| ᠰᠠᠶ᠋ᠢ ᠰᠠᠭᠠᠵᠤ ᠠᠪᠴᠢᠷᠠᠭᠰᠠᠨ ᠰᠦ ᠶᠢ ᠲᠣᠭᠤᠭᠠᠨ ᠳᠤ ᠬᠢᠵᠦ ᠵᠥᠭᠡᠯᠡᠨ ᠭᠠᠯ ᠢᠶᠠᠷ ᠪᠤᠴᠠᠯᠭᠠᠵᠤ᠂ ᠰᠠᠶᠢᠲᠤᠷ ᠰᠠᠮᠤᠷᠤᠨ ᠬᠥᠭᠡᠰᠦᠷᠡᠭᠦᠯᠦᠨᠡ᠃ ᠰᠦ ᠶᠢᠨ | ᠳᠡᠭᠡᠷᠡ ᠭᠦᠢᠴᠡᠳ ᠰᠠᠶᠢᠨ ᠬᠥᠭᠡᠰᠦ ᠰᠠᠭᠤᠭᠰᠠᠨ ᠤ ᠳᠠᠷᠠᠭᠠ ᠭᠠᠯ ᠢᠶᠠᠨ ᠠᠯᠭᠤᠷᠬᠠᠨ ᠢᠶᠠᠷ ᠵᠣᠭᠰᠣᠭᠠᠵᠤ ᠰᠦ ᠪᠠᠨ ᠬᠥᠷᠥᠭᠡᠨᠡ᠃ ᠡᠭᠦᠨ ᠢ ᠰᠦ ᠵᠠᠮᠤᠷᠤᠭᠤᠯᠭᠠ | ᠭᠡᠳᠡᠭ᠃ ᠬᠥᠭᠡᠷᠦᠭᠦᠯᠦᠭᠰᠡᠨ ᠰᠦ ᠶᠢ ᠠᠶᠠᠨᠳᠠᠭᠠᠨ ᠵᠠᠮᠤᠷᠤᠭᠠᠳ ᠤᠨ ᠲᠥᠯᠥᠭᠡ ᠲᠣᠭᠤᠭᠠᠨ ᠳᠡᠭᠡᠷᠡ ᠬᠠᠪᠬᠠᠭᠠᠰᠤ ᠪᠠᠨ ᠰᠠᠷᠠᠪᠴᠢᠯᠠᠭᠤᠯᠤᠨ ᠲᠠᠯᠪᠢᠵᠤ ᠰᠠᠯᠬᠢ | ᠣᠷᠣᠬᠤ ᠶᠢ ᠰᠡᠷᠭᠡᠶᠢᠯᠡᠨ ᠨᠥᠮᠥᠷᠢ ᠬᠢᠳᠡᠭ᠃ ᠢᠩᠭᠢᠪᠡᠯ ᠥᠷᠥᠮᠡ ᠨᠢ ᠵᠤᠵᠠᠭᠠᠨ ᠰᠠᠭᠤᠳᠠᠭ᠃ | ᠰᠦ ᠨᠢ ᠭᠦᠢᠴᠡᠳ ᠵᠠᠮᠣᠷᠴᠤ ᠬᠦᠷᠦᠭᠰᠡᠨ ᠤ ᠬᠤᠶᠢᠨᠠ ᠥᠷᠥᠮᠡ ᠶᠢ ᠨᠢ ᠠᠪᠬᠤ ᠬᠡᠷᠡᠭᠲᠡᠢ᠃ | ᠬᠥᠭᠡᠷᠦᠭᠦᠯᠦᠭᠰᠡᠨ ᠰᠦ ᠶᠢᠨ ᠥᠷᠥᠮᠡ ᠶᠢ ᠠᠪᠬᠤ ᠳᠠᠭᠠᠨ ᠬᠤᠰᠤᠭᠤᠷ ᠢᠶᠠᠷ ᠥᠷᠥᠮᠡ ᠶᠢᠨ ᠲᠣᠭᠤᠭᠠᠨ ᠳᠤ ᠨᠠᠭᠠᠯᠳᠤᠵᠤ ᠪᠠᠶᠢᠬᠤ ᠬᠡᠰᠡᠭ ᠢ | ᠲᠣᠭᠤᠷᠢᠭᠤᠯᠤᠨ ᠬᠤᠰᠤᠵᠤ ᠰᠠᠯᠭᠠᠭᠠᠳ᠂ ᠥᠷᠥᠮᠡ ᠶᠢᠨ ᠳᠤᠮᠳᠠᠭᠤᠷ ᠰᠠᠪᠠ ᠪᠤᠶᠤ ᠲᠤᠰᠬᠠᠢ ᠨᠠᠷᠢᠨ ᠮᠣᠳᠣ ᠣᠷᠣᠭᠤᠯᠵᠤ ᠬᠠᠪᠰᠤᠷᠤᠭᠤᠯᠤᠨ ᠡᠯᠭᠦᠵᠦ ᠠᠪᠤᠭᠠᠳ | ᠳᠡᠷᠡᠰᠦᠨ ᠴᠢᠭ ᠳᠡᠭᠡᠷᠡ ᠬᠥᠩᠭᠡᠨ ᠲᠠᠯᠪᠢᠵᠤ ᠰᠡᠭᠦᠳᠡᠷ ᠭᠠᠵᠠᠷ ᠬᠠᠲᠠᠭᠠᠨᠠ᠃ ᠡᠨᠡ ᠬᠦ ᠥᠷᠥᠮᠡ ᠶᠢ ᠬᠠᠲᠠᠭᠠᠭᠰᠠᠨ ᠥᠷᠥᠮᠡ ᠭᠡᠳᠡᠭ᠃ | |