| ᠫᠠᠷᠢᠰ ᠤᠨ ᠣᠯᠢᠮᠫᠢᠺ ᠤᠨ ᠲᠠᠮᠢᠷ ᠤᠨ ᠴᠤᠭᠯᠠᠭᠠᠨ ᠲᠦᠷᠦᠭᠦᠬᠡᠨ ᠪᠣᠯᠵᠤ ᠥᠩᠭᠡᠷᠡᠭᠰᠡᠨ ᠪᠤᠯᠪᠠᠴᠤ ᠰᠦᠯᠳᠡ ᠤᠯᠠᠭᠠᠨ ᠲᠤᠭ ᠢᠶᠠᠨ ᠲᠡᠷᠢᠭᠦᠨ ᠳᠡᠭᠡᠷᠡ ᠪᠠᠨ | ᠡᠷᠭᠦᠵᠦ᠂ ᠲᠠᠯᠠᠪᠠᠢ ᠲᠣᠭᠤᠷᠢᠨ ᠢᠯᠠᠯᠲᠠ ᠪᠠᠨ ᠪᠡᠯᠭᠡᠯᠡᠵᠦ ᠪᠠᠶᠢᠭᠠ ᠠᠭᠤᠤ ᠡᠬᠡ ᠤᠯᠤᠰ ᠤᠨ ᠮᠢᠨᠢ ᠡᠷᠡᠯᠬᠡᠭ ᠨᠢᠭᠡᠨ ᠥᠬᠢᠨ ᠰᠡᠳᠬᠢᠯ ᠤᠨ ᠬᠥᠪᠴᠢ ᠶᠢ | ᠳᠣᠷᠭᠢᠭᠤᠯᠤᠭᠰᠠᠭᠠᠷ ᠪᠠᠶᠢᠯᠠ᠃ ᠨᠢᠵᠢᠭᠢᠨᠡᠲᠡᠯᠡ ᠠᠯᠠᠭᠠ ᠲᠠᠰᠢᠬᠤ ᠦᠵᠡᠭᠴᠢ ᠲᠦᠮᠡᠨ ᠳᠡᠭᠡᠨ ᠪᠠᠶᠠᠷ ᠲᠠᠯᠠᠷᠬᠠᠯ ᠢᠶᠠᠨ ᠳᠡᠪᠰᠢᠭᠦᠯᠵᠦ ᠪᠠᠶᠢᠭᠠ ᠲᠠᠮᠢᠷᠴᠢᠨ ᠥᠬᠢᠨ ᠤ | ᠵᠢᠪᠬᠤᠭᠠ ᠲᠡᠭᠦᠯᠳᠡᠷ ᠠᠯᠬᠤᠭᠠ ᠶᠢ ᠬᠠᠷᠠᠬᠤ ᠠᠴᠠ ᠡᠨᠡᠬᠡᠨ ᠶᠢᠷᠲᠢᠨᠴᠦ ᠳᠤ ᠬᠥᠮᠥᠨ ᠪᠣᠯᠵᠤ ᠲᠥᠷᠥᠭᠡᠳ ᠡᠬᠡ ᠤᠯᠤᠰ ᠤᠨ ᠢᠶᠠᠨ ᠥᠩᠭᠡ ᠭᠡᠷᠡᠯ ᠢ ᠳᠡᠯᠡᠬᠡᠢ ᠶᠢᠨ | ᠲᠠᠶᠢᠰᠠᠨᠠ ᠮᠠᠨᠳᠤᠭᠤᠯᠬᠤ ᠠᠴᠠ ᠥᠭᠡᠷᠡ ᠶᠠᠮᠠᠷᠬᠠᠨ ᠶᠡᠭᠡ ᠢᠷᠠᠭᠤ ᠠᠯᠳᠠᠷ ᠪᠠᠶᠢᠬᠤ ᠪᠤᠢ ᠳ᠋ᠠ ᠬᠡᠮᠡᠨ ᠠᠬᠢᠨ ᠲᠠᠭᠢᠠ ᠳᠣᠭᠳᠣᠯᠵᠤ ᠯᠡ ᠶᠠᠪᠤᠭᠰᠠᠨ ᠠ᠋᠃ | ᠳᠡᠯᠡᠬᠡᠢ ᠶᠢᠨ ᠲᠣᠣᠷ ᠪᠥᠮᠪᠦᠭᠡ ᠶᠢᠨ ᠲᠡᠦᠬᠡᠨ ᠳᠤ ᠠᠽᠢᠶᠠ ᠶᠢᠨ ᠠᠩᠬᠠᠨ ᠤ ᠲᠡᠷᠢᠭᠦᠨ ᠪᠣᠯᠤᠭᠰᠠᠨ ᠲᠤᠮᠳᠠᠳᠤ ᠶᠢᠨ ᠵᠧᠩ ᠰᠢᠨ ᠸᠧᠨ ᠥᠬᠢᠨ ᠮᠢᠲᠠᠷᠠᠰᠢ | ᠦᠭᠡᠢ ᠬᠠᠯᠠᠭᠤᠨ ᠵᠣᠷᠢᠭ᠂ ᠤᠷᠠᠨ ᠰᠠᠮᠪᠠᠭᠠ᠂ ᠤᠬᠠᠭᠠᠯᠢᠭ ᠮᠡᠷᠭᠡᠵᠢᠯ ᠢᠶᠠᠷ ᠬᠦᠴᠦᠷᠬᠡᠭ ᠡᠲᠡᠭᠡᠳ ᠢᠶᠠᠨ ᠮᠣᠬᠤᠭᠠᠨ ᠢᠯᠠᠵᠤ᠂ ᠡᠬᠡ ᠤᠯᠤᠰ ᠤᠨ ᠢᠶᠠᠨ ᠢᠯᠠᠭᠳᠠᠰᠢ | ᠦᠭᠡᠢ ᠰᠦᠷ ᠬᠦᠴᠦᠨ ᠢ ᠲᠦᠮᠡᠨ ᠳᠤ ᠲᠤᠩᠬᠠᠭᠯᠠᠵᠠᠢ᠃ ᠲᠥᠷᠤ ᠭᠦᠷᠥᠠ ᠤ ᠪᠠᠨ ᠥᠩᠭᠡ ᠭᠡᠷᠡᠯ᠂ ᠢᠷᠠᠭᠤ ᠠᠯᠳᠠᠷ ᠢ ᠲᠥᠯᠥᠭᠡᠯᠡᠵᠦ ᠪᠠᠶᠢᠭᠠ ᠡᠶᠢᠮᠦᠷᠬᠦᠦ | ᠣᠮᠣᠭᠲᠤ ᠥᠬᠢᠳ ᠵᠣᠷᠢᠭᠲᠤ ᠬᠥᠪᠡᠭᠦᠳ ᠣᠯᠢᠮᠫᠢᠺ ᠤᠨ ᠥᠨᠳᠥᠷ ᠲᠠᠶᠢᠰᠠᠨ ᠳᠡᠭᠡᠷᠡ ᠠᠯᠳᠠ ᠮᠥᠩᠭᠦᠨ ᠮᠧᠳᠠᠯ ᠢ ᠪᠡᠶᠡ ᠮᠡᠬᠦᠶᠢᠨ ᠲᠤᠰᠬᠤ ᠪᠦᠷᠢ ᠲᠠᠪᠤᠨ | ᠣᠳᠣᠲᠤ ᠤᠯᠠᠭᠠᠨ ᠲᠤᠭ ᠬᠠᠷᠢ ᠶᠢᠨ ᠠᠭᠠᠷ ᠳᠡᠭᠡᠷᠡ ᠣᠮᠣᠭᠲᠠᠶᠢᠬᠠᠨ ᠨᠠᠮᠢᠷᠠᠵᠤ᠂ ᠤᠯᠤᠰ ᠤᠨ ᠰᠦᠯᠳᠡ ᠳᠠᠭᠤᠤ ᠶᠢᠨ ᠵᠢᠪᠬᠤᠯᠠᠩᠲᠤ ᠡᠭᠡᠰᠢᠭ ᠬᠤᠷᠸᠠ ᠶᠢᠨ | ᠰᠣᠨᠣᠷ ᠲᠤ ᠴᠤᠤᠷᠢᠶᠠᠲᠤᠨᠠ᠃ | ᠬᠦᠴᠦᠷᠬᠡᠭ ᠲᠥᠷᠤ ᠮᠠᠨᠢ ᠬᠠᠨ ᠳᠡᠯᠡᠬᠡᠢ ᠶᠢᠨ ᠡᠩᠨᠡᠭᠡᠨ ᠳᠤ ᠬᠤᠰᠢᠭᠤᠷᠠᠨ ᠴᠣᠯᠭᠤᠷᠠᠵᠠᠢ᠃ ᠬᠠᠷᠠᠬᠤ ᠦᠭᠡᠢ ᠤᠤ᠂ ᠣᠯᠢᠮᠫᠢᠺ ᠤᠨ ᠲᠠᠶᠢᠰᠠᠨ ᠳᠡᠭᠡᠷᠡ | ᠭᠠᠳᠠᠭᠠᠳᠤ ᠶᠢᠨ ᠲᠠᠭᠤᠴᠢᠳ ᠭᠦᠷᠳᠡᠯᠡ ᠲᠤᠮᠳᠠᠳᠤ ᠶᠢᠨ ᠳᠠᠭᠤᠤ ᠶᠢ ᠤᠷᠮᠠ ᠲᠡᠭᠦᠯᠳᠡᠷ ᠳᠠᠭᠤᠯᠠᠵᠠᠭᠠᠨ᠂ ᠰᠣᠶᠣᠯ ᠤᠨ ᠭᠠᠶᠢᠬᠠᠮᠰᠢᠭ ᠢ ᠪᠦᠲᠦᠭᠡᠭᠰᠡᠨ ᠲᠠᠮᠢᠷ | ᠤᠷᠠᠯᠢᠭ ᠢ ᠨᠢ ᠪᠢᠰᠢᠷᠡᠨ ᠪᠠᠭ᠋ᠠᠳᠤᠵᠤ ᠪᠤᠢ᠃ ᠰᠠᠨᠰᠠᠷ ᠠᠴᠠ ᠴᠠᠭᠢᠯᠤᠠ ᠪᠠᠭᠤᠬᠤ ᠰᠠᠮᠪᠠᠭᠠᠲᠤ ᠴᠣᠯᠭᠢᠨ ᠴᠠᠬᠤᠯᠠᠢ ᠮᠡᠲᠦ ᠪᠠᠷ ᠤᠰᠤᠠ ᠲᠦᠰᠦᠷᠭᠡ ᠨᠢᠭᠤᠵᠤ | ᠴᠢᠳᠠᠳᠠᠭ ᠠᠪᠢᠶᠠᠰᠯᠢᠭ ᠬᠥᠭᠡᠷᠦᠬᠦᠨ ᠴᠢᠤᠸᠠᠨ ᠬᠤᠩ ᠴᠠᠨ ᠥᠬᠢᠨ ᠴᠤ ᠰᠦᠯᠵᠢᠶᠡᠨ ᠬᠡᠷᠡᠯᠳᠦ ᠤᠳᠤᠠ ᠪᠣᠯᠵᠤ ᠪᠤᠢ᠃ ᠭᠦᠶᠦᠯᠲᠡ ᠶᠢᠨ ᠱᠤᠭᠤᠮ ᠳᠡᠭᠡᠭᠦᠷ | ᠪᠤᠯᠴᠢᠩ ᠰᠢᠷᠪᠦᠰᠦ ᠵᠠᠩᠭᠢᠷᠠᠭᠤᠯᠤᠨ᠂ ᠲᠥᠪᠥᠩᠬᠡᠢ ᠭᠦᠳᠦᠯᠵᠡᠭᠦᠯᠦᠨ ᠲᠡᠮᠡᠴᠡᠭᠡ ᠲᠡᠳᠡᠭᠡᠷ ᠲᠠᠮᠢᠷᠴᠢᠳ ᠮᠠᠨᠢ ᠴᠤ ︽ᠡᠬᠡ ᠤᠯᠤᠰ︾ ᠬᠡᠮᠡᠬᠦ ᠬᠤᠶᠠᠷᠬᠠᠨ ᠦᠭᠡᠨ ᠠᠴᠠ | ᠡᠷᠴᠢ ᠡᠨᠧᠷᠭᠢ ᠠᠪᠤᠨ ᠡᠷᠡᠯᠬᠡᠭ ᠪᠦᠷᠭᠦᠳ ᠮᠡᠲᠦ ᠳᠡᠭᠦᠯᠢᠵᠦ ᠪᠤᠢ᠃ | ᠭᠠᠭᠴᠠ ᠲᠠᠮᠢᠷ ᠤᠷᠠᠯᠢᠭ ᠴᠤ ᠪᠢᠰᠢ᠂ ᠠᠵᠤ ᠠᠬᠤᠢ᠂ ᠰᠢᠨᠵᠢᠯᠡᠭᠡ ᠮᠡᠷᠭᠡᠵᠢᠯ᠂ ᠠᠷᠠᠳ ᠲᠦᠮᠡᠨ ᠤ ᠬᠢᠨᠢ ᠨᠢᠭᠲᠠᠷᠠᠯ ᠪᠦᠯᠬᠦᠮᠳᠡᠯ᠂ ᠳᠤᠤᠭᠠᠷᠪᠠᠯ ᠲᠠᠭᠤᠠ | ᠨᠢᠭᠡᠲᠡᠢ᠂ ᠳᠤᠭᠲᠤᠷᠪᠠᠯ ᠬᠦᠴᠦᠨ ᠨᠢᠭᠡᠲᠡᠢ ᠪᠠᠲᠤ ᠵᠢᠭᠰᠠᠭᠠᠯ ᠤᠨ ᠡᠩᠨᠡᠭᠡ ᠡᠨᠡᠬᠡᠨ ᠠᠽᠢᠶᠠ ᠶᠢᠨ ᠡᠯᠢᠭᠡᠨ ᠳᠤ ᠠᠰᠠᠨ ᠪᠠᠳᠠᠷᠠᠵᠤ ᠪᠠᠶᠢᠭᠠ ᠶᠤᠮ ᠠᠵᠢ᠃ ᠴᠡᠩᠬᠡᠷᠲᠦᠨ | ᠪᠢᠠᠳᠤᠷᠶᠠᠳᠤᠬᠰᠠᠠ ᠴᠡᠯᠮᠡᠭ ᠲᠡᠭᠷᠢ ᠶᠢᠨ ᠳᠣᠣᠷᠠ ᠰᠦᠷᠯᠢᠭ ᠥᠨᠳᠥᠷ ᠠᠭᠤᠯᠠ ᠬᠠᠶᠢᠷᠬᠠᠨ ᠨᠤᠭᠤᠳ ᠤᠨᠢᠶᠠᠷ ᠬᠦᠳᠡᠩ ᠤᠨ ᠳᠤᠮᠳᠠ ᠰᠦᠭᠯᠡᠶᠢᠨ ᠰᠦᠨᠳᠡᠷᠯᠡᠵᠦ᠂ | ᠴᠢᠨ ᠱᠢ ᠬᠤᠸᠠᠩ ᠤᠨ ᠴᠡᠷᠢᠭ ᠮᠣᠷᠢᠨ ᠵᠢᠭᠰᠠᠭᠠᠯ ᠠᠴᠠ ᠡᠬᠢᠯᠡᠨ ᠲᠦᠮᠡᠨ ᠭᠠᠵᠠᠷ ᠤᠨ ᠤᠷᠳᠤ ᠴᠠᠭᠠᠨ ᠬᠡᠷᠡᠮ᠂ ᠪᠢᠰᠢᠷᠡᠯ ᠭᠠᠶᠢᠬᠠᠯ ᠲᠥᠷᠥᠭᠦᠯᠳᠡᠭ ᠪᠤᠳᠠᠯᠠᠩ | ᠣᠷᠣᠨ …… ᠵᠡᠷᠭᠡ ᠨᠢ ᠬᠡᠳᠦᠨ ᠮᠢᠩᠭᠠᠨ ᠵᠢᠯ ᠤᠨ ᠲᠡᠦᠬᠡ ᠰᠣᠶᠣᠯ ᠲᠠᠢ ᠠᠭᠤᠤ ᠲᠤᠮᠳᠠᠳᠤ ᠶᠢᠨ ᠠᠩᠬᠠᠨ ᠤ ᠭᠠᠶᠢᠬᠠᠮᠰᠢᠭ ᠢ ᠥᠭᠦᠯᠡᠨᠡᠮ᠃ ᠬᠥᠬᠡ ᠮᠥᠷᠡᠨ᠂ | ᠬᠠᠳᠤᠠ ᠭᠤᠣᠯ᠂ ᠬᠥᠳᠡᠭᠡ ᠬᠡᠭᠡᠷᠡ ᠶᠢᠨ ᠰᠡᠷᠮᠡᠭᠦᠨ ᠰᠠᠯᠬᠢ᠂ ᠬᠢᠶᠠᠭ ᠡᠪᠡᠰᠦ ᠨᠢ ᠭᠦᠷᠳᠡᠯᠡ ᠲᠠᠩᠰᠤᠭ ᠪᠠᠶᠢᠭᠠᠯᠢ ᠶᠢᠨ ᠢᠶᠠᠨ ᠣᠷᠴᠢᠯ ᠵᠤᠷᠰᠢᠯ ᠢᠶᠠᠷ ᠡᠬᠡ | ᠲᠤᠮᠳᠠᠳᠤ ᠶᠢᠨ ᠢᠶᠠᠨ ᠡᠯᠢᠭᠡᠨ ᠰᠤᠳᠠᠰᠤ ᠨᠢ ᠪᠣᠯᠵᠤ ᠤᠴᠢᠷᠲᠠᠶᠢᠬᠠᠨ ᠣᠷᠣᠰᠢᠨᠠᠮ᠃ ᠠᠭᠤᠯᠠᠨ ᠤ ᠡᠩᠭᠡᠷ᠂ ᠤᠰᠤᠠ ᠤ ᠭᠦᠪᠡᠭᠡ᠂ ᠲᠠᠯᠠ ᠶᠢᠨ ᠭᠦᠨ᠂ ᠭᠤᠪᠢ ᠶᠢᠨ | ᠪᠣᠯᠴᠣᠭᠤᠷ ᠲᠤ ᠲᠠᠷᠬᠠᠠ ᠰᠠᠭᠤᠷᠢᠰᠢᠵᠤ ᠪᠦᠬᠦᠢ ᠲᠦᠮᠡᠨ ᠠᠷᠠᠳ ᠤᠨ ᠬᠢᠨᠢ ᠲᠦᠭᠰᠢᠬᠦ ᠵᠢᠷᠦᠬᠡ ᠨᠢ ᠴᠤ ᠡᠬᠡ ᠤᠯᠤᠰ ᠤᠨ ᠢᠶᠠᠨ ᠡᠯᠢᠭᠡᠨ ᠰᠤᠳᠠᠰᠤ ᠯᠤᠭᠠ | ᠥᠨᠢᠳᠡ ᠬᠤᠯᠪᠣᠯᠳᠤᠵᠤ ᠴᠣᠬᠢᠯᠠᠨᠠᠮ᠃ | ᠨᠠᠭᠤᠷ ᠠᠮᠤᠭᠤᠯᠠᠩ ᠪᠣᠯ ᠨᠤᠭᠤᠰᠤ ᠠᠮᠤᠭᠤᠯᠠᠩ᠂ ᠲᠥᠷᠤ ᠲᠦᠪᠰᠢᠨ ᠪᠣᠯ ᠲᠦᠮᠡᠨ ᠠᠷᠠᠳ ᠨᠢ ᠲᠠᠶᠢᠪᠤᠩ ᠰᠢᠤ ᠳ᠋ᠠ᠃ ᠡᠬᠡ ᠣᠷᠣᠨ ᠬᠡᠮᠡᠬᠦ ᠪᠠᠲᠤ | ᠬᠠᠭᠠᠯᠭᠠ᠂ ᠡᠭᠡᠯ ᠲᠦᠮᠡᠨ ᠢᠶᠠᠨ ᠰᠠᠬᠢᠨ ᠬᠠᠮᠠᠭᠠᠯᠠᠵᠤ ᠪᠠᠶᠢᠭᠠ ᠪᠣᠯᠬᠤᠷ ᠠᠵᠠ ᠵᠢᠷᠭᠠᠯ ᠤᠨ ᠡᠭᠡᠰᠢᠭ ᠳᠠᠭᠤᠤ ᠠᠯᠢᠬᠠᠨ ᠨᠤᠲᠤᠭ ᠠᠴᠠ ᠴᠤ ᠬᠠᠩᠭᠢᠨᠠᠬᠤ ᠳᠤ | ᠲᠥᠷᠤ ᠶᠢᠨ ᠠᠯᠳᠠᠠ ᠲᠢᠲᠢᠮ ᠢᠶᠠᠨ ᠲᠡᠳᠬᠦᠨ ᠡᠷᠭᠦᠵᠦ ᠶᠠᠪᠤᠬᠤ ᠲᠥᠭᠡ ᠴᠢᠨᠡᠭᠡ ᠦᠷᠡᠰ ᠤᠨ ᠢᠶᠠᠨ ᠳᠦᠷᠡᠯᠵᠡᠮᠡ ᠬᠠᠯᠠᠭᠤᠨ ᠬᠦᠰᠡᠯ ᠵᠣᠷᠢᠭ ᠲᠤᠨᠢ ᠡᠩᠬᠡ ᠲᠥᠷᠤ | ᠨᠢ ᠴᠤ ᠠᠭᠤᠵᠢᠷᠠᠨ ᠲᠠᠶᠢᠪᠤᠰᠢᠷᠠᠳᠠᠭ ᠶᠤᠮ᠃ ᠡᠨᠡ ᠲᠤᠬᠠᠢ ᠶᠠᠷᠢᠬᠤ ᠳᠤ ᠡᠭᠡᠯ ᠠᠮᠢᠳᠤᠷᠠᠯ ᠤᠨ ᠥᠴᠥᠬᠡᠨ ᠲᠡᠳᠦᠢ ᠦᠵᠡᠭᠳᠡᠯ ᠴᠤ ᠶᠠᠭᠤ ᠨᠢᠭᠡ ᠶᠢ ᠢᠯᠡᠭᠡᠡ | ᠲᠤᠰᠬᠠᠳᠠᠭ ᠪᠢᠯᠡ᠃ ᠰᠠᠶ᠋ᠢᠬᠠᠨ ᠥᠩᠭᠡᠷᠡᠭᠰᠡᠨ ᠵᠤᠨ ᠤ ᠠᠮᠠᠷᠠᠯᠲᠠ ᠶᠢ ᠤᠴᠢᠷᠯᠠᠵᠤ ᠶᠠᠷᠢᠬᠤ ᠳᠤ ᠬᠦᠦ ᠮᠢᠨᠢ︽ᠤᠯᠠᠭᠠᠨ ᠤᠳᠤ ᠲᠤᠮᠳᠠᠳᠤ ᠶᠢ ᠭᠡᠷᠡᠯᠳᠤᠭᠦᠯᠥᠨᠡ︾ | ᠬᠡᠮᠡᠬᠦ ᠨᠣᠮ ᠢ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠠᠴᠠ ᠬᠤᠳᠠᠯᠳᠤᠨ ᠠᠪᠴᠠᠢ᠃ ᠶᠡᠷᠦ ᠳᠡᠭᠡᠨ ᠬᠢᠴᠢᠶᠡᠯ ᠤᠨ ᠭᠠᠳᠠᠨᠠᠬᠢ ᠨᠣᠮ ᠤᠩᠰᠢᠨᠠ ᠭᠡᠪᠡᠯ ᠬᠤᠶᠢᠰᠢ ᠰᠠᠭᠤᠵᠤ ᠪᠠᠶᠢᠳᠠᠭ | ᠬᠦᠦ ᠮᠠᠨᠢ ᠭᠠᠷ ᠤᠲᠠᠰᠤ ᠪᠠᠨ ᠲᠦᠯᠬᠢᠵᠦ ᠤᠷᠭᠢᠴᠢᠬᠠᠭᠠᠳ ᠭᠤᠷᠪᠠᠨ ᠵᠠᠭᠤ ᠭᠠᠷᠤᠢ ᠨᠢᠭᠤᠷ ᠲᠠᠢ ᠨᠣᠮ ᠢ ᠨᠢᠭᠡᠯᠡ ᠭᠠᠷᠠᠭ ᠤᠨ ᠬᠤᠭᠤᠴᠠᠭᠠᠨ ᠳᠤ ᠤᠩᠰᠢᠭᠠᠳ | ᠪᠠᠷᠠᠭᠠᠴᠢᠬᠠᠬᠰᠠᠠ ᠪᠠᠶᠢᠯᠠ᠃ ᠢᠩᠭᠢᠵᠦ ᠤᠩᠰᠢᠭᠰᠠᠨ ᠨᠢ ᠶᠠᠮᠠᠷᠬᠠᠨ ᠶᠡᠭᠡ ᠰᠢᠳᠢᠲᠦ ᠬᠦᠴᠦᠨ ᠳᠤ ᠨᠥᠯᠥᠭᠡᠯᠡᠭᠳᠡᠪᠡ ᠳ᠋ᠠ ᠭᠡᠵᠦ ᠠᠰᠠᠭᠤᠬᠤ ᠳᠤ ᠬᠦᠦ ᠮᠢᠨᠢ︽ᠮᠠᠨ ᠤ | ᠲᠤᠮᠳᠠᠳᠤ ᠶᠢᠨ ᠬᠤᠪᠢᠰᠬᠠᠯᠲᠤ ᠲᠡᠦᠬᠡ ᠶᠢ ᠭᠠᠳᠠᠭᠠᠳᠤ ᠶᠢᠨ ᠵᠣᠬᠢᠶᠠᠭᠴᠢ ᠪᠠᠶᠢᠲᠠᠯᠠ ᠡᠶᠢᠮᠦ ᠨᠠᠷᠢᠯᠢᠭ ᠰᠠᠶᠢᠬᠠᠨ᠂ ᠠᠮᠢᠳᠤᠯᠢᠭ ᠪᠣᠳᠠᠲᠠᠢ ᠪᠢᠴᠢᠭᠰᠡᠨ ᠪᠠᠶᠢᠬᠤ ᠳᠤ | ᠪᠢᠳᠡ ᠡᠬᠡ ᠤᠯᠤᠰ ᠤᠨ ᠢᠶᠠᠨ ᠬᠠᠲᠠᠭᠤ ᠪᠡᠷᠬᠡᠰᠢᠶᠡᠯᠲᠦ ᠲᠡᠦᠬᠡ ᠶᠢ ᠥᠭᠡᠷᠡ ᠨᠢᠭᠡᠨ ᠬᠠᠷᠠᠭᠠᠰᠤ ᠠᠴᠠ ᠤᠩᠰᠢᠨ ᠣᠶᠢᠯᠠᠭᠠᠬᠤ ᠴᠢᠬᠤᠯᠠ ᠲᠠᠢ ᠪᠢᠰᠢᠦ︕︾ ᠭᠡᠯᠡ᠃ | ᠬᠦᠦ ᠮᠢᠨᠢ ᠵᠥᠪ ᠶᠠᠭᠤᠮᠠ ᠬᠡᠯᠡᠯᠡ᠃ ᠵᠥᠪᠭᠡᠡ ᠤᠩᠰᠢᠨ ᠣᠶᠢᠯᠠᠭᠠᠭᠠᠳ ᠪᠤᠯᠬᠤ ᠶᠤᠮ ᠪᠢᠰᠢ᠂ ᠬᠠᠷᠢᠨ ᠠᠮᠧᠷᠢᠺᠠ ᠶᠢᠨ ᠵᠣᠬᠢᠶᠠᠯᠴᠢ ᠶᠢᠨ ᠡᠨᠡ ᠬᠦ ᠲᠤᠷᠪᠢᠳᠤ | ᠪᠦᠲᠦᠭᠡᠯ ᠤᠨ ᠬᠤᠯᠠ ᠴᠠᠭᠠᠨᠠᠬᠢ ᠤᠳᠬᠠ ᠰᠠᠨᠠᠭᠠ ᠶᠢ ᠣᠶᠢᠯᠠᠭᠠᠵᠤ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠬᠤᠪᠢᠰᠬᠠᠯᠲᠤ ᠵᠣᠷᠢᠭ ᠰᠠᠨᠠᠭᠠ ᠶᠢ ᠥᠨᠥ ᠶᠢᠨ ᠰᠤᠷᠤᠯᠭᠠ | ᠠᠮᠢᠳᠤᠷᠠᠯ ᠳᠠᠭᠠᠨ ᠢᠳᠡᠭᠡᠰᠢᠭᠦᠯᠦᠨ ᠬᠡᠷᠡᠭᠵᠢᠭᠦᠯᠬᠦ ᠬᠡᠷᠡᠭᠲᠡᠢ ᠰᠢᠤ ᠳ᠋ᠠ ᠭᠡᠵᠦ ᠪᠢ ᠬᠦᠦ ᠪᠠᠨ ᠰᠤᠷᠭᠠᠭᠰᠠᠨ ᠪᠥᠭᠡᠳ ᠥᠪᠡᠷ ᠤᠨ ᠦᠵᠡᠯᠲᠡ ᠪᠠᠨ ᠴᠦ | ᠬᠦᠦ ᠲᠠᠢ ᠪᠠᠨ ᠬᠤᠪᠢᠶᠠᠯᠴᠠᠭᠰᠠᠨ ᠶᠤᠮ᠃ ᠮᠡᠳᠡᠭᠡᠵᠢ᠂ ᠠᠮᠢᠳᠤᠷᠠᠯ ᠳᠤᠮᠳᠠ ᠮᠠᠰᠢ ᠤᠯᠠᠠ ᠶᠠᠭᠤᠮᠠ ᠥᠭᠡᠷᠡᠲᠦᠨ ᠬᠤᠪᠢᠷᠠᠭᠰᠠᠭᠠᠷ ᠪᠠᠶᠢᠬᠤ ᠳᠤ ᠲᠦᠮᠡ ᠪᠤᠮᠠᠨ | ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠢ ᠲᠠᠪᠠᠠ ᠲᠤᠭᠤᠯᠵᠤ ᠪᠠᠶᠢᠭᠰᠠᠨ ᠬᠤᠪᠢᠰᠬᠠᠯᠴᠢ ᠪᠠᠭᠠᠲᠤᠷᠴᠤᠳ ᠤᠨ ᠮᠢᠨᠢ ᠭᠡᠷᠡᠯ ᠰᠠᠴᠤᠷᠠᠩᠭᠤᠢ ᠤᠯᠠ ᠮᠥᠷ ᠨᠢ ᠦᠦᠭᠡ ᠲᠡᠦᠬᠡ ᠶᠢᠨ | ᠤᠯᠠᠮᠵᠢᠯᠠᠯ ᠪᠣᠯᠵᠤ᠂ ᠵᠠᠯᠭᠠᠮᠵᠢ ᠬᠤᠶᠢᠴᠢᠰ ᠲᠠᠭᠠᠨ ᠡᠷᠴᠢ ᠬᠦᠴᠦ ᠥᠭᠭᠦᠨ᠂ ᠵᠣᠷᠢᠭ ᠰᠠᠨᠠᠭᠠ ᠶᠢ ᠨᠢ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠭᠠᠷ ᠪᠠᠶᠢᠭᠠ ᠠᠵᠢ᠃ | ᠥᠰᠦᠭᠰᠡᠨ ᠲᠥᠷᠥᠭᠰᠡᠡ ᠨᠤᠲᠤᠭ ᠠᠴᠠ ᠪᠠᠨ ᠰᠠᠯᠵᠤ ᠪᠢᠳᠡ ᠥᠭᠡᠷᠡ ᠨᠢᠭᠡᠨ ᠨᠤᠲᠤᠭ ᠲᠤ ᠬᠦᠷᠴᠦ ᠠᠵᠢᠯᠯᠠᠵᠤ ᠠᠮᠢᠳᠤᠷᠠᠬᠤ ᠳᠠᠭᠠᠨ ᠥᠪᠡᠷ ᠤᠨ | ᠨᠤᠲᠤᠭ ᠤᠨ ᠢᠶᠠᠨ ᠠᠶᠠᠭᠠ ᠴᠠᠢ᠂ ᠠᠳᠬᠤ ᠠᠮᠤ ᠶᠢ ᠴᠤ ᠲᠡᠰᠬᠡᠯ ᠦᠭᠡᠢ ᠮᠥᠷᠥᠭᠡᠳᠦᠨ ᠰᠠᠨᠠᠵᠤ᠂ ᠨᠤᠲᠤᠭ ᠨᠢᠭᠡᠲᠡᠨ ᠢᠶᠠᠨ ᠦᠵᠡᠪᠡᠯ ᠡᠯᠢᠭᠡᠨ ᠰᠠᠳᠤᠠ ᠲᠠᠢ ᠪᠠᠨ | ᠠᠭᠤᠯᠵᠠᠭᠰᠠᠨ ᠮᠡᠲᠦ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠪᠠᠶᠠᠷᠯᠠᠨ ᠳᠣᠭᠳᠣᠯᠳᠠᠭ᠃ ᠮᠥᠨ ᠴᠤ ᠨᠤᠲᠤᠭ ᠤᠨ ᠢᠶᠠᠨ ᠲᠥᠯᠥᠭᠡ ᠶᠠᠭᠤ ᠨᠢᠭᠡ ᠬᠢᠮᠡᠷ ᠰᠠᠨᠠᠭᠳᠠᠨ᠂ ᠶᠠᠮᠠᠷᠬᠠᠨ ᠶᠡᠭᠡ | ᠥᠷᠢ ᠲᠥᠯᠥᠭᠡᠰᠦᠨ ᠳᠤ ᠤᠨᠠᠪᠠ ᠳ᠋ᠠ ᠭᠡᠵᠦ ᠤᠶᠠᠷᠠᠯ ᠭᠠᠩᠰᠠᠷᠠᠯ ᠳᠤ ᠠᠪᠲᠠᠵᠤ ᠪᠠᠶᠢᠳᠠᠭ ᠨᠢ ᠭᠠᠳᠠᠭᠰᠢ ᠲᠡᠮᠡᠦᠯᠦᠭᠰᠡᠳ ᠤᠨ ᠶᠡᠷᠦ ᠲᠠᠶᠢᠪᠤᠰᠢᠷᠠᠵᠤ ᠴᠢᠳᠠᠰᠢ | ᠦᠭᠡᠢ ᠡᠮᠵᠡᠭᠬᠡᠨ ᠰᠡᠳᠬᠢᠯᠭᠡ ᠨᠢ ᠶᠤᠮ ᠪᠢᠯᠡ᠃ ᠨᠤᠲᠤᠭᠴᠢ ᠰᠡᠳᠬᠢᠯᠭᠡ ᠬᠡᠮᠡᠭᠴᠢ ᠨᠢᠭᠡ ᠬᠥᠮᠥᠨ ᠢ ᠨᠠᠰᠤᠠ ᠲᠤᠷᠰᠢᠲᠠ ᠥᠷᠥ ᠵᠢᠷᠦᠬᠡ ᠶᠢ ᠨᠢ ᠲᠠᠲᠠᠵᠤ ᠲᠡᠶᠢᠯᠭᠦ | ᠷᠢᠳᠢ ᠰᠢᠳᠢ ᠲᠠᠢ ᠶᠤᠮ ᠪᠣᠯ ᠡᠬᠡ ᠣᠷᠣᠨᠴᠢ ᠬᠠᠶᠢᠷᠠ ᠰᠡᠳᠬᠢᠯᠭᠡ ᠶᠢ ᠨᠡᠩ ᠴᠤ ᠦᠭᠡ ᠭᠡᠯᠡ ᠪᠠᠷ ᠵᠦᠢᠷᠯᠡᠬᠦ ᠶᠢᠨ ᠠᠷᠭᠠ ᠦᠭᠡᠢ ᠪᠠᠶᠢᠳᠠᠭ᠃ ᠮᠢᠨᠤ ᠨᠢᠭᠡ ᠨᠠᠶᠢᠵᠠ | ᠭᠠᠳᠠᠭᠠᠳᠤ ᠳᠤ ᠭᠤᠷᠪᠠᠨ ᠵᠢᠯ ᠰᠤᠷᠤᠯᠴᠠᠭᠠᠳ ᠦᠰᠦ ᠭᠡᠵᠢᠭᠡ ᠨᠢ ᠣᠷᠣᠢ ᠠᠴᠠ ᠪᠠᠨ ᠬᠠᠯᠴᠠᠭᠠᠶᠢᠷᠠᠵᠤ ᠤᠷᠭᠢᠬᠰᠠᠠ ᠢ ᠨᠢ ᠪᠢ ᠬᠠᠷᠠᠭᠠᠳ᠂︽ᠥᠷᠭᠡᠨ ᠮᠡᠳᠡᠯᠭᠡ | ᠰᠤᠷᠤᠭᠠᠳ ᠡᠨᠡ ᠶᠤᠮ ᠤᠤ︖︾ ᠭᠡᠵᠦ ᠭᠠᠶᠢᠬᠠᠪᠠᠯ︽ᠤᠰᠤ ᠰᠢᠷᠣᠢ ᠲᠠᠢ ᠨᠢ ᠠᠶᠠᠯᠳᠤᠭᠠ ᠦᠭᠡᠢ ᠠᠴᠠ ᠪᠣᠯᠤᠭᠰᠠᠨ ᠰᠢᠤ᠃ ᠭᠠᠭᠴᠠᠭᠠᠷᠳᠠᠬᠤ ᠪᠦᠷᠢ ᠡᠬᠡ ᠤᠯᠤᠰ | ᠮᠢᠨᠢ ᠭᠡᠵᠦ ᠳᠠᠭᠤᠯᠠᠳᠠᠭ ᠯᠡ ᠪᠠᠶᠢᠭᠰᠠᠨ……︾ ᠭᠡᠬᠦ ᠳᠤᠨᠢ ᠨᠢᠳᠦᠨ ᠳᠤᠨᠢ ᠲᠥᠪ ᠳᠦᠭᠦᠷᠡᠩ ᠨᠢᠯᠪᠤᠰᠤ ᠮᠡᠯᠲᠡᠭᠡᠨᠡᠵᠦ ᠪᠠᠶᠢᠯᠠ᠃ | ᠲᠡᠶᠢᠮᠤ ᠠ᠋᠂ ᠡᠬᠡ ᠨᠤᠲᠤᠭ ᠪᠣᠯ ᠪᠠᠭᠠ ᠲᠣᠭᠤᠷᠢᠭ᠂ ᠡᠬᠡ ᠤᠯᠤᠰ ᠪᠣᠯ ᠬᠠᠷᠢᠨ ᠶᠡᠭᠡ ᠲᠣᠭᠤᠷᠢᠭ ᠪᠢᠯᠡ᠃ ᠪᠢᠳᠡ ᠡᠨᠡ ᠬᠦ ᠶᠡᠭᠡ ᠲᠣᠭᠤᠷᠢᠭ ᠳᠣᠲᠣᠷᠠ ᠪᠠᠨ | ᠠᠨᠠᠷ ᠤᠨ ᠦᠷᠡ ᠰᠢᠭ ᠨᠢᠭᠲᠠᠷᠠᠨ ᠪᠦᠯᠬᠦᠮᠳᠡᠬᠦ ᠨᠢ ᠵᠥᠪ᠃ ᠡᠬᠡ ᠤᠯᠤᠰ ᠲᠠᠭᠠᠨ ᠢᠷᠠᠭᠤ ᠠᠯᠳᠠᠷ ᠠᠪᠴᠢᠷᠠᠭᠠ ᠲᠡᠳᠡᠭᠡᠷ ᠡᠷᠡᠯᠬᠡᠭ ᠪᠠᠶᠢᠯᠳᠤᠭᠴᠢᠳ᠂ ᠡᠷᠳᠡᠮᠲᠡᠨ | ᠰᠢᠨᠵᠢᠯᠡᠭᠡᠲᠡᠨ᠂ ᠥᠷᠯᠥᠭ ᠲᠠᠮᠢᠷᠴᠢᠳ …… ᠢᠶᠠᠨ ᠪᠢᠳᠡ ᠲᠦᠮᠡᠨ ᠠᠭᠲᠠ ᠶᠢᠨ ᠳᠤᠮᠳᠠ ᠠᠴᠠ ᠰᠤᠭᠤᠷᠠᠵᠤ ᠭᠠᠷᠤᠭᠰᠠᠨ ᠲᠥᠷᠥᠭᠦᠥ ᠠᠵᠢᠨᠠᠢ ᠬᠡᠮᠡᠨ ᠪᠠᠭ᠋ᠠᠳᠤᠨ | ᠦᠨᠡᠯᠡᠨᠡ᠃ ᠥᠷᠭᠡᠰᠦ ᠰᠣᠨᠳᠤᠤᠯᠠ ᠪᠦᠬᠦᠢ ᠠᠭᠤᠯᠠᠨ ᠵᠥᠷᠢᠭ ᠢ ᠥᠷᠭᠡᠨ ᠲᠠᠷᠳᠠᠩ ᠵᠠᠮ ᠪᠤᠯᠭᠠᠵᠤ ᠥᠭᠭᠦᠭᠡ ᠠᠭᠤᠤ ᠲᠤᠮᠳᠠᠳᠤ ᠶᠢᠨ ᠡᠷᠡᠯᠬᠡᠭ ᠬᠥᠪᠡᠭᠦᠳ | ᠥᠬᠢᠳ ᠲᠡᠭᠡᠨ ᠪᠢᠳᠠ ᠪᠠᠶᠠᠷᠯᠠᠨ ᠲᠠᠯᠠᠷᠬᠠᠨᠠᠮ᠃ ᠡᠶᠢᠮᠦ ᠰᠠᠶᠢᠬᠠᠨ ᠰᠢᠯᠢᠳᠡᠭ ᠵᠠᠯᠭᠠᠮᠵᠢᠯᠠᠭᠴᠢ ᠪᠠᠨ ᠬᠥᠮᠥᠵᠢᠭᠦᠯᠵᠦ ᠪᠠᠶᠢᠭᠠ ᠡᠬᠡ ᠤᠯᠤᠰ ᠤᠨ ᠢᠶᠠᠨ ᠭᠡᠭᠡᠡ | ᠰᠦᠯᠳᠡ ᠳᠤ ᠪᠢᠳᠡ ᠬᠦᠨᠳᠦᠳᠬᠡᠯ ᠳᠡᠪᠰᠢᠭᠦᠯᠦᠨ ᠮᠡᠬᠦᠶᠢᠨᠡᠮ᠃ ᠥᠷᠨᠢᠨ ᠪᠠᠳᠠᠷᠠᠬᠤ ᠡᠬᠡ ᠤᠯᠤᠰ ᠮᠢᠨᠢ ᠡᠪᠦᠷ ᠲᠡᠭᠡᠨ ᠡᠩᠬᠦᠷᠡᠶᠢᠯᠡᠬᠦ ᠦᠷᠡ ᠬᠡᠦᠬᠡᠳ ᠢᠶᠠᠨ ᠠᠯᠳᠠᠠ | ᠨᠠᠷᠠᠠ ᠰᠢᠭ᠋ ᠢᠪᠡᠭᠡᠨ ᠭᠡᠷᠡᠯᠳᠥᠭᠦᠯᠭᠦ ᠨᠢ ᠢᠯᠡᠭᠦᠦ᠂ ᠠᠮᠤᠭᠤᠯᠠᠩ ᠵᠢᠷᠭᠠᠬᠤ ᠬᠥᠮᠥᠨ ᠠᠷᠠᠳ ᠨᠢ ᠪᠢᠳᠡ ᠠᠯᠢ ᠪᠦᠭᠦᠠ ᠢᠶᠠᠨ ᠵᠣᠷᠢᠭᠤᠯᠬᠤ ᠯᠡ ᠳᠤᠲᠠᠭᠤ᠃ ᠡᠶᠢᠮᠦ | ᠶᠢᠨ ᠲᠤᠯᠠᠳᠠ ᠡᠬᠡ ᠤᠯᠤᠰ ᠤᠨ ᠢᠶᠠᠨ ᠦᠵᠡᠰᠬᠦᠯᠡᠩᠲᠦ ᠰᠠᠶᠢᠬᠠᠨ ᠢᠷᠡᠭᠡᠳᠦᠢ ᠶᠢᠨ ᠬᠥᠭᠵᠢᠯᠲᠡ ᠳᠤ ᠬᠦᠴᠦᠨ ᠢᠶᠠᠨ ᠡᠷᠭᠦᠬᠦ ᠠᠷᠢᠭᠤᠨ ᠲᠠᠩᠭᠠᠷᠢᠭ ᠢᠶᠠᠨ | ᠳᠡᠪᠰᠢᠭᠦᠯᠵᠦ ᠪᠠᠶᠢᠨᠠᠮ︕ | | |