᠰᠠᠨ ᠬᠡᠮᠵᠢᠶᠡ ᠲᠠᠢ ᠪᠦᠯᠢᠭᠰᠡᠨ ᠤ ᠰᠡᠭᠦᠯᠡᠷ ᠳᠡᠭᠡᠷᠡ ᠨᠢ ᠤᠰᠤ ᠪᠤᠴᠠᠯᠭᠠᠵᠤ ᠬᠢᠳᠡᠭ᠃ ᠡᠭᠦᠨ ᠢ ᠰᠦ ᠬᠢᠷᠠᠮᠠᠯᠠᠬᠤ ᠭᠡᠳᠡᠭ᠃ ᠪᠠᠰᠠ ᠬᠢᠷᠠᠮᠠ ᠬᠢᠨᠡ | ᠭᠡᠳᠡᠭ᠃ | |