| ᠮᠣᠩᠭᠤᠯᠴᠤᠳ ᠡᠷᠲᠡ ᠦᠶᠡ ᠳᠤ ᠠᠪᠤ ᠡᠵᠢ ᠦᠭᠡᠢ ᠪᠣᠯᠤᠭᠰᠠᠨ ᠪᠣᠯ ᠬᠦᠨᠳᠦᠳᠬᠡᠯ ᠦᠭᠡ ᠪᠠᠷ ︽ᠪᠤᠷᠬᠠᠨ︾ ᠪᠣᠯᠪᠠ ᠭᠡᠳᠡᠭ᠃ ᠬᠠᠭᠠᠳ ᠨᠣᠶᠠᠳ ᠦᠭᠡᠢ | ᠪᠣᠯᠤᠭᠰᠠᠨ ᠪᠣᠯ ᠬᠦᠨᠳᠦᠳᠬᠡᠯ ᠦᠭᠡ ᠪᠠᠷ ᠲᠠᠭᠠᠯᠠᠯ ᠲᠡᠭᠦᠰᠪᠡ ᠭᠡᠳᠡᠭ᠃ ᠭᠡᠭᠡᠨ ᠬᠤᠪᠢᠯᠭᠠᠨ ᠨᠠᠰᠤ ᠪᠠᠷᠠᠭᠰᠠᠨ ᠪᠣᠯ ᠬᠦᠨᠳᠦᠳᠬᠡᠯ ᠦᠭᠡ ᠪᠠᠷ ᠨᠢᠷᠸᠠᠨ ᠳᠦᠷᠢ | ᠦᠵᠡᠭᠦᠯᠪᠡ ᠭᠡᠳᠡᠭ ᠪᠠᠶᠢᠵᠠᠢ᠃ ᠬᠠᠷᠢᠨ ︽ᠦᠬᠦᠪᠡ︾ ᠭᠡᠵᠦ ᠬᠡᠯᠡᠬᠦ ᠶᠢ ᠡᠷᠡᠰ ᠴᠡᠭᠡᠷᠯᠡᠭᠰᠡᠭᠡᠷ ᠢᠷᠡᠵᠡᠢ᠃ | ᠮᠣᠩᠭᠤᠯᠴᠤᠳ ᠨᠠᠰᠤᠲᠠᠨ ᠪᠤᠭᠤᠷᠤᠯᠴᠤᠳ ᠢ ︽ᠥᠨᠳᠥᠷ ᠨᠠᠰᠤ ᠵᠣᠭᠤᠭᠯᠠᠪᠠ︾᠂ ︽ᠥᠨᠳᠥᠷ ᠨᠠᠰᠤᠨ ᠪᠤᠶᠠᠨ ᠬᠦᠷᠲᠡᠯᠡ︾ ᠭᠡᠳᠡᠭ᠃ ᠬᠠᠷᠢᠨ ᠥᠨᠳᠥᠷ | ᠨᠠᠰᠤᠯᠠᠪᠠ ᠭᠡᠵᠦ ᠬᠡᠯᠡᠬᠦ ᠶᠢ ᠴᠡᠭᠡᠷᠯᠡᠵᠦ ᠪᠠᠶᠢᠵᠠᠢ᠃ ᠥᠨᠳᠥᠷ ᠨᠠᠰᠤᠯᠠᠭᠰᠠᠨ ᠬᠥᠮᠥᠨ ᠢ ︽ᠥᠨᠳᠥᠷ ᠨᠠᠰᠤ ᠬᠦᠷᠲᠡᠯᠡ︾ ᠭᠡᠳᠡᠭ ᠨᠢ ︽ᠨᠠᠰᠤᠯᠠᠪᠠ︾ ᠭᠡᠵᠦ ᠬᠡᠯᠡᠬᠦ ᠠᠴᠠ | ᠵᠠᠶᠢᠯᠠᠰᠬᠢᠭ᠍ᠰᠡᠨ ᠤᠴᠢᠷ ᠪᠣᠯᠬᠤ ᠶᠤᠮ᠃ ᠵᠠᠷᠢᠮ ᠨᠤᠲᠤᠭ ᠲᠤ ᠥᠨᠳᠥᠷ ᠨᠠᠰᠤᠲᠠᠨ ᠬᠥᠮᠥᠰ ᠦᠨᠡᠨ ᠨᠠᠰᠤ ᠪᠠᠨ ᠶᠡᠷᠦ ᠠᠴᠠ ᠬᠡᠯᠡᠳᠡᠭ ᠦᠭᠡᠢ ᠵᠠᠩᠰᠢᠯ ᠲᠠᠢ᠂ ᠵᠠᠷᠢᠮ | ᠨᠤᠲᠤᠭ ᠲᠤ ᠨᠠᠰᠤᠲᠠᠨ ᠬᠥᠮᠥᠰ ᠢ ︽ᠥᠲᠡᠯᠦᠯᠡ︾ ᠭᠡᠵᠦ ᠬᠡᠯᠡᠪᠡᠯ ᠶᠡᠬᠡᠯᠡ ᠡᠪ ᠦᠭᠡᠶᠢᠷᠡᠵᠦ ᠳᠤᠷᠠ ᠦᠭᠡᠶᠢᠴᠡᠳᠡᠭ ᠶᠤᠮ᠃ ᠬᠠᠷᠢᠨ ᠢᠳᠡᠷ ᠨᠠᠰᠤᠨ ᠳᠠᠭᠠᠨ ᠶᠠᠪᠤᠵᠤ | ᠪᠠᠶᠢᠨᠠ ᠭᠡᠪᠡᠯ ᠶᠡᠬᠡᠯᠡ ᠪᠠᠶᠠᠷᠯᠠᠳᠠᠭ ᠵᠠᠩᠰᠢᠯ ᠲᠠᠢ᠃ ᠮᠥᠨᠴᠦ ᠤᠨᠲᠠᠬᠤ ᠬᠡᠪᠲᠡᠬᠦ ᠶᠢ ᠤᠭ ᠦᠭᠡ ᠪᠠᠷ ᠨᠢ ᠬᠡᠯᠡᠬᠦ ᠦᠭᠡᠢ ᠵᠠᠩᠰᠢᠯ ᠲᠠᠢ᠃ ᠬᠠᠷᠢᠨ ︽ᠨᠣᠶᠢᠷᠰᠤᠬᠤ︾᠂ | ︽ᠠᠮᠠᠷᠠᠬᠤ︾᠂ ︽ᠵᠢᠷᠭᠠᠬᠤ︾᠂ ︽ᠬᠠᠵᠠᠭᠤᠯᠠᠬᠤ︾ ᠭᠡᠵᠦ ᠬᠦᠨᠳᠦᠳᠬᠡᠯ ᠲᠠᠢ ᠶᠠᠷᠢᠳᠠᠭ᠃ ᠴᠠᠢ ᠤᠤᠭᠤ᠂ ᠬᠤᠭᠤᠯᠠ ᠢᠳᠡ ᠭᠡᠵᠦ ᠣᠯᠠᠩᠬᠢ ᠳᠠᠭᠠᠨ ᠬᠡᠯᠡᠳᠡᠭ ᠦᠭᠡᠢ᠃ | ᠬᠠᠷᠢᠨ ︽ᠴᠠᠢ ᠬᠤᠭᠤᠯᠠ ᠵᠣᠭᠤᠭᠯᠠ︾ ᠭᠡᠵᠦ ᠶᠠᠷᠢᠳᠠᠭ᠃ ᠢᠳᠡᠯᠡ ᠰᠢᠦ᠂ ᠤᠤᠭᠤᠯᠠ ᠰᠢᠦ ᠭᠡᠬᠦ ᠦᠭᠡ ᠶᠢ ︽ᠬᠦᠷᠲᠡᠪᠡ᠂ ᠬᠦᠷᠲᠡᠴᠢᠬᠡᠯᠡ︾᠂ ︽ᠵᠣᠭᠤᠭᠯᠠᠯᠠ︾ ᠭᠡᠵᠦ | ᠬᠦᠨᠳᠦᠳᠬᠡᠨ ᠬᠡᠯᠡᠳᠡᠭ ᠶᠣᠰᠣ ᠲᠠᠢ᠃ ᠨᠠᠰᠤ ᠪᠠᠷᠠᠭᠰᠠᠨ ᠬᠥᠮᠥᠨ ᠤ ᠬᠡᠭᠦᠷ ᠢ ᠲᠦᠯᠡᠬᠦ ᠰᠢᠲᠠᠭᠠᠬᠤ ᠭᠡᠵᠦ ᠬᠡᠯᠡᠬᠦ ᠶᠢ ᠴᠡᠭᠡᠷᠯᠡᠵᠦ ᠣᠯᠠᠩᠬᠢ ᠳᠠᠭᠠᠨ ︽ᠬᠠᠶᠢᠯᠭᠠᠬᠤ︾᠂ | ︽ᠳᠡᠭᠳᠡᠭᠡᠬᠦ︾ ᠭᠡᠵᠦ ᠬᠦᠨᠳᠦᠳᠬᠡᠨ ᠶᠠᠷᠢᠳᠠᠭ᠃ ᠬᠠᠮᠲᠤ ᠶᠠᠪᠤᠬᠤ᠂ ᠬᠠᠮᠲᠤ ᠪᠠᠶᠢᠬᠤ᠂ ᠳᠠᠭᠠᠵᠤ ᠶᠠᠪᠤᠬᠤ ᠶᠢ ᠬᠦᠨᠳᠦᠳᠬᠡᠨ ︽ᠪᠠᠷᠠ ᠪᠣᠯᠬᠤ︾ ᠭᠡᠵᠦ ᠶᠠᠷᠢᠳᠠᠭ᠃ ᠮᠠᠮᠠ | ᠨᠠᠷ ᠲᠤ ᠬᠤᠭᠤᠯᠠ ᠤᠮᠳᠠ ᠪᠠᠷᠢᠬᠤ ᠳᠠᠭᠠᠨ ︽ᠮᠠᠩᠵᠠ᠂ ᠴᠠᠪ︾ ᠭᠡᠵᠦ ᠬᠦᠨᠳᠦᠳᠬᠡᠨ ᠶᠠᠷᠢᠳᠠᠭ᠃ ᠤᠴᠠᠷᠠᠨ ᠵᠣᠯᠭᠠᠵᠤ ᠰᠠᠯᠤᠯᠴᠠᠬᠤ ᠦᠶᠡᠰ ︽ᠬᠠᠮᠤᠭ ᠰᠡᠭᠦᠯ ᠤᠨ | ᠤᠳᠠᠭᠠ ᠨᠢᠭᠤᠷ ᠤᠴᠠᠷᠠᠯᠠ︾᠂ ︽ᠡᠴᠦᠰ ᠤᠨ ᠤᠳᠠᠭᠠ ᠵᠣᠯᠭᠠᠯᠠ︾ ᠭᠡᠬᠦ ᠦᠭᠡᠰ ᠢ ᠴᠡᠭᠡᠷᠯᠡᠳᠡᠭ᠃ ᠶᠠᠷᠢᠶᠠ ᠢᠯᠡᠳᠬᠡᠯ ᠬᠢᠭᠰᠡᠨ ᠴᠤ ︽ᠬᠠᠮᠤᠭ ᠰᠡᠭᠦᠯ ᠳᠤᠨᠢ︾᠂ | ︽ᠡᠴᠦᠰ ᠲᠤᠨᠢ︾ ᠭᠡᠵᠦ ᠶᠠᠷᠢᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠮᠣᠩᠭᠤᠯ ᠬᠥᠮᠥᠨ ︽ᠦᠬᠦᠬᠦ︾ ᠪᠠ ︽ᠦᠭᠡᠢ︾ ᠶᠢ ᠴᠡᠭᠡᠷᠯᠡᠳᠡᠭ᠃ ᠡᠷᠲᠡᠨ ᠤ ᠦᠭᠡᠨ ᠳᠤ ︽ᠡᠳᠦᠷ ᠤᠨ ᠭᠤᠷᠪᠠ | ᠦᠬᠦᠬᠦ ᠶᠢ ᠬᠡᠯᠡᠳᠡᠭ ᠦᠭᠡᠢ᠃ ᠡᠳᠦᠷ ᠤᠨ ᠭᠤᠷᠪᠠ ᠦᠭᠡᠢ ᠶᠢ ᠶᠠᠷᠢᠳᠠᠭ ᠦᠭᠡᠢ︾ ᠭᠡᠳᠡᠭ ᠵᠦᠢᠷ ᠦᠭᠡ ᠪᠠᠶᠢᠳᠠᠭ᠃ ᠠᠷᠢᠬᠢ ᠶᠢ ᠰᠢᠭᠤᠳ ᠨᠡᠷᠡ ᠶᠢ ᠨᠢ ᠬᠡᠯᠡᠬᠦ ᠶᠢ | ᠴᠡᠭᠡᠷᠯᠡᠵᠦ ︽ᠰᠠᠷᠬᠤᠳ︾ ᠭᠡᠵᠦ ᠬᠦᠨᠳᠦᠳᠬᠡᠨ ᠶᠠᠷᠢᠳᠠᠭ᠃ | ᠮᠣᠩᠭᠤᠯᠴᠤᠳ ᠤᠨ ᠡᠳᠦᠷ ᠲᠤᠲᠤᠮ ᠤᠨ ᠦᠭᠡ ᠶᠠᠷᠢᠶᠠ᠂ ᠦᠢᠯᠡ ᠬᠥᠳᠡᠯᠭᠡᠭᠡᠨ ᠤ ᠳᠤᠮᠳᠠ ᠬᠡᠯᠡᠵᠦ ᠬᠡᠷᠡᠭᠯᠡᠵᠦ ᠪᠠᠶᠢᠳᠠᠭ ᠪᠣᠯᠪᠠᠴᠤ ᠣᠳᠣᠬᠠᠨ ᠳᠤ | ᠵᠢᠷᠤᠮᠯᠠᠳᠠᠭ᠂ ᠬᠡᠷᠡᠭᠯᠡᠳᠡᠭ ᠬᠥᠮᠥᠰ ᠬᠤᠪᠣᠷᠳᠠᠭᠠᠳ᠂ ᠰᠡᠳᠬᠢᠬᠦᠢ ᠡᠭᠡᠳᠡᠷᠡᠵᠦ᠂ ᠬᠡᠯᠡ ᠶᠠᠳᠠᠭᠤᠷᠠᠵᠤ᠂ ᠬᠤᠯᠢᠮᠠᠭ ᠬᠡᠯᠡ ᠣᠯᠠᠰᠢᠷᠠᠵᠤ᠂ ᠮᠣᠩᠭᠤᠯ ᠵᠠᠩ ᠳᠠᠳᠬᠠᠯ | ᠢᠪᠴᠤᠷᠠᠵᠤ ᠪᠠᠶᠢᠭᠠ ᠨᠢ ᠲᠤᠶᠢᠯ ᠤᠨ ᠬᠠᠷᠠᠮᠰᠠᠯᠲᠠᠢ ᠰᠠᠨᠠᠭᠳᠠᠨᠠ᠃ | |