| ᠪᠦᠯᠢᠭᠰᠡᠨ ᠥᠷᠥᠮᠡ᠂ ᠬᠠᠮᠤᠭᠰᠠᠨ ᠥᠷᠥᠮᠡ ᠶᠢ ᠰᠠᠪᠠᠨ ᠳᠤ ᠬᠤᠷᠢᠶᠠᠭᠠᠳ ᠨᠡᠯᠢᠶᠡᠳ ᠬᠡᠮᠵᠢᠶᠡ ᠪᠣᠯᠤᠭᠰᠠᠨ ᠦᠶᠡ ᠳᠤ ᠥᠷᠥᠮᠡ ᠶᠢ ᠲᠣᠭᠤᠭᠠᠨ ᠳᠤ ᠬᠢᠵᠦ | ᠪᠤᠴᠠᠯᠭᠠᠨᠠ᠃ ᠢᠩᠭᠢᠭᠡᠳ ᠲᠣᠭᠲᠠᠭᠰᠠᠨ ᠬᠡᠮᠵᠢᠶᠡᠨ ᠳᠤ ᠬᠦᠷᠬᠦ ᠳᠤ ᠥᠷᠥᠮᠡ ᠨᠢ ᠬᠠᠶᠢᠯᠵᠤ ᠲᠣᠰᠣ ᠨᠢ ᠲᠤᠨᠵᠤ ᠭᠠᠷᠤᠨᠠ᠃ ᠡᠨᠡ ᠬᠦ ᠲᠤᠨᠤᠭᠰᠠᠨ ᠲᠣᠰᠣ ᠶᠢ | ᠳᠠᠷᠤᠢ ᠰᠢᠷᠠ ᠲᠣᠰᠣ ᠭᠡᠳᠡᠭ᠃ ᠦᠨᠢᠶᠡᠨ ᠤ ᠨᠠᠪᠲᠠᠰᠤ ᠰᠦ ᠶᠢᠨ ᠲᠣᠰᠣ ᠪᠣᠯ ᠰᠢᠷᠭᠠᠯ ᠥᠩᠭᠡᠲᠡᠢ ᠪᠥᠭᠡᠳ ᠰᠢᠮᠡ ᠲᠡᠵᠢᠭᠡᠯ ᠢᠶᠠᠷ ᠥᠨᠳᠥᠷ ᠡᠮ ᠤᠨ ᠴᠢᠳᠠᠯ ᠲᠠᠢ | ᠲᠤᠯᠠ ᠬᠥᠮᠥᠰ ᠲᠤᠩ ᠡᠷᠬᠢᠮᠯᠡᠨ ᠠᠪᠳᠠᠭ ᠪᠢᠯᠡ᠃ ᠢᠮᠠᠭᠠ ᠪᠣᠯᠣᠨ ᠢᠩᠭᠡᠨ ᠤ ᠰᠦ ᠶᠢᠨ ᠲᠣᠰᠣ ᠪᠣᠯ ᠴᠠᠭᠠᠨ ᠥᠩᠭᠡᠲᠡᠢ ᠪᠠᠶᠢᠳᠠᠭ᠃ | ᠰᠢᠷᠠ ᠲᠣᠰᠣ ᠢᠯᠭᠠᠷᠠᠭᠤᠯᠬᠤ ᠳᠠᠭᠠᠨ᠂ ᠲᠣᠰᠣ ᠢᠯᠭᠠᠷᠠᠭᠤᠯᠬᠤ ᠪᠠᠷ ᠪᠡᠯᠡᠳᠬᠡᠭᠰᠡᠨ ᠥᠷᠥᠮᠡ ᠪᠠᠨ ᠲᠣᠭᠤᠭᠠᠨ ︵ᠭᠠᠤᠯᠢᠨ ᠲᠣᠭᠤᠭᠠ ᠬᠠᠮᠤᠭ ᠤᠨ ᠰᠠᠶᠢᠨ︶ | ᠳᠤ ᠬᠢᠵᠦ ᠵᠥᠭᠡᠯᠡᠨ ᠭᠠᠯ ᠢᠶᠠᠷ ᠪᠤᠴᠠᠯᠭᠠᠨᠠ᠃ ᠲᠣᠭᠤᠭᠠᠨ ᠳᠠᠬᠢ ᠥᠷᠥᠮᠡ ᠪᠤᠴᠠᠯᠤᠮᠠᠭᠴᠠ ᠳᠠᠷᠤᠢ ᠬᠤᠰᠤᠭᠤᠷ ᠢᠶᠠᠷ ᠲᠠᠰᠤᠷᠠᠯᠲᠠ ᠦᠭᠡᠢ ᠬᠤᠳᠬᠤᠨ | ᠬᠥᠳᠡᠯᠭᠡᠨᠡ᠃ ᠢᠩᠭᠢᠭᠡᠳ ᠥᠷᠥᠮᠡ ᠶᠢᠨ ᠳᠡᠭᠡᠷᠡ ᠨᠢ ᠰᠢᠷᠭᠠᠯ ᠬᠥᠭᠡᠰᠦ ᠭᠠᠷᠴᠤ ᠢᠷᠡᠬᠦ ᠦᠶᠡ ᠳᠤ ᠳᠡᠭᠡᠷᠡ ᠨᠢ ᠥᠷᠥᠮᠡ ᠶᠢᠨ ᠬᠡᠮᠵᠢᠶᠡ ᠶᠢ ᠦᠨᠳᠦᠰᠦᠯᠡᠨ | ᠪᠠᠭᠠ ᠬᠡᠮᠵᠢᠶᠡᠨ ᠤ ᠭᠤᠯᠢᠷ ᠪᠤᠶᠤ ᠪᠤᠳᠠᠭᠠ ᠬᠢᠵᠦ ᠦᠷᠭᠦᠯᠵᠢᠯᠡᠨ ᠪᠤᠴᠠᠯᠭᠠᠵᠤ ᠬᠤᠳᠬᠤᠨ ᠬᠥᠳᠡᠯᠭᠡᠨᠡ᠃ ᠡᠨᠡ ᠮᠡᠲᠦ ᠥᠷᠥᠮᠡ ᠶᠢ ᠪᠤᠴᠠᠯᠭᠠᠭᠰᠠᠭᠠᠷ | ᠲᠣᠭᠲᠠᠭᠰᠠᠨ ᠬᠡᠮᠵᠢᠶᠡᠨ ᠳᠤ ᠬᠦᠷᠬᠦ ᠳᠤ ᠥᠷᠥᠮᠡ ᠶᠢᠨ ᠳᠡᠭᠡᠭᠦᠷ ᠰᠢᠷᠠ ᠲᠣᠰᠣ ᠲᠤᠨᠵᠤ ᠢᠯᠭᠠᠷᠠᠨᠠ᠃ ᠡᠨᠡ ᠦᠶᠡ ᠳᠤ ᠰᠢᠷᠠ ᠲᠣᠰᠣ ᠶᠢ ᠨᠢ ᠪᠠᠭᠠ ᠰᠢᠨᠠᠭᠠ ᠪᠠᠷ | ᠰᠢᠬᠠᠵᠤ ᠲᠤᠰᠬᠠᠢ ᠰᠠᠪᠠᠨ ᠳᠤ ᠲᠤᠩᠭᠠᠨ ᠠᠪᠤᠨᠠ᠃ ᠲᠣᠰᠣ ᠶᠢ ᠨᠢ ᠭᠦᠢᠴᠡᠳ ᠰᠠᠶᠢᠨ ᠲᠤᠩᠭᠠᠵᠤ ᠠᠪᠤᠭᠠᠳ ᠦᠯᠡᠳᠡᠭᠰᠡᠨ ᠰᠢᠭᠠᠷᠤ ᠶᠢ ᠨᠢ ᠰᠠᠪᠠᠨ ᠳᠤ | ᠠᠭᠤᠳᠠᠯᠵᠤ ᠠᠪᠤᠭᠠᠳ ᠴᠠᠷᠴᠠᠭᠠᠵᠤ ᠲᠠᠯᠪᠢᠨᠠ᠃ ᠡᠨᠡ ᠬᠦ ᠥᠷᠥᠮᠡ ᠶᠢᠨ ᠰᠢᠭᠠᠷᠤ ᠶᠢ ᠤᠷᠠᠳᠴᠤᠳ ᠵᠥᠭᠡᠬᠡᠢ ︵ᠪᠠᠰᠠ ᠴᠥᠴᠥᠭᠡᠢ ᠭᠡᠨᠡ︶ ᠭᠡᠳᠡᠭ ᠃ ᠡᠭᠦᠨ ᠢ | ᠴᠠᠢ ᠳᠤ ᠬᠢᠵᠦ ᠬᠠᠭᠤᠷᠤᠭᠰᠠᠨ ᠪᠤᠳᠠᠭᠠ ᠲᠠᠢ ᠬᠤᠯᠢᠵᠤ ᠢᠳᠡᠬᠦ ᠳᠤ ᠲᠤᠩ ᠥᠪᠡᠷᠮᠢᠴᠡ ᠠᠮᠲᠠᠲᠠᠢ ᠪᠠᠶᠢᠳᠠᠭ ᠰᠠᠨ᠃ | |