| ᠮᠠᠨᠳᠤᠯ ᠠᠭᠤᠯᠠ ᠶᠢᠨ ᠠᠩ ᠠᠩᠨᠠᠯ ᠤᠨ ᠬᠠᠳᠠᠨ ᠵᠢᠷᠤᠭ ᠨᠢ ᠬᠡᠳᠦᠶᠢᠪᠡᠷ ᠬᠡᠳᠦᠨ ᠮᠢᠩᠭᠠᠨ ᠵᠢᠯ ᠤᠨ ᠰᠠᠯᠬᠢ ᠪᠣᠷᠣᠭᠠᠨ ᠤ ᠢᠳᠡᠭᠳᠡᠯ ᠢ ᠲᠤᠭᠤᠯᠤᠬᠰᠠᠨ | ᠪᠤᠯᠪᠠᠴᠤ ᠮᠥᠨ ᠬᠦ ᠢᠯᠭᠤᠮ ᠲᠣᠳᠣᠷᠬᠠᠢ ᠪᠠᠶᠢᠭᠰᠠᠭᠠᠷ᠃ ᠵᠢᠷᠤᠭᠲᠤ ᠴᠢᠯᠠᠭᠤᠨ ᠬᠠᠪᠲᠠᠰᠤ ᠨᠢ ᠳᠥᠷᠪᠡᠯᠵᠢᠨ ᠬᠡᠯᠪᠡᠷᠢᠲᠡᠢ᠂ ᠥᠷᠭᠡᠨ ᠢᠶᠠᠷ ᠢᠶᠠᠨ 108 ᠰᠠᠨᠲ᠋ᠢᠮᠧᠲᠷ᠂ | ᠥᠨᠳᠥᠷ ᠢᠶᠠᠷ ᠢᠶᠠᠨ 83 ᠰᠠᠨᠲ᠋ᠢᠮᠧᠲᠷ᠂ ᠵᠤᠵᠠᠭᠠᠨ ᠢᠶᠠᠷ ᠢᠶᠠᠨ 9 ᠰᠠᠨᠲ᠋ᠢᠮᠧᠲᠷ ᠪᠦᠬᠦᠢ ᠬᠠᠳᠠᠨ ᠳᠡᠭᠡᠷᠡ ᠪᠤᠭᠤ᠂ ᠤᠯᠠᠭᠠᠨ ᠢᠮᠠᠭᠠ᠂ ᠠᠷᠭᠠᠯᠢ᠂ ᠮᠣᠷᠢ᠂ ᠰᠢᠪᠠᠭᠤ᠂ | ᠬᠥᠮᠥᠨ ᠤ ᠳᠦᠷᠰᠦ᠂ ᠵᠢᠵᠢᠭ ᠲᠣᠭᠤᠷᠢᠭ ᠴᠡᠭ ᠪᠠ ᠵᠢᠷᠤᠭᠠᠰᠤ ᠵᠡᠷᠭᠡ 100 ᠭᠠᠷᠤᠢ ᠲᠠᠩ ᠵᠢᠷᠤᠭ ᠳᠦᠷᠰᠦ ᠪᠤᠢ᠃ | | | | | | ᠮᠠᠨᠳᠤᠯ ᠠᠭᠤᠯᠠ ᠶᠢᠨ ᠠᠩ ᠠᠩᠨᠠᠯ ᠤᠨ ᠬᠠᠳᠠᠨ ᠵᠢᠷᠤᠭ | | | | | | ᠮᠠᠨᠳᠤᠯ ᠠᠭᠤᠯᠠ ᠶᠢᠨ ᠬᠠᠳᠠᠨ ᠵᠢᠷᠤᠭ ᠬᠠᠷᠠ ᠬᠦᠷᠮᠡᠨ ᠴᠢᠯᠠᠭᠤᠨ ᠳᠡᠭᠡᠷᠡ ᠰᠡᠶᠢᠯᠦᠭᠳᠡᠵᠦ᠂ ᠴᠦᠴᠡᠳᠡᠨ ᠰᠡᠶᠢᠯᠬᠦ᠂ ᠦᠷᠦᠵᠦ ᠰᠡᠶᠢᠯᠬᠦ ᠪᠠ ᠵᠢᠷᠤᠵᠤ ᠰᠡᠶᠢᠯᠬᠦ | ᠵᠡᠷᠭᠡ ᠠᠷᠭᠠ ᠪᠠᠷᠢᠯ ᠢ ᠬᠡᠷᠡᠭᠯᠡᠵᠡᠢ᠃ | | | | | | ᠮᠠᠨᠳᠤᠯ ᠠᠭᠤᠯᠠ ᠶᠢᠨ ᠠᠩ ᠠᠩᠨᠠᠯ ᠤᠨ ᠬᠠᠳᠠᠨ ᠵᠢᠷᠤᠭ ᠲᠠᠬᠢ ᠮᠣᠷᠢᠲᠠᠨ ᠤ ᠳᠦᠷᠢ | ᠠᠯᠠᠱᠠ ᠠᠶᠢᠮᠠᠭ ᠥᠪᠥᠷ ᠮᠣᠩᠭᠤᠯ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠬᠠᠮᠤᠭ ᠤᠨ ᠪᠠᠷᠠᠭᠤᠨ ᠵᠠᠬᠠ ᠳᠤ ᠪᠠᠶᠢᠷᠢᠯᠠᠵᠤ᠂ ᠨᠤᠲᠤᠭ ᠳᠡᠪᠢᠰᠬᠡᠷ ᠥᠷᠭᠡᠨ | ᠠᠭᠤᠳᠠᠮ᠂ ᠬᠠᠳᠠᠨ ᠵᠢᠷᠤᠭ ᠤᠨ ᠡᠬᠢ ᠪᠠᠶᠠᠯᠢᠭ ᠨᠢ ᠲᠤᠭᠠ ᠬᠡᠮᠵᠢᠶᠡ ᠪᠠ ᠠᠭᠤᠯᠭᠠ ᠶᠢᠨ ᠲᠠᠯᠠ ᠪᠠᠷ ᠮᠠᠰᠢ ᠪᠠᠶᠠᠯᠢᠭ ᠪᠠᠶᠢᠳᠠᠭ᠃ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤ᠂ | ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤ᠂ ᠡᠵᠡᠨᠡ ᠬᠤᠰᠢᠭᠤᠨ ᠳᠤ ᠴᠥᠮ ᠬᠠᠳᠠᠨ ᠵᠢᠷᠤᠭ ᠢᠯᠡᠷᠡᠭᠦᠯᠵᠦ᠂ ᠬᠠᠳᠠᠨ ᠵᠢᠷᠤᠭ ᠤᠨ ᠦᠯᠡᠳᠡᠭᠳᠡᠯ ᠨᠢ ᠬᠡᠳᠦᠶᠢᠪᠡᠷ ᠪᠦᠷ ᠬᠢᠯᠢ | ᠬᠢᠵᠠᠭᠠᠷ ᠢᠶᠠᠷ ᠲᠠᠷᠬᠠᠵᠤ ᠪᠠᠶᠢᠬᠤ ᠪᠤᠯᠪᠠᠴᠤ ᠶᠡᠷᠦᠩᠬᠡᠢ ᠳᠤᠨᠢ ᠠᠪᠴᠤ ᠦᠵᠡᠪᠡᠯ ᠮᠠᠰᠢ ᠢᠯᠡᠷᠬᠡᠢ ᠲᠠᠷᠬᠠᠯᠲᠠ ᠶᠢᠨ ᠵᠢᠮᠡ ᠶᠣᠰᠣ ᠲᠠᠢ᠃ ᠠᠯᠠᠱᠠ ᠶᠢᠨ ᠬᠠᠳᠠᠨ | ᠵᠢᠷᠤᠭ ᠭᠤᠣᠯᠳᠠᠭᠤ ᠲᠠᠪᠤᠨ ᠣᠷᠣᠨ ᠪᠦᠰᠡ ᠪᠠᠷ ᠲᠠᠷᠬᠠᠵᠤ ᠪᠠᠶᠢᠳᠠᠭ᠄ ᠠᠯᠠᠱᠠ ᠠᠭᠤᠯᠠ ᠶᠢᠨ ᠪᠠᠷᠠᠭᠤᠨ ᠬᠤᠷᠮᠣᠢ ᠶᠢᠨ ᠬᠠᠳᠠᠨ ᠵᠢᠷᠤᠭ ᠤᠳ ᠲᠤ ᠲᠡᠮᠡᠭᠡᠨ ᠠᠭᠤᠯᠠ᠂ | ᠬᠦᠢᠰᠦᠨ ᠬᠤᠳᠳᠤᠭ᠂ ᠪᠡᠯᠭᠦᠳᠡᠢ ᠠᠭᠤᠯᠠ᠂ ᠬᠠᠷᠠ ᠠᠭᠤᠯᠠᠨ ᠠᠮᠠᠨ ᠤ ᠬᠠᠳᠠᠨ ᠵᠢᠷᠤᠭ ᠵᠡᠷᠭᠡ ᠪᠠᠭᠲᠠᠵᠤ ᠪᠤᠢ；ᠮᠤᠨᠢ ᠠᠭᠤᠯᠠ ᠶᠢᠨ ᠪᠠᠷᠠᠭᠤᠨ ᠬᠡᠰᠡᠭ ᠤᠨ | ᠬᠠᠳᠠᠨ ᠵᠢᠷᠤᠭ ᠤᠳ ᠲᠤ ᠤᠷᠳᠤ ᠤᠯᠠᠭᠠᠨ ᠤ ᠬᠠᠳᠠᠨ ᠵᠢᠷᠤᠭ︵ᠪᠠᠰᠠ ᠣᠯᠠᠨᠪᠤᠯᠠᠭ ᠤᠨ ᠬᠠᠳᠠᠨ ᠵᠢᠷᠤᠭ ᠭᠡᠳᠡᠭ︶᠂ ᠮᠠᠶᠢᠬᠠᠨ ᠲᠣᠯᠣᠭᠠᠢ ᠶᠢᠨ ᠬᠠᠳᠠᠨ ᠵᠢᠷᠤᠭ ᠵᠡᠷᠭᠡ | ᠪᠠᠭᠲᠠᠵᠤ ᠪᠤᠢ；ᠯᠦᠡᠭ ᠱᠧᠦ ᠱᠠᠨ ᠠᠭᠤᠯᠠ ᠶᠢᠨ ᠬᠠᠳᠠᠨ ᠵᠢᠷᠤᠭ ᠤᠳ ᠲᠤ ᠤᠳᠠᠨ ᠬᠠᠪᠴᠢᠯ᠂ ᠭᠦᠭᠡᠬᠤᠳᠳᠤᠭ᠂ ᠴᠢᠭᠳᠠᠭᠠ ᠶᠢᠨ ᠬᠠᠳᠠᠨ ᠵᠢᠷᠤᠭ ᠵᠡᠷᠭᠡ | ᠪᠠᠭᠲᠠᠵᠤ ᠪᠤᠢ；ᠶᠠᠪᠠᠷᠠᠢ ᠠᠭᠤᠯᠠ ᠶᠢᠨ ᠬᠠᠳᠠᠨ ᠵᠢᠷᠤᠭ ᠤᠳ ᠲᠤ ᠭᠦᠪ᠂ ᠡᠯᠡᠰᠦᠨ ᠬᠥᠲᠥᠯ᠂ ᠮᠠᠨᠳᠤᠯ ᠠᠭᠤᠯᠠ᠂ ᠰᠤᠬᠠᠶᠢᠰᠠᠢ ᠵᠡᠷᠭᠡ ᠬᠠᠳᠠᠨ ᠵᠢᠷᠤᠭ ᠪᠠᠭᠲᠠᠵᠤ | ᠪᠤᠢ；ᠬᠤᠶᠢᠳᠤ ᠭᠤᠪᠢ ᠶᠢᠨ ᠳᠣᠪᠣᠷᠬᠠᠭ ᠣᠷᠣᠨ ᠤ ᠬᠠᠳᠠᠨ ᠵᠢᠷᠤᠭ ᠤᠳ ᠲᠤ ᠰᠢᠲᠦᠭᠡᠨ ᠤ ᠠᠭᠤᠢ᠂ ᠪᠤᠳᠤᠷᠭᠠᠨᠠ᠂ ᠪᠢᠯᠡᠭᠦᠲᠦ ᠵᠡᠷᠭᠡ ᠬᠠᠳᠠᠨ ᠵᠢᠷᠤᠭ ᠪᠠᠭᠲᠠᠨᠠ᠃ | ᠡᠭᠦᠨ ᠳᠤ᠂ ᠪᠤᠳᠤᠭᠲᠤ ᠬᠠᠳᠠᠨ ᠵᠢᠷᠤᠭ ᠨᠢ ᠵᠥᠪᠭᠡᠨ ᠶᠠᠪᠠᠷᠠᠢ ᠠᠭᠤᠯᠠ ᠶᠢᠨ ᠣᠷᠴᠢᠮ ᠢᠶᠠᠷ ᠲᠠᠷᠬᠠᠵᠤ᠂ ᠵᠢᠷᠤᠵᠤ ᠰᠡᠶᠢᠯᠦᠭᠰᠡᠨ ᠬᠠᠳᠠᠨ ᠵᠢᠷᠤᠭ ᠨᠢ ᠠᠯᠠᠱᠠ | ᠠᠶᠢᠮᠠᠭ ᠤᠨ ᠪᠦᠭᠦ ᠬᠢᠯᠢ ᠬᠢᠵᠠᠭᠠᠷ ᠢᠶᠠᠷ ᠲᠠᠷᠬᠠᠨᠠ᠃ | ᠮᠠᠨᠳᠤᠯ ᠠᠭᠤᠯᠠ ᠶᠢᠨ ᠬᠠᠳᠠᠨ ᠵᠢᠷᠤᠭ ᠤᠨ ᠰᠦᠷᠦᠭᠵᠢᠯ ᠨᠢ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠮᠠᠨᠳᠤᠯ ᠰᠤᠮᠤᠨ ︵ᠤᠤᠯ ᠤᠨ ᠮᠥᠩᠭᠦᠨᠪᠤᠯᠠᠭ ᠰᠤᠮᠤ︶ ᠤ | ᠭᠦᠳᠡᠭᠡᠬᠤᠳᠳᠤᠭ ᠭᠠᠴᠠᠭᠠᠨ ᠤ ᠪᠠᠷᠠᠭᠤᠨ ᠡᠮᠦᠨᠡᠰᠢ 13.6 ᠺᠢᠯᠣᠮᠧᠲᠷ ᠤᠨ ᠵᠠᠶᠢᠲᠠᠢ ᠮᠠᠨᠳᠤᠯ ᠠᠭᠤᠯᠠᠨ ᠳᠤ ᠪᠠᠶᠢᠵᠤ᠂ ᠮᠠᠨᠳᠤᠯ ᠰᠤᠮᠤᠨ ᠤ ᠵᠠᠰᠠᠭ ᠤᠨ | ᠣᠷᠳᠣᠨ ᠤ ᠰᠠᠭᠤᠭᠠ ᠭᠠᠵᠠᠷ ᠠᠴᠠ ᠵᠡᠭᠦᠨ ᠡᠮᠦᠨᠡᠰᠢ 14 ᠺᠢᠯᠣᠮᠧᠲᠷ ᠵᠠᠶᠢᠲᠠᠢ᠂ ᠪᠠᠷᠠᠭᠤᠨ ᠡᠮᠦᠨᠡᠰᠢ ᠪᠠᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠰᠠᠭᠤᠭᠠ | ᠭᠠᠵᠠᠷ ᠠᠴᠠ ᠪᠠᠷᠤᠭ 200 ᠺᠢᠯᠣᠮᠧᠲᠷ ᠵᠠᠶᠢᠲᠠᠢ ᠪᠠᠶᠢᠳᠠᠭ᠃ ᠮᠠᠨᠳᠤᠯ ᠰᠤᠮᠤᠨ ᠠᠴᠠ ᠪᠠᠷᠠᠭᠤᠨᠰᠢ ᠪᠠᠷᠠᠯᠠᠬᠤ ᠳᠤ ᠲᠠᠯᠠ ᠨᠤᠲᠤᠭ ᠤᠨ ᠬᠢᠵᠠᠭᠠᠷ ᠲᠤ ᠬᠥᠬᠡᠷᠡᠨ | ᠰᠦᠨᠳᠡᠷᠯᠡᠵᠦ ᠬᠠᠷᠠᠭᠳᠠᠬᠤ ᠨᠢ ᠳᠠᠷᠤᠢ ᠮᠠᠨᠳᠤᠯ ᠠᠭᠤᠯᠠ ᠪᠣᠯᠣᠨᠠ᠃ | | | | | | ᠮᠠᠨᠳᠤᠯ ᠠᠭᠤᠯᠠ ᠨᠢ ᠶᠠᠪᠠᠷᠠᠢ ᠠᠭᠤᠯᠠ ᠶᠢᠨ ᠵᠡᠭᠦᠨ ᠡᠮᠦᠨᠡ ᠬᠡᠰᠡᠭ ᠲᠤ ᠬᠠᠷᠢᠶᠠᠯᠠᠭᠳᠠᠵᠤ᠂ ᠪᠠᠷᠠᠭᠤᠨ ᠬᠤᠶᠢᠨᠠ ᠠᠴᠠ ᠵᠡᠭᠦᠨ ᠡᠮᠦᠨᠡᠰᠢ ᠴᠢᠭᠯᠡᠯ ᠲᠠᠢ᠂ | ᠡᠮᠦᠨᠡᠭᠦᠷ ᠢᠶᠠᠨ ᠭᠤᠪᠢ ᠪᠠᠷᠠᠳᠠᠨ ᠬᠤᠶᠢᠭᠤᠷ ᠢᠶᠠᠨ ᠶᠠᠪᠠᠷᠠᠢ ᠠᠭᠤᠯᠠ ᠶᠢᠨ ᠦᠷᠭᠦᠯᠵᠢᠯᠡᠯ ᠬᠡᠰᠡᠭ ᠢ ᠲᠦᠰᠢᠵᠦ ᠪᠠᠶᠢᠳᠠᠭ᠃ ᠪᠦᠷᠢᠨ ᠪᠤᠰᠤ ᠪᠦᠷᠢᠳᠬᠡᠯ ᠢᠶᠠᠷ᠂ ᠮᠠᠨᠳᠤᠯ | ᠠᠭᠤᠯᠠᠨ ᠳᠤ ᠡᠯᠡ ᠵᠦᠢᠯ ᠤᠨ ᠳᠦᠷᠰᠦ ᠪᠠᠶᠢᠳᠠᠯ ᠲᠠᠢ ᠬᠠᠳᠠᠨ ᠵᠢᠷᠤᠭ 6000 ᠭᠠᠷᠤᠢ ᠬᠡᠰᠡᠭ ᠲᠠᠷᠬᠠᠵᠤ᠂ ᠣᠳᠣᠬᠠᠨ ᠤ ᠮᠠᠨ ᠤ ᠤᠯᠤᠰ ᠤᠨ ᠬᠠᠳᠠᠨ | ᠵᠢᠷᠤᠭ ᠤᠨ ᠲᠠᠷᠬᠠᠴᠠ ᠪᠠᠷ ᠬᠠᠮᠤᠭ ᠤᠨ ᠨᠢᠭᠲᠠ ᠭᠠᠵᠠᠷ ᠤᠨ ᠨᠢᠭᠡ ᠪᠣᠯᠣᠨᠠ᠃ ᠡᠭᠦᠨ ᠳᠤ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠪᠠᠨ 3 ᠺᠢᠯᠣᠮᠧᠲᠷ᠂ ᠡᠮᠦᠨᠡᠰᠢ ᠤᠮᠠᠷᠠᠰᠢ ᠪᠠᠨ 6 | ᠺᠢᠯᠣᠮᠧᠲᠷ ᠪᠦᠬᠦᠢ 18 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲᠷ ᠤᠨ ᠭᠤᠣᠯ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠣᠷᠣᠨ ᠳᠤ ᠳᠠᠩᠰᠠ ᠡᠪᠬᠡᠮᠡᠯ ᠪᠠᠶᠢᠭᠤᠯᠤᠭᠰᠠᠨ ᠬᠠᠳᠠᠨ ᠵᠢᠷᠤᠭ | 4234 ᠬᠡᠰᠡᠭ ᠪᠤᠢ᠃ | ᠮᠠᠨᠳᠤᠯ ᠠᠭᠤᠯᠠ ᠶᠢᠨ ᠬᠠᠳᠠᠨ ᠵᠢᠷᠤᠭ ᠨᠢ ᠮᠣᠷᠢᠨ ᠳᠡᠯ ᠰᠢᠭ ᠦᠷᠭᠦᠯᠵᠢᠯᠡᠭᠰᠡᠨ ᠬᠠᠷᠠ ᠬᠦᠷᠮᠡᠨ ᠴᠢᠯᠠᠭᠤᠳ ᠳᠡᠭᠡᠷᠡ ᠰᠡᠶᠢᠯᠦᠭᠳᠡᠵᠦ᠂ ᠴᠦᠴᠡᠳᠡᠨ ᠰᠡᠶᠢᠯᠬᠦ᠂ | ᠦᠷᠦᠵᠦ ᠰᠡᠶᠢᠯᠬᠦ ᠪᠠ ᠵᠢᠷᠤᠵᠤ ᠰᠡᠶᠢᠯᠬᠦ ᠵᠡᠷᠭᠡ ᠠᠷᠭᠠ ᠪᠠᠷᠢᠯ ᠢ ᠬᠡᠷᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ ᠬᠠᠳᠠᠨ ᠵᠢᠷᠤᠭ ᠤᠨ ᠠᠭᠤᠯᠭᠠ ᠨᠢ ᠤᠯᠠᠭᠠᠨ ᠢᠮᠠᠭᠠ᠂ ᠠᠷᠭᠠᠯᠢ᠂ ᠮᠣᠷᠢ᠂ | ᠬᠤᠯᠠᠨ᠂ ᠲᠡᠮᠡᠭᠡ᠂ ᠰᠠᠷᠯᠤᠭ᠂ ᠪᠤᠭᠤ᠂ ᠨᠣᠬᠠᠢ᠂ ᠴᠢᠨ᠋ᠸᠠ᠂ ᠪᠠᠷᠰ᠂ ᠦᠨᠡᠭᠡ᠂ ᠪᠦᠷᠭᠦᠳ᠂ ᠭᠠᠯᠠᠭᠤ ᠵᠡᠷᠭᠡ ᠠᠮᠢᠲᠠᠨ ᠵᠢᠴᠢ ᠡᠯᠳᠡᠪ ᠶᠠᠩᠵᠤ ᠶᠢᠨ ᠬᠥᠮᠥᠨ ᠤ ᠳᠦᠷᠢ | ᠲᠥᠷᠬᠦ ᠶᠢ ᠪᠠᠭᠲᠠᠭᠠᠵᠤ᠂ ᠠᠩ ᠠᠩᠨᠠᠯ᠂ ᠮᠠᠯᠵᠢᠯ᠂ ᠨᠡᠭᠦᠳᠡᠯ᠂ ᠪᠥᠵᠢᠭ᠂ ᠪᠠᠶᠢᠯᠳᠤᠭᠠᠨ ᠵᠡᠷᠭᠡ ᠠᠬᠤᠢ ᠦᠵᠡᠭᠳᠡᠯ ᠲᠠᠢ᠂ ᠪᠠᠰᠠ ᠨᠠᠷᠠ ᠰᠠᠷᠠ ᠤᠳᠤᠨ ᠮᠡᠴᠢᠳ᠂ ᠡᠪᠡᠰᠦ | ᠤᠷᠭᠤᠮᠠᠯ ᠬᠢᠭᠡᠳ ᠵᠠᠷᠢᠮ ᠡᠷᠲᠡᠨ ᠤ ᠦᠰᠦᠭ ᠪᠢᠴᠢᠭ ᠤᠨ ᠵᠢᠷᠤᠭ ᠳᠦᠷᠰᠦ ᠲᠠᠢ ᠪᠠᠶᠢᠵᠤ᠂ ᠲᠤᠭᠠ ᠬᠡᠮᠵᠢᠶᠡ ᠪᠠᠷ ᠶᠡᠭᠡ᠂ ᠲᠠᠷᠬᠠᠯᠲᠠ ᠪᠠᠷ ᠨᠢᠭᠲᠠ᠂ ᠠᠭᠤᠯᠭᠠ ᠪᠠᠷ | ᠪᠠᠶᠠᠯᠢᠭ᠂ ᠰᠲ᠋ᠢᠯᠢ ᠨᠢ ᠤᠯᠠᠨ᠂ ᠵᠢᠷᠤᠭ ᠳᠦᠷᠰᠦ ᠨᠢ ᠲᠣᠳᠣᠷᠬᠠᠢ᠂ ᠤᠷᠠᠯᠠᠬᠤᠢ ᠨᠢ ᠤᠭᠢ ᠰᠢᠯᠢᠳᠡᠭ ᠪᠠᠶᠢᠳᠠᠭ ᠢᠶᠠᠷ ᠮᠠᠰᠢ ᠥᠨᠳᠥᠷ ᠤᠷᠠᠯᠢᠭ ᠤᠨ ᠦᠨᠡ ᠦᠷᠳᠡᠭ | ᠪᠣᠯᠣᠨ ᠲᠡᠦᠬᠡᠨ ᠰᠤᠳᠤᠯᠭᠠᠨ ᠤ ᠦᠷᠳᠡᠭ ᠲᠠᠢ᠂ ᠴᠢᠨᠠᠭᠰᠢᠯᠠᠨ︽ᠮᠠᠨᠳᠤᠯ ᠠᠭᠤᠯᠠ ᠶᠢᠨ ᠬᠠᠳᠠᠨ ᠵᠢᠷᠤᠭ ᠤᠨ ᠬᠤᠩᠭᠢᠯ︾᠂ ︽ᠤᠷᠠᠨ ᠵᠢᠷᠤᠭ ᠤᠨ ᠶᠢᠷᠲᠢᠨᠴᠦ ᠶᠢᠨ | ᠠᠮᠢᠳᠤ ᠴᠢᠯᠠᠭᠤᠵᠢᠮᠠᠯ︾ ᠬᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠪᠠᠶᠢᠳᠠᠭ᠃ | ᠮᠠᠨᠳᠤᠯ ᠠᠭᠤᠯᠠ ᠶᠢᠨ ᠠᠩ ᠠᠩᠨᠠᠯ ᠤᠨ ᠬᠠᠳᠠᠨ ᠵᠢᠷᠤᠭ ᠪᠣᠯ ᠥᠪᠥᠷ ᠮᠣᠩᠭᠤᠯ ᠤᠨ ᠮᠦᠽᠧᠢ ᠶᠢᠨ ᠴᠤᠭᠯᠠᠭᠤᠯᠤᠨ ᠬᠠᠳᠠᠭᠠᠯᠠᠵᠤ ᠪᠠᠶᠢᠭᠠ ᠬᠠᠳᠠᠨ | ᠵᠢᠷᠤᠭ ᠤᠨ ᠨᠢᠭᠡ ᠨᠢ ᠶᠤᠮ᠃ ᠮᠠᠨᠳᠤᠯ ᠠᠭᠤᠯᠠ ᠶᠢᠨ ᠪᠠᠷᠠᠭᠤᠨ ᠬᠡᠰᠡᠭ ᠲᠤ ᠣᠪᠣᠭᠠᠲᠤ ᠭᠡᠰᠡᠨ ᠭᠠᠵᠠᠷ ᠪᠤᠢ᠃ ᠡᠨᠡ ᠭᠠᠵᠠᠷ ᠤᠨ ᠪᠠᠶᠢᠴᠠ ᠨᠢ ᠥᠨᠳᠥᠷ᠂ ᠬᠠᠳᠠᠨ | ᠵᠢᠷᠤᠭ ᠨᠢᠭᠲᠠ ᠮᠥᠷᠲᠡᠭᠡᠨ ᠲᠥᠯᠥᠭᠡᠯᠡᠬᠦ ᠴᠢᠨᠠᠷᠲᠠᠢ ᠭᠤᠶᠤ ᠰᠠᠶᠢᠬᠠᠨ ᠬᠠᠳᠠᠨ ᠵᠢᠷᠤᠭ ᠤᠳ ᠤᠨ ᠣᠯᠠᠩᠬᠢ ᠶᠢ ᠨᠢ ᠡᠡ᠊ᠨᠳᠡ ᠠᠴᠠ ᠢᠯᠡᠷᠡᠭᠦᠯᠦᠭᠰᠡᠨ ᠶᠤᠮ᠃ | ᠮᠠᠨᠳᠤᠯ ᠠᠭᠤᠯᠠ ᠶᠢᠨ ᠠᠩ ᠠᠩᠨᠠᠯ ᠤᠨ ᠬᠠᠳᠠᠨ ᠵᠢᠷᠤᠭ ᠨᠢ ᠠᠭᠤᠯᠠᠨ ᠤ ᠡᠩᠭᠡᠷ ᠲᠠᠯᠠ ᠳᠤ ᠪᠠᠶᠢᠷᠢᠯᠠᠵᠤ᠂ ᠡᠮᠦᠨᠡᠰᠢ ᠬᠠᠨᠳᠤᠭᠰᠠᠨ ᠭᠥᠯᠢᠭᠡᠷ ᠲᠡᠭᠰᠢᠬᠡᠨ ᠬᠠᠳᠠ ᠨᠢ | ᠬᠡᠳᠦᠨ ᠮᠢᠩᠭᠠᠨ ᠵᠢᠯ ᠤᠨ ᠰᠠᠯᠬᠢ ᠪᠣᠷᠣᠭᠠᠨ ᠤ ᠢᠳᠡᠭᠳᠡᠯ ᠢ ᠲᠤᠭᠤᠯᠤᠬᠰᠠᠨ ᠪᠤᠯᠪᠠᠴᠤ ᠰᠡᠶᠢᠯᠵᠤ ᠵᠢᠷᠤᠭᠰᠠᠨ ᠵᠢᠷᠤᠭ ᠳᠦᠷᠰᠦ ᠨᠢ ᠮᠥᠨ ᠬᠦ ᠢᠯᠭᠤᠮ ᠲᠣᠳᠣᠷᠬᠠᠢ | ᠪᠠᠶᠢᠭᠰᠠᠭᠠᠷ᠃ ᠬᠠᠳᠠᠨ ᠵᠢᠷᠤᠭ ᠢ ᠰᠡᠶᠢᠯᠦᠭᠰᠡᠨ ᠵᠢᠷᠤᠭᠲᠤ ᠴᠢᠯᠠᠭᠤᠨ ᠬᠠᠪᠲᠠᠰᠤ ᠨᠢ ᠳᠥᠷᠪᠡᠯᠵᠢᠨ ᠬᠡᠯᠪᠡᠷᠢᠲᠡᠢ᠂ ᠥᠷᠭᠡᠨ ᠢᠶᠠᠷ ᠢᠶᠠᠨ 108 ᠰᠠᠨᠲ᠋ᠢᠮᠧᠲᠷ᠂ | ᠥᠨᠳᠥᠷ ᠢᠶᠠᠷ ᠢᠶᠠᠨ 83 ᠰᠠᠨᠲ᠋ᠢᠮᠧᠲᠷ᠂ ᠵᠤᠵᠠᠭᠠᠨ ᠢᠶᠠᠷ ᠢᠶᠠᠨ 9 ᠰᠠᠨᠲ᠋ᠢᠮᠧᠲᠷ ᠪᠠᠶᠢᠵᠤ᠂ ᠬᠠᠳᠠᠨ ᠳᠡᠭᠡᠷᠡ ᠪᠤᠭᠤ᠂ ᠤᠯᠠᠭᠠᠨ ᠢᠮᠠᠭᠠ᠂ ᠠᠷᠭᠠᠯᠢ᠂ ᠮᠣᠷᠢ᠂ ᠰᠢᠪᠠᠭᠤ᠂ | ᠬᠥᠮᠥᠨ ᠤ ᠳᠦᠷᠰᠦ᠂ ᠵᠢᠵᠢᠭ ᠲᠣᠭᠤᠷᠢᠭ ᠴᠡᠭ ᠪᠠ ᠵᠢᠷᠤᠭᠠᠰᠤ ᠵᠡᠷᠭᠡ 100 ᠭᠠᠷᠤᠢ ᠲᠠᠩ ᠵᠢᠷᠤᠭ ᠳᠦᠷᠰᠦ ᠪᠤᠢ᠃ ᠵᠢᠷᠤᠭ ᠤᠨ ᠪᠦᠲᠦᠴᠡ ᠠᠴᠠ ᠦᠵᠡᠪᠡᠯ᠂ | ᠵᠢᠷᠤᠭ ᠰᠡᠶᠢᠯᠦᠮᠡᠯ ᠤᠯᠠᠨ ᠪᠥᠭᠡᠳ ᠨᠢᠭᠲᠠ᠂ ᠳᠤᠰ ᠳᠤᠰ ᠤᠨ ᠳᠦᠷᠰᠦᠯᠢᠭ ᠴᠢᠨᠠᠷ ᠢᠶᠠᠷ ᠨᠡᠯᠢᠶᠡᠳ ᠴᠢᠩᠭᠠ ᠪᠠᠶᠢᠵᠤ᠂ ᠲᠤᠬᠠᠢ ᠶᠢᠨ ᠣᠷᠣᠨ ᠤ ᠡᠷᠲᠡᠨ ᠤ | ᠬᠥᠮᠥᠰ ᠤᠨ ᠮᠠᠯᠵᠢᠯ ᠪᠣᠯᠣᠨ ᠠᠩᠨᠠᠯ ᠠᠮᠢᠳᠤᠷᠠᠯ ᠤᠨ ᠠᠬᠤᠢ ᠪᠠᠶᠢᠳᠠᠯ ᠢ ᠲᠤᠰᠬᠠᠭᠰᠠᠨ ᠪᠠᠶᠢᠨᠠ᠃ | ᠠᠮᠢᠲᠠᠨ ᠭᠥᠷᠥᠭᠡᠰᠦ ᠪᠣᠯ ᠳᠤᠮᠳᠠᠳᠤ ᠤᠯᠤᠰ ᠤᠨ ᠤᠮᠠᠷᠠᠲᠤ ᠶᠢᠨ ᠰᠢᠰᠲ᠋ᠧᠮ ᠤᠨ ᠬᠠᠳᠠᠨ ᠵᠢᠷᠤᠭ ᠴᠢᠨᠠᠭᠰᠢᠯᠠᠪᠠᠯ ᠳᠡᠯᠡᠬᠡᠢ ᠶᠢᠨ ᠬᠠᠳᠠᠨ ᠵᠢᠷᠤᠭ ᠤᠨ ᠭᠤᠣᠯ | ᠢᠯᠡᠷᠡᠭᠦᠯᠬᠦ ᠠᠭᠤᠯᠭᠠ ᠪᠣᠯᠵᠤ᠂ ᠮᠠᠨᠳᠤᠯ ᠠᠭᠤᠯᠠ ᠶᠢᠨ ᠠᠩ ᠠᠩᠨᠠᠯ ᠤᠨ ᠬᠠᠳᠠᠨ ᠵᠢᠷᠤᠭ ᠲᠤ ᠮᠠᠰᠢ ᠣᠯᠠᠨ ᠪᠤᠭᠤ᠂ ᠤᠯᠠᠭᠠᠨ ᠢᠮᠠᠭᠠ᠂ ᠠᠷᠭᠠᠯᠢ᠂ ᠮᠣᠷᠢ ᠵᠡᠷᠭᠡ | ᠡᠪᠡᠰᠦᠨ ᠲᠡᠵᠢᠭᠡᠯᠲᠦ ᠠᠮᠢᠲᠠᠨ ᠵᠢᠴᠢ ᠬᠠᠷᠴᠠᠭᠠᠢ ᠶᠢᠨ ᠲᠥᠷᠥᠯ ᠤᠨ ᠰᠢᠪᠠᠭᠤᠨ ᠳᠦᠷᠰᠦ ᠰᠡᠶᠢᠯᠵᠤ ᠵᠢᠷᠤᠭᠰᠠᠨ ᠪᠠᠶᠢᠳᠠᠭ᠃ ᠪᠤᠭᠤ ᠠᠴᠠ ᠪᠤᠰᠤᠳ ᠵᠢᠷᠤᠭ ᠲᠤ | ᠬᠤᠨᠢᠨ ᠤ ᠳᠦᠷᠰᠦ ᠶᠢ ᠰᠡᠶᠢᠯᠵᠤ᠂ ᠣᠨᠴᠠᠯᠢᠭ ᠨᠢ ᠤᠯᠠᠭᠠᠨ ᠢᠮᠠᠭᠠ ᠠᠴᠠ ᠢᠯᠭᠠᠭᠠ ᠲᠠᠢ᠂ ᠨᠠᠩ ᠴᠤ ᠠᠷᠭᠠᠯᠢ ᠲᠠᠢ ᠠᠳᠠᠯᠢ ᠪᠠᠶᠢᠳᠠᠭ᠃ ᠮᠠᠨᠳᠤᠯ ᠠᠭᠤᠯᠠ ᠶᠢᠨ | ᠬᠠᠳᠠᠨ ᠵᠢᠷᠤᠭ ᠲᠤ ᠪᠠᠶᠢᠳᠠᠭ ᠮᠠᠰᠢ ᠤᠯᠠᠨ ᠰᠢᠪᠠᠭᠤᠳ ᠤᠨ ᠳᠦᠷᠰᠦ ᠶᠢ ᠡᠷᠳᠡᠮᠲᠡᠨ ᠰᠤᠳᠤᠯᠭᠠᠲᠠᠳ ᠶᠡᠷᠦᠨᠢ ︽ᠲᠠᠯᠠ ᠶᠢᠨ ᠪᠦᠷᠭᠦᠳ︾ ᠬᠡᠮᠡᠳᠡᠭ᠃ | | | | | | ᠮᠠᠨᠳᠤᠯ ᠠᠭᠤᠯᠠ ᠶᠢᠨ ᠠᠩ ᠠᠩᠨᠠᠯ ᠤᠨ ᠬᠠᠳᠠᠨ ᠵᠢᠷᠤᠭ ᠲᠤ ᠰᠡᠶᠢᠯᠦᠭᠰᠡᠨ ᠮᠣᠷᠢᠲᠠᠨ ᠤ ᠬᠡᠪ ᠨᠠᠮᠪᠠ ᠲᠤᠩ ᠤᠨᠴᠠᠭᠠᠢ ᠪᠠᠶᠢᠵᠤ᠂ ᠪᠤᠰᠤᠳ ᠮᠣᠷᠢᠲᠠᠳ ᠢ | ᠪᠦᠷ ᠪᠦᠬᠦᠯᠢ ᠴᠣᠭᠴᠠ ᠪᠠᠷ ᠰᠡᠶᠢᠯᠵᠦ ᠵᠢᠷᠤᠭᠰᠠᠨ ᠪᠣᠯ᠂ ᠵᠦᠪᠭᠡᠨ ᠳᠤᠮᠳᠠ ᠨᠢ ᠪᠠᠶᠢᠭᠠ ᠡᠨᠡ ᠶᠢ ᠨᠢ ᠵᠠᠯᠭᠠᠯᠳᠤᠭᠰᠠᠨ ᠳᠤᠭᠤᠢ ᠴᠡᠭ ᠢᠶᠠᠷ ᠮᠣᠷᠢᠲᠠᠨ ᠤ ᠳᠦᠷᠢ ᠶᠢ | ᠢᠯᠡᠷᠡᠭᠦᠯᠵᠦ᠂ ᠭᠠᠷ ᠲᠠᠭᠠᠨ ᠲᠠᠰᠢᠭᠤᠷ ᠪᠠᠷᠢᠭᠰᠠᠨ ᠮᠠᠶ᠋ᠢᠭᠲᠠᠢ᠂ ᠮᠣᠷᠢᠨ ᠤ ᠨᠢᠷᠤᠭᠤᠨ ᠳᠡᠭᠡᠷᠡ︵ᠬᠥᠮᠥᠨ ᠤ ᠪᠡᠶᠡ ᠶᠢᠨ ᠬᠤᠶᠠᠷ ᠲᠠᠯᠠ︶ ᠨᠢ ᠵᠢᠷᠤᠭᠠᠰᠤ ᠪᠠᠷ ᠡᠮᠡᠭᠡᠯ ᠤᠨ | ᠡᠮᠦᠨᠡ ᠬᠤᠶᠢᠨᠠ ᠪᠦᠭᠦᠷᠭᠡ ᠶᠢ ᠭᠠᠷᠭᠠᠭᠰᠠᠨ ᠪᠠᠶᠢᠳᠠᠭ᠃ ᠬᠠᠳᠠᠨ ᠤ ᠵᠡᠭᠦᠨ ᠲᠠᠯᠠ ᠳᠠᠬᠢ ᠭᠠᠷ ᠲᠠᠭᠠᠨ ᠨᠤᠮᠤ ᠰᠤᠮᠤ ᠪᠠᠷᠢᠭᠰᠠᠨ ᠮᠣᠷᠢᠲᠠᠨ ᠤ ᠵᠢᠷᠤᠭ ᠳᠡᠭᠡᠷᠡ | ᠪᠠᠰᠠ ᠡᠮᠡᠭᠡᠯ ᠵᠢᠷᠤᠭᠰᠠᠨ ᠠᠴᠠ ᠦᠵᠡᠪᠡᠯ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠡᠮᠡᠭᠡᠯ ᠨᠢ ᠨᠢᠭᠡᠨᠲᠡ ᠲᠦᠭᠡᠮᠡᠯ ᠪᠣᠯᠵᠠᠢ᠃ ᠮᠣᠷᠢᠲᠠᠨ ᠪᠤᠶᠤ ᠪᠤᠭᠤ ᠣᠨᠣᠭᠰᠠᠨ ᠬᠥᠮᠥᠨ ᠤ | ᠵᠢᠷᠤᠭ ᠳᠡᠭᠡᠷᠡ ᠪᠦᠷ ᠲᠦᠷᠦᠭᠡ ᠬᠠᠷᠠᠭᠳᠠᠬᠤ ᠦᠭᠡᠢ ᠲᠤᠯᠠ ᠲᠤᠰ ᠬᠠᠳᠠᠨ ᠵᠢᠷᠤᠭ ᠢ ᠪᠦᠲᠦᠭᠡᠬᠦ ᠦᠶᠡ ᠳᠤ ᠲᠦᠷᠦᠭᠡ ᠭᠠᠷᠤᠭᠠᠳᠤᠢ ᠠᠵᠢ᠃ | ᠵᠢᠷᠤᠭ ᠲᠠᠬᠢ ᠨᠤᠮᠤ ᠰᠤᠮᠤ ᠶᠢ ᠦᠵᠡᠬᠦ ᠳᠤ ᠬᠤᠷᠴᠠ ᠦᠵᠦᠭᠦᠷ ᠲᠠᠢ ᠪᠠᠭᠠᠵᠢ ᠪᠠᠷ ᠰᠡᠶᠢᠯᠦᠭᠰᠡᠨ ᠨᠢ ᠢᠯᠡᠷᠬᠡᠢ ᠪᠥᠭᠡᠳ ᠨᠤᠮᠤ ᠰᠤᠮᠤ ᠨᠢ ᠨᠡᠯᠢᠶᠡᠳ | ᠣᠬᠤᠷ᠂ ᠪᠤᠭᠤ ᠪᠣᠯᠣᠨ ᠢᠮᠠᠭᠠ ᠵᠡᠷᠭᠡ ᠶᠢ ᠠᠪᠠᠯᠠᠬᠤ ᠦᠶᠡ ᠶᠢᠨ ᠵᠢᠷᠤᠭ ᠳᠦᠷᠰᠦ ᠪᠠᠷ ᠭᠤᠣᠯᠯᠠᠭᠰᠠᠨ ᠪᠠᠶᠢᠳᠠᠭ᠃ ᠪᠤᠭᠤ ᠣᠨᠣᠭᠰᠠᠨ ᠬᠥᠮᠥᠨ ᠤ ᠵᠢᠷᠤᠭ ᠲᠤ᠂ | ᠪᠤᠭᠤ ᠶᠢᠨ ᠬᠡᠪᠡᠯᠢ ᠳᠣᠣᠷᠠ ᠨᠢ ᠨᠦᠷᠡ ᠪᠠᠶᠢᠬᠤ ᠰᠢᠭ᠋ ᠪᠤᠯᠪᠠᠴᠤ ᠪᠤᠭᠤ ᠶᠢᠨ ᠡᠮᠦᠨᠡ ᠲᠠᠯᠠ ᠳᠤᠨᠢ ᠬᠠᠷᠢᠨ ᠨᠤᠮᠤ ᠪᠠᠷᠢᠨ ᠠᠪᠠᠯᠠᠵᠤ ᠪᠠᠶᠢᠬᠤ ᠬᠥᠮᠥᠨ ᠤ ᠳᠦᠷᠰᠦ | ᠪᠤᠢ᠃ ᠰᠡᠶᠢᠯᠦᠮᠡᠯ ᠵᠢᠷᠤᠭ ᠤᠨ ᠠᠭᠤᠯᠭᠠ ᠨᠢ ᠬᠠᠷᠢᠯᠴᠠᠨ ᠵᠥᠷᠢᠴᠡᠯ ᠲᠠᠢ᠂ ᠠᠩᠴᠢᠨ ᠥᠪᠡᠷ ᠤᠨ ᠤᠨᠤᠵᠤ ᠪᠠᠶᠢᠭᠠ ᠪᠤᠭᠤ ᠪᠠᠨ ᠠᠩᠨᠠᠬᠤ ᠪᠣᠯᠣᠮᠵᠢ ᠦᠭᠡᠢ᠃ | ᠡᠭᠦᠨ ᠠᠴᠠ ᠦᠵᠡᠪᠡᠯ᠂ ᠲᠤᠰ ᠬᠠᠲᠠᠨ ᠵᠢᠷᠤᠭ ᠳᠡᠭᠡᠷᠡᠬᠢ ᠵᠢᠷᠤᠭ ᠳᠦᠷᠰᠦ ᠨᠢ ᠤᠷᠲᠤ ᠤᠳᠠᠭᠠᠨ ᠴᠠᠭ ᠬᠤᠭᠤᠴᠠᠭᠠᠨ ᠳᠤ ᠠᠳᠠᠯᠢ ᠪᠤᠰᠤ ᠬᠥᠮᠥᠰ ᠰᠡᠶᠢᠯᠵᠦ | ᠵᠢᠷᠤᠵᠤ ᠪᠦᠲᠦᠭᠡᠭᠰᠡᠨ ᠪᠣᠯᠣᠮᠵᠢ ᠲᠠᠢ᠃ ᠲᠡᠭᠦᠨᠴᠢᠯᠡᠨ ᠰᠡᠭᠦᠯᠡᠷᠬᠢ ᠨᠢ ᠬᠠᠳᠠᠨ ᠵᠢᠷᠤᠭ ᠰᠡᠶᠢᠯᠬᠦ ᠦᠶᠡ ᠳᠡᠭᠡᠨ ᠲᠤᠰᠬᠠᠶᠢᠯᠠᠨ ᠵᠢᠷᠤᠭ ᠤᠨ ᠵᠠᠢ ᠵᠠᠪᠰᠠᠷ ᠲᠤᠨᠢ | ᠵᠢᠷᠤᠭᠰᠠᠨ ᠠᠴᠠ ᠪᠢᠰᠢ᠂ ᠤᠭ ᠵᠢᠷᠤᠭ ᠳᠦᠷᠰᠦ ᠶᠢ ᠨᠢ ᠡᠪᠳᠡᠭᠰᠡᠨ ᠦᠭᠡᠢ ᠶᠤᠮ᠃ | | | | | | 1986 ᠣᠨ ᠤ ᠨᠠᠮᠤᠷ᠂ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠲᠡᠦᠬᠡᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰ ᠢ ᠬᠠᠮᠠᠭᠠᠯᠠᠬᠤ ᠥᠷᠲᠡᠭᠡ ᠶᠢᠨ ᠪᠠᠶᠠᠨᠳᠠᠯᠠᠢ ᠪᠣᠯᠣᠨ ᠠᠯᠠᠱᠠ | ᠠᠶᠢᠮᠠᠭ ᠤᠨ ᠲᠡᠦᠬᠡᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰ ᠢ ᠬᠠᠮᠠᠭᠠᠯᠠᠬᠤ ᠥᠷᠲᠡᠭᠡ ᠶᠢᠨ ᠪᠠᠭᠠᠨᠠ ᠪᠦᠭᠦ ᠤᠯᠤᠰ ᠤᠨ ᠬᠤᠶᠠᠳᠤᠭᠠᠷ ᠤᠳᠠᠭᠠᠨ ᠤ ᠲᠡᠦᠬᠡᠨ ᠳᠤᠷᠠᠰᠬᠠᠯᠲᠤ | ᠵᠦᠢᠯᠡᠰ ᠤᠨ ᠨᠡᠶᠢᠳᠡᠮ ᠪᠠᠶᠢᠴᠠᠭᠠᠯᠲᠠ ᠳᠤᠮᠳᠠ ᠮᠠᠨᠳᠤᠯ ᠠᠭᠤᠯᠠ ᠶᠢᠨ ᠬᠠᠳᠠᠨ ᠵᠢᠷᠤᠭ ᠢ ᠢᠯᠡᠷᠡᠭᠦᠯᠪᠡ᠃ ᠲᠤᠰ ᠬᠠᠳᠠᠨ ᠵᠢᠷᠤᠭ ᠤᠨ ᠰᠦᠷᠦᠭᠵᠢᠯ ᠢ 1996 | ᠣᠨ ᠳᠤ ᠥᠪᠥᠷ ᠮᠣᠩᠭᠤᠯ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠳᠡᠰ ᠤᠨ ᠲᠡᠦᠬᠡᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰ ᠢ ᠬᠠᠮᠠᠭᠠᠯᠠᠬᠤ ᠨᠢᠭᠡᠴᠢ ᠪᠠᠷ ᠲᠣᠭᠲᠠᠭᠠᠵᠤ᠂ 2013 | ᠣᠨ ᠳᠤ ᠲᠥᠷᠥ ᠶᠢᠨ ᠶᠠᠪᠤᠳᠠᠯ ᠤᠨ ᠬᠤᠷᠢᠶᠠᠨ ᠠᠴᠠ ᠪᠦᠭᠦ ᠤᠯᠤᠰ ᠤᠨ ᠭᠤᠣᠯᠳᠠᠯᠭᠠᠲᠤ ᠲᠡᠦᠬᠡᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰ ᠢ ᠬᠠᠮᠠᠭᠠᠯᠠᠬᠤ ᠨᠢᠭᠡᠴᠢ ᠪᠠᠷ | ᠲᠣᠭᠲᠠᠭᠠᠭᠳᠠᠪᠠ᠃ | | |